"Esger" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-23, 38-60-09, 38-61-93
Email: esger-gazeti@sanly.tm

Gazeti PDF görnüşinde ýükläp almak

Habarlar

Ak arzuwlaryň wysaly

Kiçijik uçgunjyklardan dörän arzuwlaryň hasyl bolşuna gözli şaýat bolmak diýseň täsirli hem ýatda galyjy pursat. Elbetde, arzyly kitaplaryň gatlaryna ýazylan arzuwlaryň amala aşmagy her bir ynsan üçin täze durmuş, täze sahypa. Başgaça aýdanymyzda, ynsanyň arzuwlaryna sary ilkinji gadam. Ynha, ilkinji ädimler bilen arzuwly hünärine gadam basan bagtdan paýly, sylagdan serpaýly, geljekki serhetçi serkerdelerimiz ýaşyl Tugumyzyň synyndan öpüp, harby kasamy uly buýsanç bilen ýerine ýetirýärler. Olaryň şeýle bagtly pursatlaryna şaýat bolanyňda, asuda, parahat ata Watanymyzda türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň pähim-paýhaslary esasynda ýaşlara göwün söýen hünärlerinde, döwrebap, häzirki zaman ýokary okuw mekdeplerinde bilim almaga döredilen şertler buýsanjyňa buýsanç goşýar. Ynha, biz hem ylma-bilime uly üns berilýän ýurdumyzda köňül beren hünärine gadam basan bagtyýar ýaşlaryň ýürek sözlerini okyjylarymyza ýetirmegi müwessa bildik. Gurban ANNABERDIÝEW,Türkmenistanyň Serhet institutynyň 1-nji ýyl harby talyby:

4 Sentýabr 2024

Bilim

Ýoluňyz ak bolsun!

Bagtyýarlyga beslenýän döwrümiziň aýdyň ösüşleriniň miwelerini, gazanylýan netijeleri her ädimde görmek bolýar. Ajaýyp hem bagtyýar zamanamyzda Gahryman Arkadagymyz, Arkadagly Gahryman Serdarymyz giň, owadan, dürli öwüşginli yşyklar bilen bezelen döwrebap ýollary gurduryp, halkymyzyň hyzmatyna berýär. Ýaşaýşyň gözelligi, ynsanyň rahatlygy, maşgala abadanlygy bolsa, köp babatda ýol hereketiniň abatlygy bilen baglydyr. Ýollaryň howpsuzlygyny gazanmak maksady bilen, ýurdumyzda her ýylyň sentýabr aýynda «Ýol hereketiniň howpsuzlygy — ömrümiziň rahatlygy» atly şygar bilen biraýlygyň yglan edilmegi hormatly Prezidentimiziň halkyň saglygyny, maşgala abadançylygyny ähli zatdan ilerde goýýandygyny aýan edýär. Ýol hereketiniň düzgünleriniň berjaý edilişi bilen bagly giň gerimli çärelere halkymyz uly höwes bilen gatnaşýar. Rowaçlanýan Watanymyzda gurulýan we durky täzelenýän giň, ýagty we aýna ýaly tekiz awtomobil ýollarynda ulag serişdeleriniň hereketiniň sazlaşykly, sürüjileriň seresaply, hüşgär bolmagy möhümdir. Gahryman Arkadagymyzyň, Arkadagly Gahryman Serdarymyzyň pähim-paýhaslary esasynda ýurt derejesinde geçirilýän bu ählumumy çärä Harby awtomobil gözegçiliginiň işgärleri-de işjeň gatnaşýarlar. Ýol hereketiniň howpsuzlygynyň biraýlygynyň dowamynda guralýan çäreler pyýadalar bilen sürüjileriň arasynda ýol hereketiniň sazlaşygyny gazanmaga ýardam berýär, şeýle hem bolup biläýjek ýol

