Türkmenmetbugat

Газета "Нейтральный Туркменистан"

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-18, 39-95-82, 39-95-88
Email: neytralnyturkmenistan-gazeti@online.tm

Gazeti PDF görnüşinde ýükläp almak

Habarlar

Azyk önümçiliginiň döwrebap gazananlary we geljekki mümkinçilikleri

Paýtagtymyzdaky Söwda-senagat edarasynda dowam edýän «Agro-Pak Türkmenistan — 2023» atly halkara sergi Türkmenistanyň we daşary ýurtlaryň kompaniýalarynyň, hususy telekeçileriniň 90-a golaýyny bir meýdançada jemlemek bilen, ýurdumyzyň oba hojalyk pudagynda gazanan üstünliklerini, şeýle-de işewür düzümleriň ägirt uly mümkinçiliklerini giňden açyp görkezýär. Azyk önümçiliginiň döwrebap tehnologiýalarynyň bu iri gözden geçirilişi gyzyklanma bildirýän taraplaryň özara bähbitli gatnaşyklaryny pugtalandyrmak, täze hyzmatdaşlygy ýola goýmak babatda möhüm ähmiýete eýedir. Biz hem sergä gatnaşýan wekilleriň birnäçesi bilen söhbetdeş bolup, olaryň wekilçilik edýän düzümleriniň alyp barýan işleridir hödürleýän hyzmatlary barada gyzyklandyk.

30 Noýabr 2023

«Barymyzy şärik edýär ägirt şöhrat-şanyna»

24-nji noýabrda hormatly Prezidentimiziň baştutanlygynda Ministrler Kabinetiniň sanly ulgam arkaly geçirilen mejlisinde Türkmenistanyň teklibi bilen Birleşen Milletler Guramasynyň Bilim, ylym we medeniýet meseleleri boýunça guramasynyň (ÝUNESKO) Baş maslahatynyň 42-nji mejlisinde kabul edilen degişli Kararnama laýyklykda, beýik türkmen şahyry Magtymguly Pyragynyň doglan gününiň 300 ýyllyk ýubileýiniň 2024-2025-nji ýyllarda ÝUNESKO bilen bilelikde bellenilip geçiljek şanly seneleriň sanawyna goşulandygy barada hoş habar aýdyldy. Bu şatlykly waka mynasybetli Türkmenistanyň Magtymguly adyndaky milli sazly drama teatrynda aýdym-sazly dabaraly maslahat geçirildi. Oňa ýurdumyzyň bilim, medeniýet, sungat işgärleri gatnaşdylar. «Magtymguly Pyragy — türkmeniň ruhy çyragy» atly edebi-sazly kompozisiýa täsirliligi bilen tapawutlandy. Soňra çäräniň dowamynda buýsançly çykyşlar diňlenildi.

30 Noýabr 2023

Meksikada milli buýsanjymyz hakda

18-nji noýabrda Meksikanyň Birleşen Ştatlarynyň Mehiko şäherinde Atly sportuň Halkara federasiýasynyň Baş Assambleýasynyň mejlisi geçirildi. Oňa dünýäniň gurama agza bolan 136 döwletiniň atçylyk federasiýalarynyň wekilleri gatnaşdylar. Ýurdumyzdan Baş Assambleýa Aba Annaýew adyndaky Halkara atçylyk akademiýasynyň rektory wekilçilik etdi. Mejlisiň dowamynda atly sportuň görnüşleriniň düzgünlerine üýtgetmeler we goşmaçalar girizildi. Federasiýanyň dürli komitetleriniň we dolandyryş müdiriýetiniň täze agzalaryny saýlamak boýunça ýygnak geçirildi. Mundan başga-da, dünýäde atly sport we atçylyk boýunça gazanylýan üstünlikler barada durlup geçildi.

