"Esger" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-23, 38-60-09, 38-61-93
Email: esger-gazeti@sanly.tm

Gazeti PDF görnüşinde ýükläp almak

Habarlar

Harby gullugyň ýakymly pursatlary

Şöhratly taryhymyzyň ähli döwürlerinde merdana halkymyz ýurt goran gerçekleriň mertebesini belent tutupdyr, olaryň edermenligini, Watanyň öňünde bitiren hyzmatlaryny diliniň senasyna, kalbynyň aýdymyna öwrüp wasp edipdir. Bu ajaýyp ýol-ýörelge häzir hem üstünlikli dowam etdirilýär. «Çagyryş boýunça harby gullugy geçýän harby gullukçylary Türkmenistanyň Ýaragly Güýçlerinden, beýleki goşunlaryndan we harby edaralaryndan harby gullukdan boşatmak we Türkmenistanyň raýatlarynyň harby gulluga nobatdaky çagyrylyşy hakynda» hormatly Prezidentimiziň gol çeken Permanyny ýerine ýetirmek üçin derwaýys işler alnyp barylýar. Bu babatda bellenen möhleti gulluk eden harby gullukçylary harby gullukdan boşatmagy dabaraly ýagdaýda geçirmek üns merkezinde saklanylýar. Şol maksat bilen ýakynda podpolkownik Sapar Berdiýewiň serkerdelik edýän harby bölüminde 2024-nji ýylyň güýz möwsüminde harby gullugy tamamlan çagyryş boýunça harby gullukçylary harby gullukdan boşatmak dabarasy aýdym-sazly çäreler bilen utgaşdyrylyp geçirilip, harby gullugyň dowamynda ak ýürekden gulluk edip, görelde görkezip, tapawutlanan çagyryş boýunça harby gullukçylara harby bölümiň serkerdesi tarapyndan Hormat hatlary we ýadygärlik sowgatlary gowşuryldy, şeýle-de ene-atalaryna Minnetdarlyk hatlary ugradyldy. Watan goragynda ykjam we sak durup, gulluk borçlaryny birkemsiz ýerine ýetirip, öz mähriban ojaklaryna gaýdyp barýan h

27 Noýabr 2024

Jemgyýet

Durmuşa düşünip

Söýginiň dergähinde Men saňa bu sözleri ýary gije — Jeýhundan Pelwert ýaýlasyna tarap sergin ýaz şemaly öwsende ýazypdym. Sen hem ony menden alyslarda uly höwes bilen okaýansyň diýip umyt edýärin...

27 Noýabr 2024

Edebiýat

Arkadag şäheri

Yhlas bilen bina bolan,Ajap Arkadag şäheri.Dillerimizde sena bolan,Ajap Arkadag şäheri. Şypaly sergin howaly,Degresi keremli dagly,Jennet deý bakjaly-bagly,Ajap Arkadag şäheri.

27 Noýabr 2024

Edebiýat

Bagt

Bu gün bir adam: «Bir bakyşda aşyk bolanlar baky söýýärler» diýdi. Belki, bu hem dogrudyr. Ýöne meni başga zat pikirlendirdi. «...Men oňa bir ýa-da millionlarça bakyşda aşyk bolmandym. Men ony ýyllaryň dowamynda söýüp galdym. Her bir hereketini, her bir sözüni, özüni. Ol başgalardan üýtgeşigem däl, owadanam. «Elhepus» diýdirjek göze ilginç artykmaçlygam ýok, aýdyp berer ýaly. Çünki men ony maddy, ötegçi zatlary üçin saýlamadym. Men onuň hiç kimiňkä meňzemeýän ýüregini saýladym. Aslynda, öz köňül söýen ýaryň bilen durmuş gurmak, bagtly bolmak uly bagt. Biziň toý edenimize 49 ýyl boldy. «Ýöne hiç haçan aramyzda öýke-kine bolmady» diýip biljek däl. Biri-birimiziň göwnüne-de degdik, düşünişmezlikler hem boldy. Öýkeleşdigem. Bu hemme maşgalada-da bolýan zat. Emma biz şol kinäni bir sagatdan uzak saklamadyk. Bu hem biziň aramyzdaky söýgini has-da berkitdi, süýjetdi. Bir-birege bolan hormatymyzy artdyrdy. Aslynda bagtly ýaşamagyň syry hem şunuň ýaly ýönekeýje zatlardan ybarat.

27 Noýabr 2024

Edebiýat

Ýeňiş nähili gazanylýar?!

Köpimiz durmuşa geçirmek isleýän arzuwlarymyzyň birbada amala aşmagyny tama edýäris. Isleglerimiziň ählisi dessine durmuşa geçse, gadyrsyz bolmazmy? Üns berseňiz, gadyrlanýan zatlaryň ählisi ýetip bolmaýan ýa-da ýetmek üçin köp zähmet sarp edilen zatlardyr. Durmuşa geçirýän her bir işimize näçe zähmet sarp etsek, onuň miwesiniň gadyr-gymmaty hem şonça ýokary bolar. Şu pursat meşhur tälimçi Pep Guardiola ýadyma düşýär. Onuň tälimçilik edýän «Mançester Siti» toparynyň 2020-2021-nji ýyllardaky UEFA-nyň Çempionlar ligasynyň final oýnuna tomaşa eden günüm göz öňüme gelýär. Finalda «Mançester Siti» we «Çelsi» toparlary duşuşdy. Bu oýunda «Çelsi» topary Kaý Hawersiň ýeke-täk goly bilen 1:0 hasabynda ýeňiş gazandy. Oýnuň ertesi güni daşary ýurt köpçülikleýin habar beriş serişdelerinde Pepiň şu sözi orun alypdy: «Göreşde näçe köp güýç sarp etdigiňçe, şonça hem ýeňşiň tagamy süýji bolýar». Biz hem Pep Guardiolanyň jümlesinden ugur alyp, onuň durmuş tejribesi hakynda söhbet etmegi müwessa bildik. Pep Guardiola diýlende, ilki bilen, «Mançester Siti» futbol topary ýadyňa düşýär. Muňa garamazdan, Guardiola «Barselona» toparynda oýunçy hem tälimçi hökmünde birnäçe ýyllar zähmet çekipdi. Ol «Barselona» toparynyň taryhynda iň köp kuboga mynasyp bolan tälimçi hökmünde hem tanalýar. Emma muňa garamazdan, Pep «Mançester Sitide» aýratyn sylanýar. Sebäbi öz geçmiş tejribesine esaslanyp, bu toparyň d

27 Noýabr 2024

Edebiýat

Pähim-paýhas ummany sen, Pyragy!

Parasadyň älem içre ýaňlanan,Şygyrlaryň kalpdan kalba aýlanan,Şygyr äleminde baky saýlanan,Pähim-paýhas ummany sen, Pyragy! Dünýä saňa bakýar, sen dünýä bakýaň,Ylham derýasy deý kalplara akýaň.Ismiň bilen arşy-aglaýa çykýaň,Pähim-paýhas ummany sen, Pyragy!