4 Sentýabr 2024

Jemgyýet

Paýhas ummanynyň ägirdi

Magtymguly etrabynyň Magtymguly Pyragy muzeýinde gezelençde bolup, ol ýerdäki gymmatlyklary synlanyňda akyldar şahyryň ýaşan döwri, geçen durmuş ýoly bilen ýakyndan tanyş bolýarsyň. Muzeýiň binasynyň öňünde oturdylan paýhas ummanynyň ägirdi — ussat şahyryň heýkeli, daş-töweregindäki nusgawy edebiýatymyzyň görnükli wekilleri bolan Mätäjiniň, Keminäniň, Seýdiniň, Mollanepesiň, Magrupynyň, Zeliliniň heýkellerini synlap, ýurdumyzda söz sungatynyň ägirtlerine goýulýan sarpanyň belentligine ýene bir gezek göz ýetirýärsiň. Döredijiligi dünýä edebiýatynyň genji-hazynasyna, Jemşidiň jamyna deňelýän söz ussady Magtymguly Pyragy türkmen edebi dilini ösdürmäge mynasyp goşant goşan, berkarar döwleti arzuwlan nusgawy şahyr hem beýik şahsyýetdir. Magtymguly Pyragynyň ylymly-bilimli, dana şahyr bolup ýetişmeginde onuň pederi Döwletmämmet Azadynyň zähmeti, görüm-göreldesi örän uludyr. Maglumatlardan belli bolşy ýaly, Azady öz döwrüniň ylymly, düşünjeli, giň dünýägaraýyşly adamlarynyň biri bolupdyr. Onuň ussatlyk bilen ýazan «Wagzy — Azat», «Behiştnama» ýaly eserleri halkymyz üçin gymmatly mirasdyr. Magtymguly Pyragy ilkinji bilimi öz pederi Döwletmämmet Azadydan alypdyr. Akyldar şahyryň: «Ylym öwreden ussat kyblam pederdir» diýip şygrynda nygtamagy muňa aýdyň subutnamadyr. Soňra şahyr «Idris baba», «Gögeldaş» medreselerinde okap, ylym-bilim alýar. Ol bilimini has-da artdyrmak maks

4 Sentýabr 2024

Edebiýat

Özara tejribe

Ýakynda podpolkownik Nurmyrat Eminowyň serkerdelik edýän harby bölüminde Döwlet serhet gullugymyzyň ähli serhet birikmeleriniň we harby bölümleriniň terbiýeçi serkerdeleriň gatnaşmagynda okuw ýygnanyşygy geçirildi. Onuň dowamynda «Pähim-paýhas ummany Magtymguly Pyragy» ýylynda gulluk-söweşjeň işlerini guramakda harby düzgün-nyzamyň ýagdaýyna baha berlip, şahsy düzüm bilen okuw-terbiýeçilik işleriniň geçirilişini has-da kämilleşdirmekde anyk wezipeler kesgitlenildi. Şeýle-de terbiýeçi serkerdeleriň hünär derejesini kämilleşdirmek maksady bilen tejribe okuw sapaklary guraldy. Mähriban Watanymyzda Gahryman Arkadagymyzyň, hormatly Belent Serkerdebaşymyzyň pähim-paýhaslary esasynda alnyp barylýan taryhy işler, mukaddes dost-doganlyk serhetlerimizde harby gulluklaryny üstünlikli berjaý edýän merdana serhetçilerimiz üçin döredilýän şertler dogrusyndaky çykyşlar has-da täsirliligi bilen tapawutlandy. Bulardan başga-da, okuw ýygnanyşygynda harby düzgün-nyzamy berkitmekde, ýaş esgerleriň arasynda wagyz-nesihat, döredijilik duşuşyklaryny, ýurdumyzyň çäginde ýerleşýän taryhy hem medeni dynç alyş merkezlerine yzygiderli gezelençleri guramak, bu işde weteranlar geňeşine, zenanlar guramasyna uly orun bermek barada hem nygtaldy. Okuw ýygnanyşygynyň netijesi boýunça tapawutlanan serkerdelere mynasyp bolan sylaglary dabaraly ýagdaýda gowşuryldy.

4 Sentýabr 2024

Jemgyýet

Ýürek sesi

* * * Gijäniň tümünden däl, ýalňyzlygyň tümünden sogrup alsana meni. Garaňkylyk irde-giçde ornuny ýagtylyga berer, ýöne ýalňyzlygyň tümi haçan ornuny mukaddes söýgi bilen doldurarka?! Ýaşyl ýapraklar saralar, soňra olar topraga siňer. Ýaprak siňen toprakdan ýene täze daragt gögär. Günler aýa, aýlar ýyla sepleşer gider, ýöne wagtyň bagt bilen sepleşip gitmegi hemişe mümkinem däl ýaly görünýär. Gowusy sen bu zatlara ynanma, sen bagty döredip bolýandygyna ynanýaň ahyryn... Bu barlyk bize geňeşilmezden döredildi, söýgem geňeşde ýüze çykýan zat däl, gaýtam, ol ynamdan döreýän zat ahyryn. Öňem eý görýänlerimiň has üýtgeşiginiň aýdyşy ýaly, bagtyň 97 göterimi berilýämişin, menem näme galan 3 göteriminem çyn söýgi bilen dolduraýsam diýýän.

4 Sentýabr 2024

Edebiýat

Pederlerimizi hormatlap

Ýakynda maýor Parahat Ataýewiň serkerdelik edýän serhet birikmesiniň serkerdeleri we göreldeli esgerleri etrapdaky kitaphanada gezelençde boldular. Häzirki zaman döwrebap kitaphanany türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň ajaýyp eserleri, halkymyzyň şahyr ogullarynyň şirin şygyrlary jemlenen, halkymyzyň taryhy, asuda, parahat Watanymyzyň ösüşleri özgerişleri hakyndaky kitaplar bezeýär. Kitaphana işgärleriniňGahryman Arkadagymyzyň ata Watan, ene toprak hakyndaky kitaplaryndan täsirli maglumatlary, hekaýatlary, rowaýatlary gürrüň bermekleri, ýaş esgerlerde ene topraga bolan söýgini has-da artdyrdy. Bulardan başga-da, merdana serhetçilerimiziň türkmen halkynyň beýik ogly Magtymguly atamyzyň şygyrlaryny labyzly okamaklary has-da täsirli boldy. Şeýle-de «Pähim-paýhas ummany Magtymguly Pyragy» ýylynda türkmeniň beýik oglunyň doglan gününiň 300 ýyllygy mynasybetli kitaphanada alnyp barylýan işler, täze çap edilen kitaplar dogrusynda wideoşekiller görkezildi. Döwran BABAÝEW, maýor.

4 Sentýabr 2024

Jemgyýet

Harby atlar dakyldy

Mälim bolşy ýaly, Arkadagly Gahryman Serdarymyzyň parasatly baştutanlygynda ýagty geljegiň eýeleri bolan ýaş nesiller, olaryň sazlaşykly ösüşi we saglygy, mynasyp bilim-terbiýe almaklary, saýlap alan hünärine eýe bolmaklary, ylym, döredijilik, bedenterbiýe we sport bilen meşgullanmaklary üçin zerur şertleriň döredilmegi baradaky alada döwlet syýasatynyň ileri tutulýan ugurlarynyň birine öwrüldi. Şu nukdaýnazardan ugur almak bilen, ýakynda maýor Orazdurdy Meredowyň serkerdelik edýän harby bölüminde maýor Wladimir Gasparýanyň ýolbaşçylygynda çagyryş boýunça harby gullukçylaryň arasyndan kiçi serkerdeler düzümine dalaşgärler saýlanyp alyndy we olar bilen okuw ýygny geçirildi. Onuň dowamynda söweşjeň we gumanitar taýýarlygyndan okuw sapaklary guralyp, tabynlygyndaky şahsy düzüm bilen terbiýeçilik işlerini alyp barmagyň usullary öwredildi hem-de degişli synaglar kabul edildi. Okuw ýygnynyň jemlenmegi bilen, harby bölümiň serkerdesi tarapyndan çagyryş boýunça harby gullukçylara «Kiçi seržant» harby atlary dakyldy. Peder pentleri

