Türkmenmetbugat

"Diýar" žurnaly

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-56, 39-95-30, 39-95-23
Email: diyar-zurnaly@sanly.tm

Gazeti PDF görnüşinde ýükläp almak

Habarlar

Aty sarpalanyň — döwleti zyýat

Halkymyzda bedew ata uly sarpa goýulýar. Türkmen halky geçmişde öz durmuşyny bedewsiz göz öňüne getirmändir. Kowsa ýetýän, gaçsa gutulýan bedewler türkmeniň uçar ganaty hasaplanypdyr. Behişdi bedewler diýlip atlandyrylmagy hem ýöne ýere däldir. Ýyndam, owadan, eýesine wepaly, gaýduwsyz, gyz gylykly, ynsan kimin garaýyşly ahalteke bedewlerini türkmenler wepaly dost hasaplapdyrlar. Halkymyz gyz-gelinleri altyn-kümüş bezegler bilen bezeýşi ýaly, mukaddeslik derejesine ýetiren bedewlerini hem şaý-sepler bilen bezäp-besläpdirler. Taryha ser salanyňda uçar ganatly bedewler öz eýesini söweşlerde howp-hatardan gorapdyr. Toý gününde syrdaşy, gamly günde gardaşy bolan bedewler türkmen halkynyň gaýtalanmajak sungatydyr. Halkymyz şatlykly gününde dabaraly toý tutup, at çapdyrypdyr, ýurduň üstüne howp abananda hem özüniň bedew atyna atlanyp, darkaş gurupdyr. Nesilbaşymyz Oguz han Türkmen bir gün ogullaryny ýanyna çagyryp: «Ogullarym, nesillere hemişe üç zady — Watany, ata-enäni we bedew atlary aýamagy sargyt ediň!» diýipdir.

24 Mart 2021

Şanly ýylyň syýasy wakasy

Gahryman Arkadagymyzyň baştutanlygynda jemgyýetimizde düýpli özgertmeler durmuşa geçirilýär. Döwletimiziň kanunçylyk ulgamyny dünýä ülňülerine laýyk getirmek, şeýle hem halkyň bähbidini göz öňünde tutýan kanunçylyk namalarymyzy kämil derejelere ýetirmek maksady bilen milli Parlamentimizi iki palataly ulgama geçirmek göz öňünde tutuldy. 2020-nji ýylyň sentýabr aýynda hormatly Prezidentimiziň ýolbaşçylyk etmeginde, geçirilen Halk Maslahatynyň nobatdaky mejlisinde konstitusion özgertmeleriň jemi jemlenildi we “Türkmenistanyň Konstitusiýasyna üýtgetmeler we goşmaçalar girizmek hakynda” Türkmenistanyň Konstitusion Kanuny kabul edildi. Muňa laýyklykda, bilşimiz ýaly, 2020-nji ýylyň 24-nji oktýabrynda Türkmenistanyň Milli Geňeşi hakynda Kanuny kabul edildi. Bu Kanun esasynda döwletimiziň kanun çykaryjy häkimiýeti bolan parlament “Milli Geňeş” diýlip atlandyryldy. Milli Geňeşiň ýokarky palatasy Halk Maslahaty, aşaky palata hem Mejlis diýlip atlandyrylýar. Türkmenistanyň Konstitusiýasynda, Milli Geňeş hakynda Kanunynda Halk Maslahatynyň agzalarynyň ygtyýarlyklary, saýlanylmagynyň tertibi, iş tertibi we olara bildirilýän talaplar bellenilen. Halk Maslahatynyň düzümine 56 agza saýlamak göz öňüne tutulýar, olaryň 8-isi Türkmenistanyň Prezidenti tarapyndan bellenilip, 48 agzasy welaýatlardan we Aşgabat şäherinden saýlanylar. Halk Maslahatynyň agzalaryny hödürlemek hukugy welaýat, etrap, şäh

24 Mart 2021

Erkanalygyň baýramy

Berkarar döwletimiziň bagtyýarlyk döwründe nesilden-nesle geçip gelýän milli baýramlarymyza aýratyn uly sarpa goýulýar. Olar halkymyzyň bolelin, bagtyýar ýaşaýan döwründe mynasyp dowam etdirilip, döwrebap öwüşginlere eýe bolýar. Her ýyl halkymyz uly dabara bilen Milli bahar baýramyny — Halkara Nowruz gününi belläp geçýär. Türkmen halkynda Nowruz baýramyny bellemek dessury Oguz handan gözbaş alyp gaýdýar. Gahryman Arkadagymyzyň milli däp-dessurlarymyzy dikeltmek ugrunda alyp barýan taýsyz tagallalary netijesinde halkymyz Nowruz baýramynyň öňüsyrasynda oňa ýokary derejeli taýýarlyk görýär. Älem-jahanyň janlanyp, owadan reňklere beslenen günlerinde täze arzuwlaryň, umytlaryň baýramy — Milli bahar baýramy uludan bellenip geçilýär. Bu baýramda toý saçaklary giňden ýazylyp, onda Nowruz tagamlary: türkmen çöregi, petir çörek, gowurdak, köje, mäşewe, palaw, semeni ýaly dürli tagamlar taýýarlanylýar.

24 Mart 2021

Bagtyýar durmuş üçin

Bitarap Watanymyzda amala aşyrylýan özgertmeler uzak möhletleýin we köpugurly bolup, ýurdumyzyň tebigy baýlyklaryny gorap saklamak, olardan aýawly we rejeli peýdalanmak, täze, ekologiýa taýdan arassa tehnologiýalary ornaşdyrmak, ekologiýa howpsuzlygyny üpjün etmek hem-de daşky gurşawy goramak baradaky işler döwlet syýasatynyň ileri tutýan ugurlarynyň birine öwrüldi. Milli Liderimiziň ekologiýa we daşky gurşawy goramak baradaky dünýä ähmiýetli başlangyçlary we teklipleri halkara jemgyýetçiliginde seslenme tapyp, uly goldawa eýe bolýar. Şuňa laýyklykda ýurdumyzda ekologiýa howpsuzlygynyň üpjün edilmegine degişli maksatnamalaýyn çäreler yzygiderli durmuşa geçirilýär. Bu işler diňe bir ýurdumyzyň çäginde däl-de, eýsem, sebitde we halkara derejesinde ekologiýanyň goralmagyna hem-de durmuş-ykdysady taýdan durnukly ösüşiň üpjün edilmegine gönükdirlendir. Türkmenistanyň uzak möhletli ekologiýa syýasatynyň esasy ýörelgeleri we düzgünleri ýurdumyzyň kanunçylyk resminamalarynda anyk kesgitlenildi.

24 Mart 2021

Adam. Jemgyýet. Kanun.

Zerur tagalla Berkarar döwletimiziň bagtyýarlyk döwründe hormatly Prezidentimiziň başlangyçlary bilen döwrebap kanunlaryň kabul edilmeginde netijeli işler durmuşa geçirilýär. Bu derwaýys işiň Garaşsyz, Bitarap Türkmenistanymyzyň konstitusion gurluşyny kämilleşdirmek bilen sazlaşykly utgaşdyrylýandygy hemmämize äşgär hakykatdyr. Jemgyýetimiziň möhüm ulgamynda amala aşyrylýan tutumly işler milli kanunçylygymyzy döwrebaplaşdyrmaga mümkinçilik berýär. Bu bolsa ýurdumyzda amala aşyrylýan düýpli özgertmeleriň üstünliklere beslenmegine giň ýol açýar.

24 Mart 2021

Ýyldyz senenamasy

Ýyldyzlary synlap, olaryň hereket edýän ugry, dogýan we ýaşýan wagtlary hem-de ýyldyz atlarynyň gelip çykyşlary bilen gyzyklanmaýan adam az bolsa gerek. Irki döwürde Türkmenistanyň çäginde çarwalar we daýhanlar, alymlar we bu ugurdan höwesekler Günüň hem-de Aýyň hereketinden başga, planetalara we has ýagty ýyldyzlara gözegçilik edipdirler. Olaryň ýyl içinde dogýan we ýaşýan wagty oba hojalyk işleri bilen sazlaşdyrylypdyr. Ol “Ýyldyz senenamasy” diýlip atlandyrylyp, türkmenlerde ýörgünli hasaplaryň biri bolupdyr.