27 Noýabr 2024

Edebiýat

Halkyň saglygy hakyndaky alada

Sagdynlyk ynsan durmuşyny gözelleşdirýän, ony geljege sary umytlandyrýan sütündir. Hut şonuň üçin, bu tükenmez baýlygy aýawly saklamak her birimiziň mukaddes borjumyzdyr. Çünki sagdyn ynsanlardan, sagdyn jemgyýet emele gelýär. Garaşsyzlyk ýyllarynda saglygy goraýyş ulgamynda geçirilen özgertmeleriň ählisi Gahryman Arkadagymyzyň başda durmagynda işlenip düzülen we bu günki gün Arkadagly Gahryman Serdarymyzyň parasatly baştutanlygynda üstünlikli durmuşa geçirilýän «Saglyk» Döwlet maksatnamasyna esaslanýar. Kabul edilen degişli resminamada göz öňünde tutulan ugurlar boýunça işler dowamly amala aşyrylmak bilen, Bütindünýä Saglygy Goraýyş Guramasynyň talaplaryna laýyk gelýän saglygy goraýyş ulgamy döredildi. Gaýtadan kabul edilip, degişli maksatnamanyň çäklerinde has giň gerimli wezipeleriň kesgitlenendigini we olaryň gyşarnyksyz ýerine ýetirilýändigini bellemek ýakymlydyr. Ýurdumyzda «Arkadag Medisina Klasteri Menejment» kärhanasynyň döredilmegi bilen, dürli görnüşli lukmançylyk serişdeleriniň önümçiligi ýola goýuldy. Şunuň bilen baglylykda, geljekde ol önümler ýurdumyzyň eksport mümkinçiliklerini has-da artdyrar. Üstümizdäki ýylda hem Aşgabat şäherinde täze Halkara fiziologiýa ylmy-kliniki we Halkara sagaldyş-dikeldiş merkezleri, Türkmenabat şäherinde glisirrizin turşusyny öndürýän kärhana, Mary şäherinde welaýat hem-de şäher Arassaçylyk we keselleriň ýaýramagyna gar

20 Noýabr 2024

Saglyk

Aragatnaşyk pudagynyň döwrebap ösüşi

Berkarar döwletiň täze eýýamynyň Galkynyşy döwründe milli telekommunikasiýa ulgamynda halkara ölçeglere laýyk gelýän innowasion sanly tehnologiýalary we maglumat-aragatnaşyk enjamlaryny ornaşdyrmak işleri üstünlikli durmuşa geçirilýär. Häzirki zaman aragatnaşyk hyzmatlaryny ilata hödürlemek boýunça dowamly işler alnyp barylýar. Ýurdumyzda aragatnaşyk edara-kärhanalaryny döretmäge, döwrebaplaşdyrmaga düýpli maýa goýumlar gönükdirilýär. Şol esasda hem aragatnaşyk pudagynyň gurluşy, maddy-tehniki, hukuk binýady döwrüň talaplaryna laýyklykda kämilleşdirilip, düýpli ylmy-tehniki özgertmeler, iri taslamalar amala aşyrylýar. Hormatly Prezidentimiz ata Watanymyzda telekommunikasiýa we ýokary tizlikli maglumat tehnologiýalar ulgamyny ösdürmek bilen birlikde, döwletiň hem-de jemgyýetiň durmuşynyň ähli ulgamlaryna täzeçil tehnologiýalary ornaşdyrmagy ileri tutulýan wezipeleriň hatarynda goýýar. Bu ugurda halkara hyzmatdaşlygy hem ösdürilýär. Şonuň bilen birlikde sanly ykdysadyýete geçmek boýunça maksatnamalaýyn wezipeler talabalaýyk alnyp barylýar. Döwür bilen aýakdaş gitmek üçin türkmen hünärmenleri öz işläp taýýarlaýan tehnologiýalarynyň binýadynda ösüşiň milli nusgasyny kemala getirmegi maksat edinip zähmet çekýärler. Şol esasda-da öňdebaryjy tejribäni içgin öwrenýärler we özleşdirýärler. Ýurdumyzda sanly ykdysadyýete geçmek boýunça degişli Konsepsiýanyň çäklerinde programma üpjünçilik

