Türkmenistanyň Bitaraplygy hakynda, onuň dünýä içre ykrar edilmeginiň taryhy hakynda gürrüň gozgalanda, Pakistanyň ady-da hökman agzalýar. 1995-nji ýylyň martynda Ykdysady Hyzmatdaşlyk Guramasynyň Yslamabatda geçirilen sammiti türkmen diplomatiýasynyň ýeňişli menzili hökmünde taryha ýazyldy. Şol duşuşykda Türkmenistan hemişelik Bitarap döwletiň borçlaryny konstitusion esasda öz üstüne alýandygy hakynda Beýannama bilen çykyş etdi we ol sebitiň ýurtlary tarapyndan biragyzdan goldanyldy...
Şu gün — 9-njy maýda bolsa türkmen Bitaraplygynyň sebit derejesinde ilkinji gezek ykrar tapan ýurdy bilen ikitaraplaýyn diplomatik gatnaşyklaryň ýola goýulmagyna 30 ýyl dolýar. Şu mynasybetli Pakistan Yslam Respublikasynyň Türkmenistandaky Adatdan daşary we Doly ygtyýarly ilçisi Irfan AHMED türkmen-pakistan hyzmatdaşlygynda gazanylan üstünlikler barada, ine, şeýle gürrüň berdi:
