"Esger" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-23, 38-60-09, 38-61-93
Email: esger-gazeti@sanly.tm

Gazeti PDF görnüşinde ýükläp almak

Habarlar

Eziz Watanymyzyň bagtly nesilleri

Ata-babalarymyzyň uzak döwrüň dowamynda kämilleşen baý many-mazmunly paýhasly pentlerini, ýörelgelerini, däp-dessurlaryny özünde jemleýän milli terbiýeçilik mekdebi ýaşlary watansöýüjiligiň we ynsanperwerligiň belent ruhunda terbiýelemäge ýardam berýär. Mertlik, merdanalyk ýaly duýgular parasatlylyk, paýhaslylyk, ugurtapyjylyk ýaly häsiýetler bilen utgaşyp, hakyky türkmen häsiýetini ýüze çykarýar. Türkmen perzendiniň edep-terbiýesiniň gönezliginde müňýyllyklaryň taryhyndan aşan asylly häsiýetlerimiziň bardygyny aýtmak zerur bolup durýar. Ýagny Orta asyrlarda atabeglik mekdebinde terbiýelenen ýigitler döwrüň at-abraýly serkerdesi bolup ýetişipdirler. Öz döwründe jemgyýetde ahlak we ruhy kämilligiň berkemegine uly täsir edişi ýaly, biziň bagtyýar zamanamyzda hem durmuş ýörelgesiniň çyragyna öwrülen milli gymmatlyklarymyzyň gözbaşy arassa ruhy çeşme bolup hyzmat edýär. Mälim bolşy ýaly, ýaşlary watansöýüjiligiň we ynsanperwerligiň belent ruhunda terbiýelemek ähli döwürlerde hem möhüm wezipeleriň biri bolup durýar. Adamlaryň özara paýhasly aragatnaşykda bolmagy we jemgyýete peýdaly işe işjeň gatnaşmaklary, ýaşlarda asylly sypatlary kemala getirmek hem-de ösdürmek türkmen halkynyň müňýyllyklaryň dowamynda döreden milli terbiýesiniň möhüm kadalary we ýörelgeleri bolup durýar.

7 Awgust 2024

Syýasat

Mertligiň mertebeli menzilleri

Ynsany bezeýän şeýlekin ýagşy häsiýetler bar. Her bir ynsan olary ykbalynyň dowamynda özüniň bitiren ýagşy işleriniň üsti bilen gazanýar we şahsyýet hökmünde kemala gelýär. Gürrüňimizi mertlik ýaly naýbaşy hem ýagşy häsiýetleriň biri hakyndaky pikirlere utgaşdyrmakçy. Galyberse-de, şahsyýet diýlende, biziň halypamyz — Türkmenistanyň Içeri işler gullugynyň hormatly weterany Mälikguly Berdimuhamedowyň şöhratly ömür ýoly hakydamyza dolýar. Il içinde: «Ata Watan, ene toprak» diýen sözleri köp eşidýäris. Çünki paýhasly pederlerimiz öz perzentlerine ata Watany goramagy, nuranadan mährem käbelerimiz bu topragy söýmegi wesýet etmekden irmeýärler. Terbiýe babatdaky gürrüňimizi has aýdyň şöhlelendirmekde kalby ylhamly Gahryman Arkadagymyzyň atalyk kitaplary nusgalyk çeşmedir. Gahryman Arkadagymyzyň «Döwlet guşy», «Mert ýigitler gaýrat üçin dogulýar» atly eserleri tutuşlygyna diýen ýaly ömür ýolunda nusgalyk ýol görkezen, asylly beýik ahlak sypatlary boýunça nusgalyk hem-de öz durmuşynyň uniwersiteti hasaplan halypasy Mälikguly aga bagyşlanýar. Has dogrusy, «Mert ýigitler gaýrat üçin dogulýar» atly eserinde kakasy Mälikguly aganyň nusgalyk ýoluny köp wagtlap öwrenendigi we ýene-de öwrenmegiň özi üçin perzentlik borçdugyny nygtaýar.