20 Noýabr 2024

Tehnologiýa

Ätiýaçlandyryş ulgamy

Belli bir ulgamyň tapgyrlaýyn ösüşini kepillendirmek üçin, galyberse-de, adamlaryň dürli tebigy, ykdysady, ekologiýa taýdan zyýanly önümçiliklerden goraglylyk ýagdaýlaryna taýýarlykly bolmaklary üçin ätiýaçlandyryş hökmanydyr. Bu ulgam häzirki wagtda ýurdumyzda gün geçdigi saýyn has-da rowaçlanýar. Ýurdumyzyň bazar ykdysadyýetine geçýän häzirki şertlerinde durnukly ösüşi üpjün etmek döwletiň baş maksady bolup durýar. Geçen döwürde halkyň ykdysady, ýaşaýyş-durmuş derejesini durnukly ösdürmek maksatlaryndan ugur alyndy. Şol sebäpden durnukly ykdysady ösüşi kepillendirýän ätiýaçlandyryş ulgamyna aýratyn üns berilýär. Häzirki wagtda bazar ykdysadyýetine geçiş şertlerinde telekeçilik işiniň ugry hökmünde ätiýaçlandyryşyň esaslary kesgitlenilýär. Şunlukda, ykdysady ýagdaýlaryň üýtgemegi bilen baglylykda bazar ykdysadyýetine halkara ölçeglerini girizmek babatynda netijeli işler amala aşyrylýar. Munuň üçin ätiýaçlandyrylyşa bildirilýän islegleriň we talaplaryň mümkin boldugyça doly kanagatlandyrylmagy zerur bolup durýar. Şol sebäpli hem «Ätiýaçlandyryş hakynda» Türkmenistanyň Kanuny kabul edildi. Bu Kanun häzirki wagtda ätiýaçlandyryş işiniň hukuk esaslaryny düzgünleşdirýär. Hut şu nukdaýnazardan, Türkmenistanyň Döwlet ätiýaçlandyryş guramasy geçen ýyllaryň dowamynda adamlary durmuş taýdan goramak maksady bilen emläk, şahsy we jogapkärçilik bähbitleri bolan hökmany döwlet

20 Noýabr 2024

Ykdysadyýet

Şirin şygyr — ýagşy işlere çakylyk, her jümlesi kalpda galar bakylyk

Şeýle bir ykballar bolýar. Olar maňlaýyna ýazylan ynsanlaryň häsiýetlerini düýpgöter özgerdýär. Şeýle bir ynsanlar bolýar. Olar ýeke jümlesi bilen özleriniň hem özgeleriň ykbalyny bütinleý başga ykbala öwürýär. Ykbalyny Watana ak ýürekden hyzmat etmäge bagyşlan, beýik işleri dünýä nusgalyk Ynsanyň — Gahryman Arkadagymyzyň döwet galamyndan döreýän, almaz akylyndan syzylyp çykýan jilweli jümleleriň her biri, diňe bir türkmen halkyna däl, eýsem, tutuş ynsanyýete özüniň degerli täsirini ýetirýär. Biz munuň şeýledigini türkmen halkynyň Milli Lideriniň «Ýaşasyn parahat durmuş!» atly ajaýyp şygrynyň dünýäniň dürli dillerinde aýdym edilip aýdylýandygynda hem görýäris. Ýaňy-ýakynda Gahryman Arkadagymyzyň jöwher paýhasyndan döräp, halk köpçüligine gelip gowşan «Türkmenistan — parahatçylygyň we ynanyşmagyň Watany» atly şahyrana şygyr hem umumadamzady parahat durmuş üçin ýagşy işlere gol ýapmaga çagyrýan ajaýyp aýdymyň dowamy bolup hakydamyza doldy. Bu şirin şygyrdaky: Ömürleriň manysy söýgi, mähir, yhlasdyr —