30 Noýabr 2023

Durnukly ösüşiň möhüm şerti

Berkarar ýurdumyz ählumumy durnukly ösüşiň aýrylmaz şertleriniň biri hökmünde köpugurly, howpsuz halkara ulag düzümini döretmäge, bu babatda halkara gatnaşyklaryň yzygiderli giňeldilmegine mynasyp goşant goşýar. Türkmen halkynyň Milli Lideri Gahryman Arkadagymyzyň oýlanyşykly, öňdengörüjilikli we ýurdumyzyň anyk mümkinçiliklerine daýanýan hem-de oňyn bitaraplyk ýörelgelerine esaslanýan başlangyçlaryndan gözbaş alyp, täze taryhy eýýamda hormatly Prezidentimiz tarapyndan üstünlikli dowam etdirilýän döwletli tutumlar dünýä giňişliginde ata Watanymyzyň abraý-mertebesini täze belentliklere göterýär. Olar ählumumy abadançylygyň hem-de rowaçlygyň bähbidine giň gerimli halkara hyzmatdaşlygy ösdürmäge gönükdirilendir. Arkadag Serdarly bagtyýar ýaşlar ýylynda Birleşen Milletler Guramasynyň Baş Assambleýasynyň 77-nji plenar mejlisinde Türkmenistanyň başlangyjy we dünýä bileleşigine agza döwletleriň biragyzdan goldamagy bilen her ýylyň 26-njy noýabrynyň Bütindünýä durnukly ulag güni diýlip yglan edilmegi hem-de bu baýramçylygyň ilkinji gezek ýurdumyzda giňden bellenilip geçilmegi munuň buýsançly subutnamasyna öwrüldi. Baýramçylygyň geçýän gününde «Durnukly ulag: Durnukly ösüşe goşant» atly halkara ylmy-amaly maslahat ýokary guramaçylyga eýe boldy. Munuň özi gadymy Beýik Ýüpek ýolunyň ýüregi bolan Garaşsyz, hemişelik Bitarap Diýarymyzyň halkara üstaşyr ulag geçelgelerini döretmek babatdaky

29 Noýabr 2023

Türkmenistan bäsdeşlige ukyply logistika kompaniýalaryň döredilmegine aýratyn üns berýär

Türkmenistanyň Prezidenti Serdar Berdimuhamedow Bütindünýä durnukly ulag güni mynasybetli geçirilýän «Durnukly ulag: durnukly ösüşe goşant» atly halkara ylmy-amaly maslahatyň öz işine başlamagy bilen Gutlag iberdi. Onda nygtalyşyna görä, Türkmenistan bäsdeşlige ukyply milli logistika kompaniýalarynyň emele gelmegine aýratyn üns berýär. Ulag diplomatiýasynyň hukuk esaslaryny berkitmekde, döwletimiziň ulag pudagynyň mümkinçiliklerini has-da pugtalandyrmakda, bu ugurda kanunçylygy kämilleşdirmekde we durmuşa geçirmekde «Türkmenistanyň Prezidentiniň ulag diplomatiýasyny ösdürmegiň 2022 — 2025-nji ýyllar üçin Maksatnamasy» möhüm orun eýeleýär.

29 Noýabr 2023

Türkmenistanyň Prezidenti Azerbaýjanyň ykdysadyýet ministrini kabul etdi

Aşgabat, 28-nji noýabr (TDH). Şu gün hormatly Prezidentimiz Serdar Berdimuhamedow Ykdysady hyzmatdaşlyk boýunça hökümetara türkmen-azerbaýjan toparynyň 7-nji mejlisine gatnaşmak üçin Hökümet wekiliýetine ýolbaşçylyk edip ýurdumyza gelen Azerbaýjanyň ykdysadyýet ministri Mikail Çingiz ogly Jabbarowy kabul etdi. Myhman wagt tapyp kabul edendigi hem-de döwletara hyzmatdaşlygyň derwaýys meselelerini ara alyp maslahatlaşmaga döredilen mümkinçilik üçin hoşallyk bildirip, döwlet Baştutanymyza, türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowa Azerbaýjan Respublikasynyň Prezidenti Ilham Aliýewiň mähirli salamyny ýetirdi.