4 Sentýabr 2024

Jemgyýet

Pyýada geçelgeleri we ýolugurly ulaglaryň duralgalary

Berkarar döwletiň täze eýýamynyň Galkynyşy döwründe hormatly Prezidentimiz Serdar Berdimuhamedowyň taýsyz tagallasy bilen Watanymyzyň rowaçlygy, halkymyzyň bagtly geljegi üçin beýik işler amala aşyrylýar. Asuda, abadan ýollarymyzda ýol hereketiniň howpsuzlygyny üpjün etmekde, ýol-ulag hadysalarynyň öňüni almakda hem edilýän işler sanardan kän. Şu wezipelerden ugur alyp, Türkmenistanyň Içeri işler ministrliginiň Polisiýanyň ýol gözegçiligi gullugy Türkmenistanyň ýol hereketiniň kadalarynyň 14-nji böleginde görkezilen, ýagny Pyýada geçelgeleri we ýolugurly ulaglaryň duralgalarynyň düzgünlerinde görkezilen talaplary aýratyn jogapkärçilikli ýerine ýetirmelidigini ýatladýar. Düzgünleşdirilýän pyýada geçelgesine golaýlaşyp gelýän ulagyň sürüjisi gatnaw böleginden geçip barýan ýa-da geçmek üçin oňa çykan pyýadalary geçirmek üçin tizligini peseltmäge ýa-da geçelgäniň öňünde durmaga borçludyr. Eger düzgünleşdirilmeýän pyýada geçelgesiniň öň ýanynda ulag säginen ýa-da hereketini haýalladan bolsa, onda goňşy hatardan barýan beýleki ulaglaryň sürüjileri diňe şol ulagyň öňünde pyýadalaryň ýoklugyna göz ýetirenden soňra hereketini dowam etdirip biler.

4 Sentýabr 2024

Jemgyýet

Ösüşi nazarlaýan ulgam

Her bir halkyň milli gymmatlyklary, onuň taryhy bilen berk baglanyşyklydyr. Hut şonuň üçin hem taryhy gymmatlyklar esasynda döwletiň ulgamlaýyn ösüşini görmek bolýar. Diýarymyza köp sanly dünýä jahankeşdeleriniň gelmegi-de, ýurdumyzyň syýahatçylyk ulgamynyň görnetin ösýändiginiň aýdyň subutnamasydyr. Häzirki döwürde Türkmenistanda syýahatçylyk pudagyny ösdürmäge aýratyn üns berilýär. Şunuň bilen baglylykda, ýurdumyzyň tebigy-syýahatçylyk we taryhy-medeni mümkinçilikleri, baý milli däp-dessurlarynyň özboluşlylygy syýahatçylyk pudagynyň ösüşiniň möhüm ugurlary bolup durýar. Munuň özi ýurdumyzyň syýahatçylyk ulgamyndaky halkara derejesiniň ýokarlandyrylmagyny, dünýä syýahatçylyk bazarynda möhüm orny eýelemegini şertlendirýär. Syýahatçylyk ugurlarynyň gerimini we onuň görnüşlerini giňeltmek, pudagyň maddy-enjamlaýyn binýadyny kämilleşdirmek, hödürlenýän hyzmatlaryň hil derejesini ýokarlandyrmak, pudak üçin ýokary hünärli işgärleri taýýarlamak, maglumat-mahabat işini güýçlendirmek arkaly içerki we daşarky bazarlarda ýurdumyzyň syýahatçylyk pudagynyň ösüşini gazanmak babatda ýaýbaňlandyrylan giň möçberli işler günsaýyn öz netijesini görkezýär. Hususan-da, ýurdumyzda amala aşyrylýan giň gerimli maksatnamalaryň üstünlikli durmuşa geçirilmegi halkymyzyň ýaşaýyş-durmuş şertlerini gowulandyrmaga döwlet tarapyndan uly mukdarda serişdeleri goýbermäge mümkinçilik berýär. Sebäbi

