Amerikanyň Birleşen Ştatlarynda
Birleşen Milletler Guramasynyň Baş Assambleýasynyň degişli Kararnamasy esasynda halkara baýramçylyk derejesi berlen Nowruz güni Diýarymyzyň çar künjeginde giňden dabaralandyryldy. Nowruz halklaryň arasynda dostlugy, özara ynanyşmagy, şeýle-de ählumumy derejede parahatçylygy we raýdaşlygy berkitmäge goşant goşýan özboluşly baýram bolup durýar. Şoňa görä-de, bu şanly sene mynasybetli Nýu-Ýork şäherinde ýerleşýän BMG-niň ştab-kwartirasynda hem baýramçylyk dabarasy geçirildi. Türkmenistanyň, Azerbaýjanyň, Eýranyň, Hindistanyň, Gazagystanyň, Gyrgyzystanyň, Pakistanyň, Owganystanyň, Yragyň, Täjigistanyň, Özbegistanyň hemişelik wekilhanalarynyň başlangyjy bilen guralan bu çärä BMG-niň Baş sekretary, BMG-niň Ykdysady we Durmuş geňeşiniň başlygy, şeýle-de gurama agza ýurtlaryň hemişelik wekilleridir ilçileri gatnaşdylar.
