Ýaşlar — geljegi gurujylar
Berkarar döwletiň täze eýýamynyň Galkynyşy döwründe türkmen ýaşlary hakyndaky alada, olaryň ýurdumyzyň jemgyýetçilik durmuşyna işjeň gatnaşmaklaryny gazanmak döwlet syýasatymyzyň ileri tutulýan ugurlarynyň hatarynda öňe sürülýär. Munuň şeýledigini üstünliklere, şanly ýeňişlere beslenen Arkadag Serdarly bagtyýar ýaşlar ýylynyň guwandyryjy görkezijileri hem, Arkadagly Gahryman Serdarymyzyň türkmen ýaşlaryna bagyşlanylan ilkinji eserini halkymyza sowgat etmegi hem doly tassyklaýar. Arkadag Serdarly bagtyýar ýaşlar ýylynda hormatly Prezidentimiziň «Ýaşlar — Watanyň daýanjy» atly ilkinji eserini halkymyza serpaý ýapmagynyň aňyrsynda juda beýik we mukaddes many-mazmunyň bardygy diýseň buýsandyryjydyr. Biz, ilki bilen, bu iki taryhy sazlaşygyň aňyrsynda türkmen ýaşlaryna bolan berk hem pugta ynamy görýäris. Şol ynam bolsa ýurdumyzyň geljeginiň ýaşlarymyzyňkydygy we hut şonuň üçin olaryň mynasyp nesiller bolup ýetişmekleri ugrunda şu gün alada edilmelidigi, döwrebap bilim almaklary, döredijilikli işlemekleri, erkana ýaşamaklary, halkymyzyň milli edim-gylymlaryny, ata-babalarymyzyň bize miras goýan milli gymmatlyklaryny sarpalap, aýawly saklap, indiki nesillere ýetirmelidikleri baradaky taryhy hakykatda jemlenýär. Munuň şeýledigini hormatly Prezidentimiziň «Ýaşlar — Watanyň daýanjy» atly ajaýyp eseri bilen içgin tanşan islendik okyjy hem aýdyp biler. Eserde türkmen ýaşlaryna bildirilýä