28 Awgust 2024

Syýasat

Dünýä nusgalyk ynsanperwer ýörelgeler

Mälim bolşy ýaly, sebitde deňi-taýy bolmadyk Arkadag şäheriniň ägirt uly taslamasynyň durmuşa geçirilmegi türkmen halkynyň Milli Lideri, Türkmenistanyň Halk Maslahatynyň Başlygy, Hormatly il ýaşulusy Gurbanguly Berdimuhamedowyň başlangyjy bilen baglanyşyklydyr. Sebitde özboluşlylygy bilen tapawutlanýan «akylly» şäher rahat ýaşamak, zähmet çekmek, okamak, hünär edinmek, döretmek, başarnygyňy görkezmek üçin döwrebap amatlyklary özünde jemleýär. Ýakynda Milli Liderimiz Arkadag şäherine iş saparyny amala aşyrdy. Gahryman Arkadagymyz bu ýerde Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň alyp barýan işi, şäheri mundan beýläk-de ösdürmegiň meseleleri, ösüp gelýän ýaş nesliň saglygyny dikeltmek bilen baglanyşykly ýerine ýetirilýän işler bilen gyzyklandy. Häzirki döwürde bu ýerde döwrebap şähergurluşyk maksatnamasyny üstünlikli durmuşa geçirmek bilen bir hatarda, türkmen halkynyň dünýä nusgalyk asylly ýörelgelerine laýyklykda, ynsanperwer ähmiýetli işlere-de möhüm üns berilýär. Bu bolsa halkymyzyň ýaşaýyş-durmuş derejesiniň ýokarlanmagy, sagdyn durmuş ýörelgeleriniň berkidilmegi ugrunda alnyp barylýan işleriň rowaçlyklara beslenmegini şertlendirýär.

28 Awgust 2024

Syýasat

Halkymyzyň saglygy — ýurdumyzyň baýlygy

Häzirki wagtda Gahryman Arkadagymyzyň başyny başlan giň möçberli özgertmeleriniň Arkadagly Gahryman Serdarymyzyň parasatly baştutanlygynda üstünlikli durmuşa geçirilmegi netijesinde, halkymyzyň saglygy baradaky alada döwlet syýasatynyň ileri tutulýan ugurlarynyň biridir. Ýurdumyzyň şypahana ulgamynyň düzümleriniň işini döwrebap derejede kämilleşdirmek, maddy-enjamlaýyn binýadyny berkitmek, hyzmatlaryň hilini gowulandyrmak meseleleri döwletimiziň hemişelik üns merkezinde saklanylýar. Ýakynda türkmen halkynyň Milli Lideri, Türkmenistanyň Halk Maslahatynyň Başlygy, Hormatly il ýaşulusy Gurbanguly Berdimuhamedow zähmet rugsady wagtynda Ahal welaýatynyň Bäherden etrabyndaky «Arçman» şypahanasynda bolup, onuň çäginde gurulmagy meýilleşdirilýän we durky täzelenilýän binalaryň taslamalary, şypahananyň bejeriş düzümini kämilleşdirmegiň mümkinçilikleri bilen tanyşdy.

28 Awgust 2024

Syýasat

Gaýtadan dikeldilýän energetikany ösdürmek

Hormatly Prezidentimiziň parasatly baştutanlygynda yzygiderli durmuşa geçirilýän energetika syýasaty degişli ulgamy hemmetaraplaýyn ösdürmäge gönükdirilendir. Milli ýangyç-energetika toplumyna iň täzeçil ylmy-tehniki işläp taýýarlamalary, häzirki döwrüň talaplaryna laýyk gelýän täze innowasion tehnologiýalary, sanly ulgamyň işjeň ornaşdyrylmagynyň möhüm ähmiýetlidigi aýratyn bellärliklidir. Energiýanyň sarp edilişiniň ýagdaýy halkara söwda-ykdysady gatnaşyklarynyň, ilkinji nobatda bolsa, önümçilik we hyzmatlar ulgamlarynyň ösüş şertleri, şeýle hem dünýä ilatynyň düzümindäki we ýaşaýyş-durmuşyndaky özgerişler, ählumumy derejedäki derwaýys meseleleri çözmek bilen aýrylmaz baglanyşyklydyr. Energiýa serişdeleriniň arasynda geljegi uly bolan hem-de halkara guramalar we senagat taýdan ösen hem-de ösüp barýan döwletleriň uly gyzyklanma bildirýän ugurlarynyň biri hem, gaýtadan dikeldilýän energiýa çeşmeleridir. Onuň önümçilige ornaşdyrylmagy tutuş dünýäde ählumumy wezipe bolup durýar. Bu ulgamdaky innowasion işläp taýýarlamalar we olaryň tehnologiýa taýdan netijeliligini kesgitlemek geljegi has uly bolan ylmy çözgütleri tapmaga mümkinçilik berer. Bular adamzat durmuşynyň esasy meseleleri bolan Ýer ýüzünde howanyň üýtgemegi, ählumumy ekologiýa we energetika howpsuzlygyny üpjün etmek bilen bagly wezipelerdir.

