«SpaceX» kompaniýasy «Starlink» hemra ulgamy arkaly, howa gatnawyndaky uçuşlarda Wi-fi internet hyzmatyny üpjün etmek üçin «JSX» awiakompaniýasy bilen şertnama baglaşdy.
Şertnama laýyklykda, «SpaceX» 100 uçary «Starlink» terminallary bilen enjamlaşdyrar. «Starlink» enjamy ornaşdyrylan ilkinji uçar şu ýylyň ahyryna çenli uçurylar. Maglumat üçin, «SpaceX» 2019-njy ýyldan bäri Ýer orbitasyna 2000-e golaý «Starlink» hemrasyny uçurypdy.