20 Noýabr 2024

Bitaraplyk

Tebigat — ynsan kalbynyň ylham çeşmesi

Tebigat we onuň gözellik dünýäsi, adam bilen tebigatyň arasyndaky baglanyşyk baradaky çeper oýlanyş asyrlarboýy türkmen edebiýatynyň üns merkezinden düşmän, ýyllarboýy taraşlanyp, şu günlerimize çenli kämilleşip gelipdir. Häzirki wagtda ýurdumyzda ekologiýa medeniýetini ösdürmek ugrunda uly işler amala aşyrylýar. Ekologiýa düşünjesi we tebigata söýgi bilen terbiýelenen ýaş nesillerde kämil ynsanperwer garaýyşlar kemala gelýär. Ýaşlarda tebigaty goramak, onuň gymmatlyklaryna aýawly çemeleşmek we hormat goýmak ýaly asylly ýaşaýyş endiklerini terbiýelemek jemgyýetiň möhüm wezipeleriniň biridir. Berkarar döwletiň täze eýýamynyň Galkynyşy döwründe tebigaty goramak döwlet syýasatynyň esasy ugurlarynyň birine öwrüldi. Ekologiýa medeniýeti — bu adamzadyň tebigat bilen sazlaşykly ýaşaýşyny üpjün edýän ýörelgeleriň jemidir. Şeýle hem tebigy gurşawa aýawly çemeleşilmegine täsir edýän ynsanperwer garaýyşlara esaslanýan düşünjeleriň toplumydyr. Ekologik bilim — bu ugra dahylly düşünjeleri, ukyplary we endikleri öwretmek üçin maksatly guralýan, meýilnamaly we ulgamlaýyn amala aşyrylýan işdir.

20 Noýabr 2024

Tebigat

Ynama ygrarly ýaşlar

Gözel Diýarymyzyň goýnunda doglup, erkana kemala gelip, onuň her bir garyş ýerini ýüze sylyp ýaşaýan ildeşlerimiziň ümzügi hemişe ileri. Olar asuda asmanyň astynda, parahat zeminiň üstünde ýaşamak bilen, bagtyýarlygyň eşretini görýärler. Bu eşretleri durmuş ýüzünde mynasyp saklamak babatynda, esasan, Watan goragçylaryna aýratyn orun degişli. Çünki polat galkan kimin mukaddes Watanymyzy goraýan ýurt goragçylarynyň kalbynda «Watan!» diýip urýan gaýduwsyz ýürek bar. Elbetde, şeýlekin mukaddes borjy egninde mertebeli röwüşde göterip ýören harby gullukçylarymyzy mynasyp derejede ruhlandyrmak hormatly Prezidentimiziň öňe sürýän öňdengörüjilikli syýasatynyň esasy özenini düzýär. Has takygy, Türkmenistanyň Magtymguly adyndaky Ýaşlar guramasynyň döredilen güni mynasybetli, ýurdumyzyň öňdebaryjy ýaşlarynyň onlarçasy Türkmenistanyň Ýaşlar baýragynyň eýesi boldy. Olaryň arasynda harby we hukuk goraýjy edaralaryň harby gullukçylarydyr bagtyýar harby talyplaryň bardygy hem guwandyryjydyr. Aýratyn bellesek, Türkmenistanyň Goranmak ministrliginiň harby bölüminiň terbiýeçilik işleri boýunça bölümçesiniň psihology, kapitan Kamila Seýidowa, şeýle-de TGM-niň Beýik Saparmyrat Türkmenbaşy adyndaky Harby institutynyň uly mugallymy, maýor Döwran Abdyrasulow dagy hem bar. Ady agzalanlar, hususan, biziň redaksiýamyz bilen ýakyn aragatnaşyk saklap, özleriniň harby gulluga degişli habarlarydyr dürli žanrd