28 Awgust 2024

Ykdysadyýet

Buýsanjymyzyň çägi ýok

Gurluşyk babatynda amala aşyrylýan bimöçber giň gerimli syýasatyň ygtybarly, berk binýady gurlan binalaryň we desgalaryň uzak möhlete hyzmat etmegini, ilatyň ýüze çykyp biläýjek tebigy we tehnogen hadysalara garşy dessin goragyny üpjün etmek döwrüň möhüm wezipeleriniň biri bolup durýar. Şol bir wagtda ýurdumyzda bu ugurdan ýokary bilimli hünärmenleri taýýarlamak has wajypdyr. «Pähim paýhas ummany Magtymguly Pyragy» ýylynda maňa ýurdumyzyň baýry ýokary okuw mekdepleriniň biri bolan Türkmen döwlet binagärlik-gurluşyk institutynyň Raýat goranyşy fakultetiniň 1-nji ýyl talyby bolmak bagtynyň miýesser edendigi üçin tüýs ýürekden buýsanýaryn. Nesip bolsa, institutyň häzirki zaman we döwrebap binalarynda, multimedia okuw otaglarynda Raýat goranyşyň ulgamynda geçiriljek okuw sapaklaryny ýokary derejede özleşdirip, Raýat goranyşyň inçe tärlerini ele aljakdygymyzy ynandyrýaryn. Eziz Watanymyzyň bagtyýar geljeginiň hatyrasyna we raýatlarymyzyň howpsuzlygy ugrunda beýik işleri durmuşa geçirýän, Watanymyzyň at-abraýyny dünýä ýüzünde belende galdyrýan türkmen halkynyň Milli Lideri Gahryman Arkadagymyzyň, hormatly Belent Serkerdebaşymyz Arkadagly Gahryman Serdarymyzyň janlary sag, ömürleri uzak, döwletli tutumlary hemişe rowaç bolsun!

28 Awgust 2024

Bilim

Ösüşleriň ygtybarly binýady

Gahryman Arkadagymyz: «Iň gymmatly hazyna terbiýe, terbiýäniň özeni bolsa ylym-bilimdir» diýip belleýär. Ata-babalarymyz hemişe ýaş nesliň edep-terbiýesine, bilimine, beden saglygyna we ruhy kämilligine uly üns beripdirler. Häzirki wagtda Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň öňdengörüjilikli durmuşa geçirýän işleri netijesinde Garaşsyz, hemişelik Bitarap Türkmenistan döwletimiz ähli ugurlarda uly ösüşlere beslenýär. Şunuň bilen birlikde, ylym-bilim ulgamynda hem ajaýyp üstünliklere eýe bolunmagy, ýurdumyzda ýaş nesliň ylymly-bilimli, giň dünýägaraýyşly, berk bedenli, sagdyn ruhly hünärmenler, kämil şahsyýetler bolup ýetişmegi babatda döwlet derejesinde amal edilýän beýik işleriň netijeleridir. Ylym-bilim — her bir döwletiň geljekki ösüşleriniň kepili bolup hyzmat edýär. Ýaş nesil baradaky edilýän alada, ony milli we umumadamzat gymmatlyklarynyň esasynda terbiýelemek ýurdumyzyň döwlet syýasatynyň ileri tutulýan ugurlarynyň biridir.

