12-nji maýda Merkezi Aziýa döwletleriniň we Russiýa Federasiýasynyň Parlamentara forumy geçirildi. Forumyň işiniň netijeleri jemleýji resminamada — Aşgabat Jarnamasynda öz beýanyny tapdy. Jarnamada forumyň geljekki mejlisleriniň döwlet häkimiýetiniň kanun çykaryjy edarasy, lukmançylyk diplomatiýasy we ekologik abadançylyk bilen bagly hemişelik ugurlary, şeýle-de hyzmatdaşlyk etmegiň we tejribe alyşmagyň ýollary kesgitlenildi. Aşgabat forumynyň dowamynda geçirilen plenar mejlisler hem Jarnamada görkezilen şol esasy üç ugruň ady bilen atlandyryldy. Gazetimiziň habarçylary mejlisleriň işine gatnaşyp, daşary ýurtly wekiliýetleriň agzalarynyň çykyşlaryny ýazga geçirdiler.
«Türkmenistan»