20 Noýabr 2024

Jemgyýet

Maksadym — myradym, messebim

Gadyryň bilinmegini, çeken zähmetiňe goýulýan hormaty görmek bagtlylygyň hut özi bolsa gerek. Biz hakykatdan hem çeken zähmetiňe, goý, ol kiçi bolsun, ýa-da ullakan, tapawudy ýok, şoňa deň derejede gadyrdyr hormat goýulýan döwürde ýaşaýarys. Ol döwrüň nurana ykbally ynsanlary-da, elbetde, biz — ýaşlar. Halkymyzyň abadançylygy ugrunda amala aşyrylýan umumadamzat ähmiýetli işler gören gözi guwandyrýar, begendirýär. Onsoň niçikmi, türkmeniň islendik müçesindäki adamyň gözlerinde bagtyýarlygyň, şadyýanlygyň alamatlary parlapjyk durandyr. Sebäbi döwrüň mümkinçilikleri her bir ildeşimiziň bagtyýar, nurana ykbalyny gülletmäge gönükdirilendir. Şol bagtyýar ykbally ýaş nesilleriň arasynda özümiň hem bardygymy duýsam, ýa hyýalymda aýlasam, niredendir bir ýerden gözümiň owasyna adyma meňzeş begenç gözýaşlary inýär. Owal bir ýerde okapdymam. Aýtmaklaryna görä, begenç gözýaşlary hiç haçan wagty bilen pytramazmyş. Has dogrusy, ol ynsanyň ýaňagynda esli wagt tegelenip durar-da, soň inmäge başlarmyş. Megerem, bir adamyň üstünlige ýetende ýüzi ýylgyryşa bürenen bolsa-da, biygtyýar esli wagt gözi ýaşdan ýaňa ýaldyrap durýandygy şondandyr.

20 Noýabr 2024

Jemgyýet

Ýurt goragçylarynyň halkara üstünlikleri

Türkmenistan — sagdynlygyň, ruhubelentligiň we bagtyýarlygyň ýurdy. Munuň şeýledigini dünýäniň dürli ýurtlarynda geçirilýän halkara sport bäsleşiklerinde türkmen Tuguny buýsançly pasyrdadyp, Döwlet senamyzy belentden ýaňlandyrýan ýaş türgenleriň ýeňişleri aýdyňlygy bilen delillendirýär. Şeýle ýeňişleriň ýylsaýyn artýandygy bolsa, Gahryman Arkadagymyzyň, Arkadagly Gahryman Serdarymyzyň pähim-paýhaslary esasynda sport bilen meşgullanýan ýaş nesillere ägirt uly mümkinçilikleriň döredilýändiginden habar berýär. Şu ýylyň 10 — 13-nji noýabry aralygynda hem Russiýa Federasiýasynyň Tatarystan Respublikasynyň Kazan şäherinde guşakly göreş boýunça dünýä çempionaty geçirildi. Bu bäsleşikde Türkmenistanyň Ýaragly Güýçleriniň Guryýer goşunlary müdirliginiň tabynlygyndaky podpolkownik Halnepes Meläýewiň serkerdelik edýän harby bölüminiň harby gullukçylaryndan Abdyresul Durdyýew 62 kilogram agramda çykyş edip, 1-nji, esger Nobatgeldi Nazarow 100 kilogram agramda çykyş edip, 3-nji, Türkmenistanyň Ýaragly Güýçleriniň Harby-howa güýçleri we howa hüjüminden goranmak goşunlary müdirliginiň tabynlygyndaky maýor Çaryýar Ataýewiň serkerdelik edýän harby bölüminiň harby gullukçysy, seržant Pälwan Gurbangeldiýew 100 kilogram agramda çykyş edip, 1-nji orna mynasyp boldular. Harby gullukçylar şeýle halkara üstünlikleri gazanmak üçin ähli mümkinçilikleri döredip berýän türkmen halkynyň Milli Lideri Gahrym

20 Noýabr 2024

Sport

Asuda serhede aýlanyp

Gursagyňda yşk möwç urar Watana,Asuda serhede aýlanyp görseň.Müň bir gözellik bar göwnüň açara,Asuda serhede aýlanyp görseň. Dag börüsi, çölüň gurduna kybap,Ýigitleri eder topraga togap.Duşar müňläp sowal, ýene müň jogap,Asuda serhede aýlanyp görseň.