29 Noýabr 2023

Ykdysady hyzmatdaşlyk boýunça hökümetara türkmen-azerbaýjan toparynyň ýedinji mejlisi

Aşgabat, 28-nji noýabr (TDH). Şu gün Türkmenistanyň Söwda-senagat edarasynda Ykdysady hyzmatdaşlyk boýunça hökümetara türkmen-azerbaýjan toparynyň ýedinji mejlisi geçirildi. Oňa gatnaşmak üçin Azerbaýjanyň ykdysadyýet ministri Mikail Jabbarowyň ýolbaşçylygyndaky wekiliýet ýurdumyza geldi. Duşuşygyň dowamynda oňa gatnaşyjylar — iki ýurduň ministrlikleriniň we pudaklaýyn dolandyryş edaralarynyň ýolbaşçylarydyr wekilleri döwletara gatnaşyklaryň ýokary derejesini we özara hormat goýmak ýörelgelerine esaslanýandygyny kanagatlanma bilen bellediler. Nygtalyşy ýaly, bu gatnaşyklar okgunly ösüşi, ähli möhüm ugurlarda ikitaraplaýyn hyzmatdaşlygy mundan beýläk-de ilerletmek üçin uly mümkinçilikleriň bolmagy bilen häsiýetlendirilýär. Şunuň bilen birlikde, iki ýurduň Prezidentleri Serdar Berdimuhamedowyň we Ilham Aliýewiň arasyndaky özara ynanyşykly gatnaşyklaryň syýasy-diplomatik, söwda-ykdysady, medeni-ynsanperwer hyzmatdaşlygyň yzygiderli ösdürilmegi üçin ygtybarly esasy döredýändigi aýratyn nygtaldy.

29 Noýabr 2023

Türkmenistan we Gazagystan ulag arabaglanyşygy boýunça Ähtnama gol çekdiler

26-27-nji noýabrda Aşgabatda Ulag, üstaşyr we logistika meseleleri boýunça bilelikdäki türkmen-gazak iş toparynyň birinji mejlisi geçirildi. Oňa iki ýurduň degişli ulag ministrlikleriniň we pudak edaralarynyň wekilleri gatnaşdylar. Iş toparynyň mejlisine türkmen tarapyndan Ministrler Kabinetiniň ýanyndaky Ulag we kommunikasiýalar agentliginiň Baş direktorynyň orunbasary Batyr Annaýew, gazak tarapyndan bolsa ulag ministriniň orunbasary Talgat Lastaýew ýolbaşçylyk etdi.

29 Noýabr 2023

Ykdysady hyzmatdaşlyk boýunça hökümetara türkmen-azerbaýjan toparynyň ýedinji mejlisi

Aşgabat, 28-nji noýabr (TDH). Şu gün Türkmenistanyň Söwda-senagat edarasynda Ykdysady hyzmatdaşlyk boýunça hökümetara türkmen-azerbaýjan toparynyň ýedinji mejlisi geçirildi. Oňa gatnaşmak üçin Azerbaýjanyň ykdysadyýet ministri Mikail Jabbarowyň ýolbaşçylygyndaky wekiliýet ýurdumyza geldi. Duşuşygyň dowamynda oňa gatnaşyjylar — iki ýurduň ministrlikleriniň we pudaklaýyn dolandyryş edaralarynyň ýolbaşçylarydyr wekilleri döwletara gatnaşyklaryň ýokary derejesini we özara hormat goýmak ýörelgelerine esaslanýandygyny kanagatlanma bilen bellediler. Nygtalyşy ýaly, bu gatnaşyklar okgunly ösüşi, ähli möhüm ugurlarda ikitaraplaýyn hyzmatdaşlygy mundan beýläk-de ilerletmek üçin uly mümkinçilikleriň bolmagy bilen häsiýetlendirilýär. Şunuň bilen birlikde, iki ýurduň Prezidentleri Serdar Berdimuhamedowyň we Ilham Aliýewiň arasyndaky özara ynanyşykly gatnaşyklaryň syýasy-diplomatik, söwda-ykdysady, medeni-ynsanperwer hyzmatdaşlygyň yzygiderli ösdürilmegi üçin ygtybarly esasy döredýändigi aýratyn nygtaldy.

