Türkmenmetbugat

"Mugallymlar gazeti" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-53, 39-96-41, 39-96-40
Email: mugallymlar-gazeti@sanly.tm

Gazeti PDF görnüşinde ýükläp almak

Habarlar

Ýurdumyzyň ýokary synp okuwçylary takyk dersler boýunça halkara ders bäsleşigine gatnaşdylar

Türkmenistanyň mekdep okuwçylarynyň topary 7-nji ýanwarda Gazagystan Respublikasynda uzak aralykdan fizika, matematika we informatika dersleri boýunça badalga alan halkara ders bäsleşigine gatnaşýar. Onda dünýäniň 21 döwletinden, şol sanda Ermenistandan, Awstriýadan, Belarusdan, Daniýadan, Gruziýadan, Hindistandan, Indoneziýadan, Eýrandan, Gyrgyzystandan, Mongoliýadan, Rumyniýadan, Russiýa Federasiýasyndan, Serbiýadan, Täjigistandan, Ukrainadan, Özbegistandan, Gazagystandan we beýlekilerden zehinli ýaşlaryň 1006-sy öz ukyp-başarnyklaryny görkezerler.

9 Ýanwar 2021

Elektron tehnologiýalar eýýamy we sanly bilim ulgamy

Ýurdumyzda sanly bilim ulgamyny ösdürmegiň Konsepsiýasyny durmuşa geçirmek, bu ugurdaki işleri kämilleşdirmek babatda uzak geljegi nazarlaýan özgertmeler amala aşyrylýar. «Türkmenistanda sanly bilim ulgamyny ösdürmegiň Konsepsiýasyny» durmuşa geçirmek, sanly bilim ulgamyny ösdürmek we bilimiň ähli basgançaklarynda elektron bilim maglumatlaryny giňden ornaşdyrmak hem-de bilim bermegiň hilini ýokarlandyrmak maksady bilen, hormatly Prezidentimiziň geçen, 2020-nji ýylyň 31-nji ýanwarynda gol çeken Karary esasynda Türkmenistanyň Bilim ministrliginiň garamagynda Innowasiýa maglumat merkezi döredildi. Merkeziň işiniň esasy maksady bilim bermegiň ähli basgançaklaryny ýokary hilli elektron bilim maglumatlary bilen üpjün etmekden, bilimiň mazmunyny baýlaşdyryp, bilim edaralaryna sanly ulgam üçin zerur bolan elektron okuw-görkezme esbaplaryny, okuw-wideo we audiomateriallary, elektron okuw kitaplaryny we gollanmalary taýýarlamaga ýardam bermekden, bilim edaralarynyň maglumat we innowasiýa tehnologiýalary babatdaky işlerini utgaşykly alyp barmakdan hem-de durmuşa geçirilýän bilim maksatnamalary boýunça bilim bermekden ybaratdyr. Türkmenistanyň bilim edaralarynyň öňünde goýlan derwaýys wezipelerden ugur alyp, kämil innowasiýa aragatnaşyk tehnologiýalaryny ornaşdyrmak we hyzmat etmek işlerini bir ölçegde kadaly dolandyrmak bu merkeziň paýyna düşýär. Şunlukda, Innowasiýa maglumat merk

9 Ýanwar 2021

Bilim — bagtyýar durmuşyň gözbaşy

Welaýat Baş bilim müdirliginiň guramagynda geçirilen Balkanabat şäheriniň bilim işgärleriniň maslahaty ýokary guramaçylyga eýe boldy. «Halkymyzyň eşretli, bagtyýar durmuşynyň gözbaşy ylym we bilim ulgamlaryny kämilleşdirmekdedir» diýen şygar bilen welaýat kitaphanasynyň mejlisler zalynda geçirilen maslahata umumybilim berýän, şeýle-de mekdebe çenli çagalar edaralarynyň öňdebaryjy mugallymlarydyr terbiýeçileri gatnaşdylar. Maslahatda welaýat merkeziniň bilim-terbiýeçilik edaralarynda 2020 — 2021-nji okuw ýylynyň birinji ýarymynda ösüp gelýän ýaş nesle döwrebap bilim we terbiýe bermekde alnyp barlan işlere seljerme berlip, okuw ýylynyň ikinji ýarymynda öňde durýan möhüm wezipeleriň üstünde durlup geçildi. Maslahatda edilen çykyşlarda bellenilip geçilişi ýaly, hormatly Prezidentimiz her bir döwletiň binýadynyň berkliginiň, ösüşiniň ýokary depgininiň, ýaşaýyş-durmuş derejesiniň ýurtda alnyp barylýan bilim syýasaty bilen berk baglanyşyklydygyny hemişe aýratyn nygtaýar. Şu mizemez hakykatdan ugur alyp, Arkadag Prezidentimiz milli bilim ulgamynyň işini döwrebaplaşdyrmagy, onuň hil taýdan halkara ülňülerine laýyk getirilmegini üpjün etmegi döwlet syýasatyndaaýratyn ileri tutulýan möhüm ugurlaryň biri hökmünde kesgitledi. Bilim ulgamynyň maddy-enjamlaýyn binýadyny pugtalandyrmakda dowamly durmuşa geçirilýän giň gerimli özgertmeleriň baş maksady bolsa ýurdumyzyň röwşen geljeginiň eýeleri

8 Ýanwar 2021

Bagtly çagalygyň mekany

Hormatly Prezidentimiz Gurbanguly Berdimuhamedowyň baştutanlygynda ýurdumyzyň geljegi bolan ýaş nesli alada bilen gurşap almak, olaryň şadyýan ösüp-ulalmagyny, geljekde ylymly-bilimli, ilhalar adamlar bolup ýetişmegini gazanmak boýunça ägirt uly işler amala aşyrylýar. Bu ugurda maksatnamalaýyn çäreler, giň gerimli özgertmeler durmuşa geçirilýär. Mekdebe çenli çagalar edaralarynyň işiniň kämilleşdirilmegi bu özgertmeleriň möhüm bölegi bolup durýar. Döwlet Baştutanymyzyň geçen ýylyň 22-nji maýynda gol çeken Karary esa-synda tassyklanan «Türkmenistanda çaganyň irki ösüşini we mekdebe taýýarlygyny ösdürmek babatda 2020 — 2025-nji ýyllarda mekdebe çenli çagalar edaralarynyň işini kämilleşdirmegiň Maksatnamasyny» bu ugurda ýokary netijeleri gazanmaga giň ýol açýan möhüm resminamalaryň biri hökmünde görkezmek bolar. Ajaýyp zamanamyzda durmuşymyzyň ähli ugurlary bilen bir hatarda, bilim ulgamy hem düýpli kämilleşdirilýär. Munuň özi mekdebe çenli çagalar edaralarynda hem aýdyň beýanyny tapýar. Sanly bilim ulgamyna geçilmegi, okuw-terbiýeçilik işlerine kompýuter we multimediýa tehnologiýalarynyň ornaşdyrylmagy netijesinde ýurdumyzda körpe nesle berilýän bilim-terbiýe dünýä ülňülerine laýyk ösdürilýär. Bu bolsa Gahryman Arkadagymyzyň ýaş nesillerimiz üçin edýän ýadawsyz aladalarynyň, döredip berýän şertleriniň aýdyň subutnamasydyr. Hormatly Prezidentimiz: «Aň-bilim taýdan ösen, ruhy taýda

8 Ýanwar 2021

Ýagşylykda ýatlanýar

Özünden ýagşy at galdyran öten-geçenleri ýatlap durmak türkmeniň aňyna, ganyna siňen häsiýetleriň biridir. Halkymyz ýagşysyny öňem ýatlapdyr, häzirem ýatlaýar, geljekde-de ýatlar. Berkarar döwletimiziň bagtyýarlyk döwründe Gahryman Arkadagymyzyň döredip berýän şert-mümkinçilikleriniň netijesinde mynasyp ynsanlary ýatlap, çäreleri geçirmekligiň asylly däbe öwrülendigini aýratyn nygtamak gerek. Şeýle çäreleriň biri mekdebimizde obadaşymyz Tuwakgül Höwezowanyň doglan gününiň 80 ýyllygyna bagyşlanyp geçirildi. Ene-atasynyň dakan ady Tuwakgül bolsa-da, Köşek ady bilen tanalan bu zenan talapkär mugallymdy, tutanýerli ýolbaşçydy. Obadaşlary oňa hormat bilen Köşek mugallym, Köşek ejeke ýa-da Köşek daýza diýip ýüzlenerdiler.