24 Mart 2021

At — myrat

Gürrüňçilikde haýsydyr bir zada ýokary baha beriljek bolunsa, köplenç, söhbede onuň aslynyň gadymylygyndan başlanýar. Biziň şu günki söhbedimizem edil şonuň ýaly gadymy kesp-kär, hünär barada. Baryp-ha ençeme asyrlardan bäri ynsanlar atlar bilen şeýle bir içgin gatnaşyk saklap gelipdirler welin, at çapmakda, seýislemekde gazanylan tejribeler, bedewler barada rowaýatlardyr hekaýatlar nesilden-nesle, dilden-dile geçip, heňňamlar aşyp, biziň günlerimize gelip ýetipdir. Bu günki gün bedewler barada edilýän gürrüňleriň üsti olar hakynda edilýän aladalar baradaky ýürek buýsançlary bilen ýetirilip, ajaýyp döwrümizde has-da täze röwüşde ýaňlanýar. 22-nji martda döwlet Baştutanymyz Türkmenistanyň Prezidentiniň Ahalteke atçylyk toplumynda bolup, Akhandan bolan at taýyna Aşgabat diýip at goýdy. Taýçanagy idediji, Türkmenistanyň Prezidentiniň Diwanynyň Iş dolandyryş müdirliginiň Hojalyk müdirliginiň Türkmenistanyň Prezidentiniň Ahalteke atçylyk toplumynyň edarasynyň önümçilik-atçylyk bölüminiň uly atbakary Nuraly Rahymowa bolsa milli Liderimiziň Permany bilen, Türkmenistanyň «Türkmenistanyň halk atşynasy» diýen hormatly ady dakyldy.

24 Mart 2021

Dalaşgärler bilen duşuşyklar

Änew şäherindäki Medeniýet öýünde Türkmenistanyň Milli Geňeşiniň Halk Maslahatynyň agzalarynyň saýlawlarynda welaýatymyz boýunça bellige alnan dalaşgärleriň welaýat halk maslahatynyň agzalary bilen duşuşyk ýygnaklary geçirildi. Welaýat saýlaw topary tarapyndan guralan duşuşyk ýygnaklary işjeňlik ýagdaýynda geçdi. Türkmenistanyň Milli Geňeşiniň Halk Maslahatynyň agzalygyna dalaşgärler — Sarahs etrabyndaky 10-njy orta mekdebiň müdiri Döwletgeldi Çaryýew, Tejen etrabyndaky 22-nji orta mekdebiň müdiri Jepbar Daňatarow, Tejen etrabynyň Maliýe we ykdysadyýet bölüminiň Durmuş-ykdysady ösüş we maýa goýumlar bölümçesiniň başlygy Rejepguly Esenow, Bäherden etrabyndaky 2-nji orta mekdebiň müdiri Ogulmaral Hojaýewa, «Jebis Türkmen» hususy kärhanasynyň müdiri Seýdi Jumaýew dagy bilen bolan duşuşyklarda olaryň ynanylan adamlary dalaşgärleriň terjimehaly bilen tanyşdyrdylar.

23 Mart 2021

Sowgatlar gowşuryldy

Gökdepe etrabynyň Owadandepe geňeşliginiň çägindäki Ahalyň tebigy gazdan benzin öndürýän zawodynyň mejlisler jaýynda Milli bahar baýramy mynasybetli duşuşyk geçirildi. Türkmenistanyň Magtymguly adyndaky Ýaşlar guramasynyň etrap Geňeşiniň guramagynda bolan duşuşyga zawodyň hünärmenleri gatnaşdy. Duşuşykda Berkarar Watanymyzyň senagat taýdan has-da kuwwatlanmagy babatdaky durmuşa geçirilýän tutumly işleriň ähmiýeti hakynda söz açylyp, bu ugurda Ahalyň tebigy gazdan benzin öndürýän zawodynyň işçi-hünärmenleriniň orny bellenildi hem-de dünýäde deňi-taýy bolmadyk bu kuwwatly kärhananyň işgärlerine uly üstünlikler arzuw edildi.

23 Mart 2021

Soňky sütün

Hormatly Prezidentimiziň başlangyjy bilen indi birnäçe ýyldan bäri Halkara Nowruz gününiň öňýany köpçülikleýin bag ekmek asylly däbe öwrüldi. Bu däbe eýerip, 20-nji martda ýurdumyzyň ähli ilaty milli Liderimiziň ilkinji nahaly oturdyp, ak pata bermegi bilen köpçülikleýin bag ekmek dabarasyna işjeň gatnaşdylar. Şol gün miweli we saýaly nahallaryň ýüzlerçe müň düýbi oturdyldy, öňden bar bolan baglarda bejergi, timarlaýyş işleri geçirildi. Ýeri gelende aýtsak, Gahryman Arkadagymyzyň Kararyna laýyklykda, şu ýyl mukaddes Garaşsyzlygymyzyň 30 ýyllygy mynasybetli 30 million düýp agaç nahallary oturdylar. * * *

23 Mart 2021

Behişdi bedewlerimize buýsanç

Halkymyzyň köňül küýsegini gülledip, bagtyýar zamanamyza bolan söýgini goşalandyrýan, ganatlandyrýan milli Liderimize aýdylýan alkyşlaryň yzy üzülmän, toý-baýramdyr çärelerde has-da dabaralanýar. Paýhas bilen amala aşyrylýan beýik işler döwri hem, ýurdy hem beýgeldýändir. Hormatly Prezidentimiz Gurbanguly Berdimuhamedowyň saýasynda gülläp ösýän ýurdumyz biziň her birimiziň buýsanjymyzdyr. Türkmenistanyň at-abraýynyň bütin dünýä dolmagy hem Gahryman Arkadagymyzyň paýhas bilen amala aşyrýan beýik işleriniň datly miwesidir. Alyp barýan beýik işlerini milliligimize ýugurýan hormatly Prezidentimiz döredijilik bilen, sport bilen meşgullanan wagtynda hem halkymyzyň kalbyny buýsanja besleýär.

23 Mart 2021

Täzelikler

Çärjew etrabyndaky «Serdar» maldarçylyk hojalygynyň agzybir we başarjaň agzalary mallardan owlak-guzy almak baradaky meýilnamalaryny üstünlikli berjaý etdiler. Alnan ýaş mallar geljekde sürüleriň üstüni doldurmak üçin ösdürmäge galdyryldy. Hojalykda ene mallaryň 2,1 müňden gowragy bolup, olardan owlak-guzularyň 1879-syny almak meýilleşdirilipdi. Ussat dowardarlar şu döwre çenli sagdyn ýaş mallaryň 2883-sini alyp, bu baradaky meýilnamany artygy bilen berjaý etdiler. Olar häzirki günlerde ýaş mallara yhlas bilen ideg edip, olaryň sagdyn ösmegini gazanýarlar.

23 Mart 2021

Sanly ulgamyň ösüşine giň gerim berilýär

19-njy martda hormatly Prezidentimiz Gurbanguly Berdimuhamedow Ministrler Kabinetiniň sanly ulgam arkaly nobatdaky mejlisini geçirdi. Onda döwlet durmuşynyň möhüm meseleleri ara alnyp maslahatlaşyldy hem-de birnäçe resminamalaryň taslamalaryna garaldy. Milli Liderimiz sanly ulgam arkaly geçirilýän mejlisiň gün tertibine geçip, Ministrler Kabinetiniň Başlygynyň orunbasarlaryna söz berdi. Wise-premýerler öz gözegçilik edýän ulgamlarynda alnyp barylýan işleriň netijesi we hormatly Prezidentimiziň ozal beren tabşyryklarynyň ýerine ýetirilişi barada habar berdiler. Hasabatlaryň çäklerinde ýurdumyzyň welaýatlarynda gowaça hasylynyň düýbüni tutmak hem-de ekiş möwsüminiň bellenen agrotehniki möhletlerde geçirilmegini üpjün etmek maksady bilen gowaça ekişine başlamaga görülýän taýýarlyk barada habar berildi hem-de ussat daýhanlaryň, tejribeli hünärmenleriň, alymlaryň we mehanizatorlaryň gatnaşmaklarynda ýurdumyzyň welaýatlarynda tejribe maslahatlaryny geçirmegiň, şeýle-de gowaça ekişine başlamagyň senesini belläp, oňa ak pata bermegi hormatly Prezidentimizden haýyş edildi.

23 Mart 2021

Parahatçylyga we özara ynanyşmaga daýanyp

«Türkmenistan — parahatçylygyň we ynanyşmagyň Watany» ýylyna badalga berlen ilkinji günlerden durmuşa geçirilip başlanylan halkara ähmiýetli dabaralardan, tutumly toýlara görülýän taýýarlyklardan hem biz üstümizdäki ýylyň rowaç gadamyna, belent badyna aýdyň göz ýetirýäris. Muňa ata Watanymyzyň bagtyýar goýnunda her günümiziň taryhy we şanly wakalara beslenýändigi, halkymyzyň ýaşaýyş derejesiniň barha gowulanýandygy hem aýdyň şaýatlyk edýär. Güneşli Diýarymyzda milli Liderimiziň ählumumy abadançylygyň, durnukly ösüşiň bähbidine, häzirki zamanyň derwaýys meselelerine, parahatçylygyň we howpsuzlygyň pugtalanmagyna gönükdirilen asylly başlangyçlary bu günki gün bütin dünýäde uly goldawa mynasyp bolýar. Gahryman Arkadagymyz dünýä we sebit möçberinde parahatçylygy we howpsuzlygy üpjün etmek, Owganystanyň durmuş-ykdysady taýdan dikeldilmegine kömek we ýardam bermek, energetika we ulag, suw üpjünçiligi we Aral deňzini halas etmek ýaly adamzadyň geljegine gönüden-göni täsir etjek meseleleri üns merkezinde saklap, bu babatda dünýä bileleşigine agza döwletleri tagallalary birleşdirmäge çagyrýar. Hormatly Prezidentimiziň taýsyz tagallalary bilen ýurdumyzda gazanylýan şanly ösüşler giň gerimli maksatnamalary, durmuş-ykdysady özgertmeleri üstünlikli durmuşa geçirmäge ýardam berýär. Döwlet Baştutanymyzyň Akina — Andhoý menzilleriniň arasyndaky 30 kilometrlik demir ýolunyň, Kerki — Şibirgan u

23 Mart 2021

Arkadagly Diýarda Nowruz bu gün, ýaz bu gün

Milli bahar baýramyna bagyşlanan toý-dabaralar Lebabyň çar künjegini giňden gurşap aldy Türkmen tebigaty ýylyň ähli paslynda-da örän owadan hem-de özüneçekiji. Ýöne pasyllaryň soltany baharyň gelmegi bilen, ol has-da gözelleşýär, ajaýyp keşbe girýär. Bu günki gün al-elwan güllere, läle-reýhana beslenen dag-düzlerimizi, sähra-çöllerimizi synlanyňda, göwnüň telwaslanýar. Hawa, gaýtalanmajak gözelligi bilen ynsan kalplaryny joşa getirýän hut şu ajap çagda hem her ýyl ýurdumyzda Milli bahar baýramy uludan toýlanylýar. «Türkmenistan — parahatçylygyň we ynanyşmagyň Watany» ýylynyň şu baharynda hem güneşli Diýarymyzyň çar künjeginde bolşy ýaly, gadymy Lebap ilinde-de iki günläp baýramçylyk dabaralary uludan tutuldy.

23 Mart 2021

Zähmet gatnaşyklarynyň kämil ýörelgesi

Türkmenistanyň Zähmet kodeksi raýatlaryň zähmet hukuklarynyň döwlet kepillendirmelerini bellemekde, zähmetiň amatly şertlerini döretmekde, işgärleriň we iş berijileriň hukuklaryny we bähbitlerini goramakda esasy kanun bolup durýar. Ol raýatlaryň zähmet çekmäge bolan konstitusion hukuklaryny durmuşa geçirmekleri üçin zerur şertleri we kepillikleri döretmekligi, adamlaryň hal-ýagdaýyny ýokarlandyrmaklygy, durmuş hyzmatdaşlygyny ösdürmäge gönükdirilen zähmet gatnaşyklaryny hukuk taýdan düzgünleşdirmekligi üpjün edýän möhüm kanunçylyk resminamasydyr. Oňa işgärleriň, iş berijileriň, döwlet, häkimiýet we dolandyryş, ýerli häkimiýet we ýerli öz-özüňi dolandyryş edaralarynyň arasynda zähmet we olar bilen gös-göni baglanyşykly beýleki gatnaşyklary düzgünleşdirmegiň meselelerini kadalaşdyrmagy üpjün etmäge gönükdirilen ýörite bölüm — «Zähmet çygrynda durmuş hyzmatdaşlygy» diýen bölüm girizilendir. Jemgyýetde jebisligi pugtalandyrmakda, sagdyn durmuşy wagyz etmekde, zähmetkeşler üçin howpsuz we amatly iş şertlerini döretmäge jemgyýetçilik gözegçiligini artdyrmakda, olaryň tagallalaryny täze özgertmeleri üstünlikli durmuşa geçirmäge gönükdirmekde, bir söz bilen aýdylanda, durmuş hyzmatdaşlygynyň ulgamynyň sazlaşykly hereketini üpjün etmekde köpçülikleýin şertnamalara we ylalaşyklara möhüm orun degişlidir.

23 Mart 2021

At — döwletlilik

Türkmen halkynyň milli gymmatlyklary sanardan juda köpdür. Şaý-seplerimiz, nepis halylarymyz, ahalteke bedewlerimiz, saz gurallarymyz, asyrlara şaýat bolýan ýadygärliklerimiz milliligi bilen tapawutlanýar. Şeýle gymmatlyklarymyzyň hatarynda gözelligi we ýyndamlygy bilen dünýäni haýrana goýýan ahalteke bedewlerimiz aýratyn orny eýeleýär. Hormatly Prezidentimiziň şahsy göreldesi we başlangyçlary esasynda ýurdumyzda milli atçylyk däplerini galkyndyrmak, atçylyk sportuny ösdürmek, ahalteke bedewleriniň tohumçylyk-seçgi işlerini geçirmek babatda ýaýbaňlandyrylan iri möçberli işler alnyp barylýar. Dürli ugurlary özünde jemleýän bu işleriň nukdaýnazaryndan Halkara ahalteke atçylyk assosiasiýasynyň döredilmegi, ýurdumyzyň ähli welaýatlarynda täze atçylyk sport toplumlarynyň gurlup, ulanylmaga berilmegi, halkara derejesinde ahalteke bedewleriniň arasynda gözellik bäsleşikleriniň geçirilmegi indi asylly däbe öwrüldi.

23 Mart 2021

Nowruz — täzelenişiň we rowaçlygyň dabaralanmasy

21-nji martda halkymyz Halkara Nowruz gününi — Milli bahar baýramyny uly ruhubelentlikde dabaralandyrdy. Bahar paslynda tutuş ýurdumyz boýunça ýaýbaňlandyrylan baýramçylyk çäreleri aýdym-sazly çykyşlar we türkmen halkynyň oňyn däp-dessurlary bilen türkmen topragynyň gözelligine gözellik goşdy. Paýtagtymyzda esasy wakalar Garagum derýasynyň kenarynda guraldy. Baharyň gelmegi, tebigatyň janlanmagy mynasybetli guralan we adamlaryň arasynda ylalaşygy, hoşniýetli goňşuçylygy, dostlugy alamatlandyran baýramçylyga gatnaşan myhmanlar, beýleki adamlar ir bilen dabaralaryň geçýän ýerine ýygnandylar.

22 Mart 2021

Baýramçylyk şowhuny alyslara ýaň saldy

Bilşimiz ýaly, 21-nji martda Halkara Nowruz güni — Milli bahar baýramy mynasybetli paýtagtymyzdaky esasy wakalar Garagum derýasynyň kenarynda dabaralandy. Dabaralaryň çäklerinde bu ýerde gurnalan baş sahnada baýramçylyk konserti ýaýbaňlandyryldy. Sahnanyň ýanynda Aşgabat şäheriniň etrap häkimlikleri tarapyndan 14 sany ak öýüň dikilmegi Aşgabat şäheriniň maý aýynda giňden belleniljek 140 ýyllygyny alamatlandyrdy. Dabara gatnaşyjylaryň öňünde hormatly Prezidentimiziň Halkara Nowruz güni — Milli bahar baýramy mynasybetli watandaşlarymyza iberen Gutlagy okaldy.

22 Mart 2021

Täzelikler, habarlar

MEDENI GATNAŞYKLAR ÖSDÜRILÝÄRGolaýda ýurdumyzyň hem-de ABŞ-nyň muzeý hünärmenleriniň arasynda onlaýn okuw maslahaty geçirildi. Muzeýleriň öz-özüni maliýeleşdirmek we halkara sergileri guramak ýaly ugurlarda tejribe alyşmak maksady bilen guralan okuw maslahatyna welaýat Taryhy we ülkäni öwreniş muzeýiniň hünärmenleri hem gatnaşdylar. Onlaýn maslahatyň birinji gününde muzeý işiniň alnyp barlyşy, muzeýleriň häzirki zaman jemgyýetinde tutýan orny barada gürrüň edildi. Maslahatyň ikinji we üçünji günlerinde muzeý işinde sanly ulgama geçmegiň ähmiýeti, muzeý gymmatlyklary bilen işlemegiň düzgünleri barada özara pikir alşyldy. Duşuşygyň dowamynda hormatly Prezidentimiziň tagallasy bilen, ýurdumyzyň muzeýlerinde sanly tehnologiýalaryň barha giňden ornaşdyrylýandygy dogrusynda nygtalyp geçildi.

22 Mart 2021

‹
1
2
...
1243
1244
1245
1246
1247
1248
1249
...
1288
1289
›