Ýaşlar syýasatynda ýaş alymlaryň orny

Düýn mukaddes Garaşsyzlygymyzyň şanly 30 ýyllygy we hormatly Prezidentimiziň başlangyjy bilen döredilen Türkmenistanyň Ylymlar akademiýasynyň we Magtymguly adyndaky Ýaşlar guramasynyň Merkezi geňeşiniň ýanyndaky Ýaş alymlar merkeziniň döredilmeginiň dört ýyllygy mynasybetli «Garaşsyz Türkmenistanda ýaşlar baradaky döwlet syýasatyny amala aşyrmakda ýaş alymlaryň orny» ady bilen wideoaragatnaşyk arkaly hoşallyk maslahaty geçirildi. Oňa paýtagtymyzyň we welaýatlaryň ylym-bilim edaralarynyň Ýaş alymlar geňeşleriniň ýolbaşçylary, Ylymlar akademiýasynyň halypa alymlary, Magtymguly adyndaky Ýaşlar guramasynyň Merkezi geňeşiniň ýolbaşçylary onlaýn görnüşde gatnaşdylar. Maslahatyň dowamynda Türkmenistanda ýaşlar baradaky döwlet syýasatynyň geljek bäş ýyl üçin Döwlet maksatnamasynda hem-de ony amala aşyrmak boýunça ýerine ýetirilmeli çäreleriň Meýilnamasynda görkezilen wezipeleri ýerine ýetirmek boýunça Ýaş alymlar merkezi we ylym-bilim edaralarynda hereket edýän Ýaş alymlar geňeşleri tarapyndan alnyp barylmaly işler dogrusynda pikir alşyldy. Şu maksat bilen, Ýaş alymlar merkezi tarapyndan ylym we bilim edaralaryndaky Ýaş alymlar geňeşleriniň arasynda ýörite düzgünnamalar esasynda «Ýaş alym», «Ýaş alymlar geňeşleriniň arasynda programma üpjünçiligi boýunça bäsleşik», «Öňdebaryjy Ýaş alymlar geňeşi» atly bäsleşikleri guramak meýilleşdirilýär. Maslahata gatnaşyjylar ýaşlaryň ylmy ku

Ynsanperwerligiň aýdyň nusgasy

Mähriban Watanymyzyň raýat jemgyýetiniň gymmatlyklarynyň durmuşa ornaşdyrylmagynyň, ýurdy syýasy, ykdysady we medeni-durmuş taýdan ösdürmek boýunça gazanylýan üstünlikleriň gözbaşynda beýik syýasat, amala aşyrylýan belent işler durýar. Ýurdumyzyň her bir raýatynyň, halkynyň bähbitlerine laýyk gelýän parasatly döwlet syýasaty eziz Diýarymyzy ajaýyp zähmet ýeňişlerine, belent sepgitlere ýetirdi. Türkmenistan halkara tagallalaryň birleşdirilmegini talap edýän meselelere aýratyn üns berýär. Şol tagallalar bosgunlar we raýatlygy bolmadyk adamlar bilen bagly meseleleri çözmäge hem gönükdirilendir. Birleşen Milletler Guramasynyň doly hukukly agzasy bolan ýurdumyz parahatçylygy we howpsuzlygy üpjün etmek meseleleri boýunça hyzmatdaşlyga işjeň gatnaşyp, belent ynsanperwer maksatlary hem-de gymmatlyklary ykrar etmek bilen, bu ugurda köp sanly halkara şertnamalara we konwensiýalara goşuldy. Şunuň bilen birlikde, Türkmenistan halkara ynsanperwer guramalar bilen ýakyn gatnaşyk saklaýar. 1995-nji ýyldan bäri ýurdumyzda BMG-niň Bosgunlaryň işi baradaky Ýokary komissarynyň müdirliginiň wekilhanasy işleýär. 2013-nji ýyldan başlap, Türkmenistan Migrasiýa boýunça halkara guramanyň hemişelik agzasy bolup durýar. Biziň döwletimiz bu düzümler bilen işjeň hyzmatdaşlyk edýär, dünýä bileleşiginiň tagallalaryna mynasyp goşandyny goşýar, bosgunlara, raýatlygy bolmadyk adamlara kömek bermek hem-de

