"Bereketli toprak" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-64, 38-60-87, 38-60-67
Email: bereketlitoprak@sanly.tm

Gazeti PDF görnüşinde ýükläp almak

Habarlar

Watanymyzyň göwher gaşy

Ýurtlar, döwletler, halklar paýtagty bilen tanalýar. Paýtagt — döwletiň, halkyň ýüzi bolup çykyş edýär. Mähriban Diýarymyzyň paýtagty Aşgabat geçen 140 ýylyň dowamynda, gör, nähili özgerdi! Munça möhlet, bir seretseň, ol diýen känem däl, haçan-da, şol ýyllardan çawuş çakýan köne, saralyp giden fotosuratlary synlanyňda welin, kän zatlaryň özgerendigine düşünýärsiň. Bu gün türkmen paýtagtynda döwrebap durmuş gaýnap joşýar. Müň bir yşykly ajaýyp şäher agşamlarynyň özüne çekijiligini wasp etmegi diňe ussat şahyrlar başaryp bilerler. Hawa, obalar mirasy, hakydany saklaýjylardyr, olar däp-dessurlary geçmişden geljege äkidýärler, şäherler bolsa täze däpleri döredýärler, olaryň ümzügi diňe öňe. Şäherleriň yza garamaga wagty ýok, çünki olary geljek, kämilleşmek barha özüne dartýar...

21 Mart 2021

Garaşsyzlyk

Zeminiň ýylgyryşy

Abu Reýhan Birunynyň «Gadymy halklardan galan ýadygärlikler» atly eserinde ýaz paslynda Nowruz baýramynyň bellenilişi hakynda gyzykly maglumatlar getirilýär. Onuň bellemegine görä, 21-nji martda Älem giňişligindäki Günüň gyzgyn şöhlesi Ýeriň ekwatoryna dik düşýär. Birunynyň öz eserinde: «Nowruz gününde bir sagat bar, şol sagatda wagtyň çarhy älemi janlandyrmaga howlugýar. Ol günüň iň bagtly sagatlary Günüň şöhlesiniň dik düşüp ugran sagatlarydyr» diýip belleýär. Nowruz baýramyny bellemekde her bir halkyň öz milli däp-dessurlary, milli aýratynlyklary bar. Türkmenlerde ol, esasan şaman oduny ýakmak bilen baglanyşykly bolupdyr. «Nowruzda şaman oduny ýakyp, onuň üstünden bökseň, bar günäleriň dökülermiş» diýlip yrym edilipdir. Bu günde birek-birekden öýkeli adamlar ýaraşypdyrlar. Bu baýramçylyk dostlugyň, doganlygyň, ynsanperwerligiň, parahatçylygyň baýramy hökmünde hem dünýä dolýar. Baýramçylyk günleri adamlar biri-birine gowudan-gowy arzuwlary, süýji-süýji tagamlary hödür-kerem edýärler.

21 Mart 2021

Medeniýet

Şygryýet älemi

Baharyň tenekar tämiz howasy Tämizlikde teşneligiň gandyrar,Baharyň tenekar tämiz howasy.Kalba ähli gowlugyny indirer,Baharyň tenekar tämiz howasy.

21 Mart 2021

Edebiýat

Gutly bolsun, Milli bahar baýramy!

Zeminiň läle-reýhana beslenip, tebigatyň hoşroýluk kamatyna eýe bolýan günlerinde, ýagny 20-nji martda hormatly Prezidentimiziň gatnaşmagynda ählihalk bag ekişlik dabarasy geçirildi. Onuň yzysüre, 21-nji martda bolsa, Milli bahar baýramy — Halkara Nowruz güni paýtagtymyzda we Diýarymyzyň welaýatlarynda täsirli çärelere, şowhunly dabaralara beslendi. Agzybirlikli zähmet joşgunyny döreden bu asylly çäreler oňa gatnaşanlara ruhubelentlik joşgunyny paýlady. Baýram gününde Garagum derýasynyň kenarynda guralan dabara toý şowhunyny has-da artdyrdy. Bu ýerde zergärleriň, suratçylaryň, nakgaşlaryň, halyçylaryň döredijilik eserlerinden guralan sergi tomaşaçylara özboluşly bahar ýalkymyny bagyşlady. Folklor we tans toparlarynyň ýerine ýetiren aýdymdyr tanslary baýramçylyga aýratyn bir öwüşgin çaýdy. Biz hem bu baýramçylyk dabaralaryna gatnaşan ildeşlerimiziň käbirleriniň köňül kelamlaryny okyjylarymyza ýetirmegi makul bildik:

21 Mart 2021

Garaşsyzlyk

Ýüpekçilik — bereket çeşmesi

Bu gün türkmen bazarlaryndaky nepis haly, ýüň-ýüpek önümlerini görmäge göz, waspyny ýetirmäge söz gerek. Biri-birinden owadan öýmelere, gyňaçlara, köýneklik matalara, atlazlara, ýüpek ketenilere gözüň düşende, Diýarymyzda dokmaçylygyň günsaýyn ösýändigine has-da göz ýetirýärsiň. Ýüpek fabriginde öndürilýän ýüpek halylar, sowgatlyk önümler, dürli ýüpek matalar daşary ýurtlaryň harydyny küýsederli däl. Bu zatlary aýtmak bilen, öndürilýän şeýle ajaýyplyklaryň çig maly bolan ýüpegi berýän, göwnüne ýetibilseň girdejisiniň berekedi egsilmeýän ýüpek gurçugy barada söhbet açmakçy bolýarys. Bahar paslynyň gelmegi bilen oba hojalygynda işleýän adamlaryň, çarwalaryň, şol sanda türkmen ýüpekçileriniň hem iş-aladasy artýar. Eýýäm fewral aýynyň ikinji ýarymyndan başlap, gurçuk idediljek ýerlerde taýýarlyk işleri geçirilýär. Olaryň saklanyljak jaýlarynyň ýylylyk, çyglylyk derejesiniň talabalaýyk bolmagyny, guşlardan goraglylygy gazanylyp, ýüpek gurçuklaryna zyýan berip biljek mör-möjeklerden goramak üçin dermanlanylýar, üzärlik tütedilýär. Ýylyň gelşine görä, mart aýynyň aýagynda — aprel aýynyň birinji ýarymynda ýüpek gurçuklaryny idetmek möwsümi gyzgalaňly başlanýar.

21 Mart 2021

Oba hojalyk

Ata kesbi (Hekaýa)

Säher bilen çäýnegine demlenen guşdyrnak gök çaýdan howlukman keýpini çaglan ýaşuly, seçelenip duran silkme telpegini başyna geýdi-de, ir bilen turup, özi bilen bile garynjygyny doýuran agtygy Kerwenjigi ýanyna alyp, bag ekmegi niýetlän atyzynyň bir gyrasyndan girdi. Sapardurdy aga Kerwenjigi beýleki agtyklaryndan has eý görýärdi. Belki-de, ol öz çagalygyny ýatladýanlygy üçindir. Her bir iş edende-de, onuň gyzyklanyp, berýän bilesigelijilikli sowallaryna irmezden, dürli tymsallar getirip, jogap bererdi. Kerwen düşbüje oglanjyk. Ol öýde kakasyna kömekleşýär, sypyndygy welin, atasynyň ýanyndan aýrylmaz. Onuň edýän işlerini synlap, öwrenjek bolup, sowal üstüne sowal berýär. Ony mekdepde mugallymlaram gowy görýär. Ähli berlen ýumuşlary dürs ýerine ýetirýär, sapaklara höwesjeň gatnaşýar.

21 Mart 2021

Edebiýat

Çowgan — gadymy oýun

At üstünde oýnalýan oýunlaryň içinde gowy görülýänleriň biri-de, çowgan oýnydyr. Bu oýun Merkezi Aziýada antik döwründe döräpdir. Parfiýalylaryň arasynda giňden ýaýran çowgan oýny orta asyrlar eýýamynda özüniň ýokary derejesine ýetýär. Oýnuň maksady ujy egri taýakly atly jigitleriň iki toparynyň biri-biriniň garşysyna durup, eminiň yşaraty boýunça ylgap başlamagy we togalak agajy (topjagazy) meýdançanyň aýagujundaky dikilgi pürsleriň aralygyndan geçirmekden, garşydaş toparyň bolsa, ony saklap yzyna gaýtarmagyndan ybarat bolup durýar. Çowgan oýnunda, ilkinji nobatda, at zerur bolupdyr. Ýewropa edebiýatlarynda çowgan oýnuna «atyň üstünde oýnalýan top oýny» diýilýär. Orta asyr çeşmelerinde bu oýun «batyrlaryň oýny» diýlip atlandyrylypdyr, sebäbi ol örän güýçlüligi, çakganlygy, sowukganlylygy talap edipdir we meşhur esgerlere mynasyp kesp-kärleriň biri bolupdyr.

21 Mart 2021

Miras

Ene mähriniň gudraty (Durmuşy tymsallar)

Çagalyk döwrüm günleriň bir güni irden ejem meni oýarmaga dözmän, gapyny çalaja açyp gidipdir. Birden oýandym-da, ejemi gözläp daş çykdym. Ejem eli kiçijik kepjeli mellegimizde işläp ýören eken. Ýanyna bardym. Eýýäm ejemiň zähmet siňdiren ýeri gül ýaly bolupdyr. Mellegimizdäki bag-bakjalar gök öwsüp otyr. Şonda ejem maňa: «Balam, bir agaç ençeme menzillerden görüner» diýilýändir. Säher-saba bilen bag-bakjalykda işlemäge endik etseň, ömürboýy süňňüň sagat bolar» diýdi. Ejemiň bu aýdan pendini men jäht tutup ýörün.

21 Mart 2021

Edebiýat

Tekerlerdäki dron — daýhanyň kömekçisi

Sidneý uniwersitetiniň alymlary tarapyndan işlenip düzülen «tekerlerdäki dron» oba hojalyk roboty ilkinji synaglardan üstünlikli geçdi. Günorta Uelsde synagdan geçirilen täze robot eýesine arzan düşýändigi bilen tapawutlanýar. Bu gezek asmana uçman, tekerleriň üstünde hereket etmegi saýlap alan dronuň esasy başarnygy nämede? Ol ekiniň ösüşini ölçeýär we haşal otlaryň ýaýramagynyň öňüni alýar. Gerek bolsa, ýeri bu otlara garşy dermanlap çykýar.

21 Mart 2021

Oba hojalyk

Marsda ýeralma ýetişdirip bolar

Amerikanyň Birleşen Ştatlarynyň NASA guramasy peruly alymlar bilen birlikde kosmos şertlerinde ýeralma ýetişdirmek boýunça gözlegleri geçirdi. Munuň üçin Perunyň paýtagty Lima şäherinde döredilen «Älem ýyladyşhanasynda» synaglar geçirildi. Ýyladyşhanada howanyň ýylylygy 0 derejeden pese düşürilip, güýçli howa basyşy emele getirildi. Garaz, alymlar Marsdaky şertleri döretmek üçin ähli tagallalary etdiler. Limadaky «Marsyň» ýagtylygy hem hakyky Marsyň gije-gündiz çalşygyna laýyklykda düzüldi. Ýyladyşhana diňe howa babatynda däl, toprak babatda hem ýer bilen bütinleý çapraz gelýän şertlere eýe.

21 Mart 2021

Oba hojalyk

Bal arylaryň «ylham» gülleri

Awstraliýaly dizaýner tarapyndan işlenip düzülen «sintetiki tozanlandyryjy» oba hojalygyndaky öndürijilige goşant goşýan bal arylaryň sanyny köpeltmäge ýardam berer. Bal arylaryň sanynyň azalmagy diňe bir biodürlülige däl, eýsem, ekerançylyk ýerleriniň öndürijiligine-de täsiri uly. Munuň üçin olaryň sanyny köpeltmekde täze teklipler öňe sürülýär. Şol teklipleriň biri hem awstraliýaly dizaýner Maýkl Kendä degişlidir. Ol bu meseläni çözmek üçin täze tehnologiki oýlap tapyş etdi. Onuň 3D çap ediji arkaly işläp düzen robot gülleri emeli tozanlanmak bilen bal arylary hem bu işe çagyrýar. Bal arylar adaty güller bilen bir hatarda robot güllere hem gonup, iş öndürijiligini artdyryp bilerler.

21 Mart 2021

Oba hojalyk

Saglyk — baş baýlyk

Şahsy gigiýenanyň kadalaryna we arassaçylyk düzgünlerine berk eýeriň! Elleriňizi ýygy-ýygydan sabynlap ýuwuň we hemişe arassa saklaň! Daşary çykanyňyzda antiseptiki serişdelerini elleriňize sepmegi endige öwrüň! Burnuňyzyň nemli bardasyna oksolin melhemini çalyň!

