Türkmenmetbugat

Şadyýan ýaňlanýar çagalaryň sesi

Berkarar döwletiň täze eýýamynyň Galkynyşy döwründe çagalar hakyndaky aladalar döwletimiz tarapyndan iň bir ileri tutulýan syýasata öwrüldi. Şonuň netijesinde durmuşa ornaşdyrylýan bu günki uly işler Arkadagly Serdarymyzyň belent başlangyçlaryndan öz gözbaşyny alýar. Esenguly etrabyndaky täze açylan «Arkadagyň nesilleri» atly çagalar dynç alyş merkezi bu aýdanlarymyzyň nobatdaky subutnamasyna öwrüldi. Hormatly Prezidentimiziň çagalar hakyndaky bimöçber aladalarynyň netijesinde gurlup ulanylmaga berlen bu täze dynç alyş merkezi özüniň döwrebaplygy bilen aýratyn tapawutlanýar. Onda çagalaryň oňat dynç almaklary, wagtlaryny ýerlikli we gyzykly geçirmekleri üçin ähli şertler döredilipdir. Berkarar döwletimiziň täze eýýamynyň Galkynyşy döwründe Garaşsyz, hemişelik Bitarap ýurdumyzyň röwşen geljegi bolan ýaş nesiller barada edilýän alada hormatly Prezidentimiziň alyp barýan döwlet syýasatynyň iň bir ileri tutulýan ugurlarynyň biridir. Eziz diýarymyzyň dürli künjeklerinde ähli mümkinçilikleri, amatly şertleri bolup, dünýä ülňülerine laýyk gelýän kämil tehnologiýalar we enjamlar bilen üpjün edilip gurlan we gurulýan döwrebap bilim ojaklary, çagalar sagaldyş we dynç alyş merkezleriniň mysalynda hem muňa aýdyň göz ýetirýärsiň.

13 Awgust 2022

Türkmen-özbek ýolagçy gatnawlaryny ýola goýmak meýilleşdirilýär

Özbegistan Respublikasynyň Ulag ministriniň orunbasary A.Mominowyň we «Türkmenawtoulaglary» agentliginiň başlygynyň orunbasary W.Hojanepesowyň, şeýle-de awtoulag, demir ýol hem-de awiasiýa ulgamlarynyň wekilleriniň gatnaşmagynda 8-9-njy awgustda Daşkentde ulag meselesi boýunça Türkmen-özbek iş toparynyň nobatdaky mejlisi geçirildi. Onuň dowamynda iki ýurduň arasynda üstaşyr-ulag ulgamynda hyzmatdaşlygy ösdürmek meseleleri ara alnyp maslahatlaşyldy. Özbegistan Respublikasynyň Ulag ministrliginiň habar bermegine görä, maslahatyň dowamynda taraplar iki ýurduň arasyndaky gatnawlaryň doly dikeldilmegine, ýük daşamak üçin talaplaryň ýönekeýleşdirilmegine gyzyklanma bildirýändiklerini bellediler.

12 Awgust 2022

2022-nji ýylyň iýuly: Türkmenistanyň Prezidentiniň daşary syýasy başlangyçlaryndan ugur alyp

Şu ýylyň iýul aýynda ýurdumyzda hem-de daşary ýurtlarda guralan köp sanly iş duşuşyklary, syýasy geňeşmeler, işewürlik gepleşikleri, forumlar, sergiler, maslahatlar Türkmenistanyň dünýä giňişligindäki abraýynyň barha artýandygynyň aýdyň subutnamasyna öwrüldi. «Açyk gapylar» syýasaty we giň halkara gatnaşyklar babatda ministrlikler hem-de pudaklaýyn dolandyryş edaralary tarapyndan geçirilen çäreler ählumumy parahatçylygyň, ösüşiň, abadançylygyň bähbidine strategik hyzmatdaşlygy işjeňleşdirmäge gönükdirilendir. Paýtagtymyzda iýul aýynyň ilkinji günlerinde Türkmenistanyň degişli edaralarynyň wekilleriniň hem-de Türkiýe Respublikasynyň wise-prezidenti Fuat Oktaýyň ýolbaşçylygynda ýurdumyza gelen uly wekiliýetiň gatnaşmagynda geçirilen Ykdysady hyzmatdaşlyk boýunça hökümetara türkmen-türk toparynyň altynjy mejlisi munuň aýdyň subutnamasydyr. Mejlisiň dowamynda iki döwletiň ähli ugurlarda özara gatnaşyklarynyň yzygiderli, işjeň häsiýete eýedigi bellenildi. Şolaryň hatarynda gurluşyk we gurluşyk serişdeleri senagaty, energetika, ulag, azyk senagaty, oba hojalygy, işewürlik we telekeçilik düzümleriniň ugry boýunça hyzmatdaşlygyň berkidilmegi esasy ulgamlaryň hatarynda görkezildi. Duşuşygyň netijeleri boýunça jemleýji Teswirnama gol çekildi.