Hakydada hemişelik galan

Uzak ýyllaryň dowamynda sahnada ynandyryjy keşpleri janlandyrandygyna garamazdan, artiste tanymallyk haýsy hem bolsa bir ajaýyp, üýtgeşik sungat eserini döredenden soň gelýär. Gürrüňini berjek bolýan sungat ussadymyza at-abraý, meşhurlyk kinorežissýor S.Garajaýewiň ýazyjy N.Jumaýewiň «Ýuwaş gelin» eseriniň esasynda 1970-nji ýylda surata düşüren «Ýuwaş gelin» çeper filminde döreden Maral ejäniň keşbi bilen bile geldi. Türkmenistanyň at gazanan artisti Aýsoltan Berdiýewanyň Maral ejesi öz maşgalasy, hojalygy bilen gümra bolup ýören, göwnaçyk, ynanjaň, şadyýan, emma şol bir wagtyň özünde-de gaharjaň, hojalykda sözüni gögerdýän zenan ýaly bolup görünse-de, filmiň ahyrynda aňyrsynda hiç zat ýok, ýüregi mähirden doly hamrak enäniň keşbi janlanýar. Haçan-da, Maral eje gelni bilen sözi azaşyp, sene-mene edende, «Oglum gelnime azar beräýmesin» diýip, öýdäki tene şikes ýetiräýjek zatlary ýygnaşdyranda, onuň öňi bilen mähriban enedigine göz ýetirýäris. Uly ogly Jemşidi öýerip, gelen gelne guwanyp, agtyk söýmek arzuwyndaky enäniň ynandyryjy keşbi tomaşaçylary özüne çekýär. Biz Maral ejäniň şäherden lukmançylyk ugrundan ýaňy ýokary okuw mekdebini tamamlap gelen gelnine kürte atynyp, işe gatnamak baradaky talaplarynyň nädogrudygyna düşünsegem, nämüçindir, birbada Maral ejä ýüregimiz awap, onuň tarapyny çalýarys, misli öz ejemiz şeýle güne düşen ýaly kabul edýäris. Bu näme üçin beýlekä

Belent maksatly türgen

Durmuş kitabyny ýatdan bilýän dana pederlerimiz «Guş ganatsyz bolmaz, adam — arzuwsyz», «Ýykylan göreşden doýmaz» diýen ýaly nakyllary miras goýupdyrlar. Danalaryň parasatly pähimlerine eýerýän ildeşimiz Şatlyk Rahmanow diňe ýurdumyzda däl, eýsem, onuň çäklerinden daşarda-da gollary berdaşly, güýçli pälwan hökmünde tanalýar. Ol indi 15 ýyldan gowrak wagt bäri sportuň pauerlifting görnüşi bilen meşgullanyp, türkmen sportunyň abraýyny arşa galdyryp gelýär. Mary welaýatynyň Baýramaly şäher kazyýetinde kätip bolup işleýän Şatlyk Rahmanowyň ady sportuň pauerlifting görnüşi boýunça ussat pälwan hökmünde sport janköýerlerine giňden mälimdir. Gollary berdaşly türgen ata-babalarymyzyň “Giden getirer...” diýişleri ýaly, ýurdumyzda we onuň çäklerinden alyslarda geçirilýän halkara, Aziýa we dünýä ýaryşlaryna gatnaşyp, hemişe baýrakly orunlara mynasyp bolup, ata Watana ýeňiş bilen dolanyp gelýär. Ýeri gelende ýatlasak, Şatlyk sportuň pauerlifting görnüşi boýunça ýurdumyzyň 14 gezek çempiony boldy. Ol soňky sapar, geçen 2020-nji ýylda (7 — 11-nji iýul aralygynda) Sport we ýaşlar syýasaty ministrliginiň guramagynda Daşoguz şäherinde sportuň bu görnüşi boýunça geçirilen Türkmenistanyň çempionatyna gatnaşdy. Şol çempionatda 120 kilogramdan ýokary agram derejede çykyş eden Şatlyk umumy hasapda 355 kilogram netijäni görkezip, nobatdaky gezek ýurdumyzyň çempiony boldy. Üstesine-de, milli re

Köpetdag kyssalary

(Dowamy. Başlangyjy gazetiň 17, 18, 20, 22-nji sanlarynda). Tilki, guýrugyň galdy!