7 Awgust 2024

Syýasat

Ähli göwünleriň şahyry

Elime kagyzdyr galam alyp, Magtymguly Pyragy, onuň poeziýasy hakynda bir zatlar ýazmakdan ötri, biraz ýaýdandym. Çünki beýikler hakynda ýazmak üçin hem köp zatlary bilmeli. Bu babatda akyldaryň ýazmak hakyndaky setirleri biziň ählimize kämil we iň beýik nesihat bolup durýar: «...Magtymguly, sözle her ne bileniň, // Özüňe kemlik bil, aýtman öleniň...» Dogry, poeziýa, onuň wezipesi, ýerine ýetirýän işleri hakynda köp zatlar aýdyldam, ýazyldam. Her näme-de bolsa, poeziýa–— terbiýeleýji bolup, ol halkyň ruhuna özüniň oňyn täsirini ýetirmeli. Şol bir sanda, poeziýa tutuş adamzada hyzmat etmegi başarmaly.

7 Awgust 2024

Edebiýat

Kämilligiň ýolunda

Eziz Diýarymyzda ýaş nesilleri sagdyn durmuş ýörelgelerine ugrukdyrmak, olaryň zyýanly endiklerden daşda durmaklaryny gazanmak maksady bilen, hormatly Prezidentimiziň başda durmagynda «Pähim-paýhas ummany Magtymguly Pyragy» ýylynda uly işler durmuşa geçirilýär. Bu babatda ähli jemgyýetçilik guramalary bilen birlikde, ýurdumyzyň harby we hukuk goraýjy edaralarynyň hem paýyna uly jogapkärçilik düşýär. Bu möhüm we jogapkärli wezipeleri birkemsiz berjaý etmek bolsa, harby gullukçylarymyzdan ylymlylygy, bilimliligi, syýasy taýdan düşünjeliligi, ýokary hünär taýýarlylygyny talap edýär. Döwlet migrasiýa gullugymyzyň harby gullukçylarynyň hünär başarnyklaryny ýokarlandyrmakda gullugyň merkezi edarasynyň Okuw bölüminiň binýadynda döredilen kitaphanamyzyň ähmiýeti örän uludyr. Bu kitaphanamyzda Gahryman Arkadagymyzyň, Arkadagly Gahryman Serdarymyzyň jöwher paýhaslaryndan dörän ajaýyp kitaplar we ata Watanymyzyň bedew bady bilen ynamly öňe barýan ösüşli ýoluny beýan edýän suratly diwarlyklar, gazet-žurnallar bar. Kitaphanamyz ýurdumyzyň ösüşini, özgerişini açyp görkezýän döwrebap ylham hazynasydyr. Şeýle hem bu kitaphanada taryhda öçmejek yz galdyran türkmen serkerdeleriniň gahrymançylykly ýollaryny beýan edýän birnäçe taryhy kitaplar hem bar. Magtymguly Pyragynyň, Nurmuhammet Andalybyň, serkerde şahyrymyz Seýitnazar Seýdiniň, Gurbandurdy Zeliliniň, Mollanepesiň we türkmen edebiýatynyň g

7 Awgust 2024

Jemgyýet

Melhemler mekany — «Mollagara»

Melhemler mekany bolan türkmen topragynda tebigatyň döreden şypaly kölleriniň hatarynda Mollagara köli hem giňden tanalýar. Häzirki wagtda bu kölüň boýunda adybir şypahana hereket edýär. Balkan welaýatynyň çäginde ýerleşýän «Mollagara» şypahanasyna tebigy şertleri, mineral suwy üçin dürli ýaşdaky raýatlarymyz tarapyndan uly isleg bildirilýär. Bu günki günde döwrüň iň kämil tehnologiýalarynyň we lukmançylyk enjamlarynyň ornaşdyrylmagy, şypahana gelýän raýatlarymyzyň saglyklaryny berkitmek üçin döwrebap şertleriň döredilýändiginiň görkezijisidir. Irki döwürlerden bäri Balkan welaýaty özüniň täsin tebigaty bilen köpleriň ünsüni özüne çekipdir. Sebitiň täsinlikleriniň biri hem Mollagara kölüdir. Kölüň esasy aýratynlygy başga bir ýerden gelip guýýan hiç hili akabasynyň ýoklugyna garamazdan, eýsem, tutuş ýylyň dowamynda belli bir derejede saklanýanlygydyr. Onuň ýokary derejede minerallaşan şor suwy hlorly, natrili, magnili suwlara degişlidir. Düzüminde köp mukdarda himiki elementleriň, birleşmeleriň, mikroelementleriň bolmagy şypaly suwuň melhemlik häsiýetini ýokarlandyrýar. Ýene bir täsin tarapy, bu köle giren adamyň suwuň ýüzünde saklanyp, onuň düýbüne asla çökmeýänligidir. Kölüň diňe bir şor suwy däl, eýsem, gyrmançaly palçygynyň hem bejerijilik häsiýeti bar. Gyrmançaly palçygy hem birnäçe usulda, has takygy, beden agzalaryna ýapgy görnüşinde ulanylýar.

7 Awgust 2024

Saglyk

Sardoba

Berkarar döwletiň täze eýýamynyň Galkynyşy döwründe suw ulgamynyň işine aýratyn üns berilýär. Bir mahallar az suwly, gurak howaly ýurt hökmünde tanalan Türkmenistan, bu günki gün bol suwuň hözirini görýär. Halkymyz üçin teşnelik diýen düşünjäniň ymykly ýat bolmagy, geljekki nesillerimiziň ol derdi hiç mahal duýmazlyklary üçin suw goruny döretmek hem häzirki döwürde döwletimiziň suw syýasatynyň esasy wezipesi bolup durýar. Ýurdumyzda bar bolan suwlary tygşytly ulanmakda howdanlar we bentler aýratyn ähmiýete eýedir. Şonuň üçin, irki döwürlerden bäri daýhançylygy kesbine öwrüp, bereket tapan ata-babalarymyz suw howdanlarynyň ençemesini el zähmetleri bilen gurupdyrlar. Şolaryň biri-de sardobadyr. Sardobalar, esasan, tegelek görnüşli gurulýan hem bolsa, kähalatda olaryň inedördül görnüşleriniň duş gelýändigi baradaky maglumatlara-da gabat gelinýär.

7 Awgust 2024

Taryh

Mukaddeslik mertebesi

Watan — biz üçin hemme zatdan eziz hem zyýada. Watan — ynsan ýüregine iň ýakyn mukaddeslik. Ol mukaddeslik köňlümiziň guwanjy, başymyzyň altyn täjidir. Watany gözüň göreji deý goramak, söýmek her bir ynsanyň mukaddes borjudyr. Bu hakda akyldar şahyrymyz Magtymguly Pyragy hem öz şygrynda: Ilinden aýra düşen —Ah urar, ili gözlär —

7 Awgust 2024

Edebiýat

Mukaddes borç

Dowam eýläp gadym Oguz kadasyn,Mukaddes serhedi goraýarys biz.Geçip pederleň mertlik ýol-ýodasyn,Mukaddes serhedi goraýarys biz. Tabşyrykda mydam durup biz hüşgär,Alysy, ýakyny synlaýas äşgär,Egin-egne berip bu gün deň-duşlar,Mukaddes serhedi goraýarys biz.

7 Awgust 2024

Edebiýat

Buýsançnama

Gül Watanym — ata-baba mesgenim,Garaşsyz sen, Bitarap sen, baky sen! Sende halal duzum, ygrar-messebim, Garaşsyz sen, Bitarap sen, baky sen! Mertebäňdir ýaz deý ýaşyl Baýdagym, Sen dilimde sena bolan aýdymym, Owal-ahyr mukaddeslik saýdygym, Garaşsyz sen, Bitarap sen, baky sen!

7 Awgust 2024

Edebiýat

Goňşy bagyň miwesi

Ýaş wagtlarym irden oýanardym-da, ejem bilen malkepbä sary ýola düşerdim. Günde gaýtalanýan ýagdaýdy. Häsiýeti gowudy welin, ejem sagyp bolýança, öňünde gölesini dikgerdip goýmasaň, süýtli sygrymyz teý durmazdy. Haýwan diýjeksiň welin, emma ki olam ene-dä! Onsoň niçikmi sygyr, gölesini ýalap durandyr. Arasynda yzyna gaňrylyp, ejeme-de birlaý göz aýlanam bolýardy. Saglan süýdi süzgüçde süzen ejem, soňra ony gazana guýar-da, teýine ot ýakar welin, ana, şondan soň burnuňy gyjyndyrýan üýtgeşik ys töwerege kükär. Bişen süýtden bir şakäsänem mazaly dolduryp, öňüňe äberer. Onsoň bäş-on gezek owurtlap süýdi egsersiň. Soňra iki eliň ýüzi ýaly çöregem bölägetdin, içine dograrsyň. Çörek süýdi özüne çeker. Üstesine-de süýde ezilen çörek çişip, şakäseden çykaýarly görüner. Eňegiňi galdyrman çaga işdämenligiň bilen bir çetinden gädip ugrarsyňam welin, nädip şakäsäniň düýbüne ýeteniňi duýubilseň, duý-da! Päheý-de welin, agyz suwjartmak niýetim ýok, yzyny köp nokat bilen jemläýerin...

7 Awgust 2024

Edebiýat

Saglygymyz üçin peýdaly maslahatlar

Tomus paslynyň talaplaryna laýyklykda geýinmeli. Günüň ýiti göni şöhlesinden goranmak üçin başgap geýmeli, ýaglyk daňmaly ýa-da saýawanly gezmeli.

7 Awgust 2024

Saglyk

Ýangyç-energetika toplumy

Berkarar döwletiň täze eýýamynyň Galkynyşy döwründe türkmen halkynyň Milli Lideri Gahryman Arkadagymyzyň ýurdumyzyň ýangyç-energetika toplumyny ösdürmek boýunça başyny başlan özgertmeler maksatnamasy häzirki wagtda Arkadagly Gahryman Serdarymyzyň parasatly baştutanlygynda üstünlikli durmuşa geçirilýär. Hormatly Prezidentimiziň belleýşi ýaly, ýangyç-energetika toplumynyň öňünde möhüm wezipeler durýar. Şunda täze nebitgaz ýataklaryny ýüze çykarmak maksady bilen, gözleg-agtaryş işlerini geçirmäge, uglewodorod serişdeleriniň çykarylýan hem-de gaýtadan işlenilýän möçberini artdyrmaga, türkmen energiýa serişdelerini dünýäniň energetika bazarlaryna ibermegiň dürli ugurlaryny döretmäge, nebitgaz önümçiliginde innowasiýalary ulanmaga, guýulary burawlamak we düýpli abatlamak boýunça işleri işjeňleşdirmäge uly ähmiýet berilýär. Türkmenistan tebigy gazyň gorlary boýunça dünýäde öňdäki orunlaryň birini eýeleýär. Ýurdumyzyň geografik taýdan amatly ýerleşmegi, pudagyň düzümleriniň tehnologik taýdan döwrebaplaşdyrylmagy ýangyç-energetika pudagynda gyzyklanma bildirýän ähli hyzmatdaşlar bilen özara bähbitli gatnaşyklary giňeltmek üçin uly mümkinçilikleri açýar. Gurluşygy alnyp barylýan Türkmenistan — Owganystan — Pakistan — Hindistan gaz geçirijisi ýurdumyzyň energetika strategiýasyny durmuşa geçirmekde nobatdaky netijeli ädimdir. Milli ýangyç-energetika toplumyny döwrebaplaşdyrmak, geljegi naz

