«7/24. tm» № 04 (191), 22.01.2024
Gyş paslynyň ilkinji aýynyň gelmegi bilen mekdep okuwçylary gyşky dynç alyş möwsümine çyksalar, ýokary we orta okuw mekdepleriniň talyplary üçin synag döwri başlanýar. Synaglar okuw döwründe geçilen sapaklary nähili özleşdirmegi başarandygyňy ýüze çykarýan okuw işiniň bir görnüşidir. Adatça, bu döwürde ähli talyplary tolgunma, aljyraňňylyk, gorky, howsala ýaly duýgular gurşap alýar. Biraz gorky duýgusynyň bolmagy kadaly hasaplansa-da, beýlekilerden, aýratynam, howsaladan özüňi daş tutmak zerurdyr. Özüňdäki howsalany ýok etmek üçin bolsa synagdan gowy geçjekdigiňe bolan ynam gerek. Ynam hem synaglara gowy taýýarlanmak arkaly gazanylýar. Şu babatdaky käbir maslahatlary size ýetirmegi makul bildik: