«Türkmen logistika» assosiasiýasynyň, Beýik Britaniýanyň ulag we logistika institutynyň Merkezi Aziýadaky wekilhanasynyň (CILT Central Asia) we ABŞ-nyň Halkara ösüş gullugynyň (USAID) Merkezi Aziýada söwda boýunça Maksatnamasynyň arasynda 2023-nji ýylda Bilelikdäki Hereket meýilnamasynyň çäginde awtomobil ýük daşamalary boýunça guralan onlaýn seminarlar tamamlandy. Bu barada «Türkmen logistika» assosiasiýasy tarapyndan habar berildi.
Bu okuwlar Türkmenistanyň 20 ulag-logistika kompaniýasyndan 40-dan gowrak hünärmeni özüne çekdi. Olaryň köpüsi «Türkmen logistika» assosiasiýasynyň agzalary bolup durýarlar.