12 Awgust 2022

Bitaraplyk

Türkmen-özbek bilelikdäki ulag kompaniýasynyň döredilmegi teklip edildi

Özbegistan ýük awtoulaglarynyň (TIR) daşalmagy üçin Türkmenistan bilen bilelikdäki ulag kompaniýasyny döretmegi teklip etdi. Bu baradaky teklip Özbegistanyň Prezidenti Şawkat Mirziýoýewiň sişenbe güni Taşkentda ýurduň halkara ulag geçelgelerini ösdürmek we diwersifikasiýalaşdyrmak baradaky tanyşdyrylyşynyň dowamynda mälim edildi. Tanyşdyrylyşyň barşynda bu ugurda Pakistan bilen hem bilelikdäki kompaniýanyň döredilmegi teklip edildi. Şeýle-de Özbegistanyň Ulag ministrligine telekeçiler üçin iň amatly ugurlary işläp düzmek we ulag çykdajylarynyň azalmagyny gazanmak tabşyryldy. Bu barada Özbegistanyň “Yuz.uz” agentligi habar berdi.

11 Awgust 2022

Türkmenistan Bakuwdaky halkara demirýol ýük daşamalary boýunça maslahata gatnaşdy

Azerbaýjanyň paýtagty Baku şäherinde duşenbe güni Aziýa-Ýuwaş Umman ýurtlary – Gyrgyzystan – Özbegistan – Türkmenistan – Azerbaýjan – Gruziýa – Türkiýe – Ýewropa halkara multimodal ugrynyň demir ýol ulag edaralarynyň ýolbaşçylarynyň duşuşygy geçirildi. Bu barada Azerbaýjanyň “ADY Container” kompaniýasyna salgylanyp, “Trend” agentligi habar berdi. Duşuşygyň barşynda Azerbaýjan Demirýollarynyň başlygynyň orunbasary Ikbal Huseýnow ugruň özüne çekijiligini ýokarlandyrmak üçin gatnaşyjy ýurtlaryň demir ýol dolandyryjylarynyň arasyndaky hyzmatdaşlygyň üstünde durup geçdi.

11 Awgust 2022

«Awtomobil ýollary we ýol işi hakynda» Türkmenistanyň Kanunyna üýtgetmeler we goşmaçalar girizildi

«Awtomobil ýollary we ýol işi hakynda» Türkmenistanyň Kanunyna üýtgetmeler we goşmaçalar girizmek hakynda Türkmenistanyň Kanuny neşir edildi. Oňa girizilen üýtgetmeler bilen «Türkmenistan» gazetiniň 29-njy iýulda neşir edilen sanyndan tanşyp bolýar. Bu Kanun şu üýtgetmeleri we goşmaçalary özünde jemleýär:

11 Awgust 2022

Harby-Deňiz Güýçleri eziz Watanymyzyň mukaddes serhetleriniň goragynda

10-njy awgustda Balkan welaýatynda zähmet rugsadynda bolýan Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy Serdar Berdimuhamedow günbatar sebitimizde ýerleşýän Harby-Deňiz Güýçleriniň “Garşy” deňiz birikmesine geldi hem-de bu ýerde “Deňiz han” atly korwet kysymly harby gämi bilen tanyşdy. Watanymyzyň howpsuzlygynyň kepillendirilmegi, Garaşsyz, Bitarap Türkmenistanyň goranyş häsiýetli Harby doktrinasyna laýyklykda, deňiz serhedimiziň ygtybarlylygyny hem-de eldegrilmesizligini üpjün etmek döwletimiziň alyp barýan syýasatynyň örän möhüm ugry bolup durýar. Şunuň bilen baglylykda, Watanymyzyň taryhynda Garaşsyzlyk ýyllary içinde ilkinji gezek Türkmenistanyň Ýaragly Güýçleriniň Harby-Deňiz Güýçleriniň serkerdeligi döredildi.