31 Iýul 2024

Syýasat

Arkadag şäheri — geljegimiziň aýdyň nusgasy

Häzirki döwürde «akylly» şäher konsepsiýasynyň ýörelgeleri esasynda gurlan ajaýyp şäher — Arkadag şäheri Gahryman Arkadagymyzyň mukaddes türkmen topragynda binýat bolan kämil sungat eseridir. Täze şäheriň gurluşygynyň ikinji tapgyrynda gurulmagy meýilleşdirilýän binalaryň şekil taslamalary, olaryň ýerleşjek ýerleriniň çyzgylary bilen tanyşmak maksady bilen, golaýda türkmen halkynyň Milli Lideri, Türkmenistanyň Halk Maslahatynyň Başlygy, Hormatly il ýaşulusy Gurbanguly Berdimuhamedow Arkadag şäherine iş saparyny amala aşyrdy. Türkmenistanyň at gazanan arhitektory Milli Liderimiz Arkadag şäheriniň çäginde gurulmagy meýilleşdirilýän Çeper halyçylyk kärhanasynyň bina ediljek ýeri we bu töweregiň tebigy aýratynlyklary bilen tanyşdy. Beýleki gurluşygy dowam edýän desgalar ýaly, bu kärhananyň gurluşygynda hem häzirki zamanyň ösen tejribesiniň ulanylmalydygy, önümçilik toplumynda işgärleriň netijeli işini üpjün edýän ähli zerur şertleriň döredilmelidigi bellenildi. Şunda ekologik kadalaryň berk berjaý edilmegi, toplumyň ýanaşyk ýerleriniň göwnejaý abadanlaşdyrylmagynyň möhüm talap bolup durýandygyna üns çekildi.

31 Iýul 2024

Syýasat

Türkmenistan — ÝUNESKO: taryhy gatnaşyklaryň täze tapgyry

Türkmen halky özüniň milli gymmatlyklaryna sarpa goýup, ezelden olary nesilden-nesle geçirip gelýär. Şeýle gymmatlyklar diňe bir türkmenleriň buýsanjy bolmak bilen çäklenmän, eýsem, dünýä halklarynyň ünsüni hem özüne çekipdir. Milli gymmatlyklarymyzy sarpalamak we olary geljekki nesillerimize ýetirmek üçin ýurt derejesinde asylly işler durmuşa geçirilýär. Bu babatda ÝUNESKO bilen ýurdumyzyň arasynda ýyllarboýy gazanylan netijeli hyzmatdaşlyk bar. Türkmenistan hemişelik Bitaraplyk ýörelgelerine esaslanyp, BMG we onuň ýöriteleşdirilen düzümleri bilen işjeň hyzmatdaşlyk edýär. Bu ugurda Türkmenistanyň ÝUNESKO bilen netijeli gatnaşyklaryny aýratyn bellemek zerurdyr. Häzirki wagtda Türkmenistanyň we ÝUNESKO-nyň arasynda Hereketleriň täze meýilnamasy işlenilip düzüldi. Şoňa laýyklykda, guramanyň sanawlaryna gadymy türkmen edebiýatynyň görnükli wekilleri Döwletmämmet Azadynyň, Mahmyt Zamahşarynyň golýazmalaryny, Ybraýym Edhem baradaky dessanlary we beýleki taryhy şahslaryň eserlerini girizmegiň hem mynasypdygy bellenilýär. Şeýle-de ýurdumyzdaky ýokary okuw mekdeplerinde bu abraýly guramanyň kafedralary hereket edýär.

