Türkmenistanyň Döwlet haryt-çig mal biržasynyň geçen hepdedäki söwdalarynda geleşikleriň 45-si hasaba alyndy.
Daşary ýurt walýutasyna Gonkongdan, Türkiýeden, Owganystandan, Germaniýadan, Özbegistandan, BAE-den we Maltadan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen piroliz benzinini, piroliz galyndylaryny, garyşyk parafin gaçyny,
polipropileni, awtobenzini we suwuklandyrylan gazy satyn aldylar. Geleşikleriň jemi bahasy ABŞ-nyň 26 million 722 müň 500 dollaryna deň boldy.