21 Mart 2021

Saglyk

Ýurdumyzda 2 müň 100 tonna pile öndüriler

12-nji martda hormatly Prezidentimiz Gurbanguly Berdimuhamedow sanly ulgam arkaly Türkmenistanyň Ministrler Kabinetiniň nobatdaky mejlisini geçirdi. Onda döwlet durmuşyna degişli möhüm meseleler ara alnyp maslahatlaşyldy we käbir resminamalaryň taslamalaryna garaldy. Mejlisiň dowamynda Ministrler Kabinetiniň Başlygynyň orunbasary E.Orazgeldiýewe söz berildi. Wise-premýer ýurdumyzyň ekerançylyk meýdanlarynda alnyp barylýan möwsümleýin oba hojalyk işleri, azyk bolçulygyny üpjün etmek maksady bilen durmuşa geçirilýän çäreler barada hasabat berdi.

14 Mart 2021

Oba hojalyk

Milli Liderimiziň be­ýik baş­lan­gy­jy:

Ta­ry­hyň sa­ra­lan sa­hy­pa­la­ryn­dan bil­şi­miz ýa­ly, ata Wa­ta­ny­myz ga­dy­my eke­ran­çy­ly­gyň dö­rän me­ka­ny­dyr. Bu gün bol­sa, hor­mat­ly Pre­zi­den­ti­mi­ziň pa­ra­sat­ly baş­lan­gy­jy bi­len bol­çu­ly­gyň, be­re­ke­diň ýur­du­dyr. Eke­ran­çy­ly­gyň esa­sy şert­le­ri­niň bi­ri suw bol­çu­ly­gy­dyr. Dün­ýä­de uzyn we süý­ji suw­ly der­ýa­la­ryň bi­ri bo­lan Amy­der­ýa­nyň ha­na­sy­nyň köp bö­le­gi döw­le­ti­mi­ziň çä­gin­den akyp geç­ýär. Ýur­duň äh­li eke­ran­çy­lyk ýer­le­ri­niň 95 gö­te­ri­me go­la­ýy şu der­ýa­nyň kö­me­gi bi­len su­wa­ryl­ýar. Şu nuk­daý­na­zar­dan suw se­riş­de­le­ri­ni tyg­şyt­ly we re­je­li peý­da­lan­ma­gyň, ony eg­sil­mek­den we ha­pa­lan­mak­dan go­ra­ma­gyň yl­my taý­dan esas­lan­dy­ry­lan has ne­ti­je­li usul­la­ry­ny iş­läp taý­ýar­la­mak we ka­nun­çy­lyk bin­ýa­dy­ny düz­gün­leş­dir­mek ba­bat­da hem yzy­gi­der­li iş­ler al­nyp ba­ryl­ýar. Ila­ty­my­zyň ýa­şa­ýyş-dur­muş şert­le­ri­ni mun­dan beý­läk-de go­wu­lan­dyr­mak hem-de arassa agyz su­wy bi­len üp­jün et­mek üçin 2010-njy ýy­lyň 4-nji okt­ýab­ryn­da «Agyz su­wy ha­kyn­da» Türk­me­nis­ta­nyň Ka­nu­ny güý­je gir­di. 2011-nji ýy­lyň 10-njy ýan­wa­ryn­da bol­sa, hor­mat­ly Pre­zi­den­ti­miz ýur­du­my­zyň ilat­ly ýer­le­ri­ni aras­sa agyz su­wy bi­len üp­jün et­me­giň Baş mak­sat­na­ma­sy­ny tas­syk­la­dy. Bu mak­sat­na­ma­da ila­ty­my­zy, şeý­le hem uzak­da­ky şä­her­çe­le­

14 Mart 2021

Oba hojalyk

Ýaşa, Arkadagly paýtagtym ýaşa!

Watanyň ýüregi, ýurduň baş kendi,Aşgabadym, gutly bolsun, ýaş toýuň!Eneleň dogasy, atalaň pendiBilen ýüze sylýas röwşen, gül roýuň! Hatar-hatar mermer ymaratlaryň,Al asmana uzap gidýän merdiwan.Okadym taryhyň dörüp gatlaryn,Kökleriň geçmişde, özüň nowjuwan.

