Sarahs etrabyndaky 21-nji orta mekdepde 14 ýaşdan uly bolmadyk mekdep okuwçylarynyň arasynda şaşka ýaryşy geçirildi. “Türkmenistan” Ýaşlar bedenterbiýe-sport guramasynyň Ahal welaýat bölümi hem-de Sarahs etrap bilim bölümi tarapyndan guralan ýaryşa ýaşajyk şaşkaçylar höwesli gatnaşdylar.
Gyzykly geçen şaşka ýaryşynda ýeňijiler toparlaýyn kesgitlendi. Onda etrapdaky 1-nji orta mekdebiň okuwçylary birinji, 21-nji orta mekdebiň topary ikinji, 19-njy orta mekdebiň topary üçünji orny eýeledi. Ýeňijiler “Türkmenistan” Ýaşlar bedenterbiýe-sport guramasynyň welaýat bölüminiň hormat hatlaryna mynasyp boldy.