Beden maşklarynyň peýdasy

Hereketiň sagdynlygyň gözbaşydygy baradaky hakykat ir döwürlerden bäri bellidir. Soňky ýyllarda sagdyn durmuş ýörelgelerini durmuşyň kadasyna öwürýän, bedenterbiýe we sport bilen meşgullanýan adamlaryň sany barha artýar. Sport adamyň bedenini-de, ruhuny-da taplaýar, saglygyny pugtalandyrýar, dem alyş, ýürek-damar, hereket ediş ulgamlarynyň işleýşini kadalaşdyrýar. Yzygiderli ýerine ýetirilýän beden maşklary ganyň düzümindäki holesteriniň möçberini azaldýar, damarlary giňeldýär hem-de arterial gan basyşyny pese düşürýär. Geçirilen barlaglar hem beden maşklarynyň peýdasynyň uludygyny tassyklaýar. Işjeňligiň artmagy gan aýlanyşygyny kadalaşdyrýar.

Milli Liderimiziň amala aşyrýan “Açyk gapylar” syýasatynyň ugry bilen

Daşary ýurtly hyzmatdaşlar bilen nobatdaky wideoduşuşyk AŞGABAT, 27-nji ýanwar (TDH). Şu gün Türkmenistanyň Daşary işler ministrliginde Ykdysady Hyzmatdaşlyk Guramasynyň (YHG) Baş sekretary Hadi Soleýmanpur bilen onlaýn görnüşinde duşuşyk geçirildi.

Döwrüň talabyndan ugur alyp

Garaşsyzlygymyzyň ilkinji ýyllaryndan Türkmenistan adamlaryň saglygyny goraýan ýokary hilli ulgamyň döredilmegini döwlet syýasatynyň esasy ugurlarynyň biri hökmünde kesgitledi. Ynsan saglygynyň aýratyn ähmiýete eýedigini ykrar edýän ýurdumyzda bu möhüm ulgamda maksatnamalaýyn işler durmuşa geçirýär. Halkara hyzmatdaşlygy işjeňleşdirmäge uly üns berilýär. Lukman Arkadagymyzyň ýolbaşçylygynda kabul edilen «Saglyk» Döwlet maksatnamasynyň amala aşyrylýan ýyllarynyň dowamynda jemgyýetçilik saglygy goraýşyň dürli ugurlary boýunça dünýäniň ösen döwletleri bilen bilelikdäki maksatnamalaryň üstünlikli durmuşa geçirilmegi muňa aýdyň şaýatlyk edýär. Galyberse-de, ýurdumyzyň gazanan üstünlikleriniň halkara güwänamalar bilen tassyklanylmagy aýratyn bellenilmäge mynasypdyr. Milli Liderimiziň belleýşi ýaly, abraýly halkara guramalar hem-de daşary ýurtlaryň tejribeli hünärmenleri bilen ýola goýýan gatnaşyklary türkmen lukmanlaryna dürli keselleriň öňüni almak, anyklamak we bejermek babatda netijeli usullary ulanmaga mümkinçilik berýär. Bu bolsa Diýarymyzyň raýatlarynyň saglygyny pugtalandyrmakda, ömrüniň dowamlylygyny uzaltmakda, birnäçe howply ýokanç keselleri doly aradan aýyrmakda we lukmançylyk ylmynda dünýäniň öňdebaryjy tejribeleriniň özleşdirilmeginde möhüm ähmiýete eýedir.