14 Mart 2021

Garaşsyzlyk

Dünýä rekordyny täzelän Ýulduz

Üstünliklere ýetmek, ýeňiş gazanmak her bir adamyň kämillik basgançagynda esasy orny eýeleýär. Başarjaňlyk, yhlaslylyk, zähmetsöýerlik bilen gazanylýan uly ýeňişler, üstünlikler bolsa, ynsan ömürlerini nurlandyrýar. Ol nuruň ýalkymy ýatdan çykmajak bagtly pursatlary bagyşlap, göwünleri ganatlandyrýar. Ýulduzyň mährem käbesi, kyblasy ene toprakdan bagtyny, rysgyny tapan kärendeçiler. Mele topraga bagry badaşan şeýle maşgaladan bolan sadaja oba gyzynyň megerem, geljekde dünýä çempiony bolar diýip, hiç kim güman hem eden däldir. Ýöne, Ýulduzyň dünýä rekordyny täzeläp, çempion bolmak arzuwy durmuş hakykatyna öwrüldi. Bu başgaça bolup hem bilmezdi. Sebäbi, geçmişde Harmandäli ýaly pälwan gyzlary bolan bu topragyň suwundan ganyp, behişdi miwelerinden iýip, jana tenekar howasyndan dem alyp, ese-boýa galan perzentleri Watanyň adyny belende göteräýmeli hem.

14 Mart 2021

Sport

Sanly ulgam — täze ösüşleriň açary

Häzirki wagtda milli ykdysadyýetimiziň ähli pudaklarynda sanly ulgama geçmek, sanly tehnologiýalaryň hyzmatyndan peýdalanmak boýunça işler giň gerimde ýaýbaňlandyrylýar. Munuň özi iş öndürijiligini artdyrmaga, wagty tygşytlamaga, işiň hilini gowulandyrmaga we depginini güýçlendirmäge giň mümkinçilikleri döredýär. Paýtagtymyz Aşgabatda we ýurdumyzyň welaýatlarynda sanly ykdysadyýete geçmekde tapgyrlaýyn alnyp barylýan işler sanly ykdysadyýeti ösdürmegiň konsepsiýasyny amala aşyrmagyň degişli üç tapgyryny öz içine alýar. Sanly tehnologiýalaryň giň mümkinçiliklerinden peýdalanylmagy islendik adam üçin öýde oturan ýerinden, öz möhümine we islegine görä saýlap, döwlet ulaglaryna ýol peteklerini satyn almaga, dükanlardan söwda etmäge, jemagat töleglerini tölemäge, bilim ulgamynda geçilýän okuw sapaklaryna onlaýn usulda goşulmaga, özleşdirilmän galan sapaklary ýörite portalda goýlan wideogörnüşli sapak ýazgysynyň üsti bilen gaýtadan özleşdirmäge we beýlekilere uly ýeňillikleri döredip, ýörite ýola çykyp barmak, nobata durup garaşmak ýaly birnäçe wagt sarp etmeleri, saglyk ýagdaýy sebäpli okuwa baryp bilmedik talybyň ýa okuwçynyň okuw prosesiniň gidişinde deň-duşlaryndan yza galmak meselesini aradan aýyrýar.

14 Mart 2021

Bilim

Nar we injir baglarynyň idegi

Balkan welaýatynyň Magtymguly etrabynyň S.Nyýazow adyndaky subtropiki ekinleri ösdürip ýetişdirýän daýhan birleşiginiň kärendeçileri hem nar, injir, alma we beýleki gök-bakja önümlerini ösdürip ýetişdirmekde guwandyryjy netijeleri gazanýarlar. Geçen ýyl daýhan birleşiginde 270 gektar meýdany tutýan nar agaçlaryndan, 12 gektar meýdany tutýan injir agaçlaryndan ýokary hilli önüm alyndy. Has takygy, geçen ýyl daýhan birleşigi boýunça naryň we injiriň bol hasyly ýetişdirildi. Bu bolsa daýhan birleşigiň kärendeçileri tarapyndan bellenilen şertnamalaýyn borçnamanyň üstünlikli berjaý edilendigini aňladýar. Şeýle hem daýhan birleşigiň 15 gektar meýdanynda ýaş alma nahallary oturdylyp, olara ýokary derejede ideg edilýär. Tejribeli kärendeçiler Döwletýar Berkeliýew, Oguldursun Gaýypowa, Maýa Şapoladowa, Gubadan Berdiýewa daýhan birleşikde gazanylan üstünliklere özleriniň saldamly goşantlaryny goşýarlar. Birleşigiň ussat kärendeçi bagbanlary baglara yhlasly hyzmat etmek bilen, miwe berýän agaçlaryň ýokary hasyl bermegi we ýaňy oturdylan nahallaryň kadaly boý almagy üçin agrotehnikanyň talaplaryna laýyklykda iş alyp barýarlar. Şu günler kärendeçi bagbanlar baglaryň ak güllere bürenen meýdanlarynda möhüm çäreleri amala aşyrýarlar. Miweli agaçlara ideg işlerini ýokarlandyryp, olardan bol hasyl almak ugrunda tutanýerli zähmet çekýärler.