8 Ýanwar 2021

Zehinli ýaşlar — Watanymyzyň beýik geljegi

Öňňin Türkmenistanyň Jemgyýetçilik guramalarynyň Merkezi binasynda Türkmenistanyň Magtymguly adyndaky Ýaşlar guramasynyň Merkezi Geňeşiniň Gulbaba adyndaky Çagalar baýragynyň gowşurylyş dabarasy geçirildi Bu dabarada Aşgabat şäherinden ýeňiji bolan ýaş zehinleriň 19-syna ýörite Şahadatnama hem-de ýadygärlik sowgatlar gowşuryldy. Düýn bolsa Türkmenistanyň Magtymguly adyndaky Ýaşlar guramasynyň welaýat Geňeşleri tarapyndan ýurdumyzyň welaýatlary boýunça Gulbaba adyndaky Çagalar baýragyna eýe bolan mekdep okuwçylaryny sylaglamak dabarasy geçirildi. Bu baýraga ýurdumyzda jemgyýetçilik işlerine işjeň gatnaşyp, Berkarar döwletimiziň bagtyýarlyk döwrüni wasp etmekde ýokary döredijilik başarnygyny görkezen zehinli çagalaryň jemi 64-si hem-de iki sany çagalar döredijilik topary mynasyp boldy.

8 Ýanwar 2021

Türkmenistanyň Magtymguly adyndaky Ýaşlar guramasynyň Merkezi Geňeşiniň Gulbaba adyndaky Çagalar baýragynyň ýeňijileri

Döwletmyrat Maksadow — Aşgabat şäherindäki daşary ýurt diline ýöriteleşdirilen 7-nji orta mekdebiň 5-nji synp okuwçysy. Isgender Rejepow — Aşgabat şäherindäki 53-nji orta mekdebiň 3-nji synp okuwçysy.

8 Ýanwar 2021

Türkmenistanyň Serhet institutyna 2021-2022-nji okuw ýyly üçin okuwa kabul etmegiň tertibi

1. Türkmenistanyň Serhet goşunlary üçin ýokary bilimli hünärmenleri taýýarlamak maksady bilen, Türkmenistanyň Serhet institutyna okuwa girmäge isleg bildirýän dalaşgärleriň resminamalarynyň kabul edilip başlandygyny habar berýäris. Okuwa kabul edilýän dalaşgärleriň ýaş derejeleri şu aşakda görkezilen tertibe laýyklykda kesgitlenilýär:

8 Ýanwar 2021

Döwrebap ösüşleriň möhüm şerti

Hormatly Prezidentimiziň parasatly baştutanlygynda Berkarar döwletimiziň bagtyýarlyk döwründe ýurdumyzda sanly ulgamy ösdürmekde, ylmyň iň soňky gazananlaryny önümçilige giňden ornaşdyrmakda, söwda-senagat, oba hojalyk, ulag-aragatnaşyk, ylym-bilim we beýleki ulgamlary innowasion esasda alyp barmakda netijeli işler durmuşa geçirilýär. «Türkmenistanyň Prezidentiniň ýurdumyzy 2019 — 2025-nji ýyllarda durmuş-ykdysady taýdan ösdürmek boýunça Maksatnamasy» köpugurly özgertmeleri amala aşyrmagyň, halk hojalygynyň pudaklaryny hem-de döwlet dolandyrylyşynyň ähli ulgamlaryny kämilleşdirmegiň ileri tutulýan ugurlaryny kesgitleýär. Maksatnama öňde goýlan wezipeleriň çözülmegini, sanly ykdysadyýeti kemala getirmegi, önümçiligiň depginli ösüşini, ähli pudaklaryň kämilleşdirilmegini, dünýäniň ösen tejribelerini, öňdebaryjy ylmy pikirleri we tilsimatlary ulanmagy, maddy-enjamlaýyn binýadynyň pugtalanmagyny üpjün eder.

8 Ýanwar 2021

Geljegiň mertebesi

«Ene-atanyň sözi, ulularyň aýdany ýaşlar üçin mekdepdir. Ulynyň her bir sözi, hereketi ýaşlara nusga bolmalydyr».Hormatly Prezidentimiziň «Mert ýigitler gaýrat üçin dogulýar» atly kitabyndan. Watany söýmek, milletiň milli ruhuny mertebelemek, ata-babalaryň durmuş tejribelerini öwrenmek, olary döwrebap derejede umumadamzat derejeli gymmatlyklar bilen utgaşdyrmak babatda biziň hemmämize şahsy görelde görkezýän Gahryman Arkadagymyz taryhy çykyşlarynda nesil terbiýesine, ýaşlaryň ählitaraplaýyn kämilligine aýratyn ähmiýet berýär.

