4-6-njy aprel aralygynda Türkmenistanyň Söwda-senagat edarasynyň binasynda Türkmenistanyň Söwda toplumynyň sergisi geçiriler. Serginiň guramaçylyk toparynyň habar bermegine görä, sergide Türkmenistanyň Söwda we daşary ykdysady aragatnaşyklar ministrliginiň, Dokma senagaty ministrliginiň, «Türkmenhaly» döwlet birleşiginiň hem-de Türkmenistanyň Döwlet haryt-çig mal biržasynyň, Türkmenistanyň Söwda-senagat edarasynyň, şeýle-de Senagatçylar we telekeçiler birleşmesiniň wekilleri, ýurdumyzyň işewürleri öz diwarlyklary bilen gatnaşarlar.
Sergide Türkmenistanyň Söwda toplumynyň gazananlary, ýerli kärhanalaryň önümleriniň iň soňky nusgalary, azyk önümleri, senagat önümleri, dokma önümleri, sarp ediş harytlary, haly önümleri, şeýle-de dürli hyzmatlar tanyşdyrylar.