Yhlasly nebitçiler

Endigan ýaýylyp gidýän şorluklaryň, soňy bilenem biri beýlekisinden belent guba çägeleriň arasyndan uzalyp gidýän asfalt ýoly külterläp barýan awtoulagyň aýnasyndan daşky görnüşi synlap oturyşyma, «Türkmennebit» döwlet konserniniň «Nebitdag» buraw işleri müdirliginiň baş geology Täzemyrat Babaýewiň zähmet çekýän ulgamy barada beletlik bilen berýän gürrüňleri mende uly gyzyklanma döretdi. — Gahryman Arkadagymyz ýurdumyzyň her bir ulgamynda halypa-şägirtlik gatnaşyklaryna aýratyn ähmiýet berilmelidigini nygtaýar. Biziň kärhanamyzda hem halypa-şägirtlik mekdebi öz köklerini juda aňyrdan alyp gaýdýar. Türkmeniň mukaddes topragyndan “gara altyn” çykarmagyň şöhratly taryhy hem hut biziň häzirki iş alyp barýan “Nebitdag”, onuň töwereklerindäki baýlyklar mesgeni bilen baglydyr. Mundan iki asyra golaý öň Günbatar Türkmenistanyň çäklerinde gidrogeologik kartalary düzen ilkinji rus gidrogeologlarynyň galdyran ýazgylarynda: “Türkmenler bu ýerden Nebitli dag entek ada öwrülmezinden öň hem nebit alýan ekenler” diýen bellikler bar. Bu ýerde ilkinji burawlaýyş işi 1882-nji ýylyň iýul aýynda amala aşyrylýar. Ol guýy her gije-gündizde bir müň putdan hem köp nebit beripdir. Şol ýyl bu ýerde gazylan guýularyň sany bäşe ýetýär. Şondan ýarym asyra golaý soň, ýagny 1930-njy ýylda 24-nji guýuda burawlanan dag jynslarynyň çuňlugy 471 metre ýetende, güýçli nebit akymy alynýar. 1935-nji ýylyň 14-

Wa­tan­per­wer­li­giň baý­ra­my

Düýn paýtagtymyzda Watan goragçylarynyň güni ir-säher bilen «Halk hakydasy» ýadygärlikler toplumyndaky «Baky şöhrat» we «Milletiň ogullary» ýadygärliklerine hem-de Türkmenistanyň Goranmak ministrliginiň Berdimuhamet Annaýew adyndaky 1-nji Ýöriteleşdirilen harby mekdebinde hormatly Belent Serkerdebaşymyzyň atasy Berdimuhamet Annaýewiň heýkeline ter gül desselerini goýmakdan başlandy. Baýramçylyk çäreleri Türkmenistanyň Goranmak ministrliginiň Merkezi Serkerdeler öýünde dabaraly maslahat bilen dowam etdi. Maslahatyň başynda Türkmenistanyň hormatly Prezidentiniň Watan goragçylarynyň güni mynasybetli iberen Gutlagy okaldy. Soňra dabarada watansöýüjilige ýugrulan çykyşlara orun berildi. Çykyşlarda ýurt goraýan gerçekleriň ata Watanymyzyň goragynda mydama sak durjakdygy, ýurt asudalygynyň, il abadançylygynyň bar zatdan ileridigi, Watany goramagyň iň belent hem-de mukaddes borçdugy nygtaldy. Dabaraly maslahatyň ahyrynda Watan goragçylarynyň güni mynasybetli baýramçylyk dabarasyna gatnaşyjylaryň Türkmenistanyň Prezidenti, Türkmenistanyň Ýaragly Güýçleriniň Belent Serkerdebaşysy goşun generaly Gurbanguly Berdimuhamedowa Ýüzlenmesi okaldy. Dabaraly maslahat baýramçylyk konserti bilen utgaşdy.

