Tejen etrabyndaky 42-nji orta mekdepde sportuň stoluň üstünde oýnalýan tennis görnüşi boýunça ýaryş geçirildi. “Pähim-paýhas ummany Magtymguly Pyragy” ýylyna bagyşlanan ýaryşa etrapdaky orta mekdepleriň mugallymlary gatnaşyp, özara güýç synanyşdylar.
“Türkmenistan” Ýaşlar bedenterbiýe-sport guramasynyň welaýat bölümi hem-de etrap bilim bölümi tarapyndan bilelikde guralan ýaryş uly gyzyklanma döredip, sportuň stoluň üstünde oýnalýan tennis görnüşiniň bilim işgärleriniň arasynda meşhurlyga eýedigine göz ýetirmäge mümkinçilik berdi. Ýaryşyň netijesinde etrapdaky 42-nji orta mekdebiň mugallymlary birinji, 41-nji orta mekdebiň mugallymlary ikinji, 38-nji orta mekdebiň mugallymlary üçünji orna mynasyp boldy.