28 Awgust 2024

Bilim

Sagdyn durmuş ýörelgesi

Golaýda şeýle at bilen TGM-niň podpolkownik Amangeldi Gurdowyň müdirlik edýän Alp Arslan adyndaky Ýöriteleşdirilen harby mekdebiniň şahsy düzümi bilen wagyz-nesihat duşuşygy guraldy. Çärede il sylagly ýaşuly Hanbaý Saparow, welaýat Polisiýa müdirliginden Näzik Ýusupowa, TDP-niň şäher komitetiniň partiýa guramaçysy Didar Osmanow, Döwlet edaralarynyň işgärleriniň KA-nyň geňeşiniň başlygy Bibigül Amanowa, welaýat suwda halas ediş müdirliginiň başlygy Röwşen Dereşow dagy çykyş etdiler. Çykyşlarda «Pähim-paýhas ummany Magtymguly Pyragy» şygary astynda geçýän ýylymyzda ata Watany söýmek, ene topragyň her bir mukaddesligini gözüň göreji ýaly goramak, ýurduň asuda hem-de jemgyýetimiziň arassa bolmagy barada ýaşlaryň arasynda düşündirmek we wagyz etmek, kanunda göz öňünde tutulan jogapkärçilik dogrusynda giňişleýin gürrüň edildi.

28 Awgust 2024

Jemgyýet

Beýik söz ussady

On ýyl mundan ozal, Magtymguly Pyragynyň doglan gününiň 290 ýyllygyna bagyşlanyp ýazylan eserleri ürç edip okapdym. Şol eserlerden eden köp sanly belliklerim häzirem meniň gündeligimiň sahypasyny bezeýär. Olaryň aglabasy dünýäniň beýik şahsyýetleriniňdir görnükli söz ussatlarynyň köňül nagyşlaryndan parçalar. Bellikleriň arasyndan käbirine ýüzlenesim gelýär. ...Magtymgulynyň täsirli sözleri asyrlarboýy saklanyp galar. Häzirki wagtda men şol sözleri Şekspiriň, beýik ukrain kobzary Taras Şewçenkonyň ölmez-ýitmez döredijiligi bilen deň derejede deňeşdirip bilerin.

28 Awgust 2024

Edebiýat

Ygtybarly geljegiň berk binýady

Berkarar döwletiň täze eýýamynyň Galkynyşy döwründe ýurdumyzyň ýaş nesli, olaryň sazlaşykly ösüşi we saglygy, mynasyp bilim-terbiýe almaklary, saýlap alan hünärine eýe bolmaklary, ylym we döredijilik, bedenterbiýe, sport bilen meşgullanmaklary üçin ýurdumyzda hormatly Prezidentimiz Serdar Berdimuhamedowyň parasatly baştutanlygynda döwletimiziň we jemgyýetimiziň ähli ugurlaryny öz içine alýan giň möçberli özgertmeler yzygiderli durmuşa geçirilýär. Şunda Garaşsyz, hemişelik Bitarap Watanymyzyň geljegi, onuň ösüşiniň hem-de rowaçlygynyň binýady bolan ýaşlaryň hukuk we durmuş taýdan goraglylygyny üpjün etmek, türkmen halkyna gadymdan bäri mahsus bolan ruhy-ahlak hem-de medeni gymmatlyklaryny dünýä ýaýmak, sagdyn durmuş ýörelgelerini wagyz etmek, ýaşlarda watansöýüjiligi, ynsanperwerligi, raýat jogapkärçiligini terbiýelemek, olaryň başlangyçlaryny goldamak we höweslendirmek milli strategiýanyň esasy ugurlarynyň hatarynda durýar. Şeýle başlangyçlardan ruhlanyp, ýakynda Türkmenistanyň Halk Maslahatynyň 2024-nji ýylyň 24-nji sentýabrynda geçiriljek nobatdaky mejlisi hem-de mukaddes Garaşsyzlygymyzyň 33 ýyllyk şanly baýramy mynasybetli Aşgabat şäheriniň Köpetdag etrap häkimliginde wagyz-nesihat duşuşygy geçirildi. Çykyşlarda bellenilişi ýaly, Halk Maslahaty Garaşsyzlyk ýyllarynda döwlet bilen jemgyýetiň arasynda hyzmatdaşlygyň, jemgyýetiň jebisliginiň berk köprüsine öwrüldi. Döwletimizi