7 Ýanwar 2021

Ýaşlara ylym-bilim ýaraşýar

Ýaşlar — uly güýç. Olaryň bilimli, hünärli, ýokary watançylyk, ruhy ahlak ýörelgeleri esasynda terbiýelenmekleri ýurdumyzyň geljekki ösüşleriniň girewidir. Hormatly Prezidentimiz ýurdumyzda ylym-bilim ulgamyny mundan beýläk-de kämilleşdirmek, ýaşlaryň häzirki zaman bilimlerini özleşdirmekleri üçin ähli şertleri döretmek, jemgyýetiň aň-paýhas kuwwatyny ýokarlandyrmak meselesine aýratyn ähmiýet berýär. Gahryman Arkadagymyzyň taýsyz tagallasy bilen häzirki döwürde ýaşlaryň döwrebap bilim we oňat terbiýe almaklary üçin ähli şertler döredilýär. Ýurdumyzyň ähli ýerlerinde gurlan häzirki zaman orta we ýokary okuw mekdepleri, çagalar baglary, dynç alyş we sagaldyş merkezleri ýaşlarda okamaga, döretmäge, gurmaga bolan höwesi has-da artdyrýar. Bu bilim edaralaryny döwrebap okuw kitaplary hem-de gollanmalar bilen üpjün etmek, olara dünýä ölçeglerine laýyk gelýän täze tehnologiýalary we okuw-tehniki enjamlary ornaşdyrmak işleri bolsa, talabalaýyk ýola goýulýar. Bilimiň many-mazmunyny baýlaşdyrmak, hilini dünýä derejesine laýyk getirmek maksady bilen, sanly bilim ulgamy ösdürilip, ylmyň iň soňky gazananlary we okatmagyň innowasion usullary giňden ornaşdyrylýar. Zehinli ýaşlarymyz nanotehnologiýalar, täze serişdeleri ylmy taýdan barlamak, energetika, biotehnologiýalar, molekulýar biologiýa, oba hojalygy, ekologiýa we genetika, maglumat-aragatnaşyk ulgamlary babatda netijeli işleri geçirýärl

7 Ýanwar 2021

Öňdebaryjy tejribeler we işjeň usullar

2020-2021-nji okuw ýylynyň birinji ýarymynyň jemlerini seljermek we ikinji ýarymynda ýerine ýetirilmeli işleri ara alyp maslahatlaşmak bilen bagly meseleler welaýatymyzyň etraplarynda hem-de Tejen şäherinde geçirilen bilim işgärleriniň ýanwar maslahatlarynyň esasy maksady boldy. Bu maslahatlar guramaçylykly geçdi. GÖKDEPE. Bilim işgärleriniň etrap derejesindäki ýanwar maslahaty 14-nji orta mekdepde guraldy. Oňa etrapdaky mekdeplerden hem-de çagalar baglaryndan öňdebaryjy bilim işgärleri gatnaşdy.