29 Noýabr 2023

Diplomatik bilimlerini berkitdiler

Golaýda Türkmenistanyň Daşary işler ministrliginiň Halkara gatnaşyklary institutynyň mugallymlaryndan we talyplaryndan düzülen topar Birleşen Arap Emirlikleriniň Anwar Gargaş adyndaky Diplomatik akademiýasynda okuw saparynda boldy. Munuň özi diplomatik ulgamda tejribe alyşmak babatda alnyp baryljak işleriň gerimini mundan beýläk-de giňeltmekde başlangyç ädimdir. Soňky ýyllarda Türkmenistan bilen BAE-niň arasynda ylym-bilim ulgamyndaky hyzmatdaşlyk işjeň häsiýete eýe bolýar. Türkmen diplomatiýasynyň milli mekdebi bilen BAE-niň Anwar Gargaş adyndaky Diplomatik akademiýasynyň özara gatnaşyklary hem munuň aýdyň mysalydyr. Şunda, esasan, diplomatik işgärleri taýýarlamakda birek-biregiň tejribesiniň öwrenilmegine aýratyn ähmiýet berilýär.

29 Noýabr 2023

Gümrük hyzmatdaşlygy

Häzirki wagtda hormatly Belent Serkerdebaşymyzyň hem-de türkmen halkynyň Milli Lideri Gahryman Arkadagymyzyň saýasynda ýurdumyzda halkara gatnaşyklaryny ösdürmäge, söwda-haryt dolanyşygyny ýokarlandyrmaga aýratyn uly üns berilýär. Türkmenistanyň Döwlet gümrük gullugy hem ençeme döwletler bilen halkara gümrük hyzmatdaşlygyny has-da işjeňleşdirip, halkara tejribesini durmuşa ornaşdyrýar. Bu gün Türkmenistanyň Döwlet gümrük gullugy bilen Eýran Yslam Respublikasynyň Gümrük müdirliginiň arasynda alnyp barylýan gümrük hyzmatdaşlyklary hem barha işjeňleşýär. Häzirki wagta çenli iki döwletiň arasynda gümrük işiniň aýry-aýry ugurlary boýunça resminamalaryň ençemesi baglaşyldy. 2018-nji ýylda Gümrük maglumatlaryny elektron görnüşde alyşmak barada özara düşünişmek hakynda Ähtnama, 2022-nji ýylda bolsa gümrük maglumatlaryny elektron görnüşde alyşmagyň Tehniki şertlerine gol çekildi. Arkadag Serdarly bagtyýar ýaşlar ýylynyň maý aýynda Tükmenistanyň Halk Maslahatynyň Başlygy, türkmen halkynyň Milli Lideri Gahryman Arkadagymyzyň goňşy ýurda amala aşyran iş saparynyň çäklerinde Türkmenistanyň Döwlet gümrük gullugy bilen Eýran Yslam Respublikasynyň Gümrük müdirliginiň arasyndaky hyzmatdaşlygyň geljekde çuňlaşdyrylmagy we giňeldilmegi boýunça bilelikdäki çäreleriň 2023-2024-nji ýyllar üçin Maksatnamasyna gol çekilmegi häzirki wagta çenli gazanylan ylalaşyklaryň üstüni ýetirdi. Hormatly Preziden