14 Mart 2021

Oba hojalyk

Kiwi agajyny ösdürip ýetişdirmek meýilleşdirilýär

Ata Watanymyzda dürli ösümlikleri ösdürip ýetişdirmäge, olardan datly miwedir ir-iýmişleri we gök-bakja ekin önümlerini almaga uly mümkinçilikler bar. Şoňa görä-de, biziň tebigatymyzyň ýabany ösümlik dünýäsi hem örän köpdürlüligi bilen tapawutlanýar. Ygally ýyllarda bahar aýlary dagetek düzlüklerinde, çöllük we sähra meýdanlarynda ýuwa ösümliginiň agdyklyk etmegi soganyň mekanydygyny aňlatsa, türşegiň bolmagy gawunyň, garpyzyň, ýabany sülebaşyň bolmagy süläniň, arpagan bolsa arpanyň, bugdaýyň ýabany görnüşleriniň bolmagy ak bugdaýyň watanydygyny ýene bir gezek subut edýär. Şeýle hem eziz Diýarymyz özge ýerlerde gaýtalanmaýan dürli görnüşdäki ir-iýmişleriň, şirinden-şeker miweleriň watanydyr. Mähriban ene topragymyzda öz Watanymyza mahsus bolan ekinlerden başga-da, gaýry ýurtlardan getirilip ekilýän, asla toprak-howa şertleri düýbünden başga bolan pürli agaçlar — eldar sosnasyny, možžewelnik, kiparis we tuýa arçasy ýaly agaçlaryň tohumyny ýygnamak, olary ösdürip ýetişdirmek tärlerini işläp düzmek ýa-da ozal ýabany ösýän meýdan ekinleri bolan türkmen arçasyny, ak sazagy, gyzyl gülälegi, üzärligi, göýüli ekerançylyk medeniýetine salmakda uly işler geçirilýär. Lebap welaýatynyň çäginde ösdürilip ýetişdirilýän, watany Gündogar Aziýa bolan Pawloniýa agajyny muňa mysal getirmek bolar. Bu agaç köp kislorod bölüp çykarmak bilen, howany arassalaýar we ýeňil gurluşyk senagaty üçin çig m

14 Mart 2021

Oba hojalyk

Sakarçägäniň banany

Berkarar döwletimiziň bagtyýarlyk döwründe hormatly Prezidentimiziň döredip berýän diýseň amatly şertlerinden peýdalanyp, ene topraga yhlasly ýapyşmak bilen, daşary ýurtlardan getirilýän azyk önümleriniň ornuny tutýan önümleriň bolçulygyny döretmäge isleg bildirýän işeňňir adamlaryň, telekeçileriň, hususyýetçileriňdir hojalyk jemgyýetiniň sany üzül-kesil artdy. Üç-dört ýyllykda Sakarçäge etrabynyň «Geňeş» daýhan birleşiginiň çäginde ýerleşen «Ferhar» hojalyk jemgyýeti hem şeýle asylly işe uly höwes bilen goşuldy. 2017-nji ýylda bu ýerde gurlan ýyladyşhanada oturdylan 2 müň düýp «Grantnina» görnüşli banan nahallarynyň biziň toprak-howa şertlerimize çalt uýgunlaşmagy, kesele durnuklylygy, öz-özünden köpelýändigi bilen ony ekip ýetişdirenleriň göwünlerini galkyndyrdy, bu ekine bolan höweslerini has hem artdyrdy. Sebäbi boýy 6 metre, esasy köküniň uzynlygy bolsa, 4 metre ýetýän banan agajynyň iň söýgüli iýmitiniň goýun, sygyr dersi ýaly ýerli dökünlerdigi, goşmaça-da möwsümine görä, azot, fosfor, kaliý ýaly mineral dökünleriň hem ýeterlik mukdaryny peýdalansaň, ýyladyşhanany daşky howa ýagdaýyna laýyklykda 24 — 30 gradus gyzgynlykda, 60 — 70 göterim derejedäki çyglylykda saklasaň, onda bu ekiniň eýesini dilgir etmejekdigine hojalyk jemgyýetiniň işewürleri ilkinji ýylda ymykly göz ýetirdiler. Şeýlelikde, jemi 1,32 gektar meýdany tutýan banan ýyladyşhanasyndan 2019-njy ýylda 49 tonna

14 Mart 2021

Oba hojalyk