7 Ýanwar 2021

Okamak — dünýäni açmak

Ene-atanyň çagasyna miras goýup biljek iň gymmatly hazynasy kämil terbiýedir. Şahsyýetiň kämil bolmagyny üpjün edip biljek iň ygtybarly ýol okamakdyr. Adamyň kitapdan okan zatlary onuň häsiýetine siňýär. Kitap okamak dünýägaraýşyňy giňeldýär, maglumatlaryň ýa-da hadysalaryň dowamyny, netijesini öňünden oýlanmak, utgaşdyrmak, seljermek we pikirlenmek ukybyny ösdürýär. Dowamly kitap okamak ünsüňi jemlemek endigini gazandyrýar. Bu bolsa adama durmuşda islendik ýagdaýlarda özüni ynamly, ugurtapyjy hereket etmäge gönükdirýär. Özümize we jemgyýetimize has gowy düşünmek üçin kitaplar bilen berk gatnaşyk saklap, oňa durmuşymyzyň bir bölegi hökmünde garamagymyz gerek. Iň esasysy bolsa kitap okamak endigini nesillerimiziň aňynda berk ornaşdyrmagymyz zerur. Kitap okamak endikleriň naýbaşysydyr. «Çaga aýdanyňy däl, edeniňi eder» diýlişi ýaly, çagalar örän synçy bolýarlar, olar ene-atasynyň hereketlerini gaýtalamagy gowy görýärler. Şonuň üçin bu ugurda ene-atalaryň görelde bolmagy zerurdyr. Her gün çagalaryňyz bilen kitap okamaga we olaryň okan zatlaryny gürrüň bermegine wagt aýyrmaly. Çagalaryň wagtyny sarpaly we peýdaly sarp etmegi öwrener ýaly gyzyklyja kitaplary sowgat etmegi ýörelge edinmelidir, çagalaryň kiçijik üstünliklerini-de kitaplar bilen sylaglandyrmaly. Öýde ýörite kitaphanajygy döretmeli we çagalary ony ulaltmaga, okan kitaplary bilen baýlaşdyrmaga höweslendirmeli. Tiz wagtda

7 Ýanwar 2021

Täze üstünlikler — bagtyýarlygyň şuglasy

Berkarar döwletimiziň bagtyýarlyk döwründe bilim ulgamyny ösdürmek döwlet syýasatynyň ileri tutulýan ugurlarynyň biridir. Hormatly Prezidentimiziň: «Her bir döwletiň binýadynyň berkligi, ösüşiniň ýokary depgini, ýaşaýyş-durmuş derejesi ýurtda alnyp barylýan bilim-ylym syýasaty bilen berk baglydyr» diýip parasatlylyk bilen bellemegi ylym-bilimiň ösüşleriň gözbaşydygy baradaky düşünjä anyk we özboluşly many öwüşginlerini berýär. Jemgyýetiň ösüşinde ylym-bilim esasy orny eýeleýär. Häzirki taryhy döwürde ýurdumyzy ösdürmegiň türkmen nusgasy täze mazmun bilen baýlaşdyrylyp, Türkmenistanyň dünýä bileleşigine has ynamly goşulyşmagyny üpjün edýän milli bilim we ylym ulgamy özünde uly mümkinçilikleri jemleýär. Gahryman Arkadagymyz ylmyň döwletiň kuwwatydygyny, şoňa görä-de, ýurdumyzy okgunly ösdürmek, Türkmenistanyň dünýäniň syýasy, ykdysady, medeni giňişligindäki bäsleşige ukyplylygyny ýokarlandyrmak üçin köp işleri durmuşa geçirýändigimizi yzygiderli belleýär. Bu halk bähbitli işlerde ylmy-tehniki ösüşiň gazananlaryndan, täze tehnologiýalardan, innowasiýalardan oňat baş çykarýan hünärmenleri taýýarlamak wezipelerinden ugur alnyp, Diýarymyzda bu ulgama düýpli maýa goýumlary gönükdirilýär.

7 Ýanwar 2021

Ene dilini öwretmekde möhüm ugurlar

Çagalyk — ynsan durmuşynyň iň möhüm döwrüdir. Bu döwürde çaganyň sagdyn ösüşiniň hem-de bütin ömrüniň dowamynda öwrenmeginiň esasy goýulýar. Mekdebe çenli bilimde öwrediji oýunlar, göwnaçmalar bilim bermegiň esasy usullarynyň biri bolup durýar. Oýun çaga durmuşynyň aýrylmaz bölegidir. Ol çaganyň fiziki, emosional we durmuşy ösüşine täsir edýär. Oýun çaga işjeňliginiň esasy ugurlarynyň biri bolup, onuň ünsüni, ýadyny, göz öňüne getirmesini ösdürýär, tertip-düzgüni kemala getirýär. Bu işler başlangyç synplarda hem dowam etdirilýär. Milli bilim ulgamynyň öňünde durýan giň möçberli wezipeleriň biri bilimiň hilini, netijeliligini innowasion esasda ösdürmekdir. Bilim-terbiýeçilik edaralary ýokary derejedäki innowasion tehnologiýalar bilen üpjün edildi we bu işler dowam edýär. Bilimiň innowasion çemeleşmeleri häzirki zaman tehniki serişdelerini, maglumat gorlaryny her bir terbiýeçiniň, mugallymyň kämil ulanmagyny talap edýär. Mekdebe çenli çagalar edaralarynda we başlangyç synplarda ene dili sapaklary geçilýär. Bu sapaklarda her bir terbiýeçi, mugallym özleri üçin döredilýän mümkinçiliklerden doly derejede peýdalanyp, hemmetaraplaýyn sazlaşykly ösen şahsyýetiň kemala gelmegine öz goşantlaryny goşmalydyrlar. Okuw-terbiýeçilik işlerini talabalaýyk alyp barmakda elektron bilim gorlaryny edinmegiň ähmiýeti uludyr. Elektron bilim gorlary bilim maksatlary üçin ulanylýan elektron gor