28 Noýabr 2023

Türkmenistanyň tranzit boýunça teklibi kontinental söwda gatnaşyklaryny ösdürer

Türkmenistan ulag we logistika hyzmatlarynyň teklibi bilen dünýä bazaryna girýär we bu teklip häzirki wagtda gaty möhüm we ähmiýetlidir. Harytlaryň üstaşyr geçmegi üçin ykdysady taýdan uly girdejili ugurlary ulanmagy teklip etmek bilen, ýurt sebitdäki söwda gatnaşyklarynyň güýçlenmegine itergi berýär, bu bolsa, öz gezeginde kontinental söwda gatnaşyklarynyň ösmegi üçin möhüm şert bolup, soňky ýyllarda döwletleriň arasynda azalan söwda mukdaryny ýokarlanmagyna oňyn täsir eder. Muny "Türkmendemirýollary" agentliginiň başlygy Azat Atamyradow "Durnukly ulag - durnukly ösüşe goşant" atly halkara maslahatda belledi. Aşgabat forumy şu ýyl 26-njy noýabrda ilkinji gezek bellenilýän Bütindünýä durnukly ulag gününe bagyşlandy. Ondan öň 15-17-nji noýabrda türkmen paýtagtynda CASCA+ taslamasyna gatnaşýan ýurtlaryň Aziýa-Ýuwaş umman sebitini we Hytaýy Merkezi Aziýa we Kawkaz, Ýewropa bilen birleşdirýän demir ýol administrasiýalarynyň ýolbaşçylarynyň V duşuşygy, ýaly birnäçe möhüm wakalar boldy.

28 Noýabr 2023

Türkmenistan — ählumumy ulag diplomatiýasynyň başyny başlan we işjeň ilerledýän döwlet

Adamzat durmuşynda ulagyň näderejede ähmiýetlidigi barada nähilidir bir delil getirip gürrüň etmegiň zerurlygy ýok. Adamlaryň bir ýerden başga ýere hereket etmeginden, önümçilik zynjyrynyň doly derejede amala aşmagyna ýardam bermekden başlap, ulagyň islendik döwlet üçin ykdysady, syýasy, medeni-durmuş taýdan ägirt uly ähmiýeti bar. Şolaryň ählisi birleşip, ahyrky netijede, ilatyň ýaşaýyş şertlerini gowulandyrmaga, ýurtlaryň ykdysady kuwwatynyň artmagyna goşant goşýar. Şu nukdaýnazardan, 2030-njy ýyla çenli döwür üçin Durnukly ösüş maksatlaryna ýetmek boýunça meseleleriň 90 göteriminiň gönüden-göni ulag ulgamy bilen bagly bolmagy hem tebigy ýagdaýdyr. Hut şu zerurlyklardan ugur alnyp, tutuş Ýer ýüzünde durnukly ulag ulgamyna, ulag diplomatiýasyny ilerletmäge döwrüň derwaýys meseleleriniň hatarynda aýratyn orun berilýär. 2016-njy ýylyň 26-njy noýabrynda Aşgabatda geçirilen BMG-niň Durnukly ulag ulgamy boýunça birinji ählumumy maslahatynda eden çykyşynda Gahryman Arkadagymyz Gurbanguly Berdimuhamedow: «Biz ählumumy ulag gatnaşyklaryna işjeň gatnaşmagymyzyň depginini birjik-de gowşatmazlygy göz öňünde tutýarys» diýip belläpdi. Bu sözleriň durmuş hakykatyna öwrülendigine geçen ýedi ýylyň dowamynda ýurdumyzda ulag ulgamy boýunça milli we halkara derejede amala aşyrylan işleriň, öňe sürlen başlangyçlaryň mysalynda aýdyň göz ýetirmek bolýar. Diňe soňky günleriň wakalaryn

28 Noýabr 2023

Şanly senä bagyşlandy

Ýurdumyzyň başlangyjy esasynda Birleşen Milletler Guramasy derejesinde şu ýyl ilkinji gezek giňden bellenilen Bütindünýä durnukly ulag güni mynasybetli Türkmenistanyň Inžener-tehniki we ulag kommunikasiýalary institutynda «Bitarap Türkmenistan bütindünýä durnukly ulag ulgamynda» atly ylmy-amaly maslahat geçirildi. «Türkmenawtoulaglary», «Türkmendeňizderýaýollary», «Türkmendemirýollary» agentlikleriniň, «Türkmen logistika ulgamy», «Türkmenistanyň Ulag-logistika merkezi» açyk görnüşli paýdarlar jemgyýetleriniň wekilleriniň, birnäçe ýokary okuw mekdepleriniň professor-mugallymlarynyň we talyplaryň gatnaşmagynda guralan maslahatda hormatly Prezidentimiziň baştutanlygynda amala aşyrylýan iri taslamalar, ulag ulgamynyň hukuk binýadyny berkitmek babatda alnyp barylýan işler, ýurdumyzyň ösüp barýan döwletler üçin ulagyň elýeterliligini üpjün etmek bilen bagly öňe sürýän başlangyçlary baradaky çykyşlara giň orun berildi. Çykyş edenler, esasan, halkara hyzmatdaşlygy berkitmekde Türkmenistanyň ulag diplomatiýasynyň orny, ykdysadyýetiň möhüm düzüm bölegi hökmünde demir ýol ulaglarynyň ähmiýeti, ulag babatdaky gatnaşyklaryň hukuk esaslary boýunça mowzuklara ünsi çekip, bu ugurlarda durmuşa geçirilen we geçirilýän toplumlaýyn çäreler hakynda giňişleýin durup geçdiler.

