Şu günler güneşli Diýarymyzyň ähli künjeginde şanly Garaşsyzlygymyzyň 33 ýyllygy mynasybetli baýramçylyk dabaralary geçirilýär, Watanymyzyň baş baýramynyň şanyna Tejen etrabyndaky bilim-terbiýeçilik ojaklarynda guralýan baýramçylyk duşuşyklaryna, maslahatlara we dabaralara ýaş nesliň wekilleri egsilmez şatlyk duýgusy bilen gatnaşýarlar.
Tejen etrabyndaky 29-njy çagalar bagynda “Garaşsyzlyk — bagtymyz”, “Berkarar Watanymyzyň naýbaşy toýy”, “Garaşsyzlygyň saýrak bilbilleri” şygarlary astynda geçirilýän baýramçylyk çäreleri şanly senäniň dabaralaryna özboluşly öwüşgin çaýdy. Körpeler arasynda “Garaşsyz Watanym” ady bilen geçirilýän surat bäsleşiklerine, aýdym-saz dabaralaryna gyzyklanmma ýokary. Körpe nesli ýokary watançylyk ruhunda terbiýelemekde, milli sungatymyza söýgi döretmekde şeýle çäreleriň uly ähmiýeti bardyr.