7 Ýanwar 2021

Sowatly ýaşlar – Watanymyzyň geljegi

Berkarar döwletimiziň bagtyýarlyk döwründe ylym-bilim ulgamyny kämilleşdirmäge aýratyn üns berilýär. Hormatly Prezidentimiz Gurbanguly Berdimuhamedowyň atalyk aladalary netijesinde ýurdumyzda milli bilim ulgamynyň binýatlaýyn esasy barha pugtalandyrylýar, ýaşlaryň dünýä derejesinde kämil bilim almaklary üçin uly aladalar edilýär. Berilýän bilimiň halkara tejribesiniň öňdebaryjy usullary bilen milli ýörelgeleriň esasynda utgaşdyrylyp alnyp barylmagyna aýratyn üns berilýär. Okuw işinde okuwçylaryň dünýä derejesinde ussat hünärmenler bolup ýetişmegi esasy wezipe hökmünde kesgitlenilýär. Döredilýän şeýle ajaýyp mümkinçilikler ýaşlaryň ylym-bilim hem-de zehin babatda kämilleşmegine itergi berýär, olaryň dünýägaraýşyny giňeltmäge, ukyp-başarnyklaryny doly derejede açmaga ýardam edýär. Hormatly Prezidentimiz ýaşlaryň dünýä dillerini suwara bilmegini okuw işiniň esasy talaplarynyň biri hökmünde kesgitledi. Şundan ugur alnyp, 2017-nji ýylda “Türkmenistanda daşary ýurt dillerini okatmagy kämilleşdirmegiň Konsepsiýasy” tassyklanyldy. Konsepsiýada ýurdumyzda daşary ýurt dilleriniň okadylyşynyň netijeliligini ýokarlandyrmak, ýaşlaryň bu ugurda bilimlerini artdyrmak, milli okuw işine halkara tejribesini ornaşdyrmak wezipeleri göz öňünde tutulýar. Konsepsiýadan gelip çykýan wezipelerden ugur alnyp, ýurdumyzdaky umumybilim berýän orta mekdeplerde okadylýan daşary ýurt dili dersleriniň s

7 Ýanwar 2021

Sanly bilim ulgamy

Hormatly Prezidentimiz Gurbanguly Berdimuhamedowyň parasatly baştutanlygynda amala aşyrylýan özgertmeler ýurdumyzy durmuş-ykdysady taýdan durnukly ösdürmekde hem-de ähli ulgamlaryň, şol sanda bilim ulgamynyň hukuk esaslaryny yzygiderli kämilleşdirmekde öz beýanyny tapýar. Döwlet Baştutanymyz bilim ulgamyny ösdürmegiň innowasion ugurlarynyň üpjün edilmegine, ruhy taýdan baý, hemmetaraplaýyn ösen ýaş nesliň kemala gelmegine, çagalaryň zehinini ýüze çykarmak üçin zerur bolan şertleriň döredilmegine uly üns berýär. Milli Liderimiziň bilim syýasatyny durmuşa geçirmek üçin ähli şertleriň: guramaçylyk we hukuk binýadynyň, maddy-enjamlaýyn, intellektual üpjünçiligiň bardygy guwandyryjy ýagdaýdyr. Taryhy ösüşiň häzirki tapgyry ylmy-tehniki we durmuş ösüşiniň tizleşmegi, täze pikirleriň we tehnologiýalaryň giň gerimde ýaýramagy bilen häsiýetlenýär. Şonuň üçin bilimiň innowasion esasda berilmegi durnukly durmuş-ykdysady ösüşiň depginlerine oňyn täsirini ýetirýär.