11 Awgust 2022

Syýasat

Maşgalam – baş galam

Berkarar dӧwletimiziň täze eýýamynyň Galkynyşy dӧwründe hormatly Prezidentimiz Serdar Berdimuhamedowyň başda durmagynda dӧwletimiz barha uly ӧsüşlere we ӧzgerişlere eýe bolýar. Ýurdumyzda durmuşa geçirilýän, il-halk bähbitli amala aşyrylýan asylly işler her bir raýatyň watançylyk duýgusyny, ene topragyna bolan päk sӧýgini has-da pugtalandyrýar. Hormatly Prezidentimiziň: «Watan diňe halky bilen Watandyr» diýen ajaýyp şygarynda adam hakdaky, aýratyn hem milletimiziň genofonduny gorap saklamak baradaky aladanyň bimӧçberdigini bu günki gün biziň ählimiz duýup ýaşaýarys. Hormatly Prezidentimiziň parasatly baştutanlygynda, her bir maşgalanyň berk, kämil bolmagy we abadan, bagtyýar durmuşda ýaşamagy üçin ähli şertler dӧredilýär. Bu ugurda toplumlaýyn çäreler yzygiderli durmuşa geçirilýär. Ýurdumyzda maşgalany goramak we ony goldamak dӧwlet syýasatynyň esasy ugurlarynyň biri bolup durýar. Maşgala gatnaşyklaryny we maşgalada çaga terbiýesi baradaky kadalary düzgünleşdirýän kanunçylyk namalarynyň dӧwrüň talabyna gӧrä kämil we halkara hukuk kadalaryna laýyk bolmagy üçin netijeli işler amala aşyrylýar. Amala aşyrylýan bu işleri ilat arasynda wagyz-nesihat etmek maksady bilen ýakynda Türkmenabat şäherindäki ýöriteleşdirilen 39-njy mekdebiň mejlisler zalyndaYlymwe bilim işgärleriniň Kärdeşler Arkalaşyklarynyň Türkmenabat şäher Geňeşi tarapyndan duşuşyk geçirildi. Bu duşuşyga halypa bilim işg

11 Awgust 2022

Maşgala

Halkymyzyň abadançylygynyň we ata Watanymyzyň gülläp ösmeginiň bähbidine

Geçen hepdäniň wakalary ykdysadyýetiň pudaklarynyň senagatlaşdyrylmagyna, önümçilige innowasiýalaryň we öňdebaryjy işläp taýýarlamalaryň ornaşdyrylmagyna gönükdirilen toplumlaýyn maksatnamalary nazara almak bilen, ýurdumyzy ösdürmegiň geljegi uly ugurlaryny kesgitledi. Döwlet Baştutanymyz Serdar Berdimuhamedowyň halk hojalygy toplumynyň her bir ulgamyny täze sepgitlere çykarmak boýunça öňde goýan wezipeleri ata Watanymyzy mundan beýläk-de gülledip ösdürmäge, halkymyzyň hal-ýagdaýyny has-da gowulandyrmaga gönükdirilendir. 1-nji awgustda Hazaryň kenarynda zähmet rugsadynda bolýan hormatly Prezidentimiziň gatnaşmagynda «Awaza» milli syýahatçylyk zolagynyň şypahana düzüminiň üstüni ýetiren täze, döwrebap “Rowaç” kottejler toplumynyň açylyş dabarasy boldy.

10 Awgust 2022

Garaşsyzlyk

Paýtagtymyzda täze awtobus ugry işe giizildi

“Türkmenawtolaglary” agentliginiň Aşgabatdaky ýolagçy awtoulag kärhanasy ilatymyzyň awtomobil gatnamalaryna bolan isleglerini talabalaýyk kanagatlandyrmak hem-de ýerine ýetirilýän awtoulag hyzmatlarynyň ýokary hilli we medeniýetli bolmagyny gazanmak maksady bilen, 2022-nji ýylyň 06-njy awgustyndan 121-nji “Bagyr – Teleradioýaýlymlar merkezi” täze açylan ugur boýunça gatnaýan awtobusy Siziň dykgatyňyza ýetirýär.   121-nji Bagyr – Teleradioýaýlymlar merkezi” ugur boýunça awtobus “Bagyr” belleniş nokadyndan ugraýar Gökdepe ýoly – Arçabil şaýoly – Bitarap Türkmenistan şaýoly – Çandybil şaýoly – Köpetdag şaýolundan yzyna aýlanyp, Çandybil şaýoly – Gökdepe ýoly bilen hereket edip, “Bagyr” belleniş nokadyna gelýär. 

9 Awgust 2022

Ýurdumyzda täze awtomobil köprüsiniň düýbüni tutmak dabarasy boldy

Şu gün Hazaryň kenarynda zähmet rugsadynda bolýan hormatly Prezidentimiz Serdar Berdimuhamedow ulag düzüminiň ýene bir möhüm desgasynyň — Türkmenbaşy — Garabogaz — Gazagystanyň serhedine çenli barýan awtomobil ýolunyň ugrunda Garabogazköl aýlagynyň üstünden geçýän täze awtomobil köprüsiniň düýbüni tutmak dabarasyna gatnaşdy. Berkarar döwletiň täze eýýamynyň Galkynyşy döwründe Türkmenistanyň gadymyýetden bäri yklymara geçelgeleriň çatrygynda çäk taýdan amatly ýerde ýerleşýändigini hem-de ägirt uly üstaşyr ulag kuwwatyny nazara almak bilen, ýurdumyzyň ulag düzüminiň dünýä ulgamyna goşulyşmagy, häzirki zaman ölçeglerine gabat gelýän, ulaglaryň ähli görnüşini, şol sanda awtomobil ulagyny öz içine alýan multimodal düzümiň ösdürilmegi hormatly Prezidentimiz Serdar Berdimuhamedow tarapyndan durmuşa geçirilýän syýasatyň ileri tutulýan ugurlarynyň biridir.

9 Awgust 2022

Ýolagçylary we ulaglary barlamak boýunça okuw maslahaty geçirildi

Ýewropada Howpsuzlyk we Hyzmatdaşlyk Guramasynyň (ÝHHG) Aşgabatdaky Merkeziniň guramagynda «Pandemiýa sebäpli deňiz portlarynyň howpsuzlygy we gözegçilik babatda häzirki zaman tejribelerini kämilleşdirmek» atly bäş günlük onlaýn okuw maslahaty geçirildi. Sanly wideoaragatnaşyk arkaly geçirilen maslahata degişli döwlet edaralary bilen birlikde Türkmenistanyň Döwlet migrasiýa gullugynyň wekilleri we bu ugur boýunça halkara, milli hünärmenler hem gatnaşdylar diýip, gullugyň resmi saýtynda habar berildi.

8 Awgust 2022

Aşgabatda halkara sergi we maslahat geçirildi

6-7-nji awgustda paýtagtymyzda «Türkmenistanyň gurluşygy, senagaty, energetikasy — 2022» atly halkara sergi we onuň çäklerinde «Türkmenistanyň gurluşyk, senagat, energetika pudaklarynyň ösüşi» atly maslahat geçirildi. Bu ähmiýetli çäreler ýurdumyzyň ugurdaş ministrlikleri we pudaklaýyn dolandyryş edaralary hem-de Söwda-senagat edarasy bilen bilelikde guraldy. Hormatly Prezidentimiziň başlangyjy boýunça geçirilýän bu ýöriteleşdirilen forum 6-njy awgustda ilkinji gezek bellenilen Türkmenistanyň gurluşyk we senagat toplumynyň işgärleriniň gününe bagyşlandy. Ol Berkarar döwletiň täze eýýamynyň Galkynyşy döwrüniň döredijilikli, ykdysady taýdan ösüş ýoly bilen öňe barýan döwletimiziň bu ugurlarda gazanýan üstünliklerini giňişleýin beýan etdi. Bu hünär baýramçylygy mynasybetli tutuş ýurdumyz boýunça dürli çäreler geçirildi, zähmetiň öňdebaryjylary sylaglanyldy. Olara gymmat bahaly sowgatlar gowşuryldy.

8 Awgust 2022

«Ahaltelekom» Ahal welaýatynyň çäklerinde täze FM-tolkun ýaýradyjylaryny ornaşdyrdy we «Miras», «Watan», «Çartarapdan» hem-de «Owaz» radioýaýlymlarynyň tolkun ýygylygyny üýtgetdi.

"Ahaltelekomyň" ýerine ýetiren işleriniň netijesinde Ahal welaýatynyň ilatly nokatlatynyň, etraplarynyň we obalarynyň ýaşaýjylary milli radioýaýlymlaryny ýokarlandyrylan durulykly ses tolkunlary bilen diňlemäge mümkinçilik aldylar. Miras, Watan, Çartarapdan we Owaz radiostansiýalarynyň täze FM tolkunlaryna geçiş döwründe täze ses diapazonyna geçendigi sebäpli,  Ahal welaýatynyň ähli ilatly nokatlarynda radioýaýlymlarynyň FM ýygylyklarynyň täzelenen sanawyny aşakda görüp bilersiňiz.FM radio geçirijileriniň diapazony çägi 88.5-den 107.5 MGs-a çenli:

6 Awgust 2022

«Türkmenistanyň gurluşygy, senagaty, energetikasy — 2022» atly halkara sergä we «Türkmenistanyň gurluşyk, senagat, energetika pudaklarynyň ösüşi» atly maslahata gatnaşyjylara

Hormatly sergä we maslahata gatnaşyjylar!Gadyrly myhmanlar! Sizi «Türkmenistanyň gurluşygy, senagaty, energetikasy — 2022» atly halkara serginiň we onuň bilen ugurdaşlykda geçirilýän «Türkmenistanyň gurluşyk, senagat, energetika pudaklarynyň ösüşi» atly maslahatyň öz işine başlamagy bilen tüýs ýürekden gutlaýaryn.