20 Noýabr 2024

Garaşsyzlyk

Sanly ulgam — özgerişleriň özeni

Türkmen halkynyň Milli Lideri Gahryman Arkadagymyzyň bilim ulgamyny kämilleşdirmek ugrundaky tutumly başlangyçlarynyň hormatly Prezidentimiziň parasatly baştutanlygynda dowamat dowam tapýandygy bizi gurmagyň we döretmegiň ýolunda täze-täze üstünliklere ruhlandyrýar. Döwlet Baştutanymyz tarapyndan kesgitlenen, sanly tehnologiýalary ulanmak arkaly täze mümkinçilikleri kemala getirmegiň hasabyna çalt depginde ösýän bilim ulgamyny döwrebaplaşdyrmak syýasaty işjeň amala aşyrylýar. Ylmy-barlag institutlarynda, ýokary okuw mekdeplerinde, ýurdumyzyň beýleki ugurdaş düzümlerinde düýpli we amaly ylmy-barlaglaryň geçirilmegi, olaryň geriminiň giňeldilmegi üçin ähli zerur şertler döredilýär. Jemgyýetiň intellektual mümkinçiliklerini doly peýdalanmak, ykdysadyýetiň işjeň ösüşini gazanmak, hil taýdan täze derejä çykarmak üçin ylmyň öňdebaryjy gazananlaryny ornaşdyrmak esasy şert bolup, ol ýokary tehnologiýalary, düýpli we amaly barlaglaryň netijelerini peýdalanmak bilen gönüden-göni baglanyşyklydyr. Amala aşyrylýan maksatnamalar üstünlikli durmuşa geçirilip, ylmy hemmetaraplaýyn ösdürmek we onuň gazananlaryny ykdysadyýetde netijeli ulanmak, jemgyýetçiligiň intellektual kuwwatyny artdyrmak babatda alnyp barylýan beýik işleriň ähmiýeti has-da ýokarlanýar. Sanly aragatnaşyk, emeli aň, robotlaşdyrmak — häzirki wagtda bularyň ählisi biziň gündelik durmuşymyzyň aýrylmaz bölegine öwrüldi. Interne

20 Noýabr 2024

Bilim

Ezberleriň bäsleşigi

Hormatly Prezidentimiziň parasatly baştutanlygynda, şeýle-de durmuşa geçirýän harby özgertmeleriniň çäklerinde serhetçi esgerlere mukaddes gulluk borçlaryny berjaý edýän döwürlerinde, harby gulluklarynyň dowamynda dürli hünärleri ele almaga giň mümkinçilikler döredildi. Olar harby gulluklaryny geçýän döwürlerinde diňe serhet gullugynyň inçe syrlaryny öwrenmek bilen çäklenmän, dürli görnüşli hünärleri-de ele alýarlar. Berkarar Watanymyzyň mukaddes serhetlerinde sak durýan ýurt goragçylarynyň arasynda söweşjeň, beden we hünär taýýarlyklaryny kämilleşdirmek hem-de ösdürmek maksady bilen dürli çärelerdir bäsleşikler yzygiderli geçirilýär. «Pähim-paýhas ummany Magtymguly Pyragy» ýylynda-da Türkmenistanyň Döwlet serhet gullugynyň serhet birikmeleriniň kinologiýa gulluklarynyň hünärmenleriniň arasynda «Iň gowy tebil topary, yzçalyjysy, gulluk itiniň gözükdirijisi we öňbaşçysy» ady bilen geçirilen bäsleşik hem eziz Watanymyzyň mukaddes serhetleriniň goragynda serhetçileriň ýakyn ýardamçylary bolan gulluk itleriniň hem-de olaryň başöwredijileriniň arasyndan has ezberlerini ýüze çykarmakda hem-de olaryň hünär ussatlyklaryny has-da kämilleşdirmekde uly ähmiýete eýe boldy.