31 Iýul 2024

Syýasat

Döwrebap mümkinçilikler, guwandyryjy üstünlikler

Gahryman Arkadagymyzyň öňe süren, häzirki döwürde hormatly Prezidentimiz Serdar Berdimuhamedow tarapyndan üstünlikli durmuşa geçirilýän «Açyk gapylar» syýasaty we giň halkara hyzmatdaşlyk esasynda Garaşsyz Watanymyzyň paýtagty syýasy, işewürlik, medeni, sport, jemgyýetçilik durmuşynyň iri merkezine öwrüldi. Milli Liderimiziň täzeçil şähergurluşyk strategiýasynyň netijesinde paýtagtymyzda we ýurdumyzyň ähli künjeklerinde döwrebap sport toplumlary, köpugurly stadionlar, ýöriteleşdirilen sport mekdepleri yzygiderli gurlup ulanylmaga berildi. Berkarar döwletiň täze eýýamynyň Galkynyşy döwrüniň ägirt uly özgertmeleriniň nyşany bolan paýtagtymyz Aşgabat iri halkara çäreleriň, şol sanda dünýä derejesindäki sport ýaryşlarynyň geçirilýän ýeri hökmünde giňden tanalýar. Hemişelik Bitarap Türkmenistan döwletimiz Garaşsyz Döwletleriň Arkalaşygynyň işjeň hyzmatdaşy bolmak bilen, dürli ugurlardaky, şol sanda sport ulgamyndaky köptaraplaýyn gatnaşyklary ösdürmek boýunça anyk teklipleri öňe sürýär. 2022-nji ýylyň oktýabrynda Astanada geçirilen Garaşsyz Döwletleriň Arkalaşygynyň sammitinde hormatly Prezidentimiziň Arkalaşygyň çäklerinde sport hyzmatdaşlygyny giňeltmek maksady bilen, GDA-nyň Bedenterbiýe we sport boýunça geňeşiniň howandarlygynda halkara sport ýaryşlaryny geçirmek boýunça utgaşdyryjy komiteti döretmek barada öňe süren teklibi, şeýle hem yzygiderli esasda Dostluk oýu

31 Iýul 2024

Sport

Watan — pederleriň baky mirasy

Ata Watanymyz Türkmenistan ählumumy parahatçylygy, howpsuzlygy we durnukly ösüşi goldamak syýasatyny üstünlikli amala aşyrmak arkaly, dünýä döwletleri bilen özara bähbitli gatnaşyklary ösdürýär, halkara abraýyny pugtalandyrýar. Amala aşyrylýan giň gerimli özgertmeler ata-babalarymyzyň parahatsöýüjilik ýörelgeleriniň has-da dabaralanmagynda öz beýanyny tapýar. Bu gün Garaşsyz, hemişelik Bitarap Türkmenistan Ýer ýüzünde parahatçylygy berkarar edýän ýurtlaryň hatarynda tanalýar. Parahatsöýüjilikli ýörelgeler bolsa goranyş häsiýetli Harby doktrinamyzyň içinden eriş-argaç bolup geçýär. Türkmen halkynyň Milli Lideri Gahryman Arkadagymyz «Watan goragy mukaddesdir» atly ajaýyp eserinde: «Ýaragly Güýçlerimiziň harby kuwwaty parahatçylyga gulluk etmäge gönükdirilendir» diýip belleýär. Munuň özi goranyş häsiýetli Harby doktrinamyzyň esaslarynyň parahatçylyk söýüjilige ýugrulandygyny alamatlandyrýar. Hormatly Belent Serkerdebaşymyzyň «Ýaşlar — Watanyň daýanjy» atly ajaýyp eserindäki: «Garaşsyz, hemişelik Bitarap Türkmenistan merdana Watan goragçylaryna ömürdir, ykbaldyr, mertebedir. Bu gün gaýduwsyz, edermen türkmen serkerdeleri, ýaş watançy esgerler ata Watanymyzyň mukaddes goragynda sak durup, ýurt asudalygyny, parahatlygyny, abadanlygyny berkarar edýärler» diýlen çuňňur many-mazmuna beslenen sözler bize bildirilen uly ynamyň nyşanydyr, Watan goragy ýaly mukaddes borjy ak ýürekden berja