28 Noýabr 2023

Oňyn tejribe gazanylýar

Hormatly Prezidentimiziň parasatly baştutanlygynda ylym-bilim ulgamynda durmuşa geçirilýän özgertmeleriň netijesinde, jemgyýetimiz syýasy, durmuş-ykdysady we medeni taýdan galkynýar. Ýurdumyzda amala aşyrylýan özgertmeleriň, kabul edilýän maksatnamalaryň üstünlikli durmuşa geçirilmegi üçin ylymly, bilimli, öz işine ussat, ýokary hünär derejeli döwlet gullukçylaryny taýýarlamak möhümdir. Şu hakykatdan ugur alnyp, Türkmenistanyň Prezidentiniň ýanyndaky Döwlet gullugy akademiýasynyň işine öňdebaryjy dünýä tejribesiniň, ylmyň gazananlarynyň ornaşdyrylmagy hem-de bu ugurda halkara hyzmatdaşlygynyň ösdürilmegi uly üstünlikleriň gazanylmagyna mümkinçilik berýär. Döwlet gullukçylarynyň, dolandyryş işine gatnaşýan hünärmenleriň hünär derejesi we ukyp-başarnyklary ýurdumyzda amala aşyrylýan özgertmeleriň rowaçlyga beslenmegine täsirini ýetirýän esasy şertleriň biridir. Garaşsyz, hemişelik Bitarap ýurdumyzda ýokary hünär derejeli döwlet gullukçylaryny kemala getirmek, döwleti dolandyrmagyň ylmy binýadynyň düýbüni tutmak maksady bilen döredilen Türkmenistanyň Prezidentiniň ýanyndaky Döwlet gullugy akademiýasy ýurdumyzda döwlet gullukçylaryny taýýarlamagyň okuw usulyýetini ylmy taýdan öwrenmek, dünýä tejribesiniň bu ugurdaky gazananlaryny ornaşdyrmak boýunça netijeli işleri durmuşa geçirýär.

27 Noýabr 2023

Ýagty geljegiň hatyrasyna

Golaýda Halkara ynsanperwer ylymlary we ösüş uniwersitetinde Ýewropada Howpsuzlyk we Hyzmatdaşlyk Guramasynyň (ÝHHG) Aşgabatdaky Merkeziniň guramagynda «Howanyň üýtgemegi bilen baglanyşykly meseleleri çözmekde ýaşlaryň orny» atly sebitleýin maslahat geçirildi. Maslahata Gazagystanyň, Gyrgyzystanyň, Özbegistanyň, Täjigistanyň wekilleri gatnaşdy. Onda Merkezi Aziýa ýurtlarynda howanyň üýtgemegi bilen baglanyşykly meseleleri çözmekde ýaşlaryň alyp barýan işleri barada bellenilip geçildi. Maslahatyň dowamynda ýaşlar üçin durnukly geljegi üpjün etmegiň möhümdigi we howanyň üýtgemeginiň bilelikdäki tagallalary talap edýändigi nygtaldy.