Toý şatlygyny artdyran binalar

2021-nji — «Türkmenistan — parahatçylygyň we ynanyşmagyň Watany» ýyly halkymyza ýatdan çykmajak şatlykly pursatlary bagyşlaýar. Bu ýylda şanly Garaşsyzlygymyzyň 30 ýyllyk toýy ýokary derejede belleniler, il bähbitli, taryhy ähmiýetli işler amal ediler, kaşaň-kaşaň binalar gurlup, ulanylmaga berler. Düýn, 27-nji ýanwarda ýurdumyzda ata Watanymyzyň polat galkany hasaplanýan Watan goragçylarynyň güni ýokary derejede bellenildi. Baýramçylygyň öňüsyrasynda Türkmenistanyň Döwlet serhet gullugynyň düzüminde hem ähli amatlyklary özünde jemleýän ajaýyp binalar açylyp, ulanylmaga berildi.

Abadan diýaryň goragynda

Berkarar döwletimiziň bagtyýarlyk döwründe hormatly Belent Serkerdebaşymyzyň baştutanlygynda ata Watanymyzyň goraglylygyna gönükdirilen parahatçylyk söýüjilikli harby syýasaty üstünlikli durmuşa geçirilýär. «Eziz Watanymyz — elýetmez baýlygymyz. Biz Watanymyzy başymyza täç edýäris» diýýän hormatly Belent Serkerdebaşymyzyň watançylyk taglymaty harby gullukçylar bilen geçirilýän dabaralaryň, duşuşyklaryň, maslahatlaryň, sapaklaryň we harby-döredijilik işleriniň içinden eriş-argaç bolup geçýär.

Mukaddes borja wepalylyk

Dünýäde iň gowy, asylly işler Watanyň beýgelmeginiň hatyrasyna amal edilýär. Watana söýgi maşgalanyň agzybirligidir, ýurduň parahatçylygydyr. Gahryman Arkadagymyzyň jöwher paýhasyndan dörän «Mert ýigitler gaýrat üçin dogulýar», «Watan goragy mukaddesdir», «Mertler Watany beýgeldýär», «Älem içre at gezer», «Türkmeniň döwletlilik ýörelgesi» we beýleki kitaplarynyň merdana harby gullukçylary taýýarlamakda, olara watançylyk terbiýesini bermekde aýratyn orny bardyr. Watançy gerçekleriň synmaz gaýraty her bir döwürde ýaşlarymyz üçin nusgalykdyr. Hormatly Prezidentimiziň «Mertler Watany beýgeldýär» kitabynda: “Halkymyz ýaş nesillerini toprak, ene, öý-ojak, saçak... ýaly mukaddeslikleri hakyndaky düşünjeler bilen kemala getirýär» diýip belleýşi ýaly, hakyky Watan ogullaryny terbiýelemek, olarda ata Watanymyza, ene topragymyza, parahat ýurdumyza söýgi döretmek harby serkerdeler tarapyndan söweşjeň we gumanitar okuw sapaklarynyň gidişinde ýylyň dowamynda işjeň alnyp barylýar.

Täze jaýlarda — durmuşyň höziri

Watan goragçylarynyň güni mynasybetli, Daşoguz şäherinde Türkmenistanyň Içeri işler ministrliginiň welaýat polisiýa müdirliginiň işgärleri üçin ähli amatlyklary bolan, şäher gurluşygynyň hem-de häzirki zaman binagärliginiň iň öňdebaryjy talaplaryna laýyk gurlan täze ýaşaýyş jaýlarynyň birbada üçüsi ulanylmaga berildi. Welaýat merkeziniň günbatar künjegindäki Nowruz — 2 ýaşaýyş jaý toplumynda bina edilen her biri 24 öýli, dört gatly täze jaýlaryň gurluşyk işlerini Türkmenistanyň Senagat we gurluşyk önümçiligi ministrliginiň Daşoguz şäherindäki «Demirbetonönümleri» zawodynyň işçi-hünärmenleri alyp bardylar. Häzirki zaman durmuş ulgamynyň kemala gelýän ýaşaýyş jaý toplumynyň döwrebap desgalarynyň, belent başly binalarynyň hataryna goşulan bu jaýlaryň açylyş dabarasy şatlyk-şowhuna beslendi. Dabaranyň dowamynda jaýyň gurluşygynda has tapawutlanan işçilere Gahryman Arkadagymyzyň adyndan sowgatlar gowşuryldy.

