Aşgabat — türkmen döwletiniň sarsmaz sütüni
Ähli döwletlerde, ähli döwürlerde paýtagt döwletiň ýüregi hasaplanylýar. Şeýle bolansoň, paýtagt özge şäherlerden has ütýgeşikligi, owadanlygy, gözelligi bilen tapawutlanypdyr. Paýtagt ýurduň syýasy gurluşynyň, ykdysady institutlarynyň, medeni-jemgyýetçilik aýratynlyklarynyň, ylmy we intellektual baýlyklarynyň ähli alamatlaryny özünde jemleýän merkezleşdirilen şäherdir. Eýsem, biziň gözel paýtagtymyz Aşgabat hakynda nämeleri aýdyp bolar? Köpetdagyň belent gerişleri bilen Garagumuň altynsöw çägeleriniň arasy bilen ýaýylyp gidýän Aşgabat Türkmenistanyň baş şäheridir, döwletimiziň ýüregidir. Ýurduň syýasy, ykdysady, medeni, ruhy-jemgyýetçilik durmuşy bilen bagly iň möhüm resminamalar, çözgütler şu ýerde kabul edilýär. Döwletiň şu güni we ertiri bilen bagly möhüm meseleleriň çözgütleri hem Aşgabatda çözülýär.