27 Noýabr 2023

Asylly başlangyçlaryň bütindünýä ykrarnamasy

Geçen hepdede Magtymguly Pyragynyň 300 ýyllygy ÝUNESKO tarapyndan 2024-2025-nji ýyllarda bellenip geçiljek şanly seneleriniň sanawyna goşulandygy hakynda hoş habar gelip gowuşdy. Bu hoş habar külli türkmeniň başyny gök diretdi. Häzirki günlerde ýurdumyzda hem-de halkara derejesinde Magtymguly Pyragynyň doglan gününiň 300 ýyllygyna bagyşlanan edebi we medeni dabaralar, hepdelikler giň gerime eýe boldy. Türkmeniň akyldar şahyrynyň döredijilik mirasy diňe bir öz halkymyzy ýa-da türki dilli milletleri däl, eýsem, dünýä halklaryny özüne çekýär. Çünki Magtymgulynyň şahyrana setirlerinde öňe sürülýän beýik ideýalar umumadamzat ähmiýetli pikirlerdir.

27 Noýabr 2023

Aşgabatda «Durnukly ulag: durnukly ösüşe goşant» atly halkara forum geçirildi

26-njy noýabrda paýtagtymyzda Ýer ýüzünde ilkinji gezek bellenilýän Bütindünýä durnukly ulag güni mynasybetli «Durnukly ulag: durnukly ösüşe goşant» atly halkara ylmy-amaly maslahat geçirildi. Türkmenistanyň sebit we ählumumy gün tertibiniň möhüm meseleleriniň özara ylalaşykly çözgütlerini işläp taýýarlamaga jogapkärli çemeleşmek bilen, ähli ugurlar, şol sanda ulag ulgamynda köptaraplaýyn hyzmatdaşlygy çuňlaşdyrmak ugrunda çykyş edip, öz döredijilik mümkinçiliklerini bütin adamzadyň bähbidine doly peýdalanmaga ygrarlydygyny bellemek gerek. Mälim bolşy ýaly, şu ýylyň 16-njy maýynda Birleşen Milletler Guramasynyň Baş Assambleýasynyň 77-nji sessiýasynyň 70-nji plenar mejlisinde Türkmenistanyň başlangyjy esasynda, Milletler Bileleşigine agza döwletleriň biragyzdan goldamagynda Kararnama kabul edildi. Oňa laýyklykda, 26-njy noýabr “Bütindünýä durnukly ulag güni” diýlip yglan edildi. 2016-njy ýylda hut şol senede Aşgabatda BMG-niň Durnukly ulag ulgamy boýunça birinji ählumumy maslahaty geçirilipdi.

27 Noýabr 2023

Hytaý — Gyrgyzystan — Özbegistan demir ýolunyň gurluşygy 2024-nji ýylda başlanyp biler

Hytaý — Gyrgyzystan — Özbegistan demir ýolunyň gurluşygy geljek ýyl başlanyp biler. Bu barada Gyrgyzystanyň Ministrler kabinetiniň başlygy Akylbek Žaparowyň habar berendigini «Trend» mälim edýär. «Geosyýasat üýtgedi, bileleşikler hem başgaça ýagdaýda we päsgelçilikler ýüze çykdy. Hytaý eýýäm öz tarapyndan demir ýoluň Kazarmana çenli uzaýan böleginiň gurluşygyna başlady. Onuň Kazarmandan Jelal-Abada çenli bolan bölegini maliýeleşdiriş çeşmeleri Özbegistan bilen bilelikde kesgitlenildi diýen ýaly we eger muny gyş hem-de ýaz aýlarynda tamamlasak, geljek ýyl gurluşyk işlerine başlarys. Biz munuň üçin serişde gözleýäris» — diýip, Žaparow belledi.

27 Noýabr 2023

Durnukly ulag ulgamy — durnukly ösüşe goşant

Aşgabatda halkara forum geçirildi Aşgabat, 26-njy noýabr (TDH). Şu gün paýtagtymyzda Ýer ýüzünde ilkinji gezek bellenilýän Bütindünýä durnukly ulag güni mynasybetli «Durnukly ulag: durnukly ösüşe goşant» atly halkara ylmy-amaly maslahat geçirildi.

27 Noýabr 2023

‹
1
2
...
96
97
98
99
100
101
102
...
290
291
›