7 Ýanwar 2021

Çaga terbiýesinde ertekileriň ähmiýeti

Çaga dünýäsine we onuň aň-düşünjesine täsir edýän halk döredijilik eserleriniň bir görnüşi hem ertekilerdir. Ertekiler çagalarda ýagşy häsiýetleri oýarmaga ýa-da berkitmäge ýardam berýär. Çagalar ertekiden çeper sözlüligi, pikirlenmegi öwrenýärler. Erteki çagalarda pikirlenişi terbiýelemekde iň ygtybarly serişdedir. Türkmen ertekilerine göz gezdirsek, olardan gadym eýýamlaryň täsin wakalaryny tapyp bolýar. Ertekiler özünde ýeňil düşünip bolýan wakalary, kähalatda bolsa göçme manyny saklaýar. Olaryň terbiýeçilik taraplary çagalar üçin örän ähmiýetlidir. Halkymyz müňýyllyklaryň dowamynda ertekileriň üsti bilen öz neslini terbiýeläp gelipdir. Biz öz çagalarymyzda nähili häsiýeti görmek isleýän bolsak, olara şol mazmundaky ertekileri okap bermeli bolýarys. Ertekiler çagada gowy häsiýeti terbiýeleýär. Hormatly Prezidentimiziň 1-nji synpa gelýän körpelere sowgat berýän kompýuterlerinde hem türkmen halk ertekileri aýdym-sazly görnüşde hödürlenipdir. Bu ertekiler çagalaryň aňynda hemişelik galýar, soňlugy bilen olaryň sözleýiş endikleriniň ösmegine kömek edýär. Multimedia tagtalarynda görkezilýän ertekiler hem çagalarda birek-birege hormat goýmak, özüňden ulyny sylamak, kiçä hormat goýmak, ene-atany sylamak, Watany söýmek ýaly häsiýetleriň terbiýelenmegine itergi berýär.

7 Ýanwar 2021

Bilimli nesil — buýsanjymyz

Körpe nesli geljekki durmuşa ugrukdyrmak terbiýeçileriň döredijilikli zähmet çekmegini talap edýär. Munuň üçin bilim işgäri elmydama gözlegde bolmaly, öňdebaryjy tejribeleri öwrenmeli. Sapakda, goşmaça geçirilýän işlerde çagalaryň işjeňligini artdyrmagyň usullaryndan ýerlikli peýdalanmaly, döredijilikli işe aýratyn üns bermeli. Çagalaryň hemmetaraplaýyn ösüşini gazanmak yzygiderli işi talap edýär. Ýaş nesilde sporta, medeniýete, sungata, bilime höwes döretmek möhüm wezipelerdir. Şu maksat bilen biziň çagalar bagymyzda hem terbiýeçilik ähmiýetli çäreler, nusgalyk sapaklar guralýar.

7 Ýanwar 2021

Çagalar — bagtyýar geljegimiz

Berkarar döwletimiziň bagtyýarlyk döwründe eneleriň we çagalaryň hukuklaryny hem-de kanuny bähbitlerini goramak, çagalara aýratyn üns bermek, olara söýgi, mähir, alada bilen garamak döwlet syýasatymyzda ileri tutulýan möhüm ugurlaryň biridir. Hormatly Prezidentimiziň çagalar hakyndaky atalyk aladalary netijesinde ýurdumyzyň ähli welaýatlarynda dünýä ülňülerine laýyk gelýän, täze enjamlar, multimediýa tehnologiýalary bilen üpjün edilen çagalar baglarydyr mekdepler gurlup, ulanylmaga berilýär. Bagtyýar çagalygyň ýurdy bolan Watanymyz mähriban Prezidentimiziň parasatly ýolbaşçylygynda hoşniýetli goňşuçylyk ýörelgelerine berk eýermek arkaly goňşy ýurtlar, şeýle-de dünýäniň beýleki döwletleri bilen dostlukly gatnaşyklary, netijeli hyzmatdaşlygy has-da ösdürýär. Ýurdumyz çaganyň hukuklaryny, kanuny bähbitlerini goramak, eneligi we çagalygy goldamak babatda BMG-niň Çagalar gaznasy — ÝUNISEF bilen işjeň hyzmatdaşlyk edýär.

7 Ýanwar 2021

‹
1
2
...
274
275
276
277
278
279
280
281
282
›