31 Iýul 2024

Jemgyýet

Medeni maksatly dabaralar

Häzirki wagtda polkownik Röwşen Aýazowyň ýolbaşçylyk edýän garnizonynyň çägindäki harby bölümlerde dabaraly harby ýörişe taýýarlyk görýän harby gullukçylaryň ruhuny galkyndyrmak, dynç alyş günlerinde olaryň medeniýetli dynç alşyny guramak maksady bilen dabaraly çäreler, şeýle-de dürli mazmunly döredijilik bäsleşikleri guralýar. «Pähim-paýhas ummany Magtymguly Pyragy» diýlip atlandyrylan ýylymyzda geçirilýän şeýle dabaralarda serkerdeleriň watançylyk ähmiýetli söhbetleri, esgerleriň akyldar şahyrymyz Magtymguly Pyragynyň mertlik, gaýduwsyzlyk hakyndaky şygyrlaryny okap bermekleri dabara gatnaşýan her bir harby gullukçynyň kalbynda belent watansöýüjilik duýgusy bilen şöhlelenýär. Dana Pyragynyň döredijiliginde esasy temalaryň biri hem watançylykdyr. Onuň türkmen topragynda özbaşdak döwlet gurmak baradaky taglymlary «Türkmeniň», «Türkmen binasy», «Gürgeniň» ýaly watançylyk şygyrlarynda aýdyň duýulýar. Watany mukaddeslik derejesine götermek, ony gözüň göreji deý goramak Gahryman Arkadagymyzyň ýiti zehininden, döwet galamyndan çykan dürdäne kitaplarynyň içinden hem eriş-argaç bolup geçýär. «Mertler Watany beýgeldýär» atly kitabynda Gahryman Arkadagymyz: «Iň gowy asylly ýörelgeler Watanyň beýgelmeginiň hatyrasyna amal edilýändir. Watanyň goragy bolsa mukaddesligiň goragydyr. Watana söýgi daglarymyzdaky çeşme-çaýlaryň tereňligidir, Asmanyň hem Zeminiň, deňzimiziň mawy giňişliginiň as

31 Iýul 2024

Jemgyýet

Buýsanjymyz — bagtyýar ýaşlar

«Pähim-paýhas ummany Magtymguly Pyragy» ýylynyň her bir güni uly üstünliklere, şanly wakalara beslenýär. Hormatly Prezidentimiziň «Watan diňe halky bilen Watandyr! Döwlet diňe halky bilen döwletdir!» diýen şygary dillerimiziň senasy, köňüllerimiziň owazy bolup belentden-belent ýaňlanýar. Ýaşlara mydama ýurdumyzyň daglaryndan güýç, derýalaryndan joş alyp, bagtyýar döwrümizden ruhlanyp ýaşamak, özlerinden edilýän belent ynamy ödemek mertebedir. Ýurdumyzda ýaşlar syýasatynyň ata-babalarymyzyň asylly ýörelgeleri hem-de häzirki zaman jemgyýetçilik talaplaryna laýyklykda mynasyp durmuşa geçirilmegi ýaşlaryň ähli babatda döwlet durmuşynda uly ornunyň bolmagynda aýratyn many-mazmuna eýedir. Ýaşlary hakyky watançylyk, ynsanperwerlik, ýokary ahlaklylyk, şöhratly taryhymyza, halkymyzyň medeniýetine, däp-dessurlaryna, maşgala gymmatlyklaryna hormat goýmak ruhunda terbiýelemek, olaryň ylma-bilime höwesini artdyrmak häzirki wagtda üstünlikli durmuşa geçirilýän, ýaşlar baradaky döwlet syýasatynyň esasy ugry bolup durýar.