20 Noýabr 2024

Jemgyýet

Terbiýäniň çägi bolmaz

Maşgala — döwletiň bir parçasy bolup, onda edepli-ekramly çagalary ösdürip kemala getirmek borjy tutuş jogapkärçiligi bilen ene-atanyň gerdenine düşýär. Çaga berilýän kämil terbiýe bolsa ene süýdi bilen ornaşýar. Sebäbi çaga başlangyç terbiýesini enäniň kalbyndan susup alýar. Hut şonuň üçin, başlangyç terbiýe ynsanyň geljekki ykbalyny çözýän esasy çesmesidir. Maşgala terbiýesinde esasy orun aýal maşgala degişli bolýar. Çünki adamzadyň sallançakdan başlanýan ömür ýolunyň dowamynda çagalyk döwri ejesi bilen has ysnyşykly ýagdaýda geçýär. Maşgalada ata-enäniň çagalara berýän terbiýesi, ilki bilen, görüm-göreldeden başlanýar. Şeýlelikde, çagalar ata-enäniň gylyk-häsiýetlerini, görkezen göreldelerini, ahlak häsiýetlerini öz kalbynda kemala getirip, olara ömür berýärler. Şol sebäpli ata-ene nähili bolsa, çagasy hem şolar ýaly bolar. Biziň hemmämiz çagalyk müçesini başdan geçirdik. Bu döwürde ene-atanyň hereketleri terbiýäniň iň esasy, aýgytlaýjy tapgyrydyr. Terbiýäniň aýgytlaýjy döwri, esasan, on dört ýaşa çenlidir. Şu döwürde olara ýagşy zatlary näçe köp öwredip bildigiňçe, şonça-da ýagşydyr. Eger-de zergär işinde ýalňyşlyk goýberse, ol ony düzedip biler. Emma terbiýe meselesinde goýberilen säwligi welin, düzetmek kyn düşer. Ata-ene öz perzendini ömürboýy ganatynyň aşagynda saklap bilmeýär. Perzent isleseň-islemeseň bir gün şol ganatyň aşagyndan çykmaly bolýar. Sebäbi durmuşyň kanu

20 Noýabr 2024

Maşgala

Köňüllerde orun alan Pyragy

Berkarar döwletiň täze eýýamynyň Galkynyşy döwründe Garaşsyz, hemişelik Bitarap ýurdumyzyň barha gülläp ösmeginde, Watanymyzyň şan-şöhratynyň, at-abraýynyň has-da belent derejelere göterilmeginde bagtyýar ýaşlaryň mynasyp paýy bar. Hormatly Prezidentimiziň öňdengörüjilikli başlangyçlary bilen ýaşlar baradaky döwlet syýasatynyň üstünlikli durmuşa geçirilmegi ertirki günüň eýeleri bolan biz — ýaşlaryň kämil bilim almagymyza, döredijilikli zähmet çekmegimize, mukaddes Watana ak ýürekden gulluk etmegimize uly mümkinçilikleri döredýär. Ýurdumyzda ýaş nesiller baradaky giň gerimli aladalar, kämil şahsyýetleriň kemala gelmegi ugrundaky tagallalar jemgyýetiň jebisligini, agzybirligini, berkararlygyny pugtalandyryp, döwrümiziň belent joşguny bilen berk sazlaşygy emele getirýär.

20 Noýabr 2024

Jemgyýet

Ýeňişli ýollar

Ýakynda paýtagtymyzda sportuň kik-boksing görnüşinden Aşgabat şäheriniň we Kik-boksing federasiýasynyň bilelikdäki açyk birinjiligi we Türkmenistanyň kubogyny almak ugrundaky ýaryş geçirildi. Bu bäsleşige TGM-niň Harby-deňiz institutynyň we Ýöriteleşdirilen harby-deňiz mekdebiniň türgenleri-de gatnaşdylar. Ýaryşda 63 kilogram agramda Harby-deňiz institutynyň çagyryş boýunça harby gullukçysy, matros Kemal Annamuhammedow 1-nji, Harby-deňiz institutynyň 5-nji ýyl harby talyby Amanmyrat Gökow 2-nji, harby-deňiz mekdebiniň 10-njy synp harby okuwçysy Arslan Kasymow 3-nji orna mynasyp boldular. Ýeňijiler Hormat hatlary, medallar, kuboklar we ýadygärlik sowgatlary bilen sylaglandylar. Gazanylan üstünliklere bilim ojagymyzyň Bedenterbiýe we sport kafedrasynyň mugallymy, uly leýtenant Sähet Ýagşymedowyň goşandy uludyr.

20 Noýabr 2024

Sport