Parahatçylyk — bagtyň binýady

Türkmenistanyň Döwlet medeniýet merkeziniň Döwlet muzeýinde 2021-nji ýylyň şygarynyň şanyna bagyşlanyp geçirilen maslahat «Türkmenistan — hoşniýetliligiň, asudalygyň, ygrarlylygyň ýurdy» diýlip atlandyryldy. Maslahata Mejlisiň deputatlary, syýasy synçylar, döredijilik işgärleri hem-de ýokary okuw mekdebiniň mugallymlary gatnaşdylar. Maslahatda çykyş edenleriň nygtaýyşlary ýaly, hormatly Prezidentimiziň taýsyz tagallalary netijesinde Berkarar döwletimiziň bagtyýarlyk döwründe türkmen halkynyň şöhratly taryhynyň dowamynda döreden baý hem-de köpöwüşginli milli mirasyny toplamak, öwrenmek hem-de wagyz etmek boýunça uly işler alnyp barylýar.

Ýeriň görki galladyr...

Uzak asyrlaryň dowamynda «uly iliň soltany» hasaplanan galla ekinleri bilen baglanyşykly dürli nakyllar, atalar sözleri we şahyrana setirler döredilipdir. Ol setirlerde galla ekinleriniň dürli aýratynlygy beýan edilipdir. «MENI PALÇYGA GARSAŇ...»

Tebigy täsinlikleriň dünýäsinde

ýa-da Bathyz goraghanasyna syýahat Bathyz belentligini — baýyrlykdyr sährasyny, ýoluny-ýodasyny paý-u-pyýada geçen bolsam-da, bu ýerlerde ýaşaýan haýwanlary, ösümlikleri tanap, görüp ýörsem-de, Bathyz döwlet tebigy goraghanasynyň edara binasyna ilkinji gezek gelşimdi. Goraghananyň ylym bölüminiň hünärmeni, bu ýerleriň aýratynlygy boýunça ylmy iş alyp barýan Maýa Sapargylyjowanyň: «Ilkinji gezek gelýän bolsaňyz, sizi gyzyklandyrjak zatlar has-da köp bolar» diýmegi ugrunda bar eken.

Saglygyň gadyryny bilgil...

Milli Liderimiziň amala aşyrýan “Açyk gapylar” syýasatynyň ugry bilen

Daşary ýurtly hyzmatdaşlar bilen nobatdaky wideoduşuşyk AŞGABAT, 26-njy ýanwar (TDH). Şu gün Türkmenistanyň Daşary işler ministrliginde türkmen-belarus geňeşmeleri geçirildi. Oňa Belarus Respublikasynyň daşary syýasat edarasynyň ýolbaşçysy Wladimir Makeý gatnaşdy.

Saýlawlara taýýarlyk: milli synçylar bellige alyndy

Demokratik ýörelgeleriň täze we döwrebap ýörelgelerini nazarlaýan hem-de halk köpçüligi bilen maslahatlaşylyp kabul edilen «Türkmenistanyň Konstitusiýasyna üýtgetmeler we goşmaçalar girizmek hakynda» Türkmenistanyň Konstitusion kanunyna laýyklykda, milli parlament Milli Geňeş, onuň kanun çykaryjy palatasy Mejlis, wekilçilikli palatasy Halk Maslahaty diýlip atlandyryldy. Şeýlelikde, Konstitusion kanunyň kabul edilmegi bilen iki palataly parlament ulgamyna geçildi. Türkmenistanyň Milli Geňeşiniň Halk Maslahatynyň agzalarynyň saýlawlary ýurdumyzyň syýasy durmuşynda uly ähmiýete eýedir. Bilşimiz ýaly, Türkmenistanyň Halk Maslahatynyň kararyna laýyklykda, Milli Geňeşiň Halk Maslahatynyň agzalarynyň saýlawlaryny 2021-nji ýylyň 28-nji martynda geçirmek bellenildi.