31 Iýul 2024

Garaşsyzlyk

Berkararlyk daragty

Geljegi barada aladalanýan millet, ilkinji nobatda, mynasyp nesli kemala getirmegiň maksady bilen ýaşaýar. Dowamatyny dowam eýlejek kämil ýaşlary terbiýelemek, ösdürmek, kemala getirmek höwesinde bolan türkmen halky öňem, häzirem şu ýol-ýörelgä eýerýär. Munuň şeýledigini häzirki günlerde has-da aýdyň duýup bolýar. Çünki Berkarar döwletiň täze eýýamynyň Galkynyşy döwründe halkymyzyň uzak taryhyň dowamynda toplan, kämilleşdiren baý durmuş tejribesine, häzirki zaman ylmynyň, medeniýetiniň gazananlaryna daýanylyp, türkmen ýaşlarynyň bilim, ylym, medeni we ruhy ahlak taýdan sazlaşykly ösmegi üçin giň mümkinçilikler döredilýär. Hormatly Prezidentimiz ýurduň ygtybarly daýanjy bolan ýaşlaryň kämil terbiýe, döwrebap bilim almagyna aýratyn üns berýär. Okumyş, giň gözýetimli, ahlak taýdan arassa we ynsanperwer ýaşlary terbiýeläp ýetişdirmek, biziň her birimiziň asylly maksadymyzdyr. Bu babatda Arkadagly Gahryman Serdarymyzyň «Ýaşlar — Watanyň daýanjy» atly kitaby hemmelere nusgalyk mekdepdir. Kitapdaky: «Watanymyzyň geljegi ýaşlarymyz bilendir. Olar ata Watanymyza, halkymyza wepaly, ata-babalarymyzyň döwletlilik we ynsanperwerlik ýörelgelerine eýerýän, zähmetsöýer, watansöýüji, päk ahlakly ýaşlar bolmalydyr. Şeýle belent adamkärçilik sypatlary bilen Watanymyzyň, türkmen halkynyň dünýädäki abraý-mertebesini has-da belende götermelidirler» diýen jümleler ýaşlarymyz üçin durmu

31 Iýul 2024

Garaşsyzlyk

Mukaddeslikleriň mertebesi

Hormatly Prezidentimiz Serdar Berdimuhamedowyň durmuş tejribelerinden susulyp alnan, döwleti dolandyrmagyň we halky söýmegiň, ukyp-zehiniň bilen il-güne hyzmat etmegiň nusgasyna öwrülen, döwrebap we uzak geljege niýetlenen syýasy pähimleri açyp görkezýän milli ýörelgelerimizden, medeni mirasymyzdan, halkyň ruhy genji-hazynasyndan söz açýan «Ýaşlar — Watanyň daýanjy» atly kitaby ýaşlaryň durmuşyna dahylly we örän peýdaly manylary özünde jemleýän akyl-paýhas hazynasydyr. Watanymyzyň beýik taryhy — ýurdumyzyň belent tarypydyr. Ýaş nesillerde watançylyk duýgusyny kämilleşdirmek we onuň gymmatyny düşündirmek mukaddes borçdur. Durmuşa düşünmegiň ýollaryny, usullaryny ata-eneler ogul-gyzlaryna kitabyň üsti bilen, şeýle-de edim-gylym, edep-terbiýe arkaly öwredýär. Olar Watany söýmegi belent borç hökmünde görüpdirler. Ýaşulularyň aýtmagyna görä, dünýäniň derdi-mähneti şu zatlardadyr. Olaryň birinjisi, ýurduňdan aýralyk, hatda ol bir sagat bolsa-da; ikinjisi bergidarlyk, ol bir teňňe bolsa-da; üçünjisi, dilegçilik ol bir däne bolsa-da. Türkmen dessanlarynda, kyssalarynda wakalar esasynda aýdylýan «Müsürde şa bolanyňdan, öz iliňde geda bol» diýen parasatly jümle hem «Watan» atly gymmatlygyň ynsan üçin nähili ezizdigini kemsiz subut edýär. Watana bolan söýgi — halkymyzyň geçmişine, şu gününe we geljegine bolan buýsanç hem-de ynamdyr. Mukaddeslikleri öz mynasyp mertebesinde saklamak borçdur

31 Iýul 2024

Maşgala