Bilşimiz ýaly, Ministrler Kabinetiniň şu ýylyň 22-nji aprelinde geçirilen mejlisiniň dowamynda Türkmenistanyň BMG-niň Ženewadaky edarasynyň ýanyndaky hemişelik wekilhanasyndan hoş habaryň gelip gowşandygy barada habar berildi. Birleşen Milletler Guramasynyň Ýewropa ykdysady komissiýasynyň «Şäherlerdäki baglar» atly başlangyjyna bag ekmek çäreleri arkaly goldawy we oňa goşan goşandy üçin Aşgabat şäherine halkara güwänamanyň berilmegi her bir türkmenistanlynyň kalbyna buýsanç duýgularyny çaýdy.
Häzirki wagtda dünýäde ekologiýa abadançylygyny, tebigy gurşawy goramak, daşky gurşawyň arassaçylygyny üpjün etmek, üýtgäp durýan howa şertlerine baglylykda zerur çäreleri durmuşa geçirmek örän derwaýys meseleleriň birine öwrüldi. Hut şu maksat bilen, hormatly Prezidentimiziň baştutanlygynda Türkmenistany bagy-bossanlyga öwürmek ugrunda her ýylda millionlarça bag nahallary oturdylýar.