6 Awgust 2022

Syýasat

Ulag-logistika pudagynda Ýewraziýanyň täze geoykdysady giňişligi emele gelýär

Berkarar döwletiň täze eýýamynyň Galkynyşy döwründe hormatly Prezidentimiz Serdar Berdimuhamedowyň ýolbaşçylygynda watansöýüjiligiň, merdi-merdanalygyň, ynsanperwerligiň, ýer ýüzünde dostana hyzmatdaşlygyň we parahatsöýüjiligi berkitmegiň milli ýoly bilen öňe barýarys. Sanly wagtyň içinde durmuşa geçirilen bimöçber işler, beýik maksatnamalar bilen halkyň ýüreginde ýer alan döwlet Baştutanymyz ýurdumyzyň her bir döwürde gazanan sepgitlerini döredijilikli ösdürýär. Gadymy türkmen topragyny gurşap alýan bu ösüşler köňüllere ganat, ýüreklere ylham berýär. Ylaýta-da, ýurdumyzyň halk hojalygynyň ulag-logistika pudagyndaky düýpli ösüşler dünýä jemgyýetçiliginde uly gyzyklanma döredýär. Hormatly Prezidentimiz Serdar Berdimuhamedowyň 21-nji iýulda Gyrgyz Respublikasynda geçirilen Merkezi Aziýanyň döwlet Baştutanlarynyň dördünji konsultatiw duşuşygynda eden çykyşynda belleýşi ýaly, Türkmenistan häzirki wagtda Merkezi Aziýa döwletleriniň söwda-ykdysady we maýa goýum hyzmatdaşlygy strategik häsiýete eýe bolmalydyr, has takygy, ony Ýewraziýanyň täze geoykdysady giňişligini kemala getirmegiň esaslarynyň birine öwürmek zerurdyr diýip hasaplaýar. Şeýle, hem, ulag we logistika bu strategiýanyň möhüm ugry bolup durýar. Biziň ýurtlarymyzyň tagallalary baş maksada — kuwwatly, döwrebap düzümi döretmek maksadyna gönükdirilip bilner we gönükdirilmelidir diýip hasaplaýaryn. Bu düzüm Merkezi Aziýanyň,

6 Awgust 2022

Türkmenistanyň Prezidenti Serdar BERDIMUHAMEDOW: — Ulag we logistika Ýewraziýanyň täze geoykdysady giňişligini döretmegiň esasydyr

Hormatly Prezidentimiz Serdar Berdimuhamedowyň 21-nji iýulda Gyrgyz Respublikasynda geçirilen Merkezi Aziýanyň döwlet Baştutanlarynyň dördünji konsultatiw duşuşygynda eden çykyşynda belleýşi ýaly, Türkmenistan häzirki wagtda Merkezi Aziýa döwletleriniň söwda-ykdysady we maýa goýum hyzmatdaşlygy strategik häsiýete eýe bolmalydyr, has takygy, ony Ýewraziýanyň täze geoykdysady giňişligini kemala getirmegiň esaslarynyň birine öwürmek zerurdyr diýip hasaplaýar. Ulag we logistika bu strategiýanyň möhüm ugry bolup durýar. Biziň ýurtlarymyzyň tagallalary baş maksada — kuwwatly, döwrebap düzümi döretmek maksadyna gönükdirilip bilner we gönükdirilmelidir diýip hasaplaýaryn. Bu düzüm Merkezi Aziýanyň, Ýewropanyň, Ýakyn Gündogaryň, Aziýa — Ýuwaş umman sebitiniň ulag ulgamlarynyň birleşdirilmegini üpjün edip bilerdi diýip, döwlet Baştutanymyz nygtady. Şunda ýurdumyzyň Merkezi Aziýa — Hazar deňzi — Gara deňzi we Merkezi Aziýa — Pars aýlagy ulag ugurlaryny ösdürmek boýunça bilelikdäki işe taýýardygy tassyklanyldy.

6 Awgust 2022