28 Awgust 2024

Jemgyýet

Arkaýynlyk — bu bikär ýatmakdyr

Birsydyrgyn durmuş, gaýgy-aladasyz ýaşamak, gör, nähili oňat! Bu sözler gulaga her näçe hoş eşidilse-de, beýle durmuşda ýaşamak, o diýen gowy bolmasa gerek. Göz öňüne getirip görüň, ähli maksatlaryňyza, isleg-arzuwlaryňyza ýetmegiňiz özüňizi boşlukda ýaly duýmagyňyza sebäp bolmazmy?! Şeýle-de, eýsem, Ýaradan bu dünýäni biziň şeýle durmuşda ýaşamagymyz üçin ýaratdymy?! Elbetde, ýok! Emma näme üçindir, biz azarsyz-bizarsyz, arkaýyn ýaşamagyň arzuwynda. Jemgyýetde şeýle adamlar bar: olar ähli şertleri bar hem bolsa, bikär ýaşamakdan daşda durýarlar. Gaýta olar köpçülige peýdaly işleri bitirip, ýagşylyk medeniýetini ýaýmak isleýärler, kalplara ýagşylyk paýlaýarlar, ynsanlara kömek goluny uzadyp, halal ýaşaýşa ymtylýarlar. Şu ýerde bir kyssa ünsüňizi çekesim gelýär. Onda: «Melleginde müň batman hasyl alyp biljek bir kişi, diňe öz ýaltalygy we höwessizligi zerarly dokuz ýüz batman hasyl alsa, aradaky ýüz batmanyň hasaby ondan soraljakdyr. Ynsanlara peýdaly bolmakdan gaçýan, muny-da takwa we terkidünýälik hasaplaýan kişi, şeýtandan başgasyna uýan däldir» diýilýär. Bu aýdylanlar ýaşaýyş üçin hereketsiz bolmak däl-de, öz hereketiň bilen adamlara görelde görkezmek hakyndadyr. Şunlukda, dünýä geleniňden soň durmuşdan ýerlikli peýdalanmagy başarmaly we muny beýlekilere-de öwretmäge çalyşmaly. Ýagşylyk medeniýetini ýaýradýanlar, esasan, döredijilik adamlarydyr. Ýazyjylar, şahyrlar, kompozi

28 Awgust 2024

Edebiýat

Ýeňişleriň sany artýar

Ençeme ýyldan bäri Ýaragly Güýçlerimizde harby türgenleri taýýarlap, döwlet derejesindäki bäsleşiklerde baýrakly orunlary gazanyp gelýän Türkmenistanyň Goranmak ministrliginiň harby gullukçysy, «Aziýa döwletleriniň tälimçisi» diýen tälimçilik derejesi bolan halypa tälimçi, borçnama boýunça harby gullugyň starşinasy Annageldi Rahymowyň taýýarlan şägirtleri bu gün guwandyryjy netijeleri görkezýärler. Ýakynda Türkmenistanyň Karate-do federasiýasynyň guramagynda Aşgabat şäheriniň ýapyk çempionaty geçirildi. Bu bäsleşige Türkmenistanyň Goranmak ministrliginiň harby gullukçylary, tälimçi, gara guşagyň eýesi, sport ussady, uly leýtenant Güýç Gökowyň taýýarlan harby talyp türgenleri bilen bilelikde kapitan Mülkaman Sahadowyň şägirtleri hem işjeň gatnaşyp, özleriniň ussatlyklaryny ýene bir ýola äşgär etdiler we Ýaragly Güýçlerimiziň sport abraýynyň has-da artmagyna uly itergi berdiler. Bäsleşikde kumite görnüşi boýunça 18 — 29 ýaşly türgenleriň arasynda paýtagtymyzyň we ýurdumyzyň ençeme gezek çempionlygyny gazanan, gara guşagyň I danynyň eýesi, borçnama boýunça harby gullugyň seržanty Şatlyk Tekäýew, çagyryş boýunça harby gullugyň kiçi seržanty Atamyrat Çaryýew we esger Arzuw Seýitkulyýew dagy öz agram derejelerinde hormat münberiniň birinjiligini eýelemegi başardylar. Harby talyplar Arslan Babanazarow, Annanur Tagansähedow we ençeme gezek halkara bäsleşiklerinde baýrakly orunlary eý

28 Awgust 2024

Sport

Görelde mekdebi

Häzirki wagtda gullugymyzyň Weteranlar geňeşiniň agzalary harby bölümlerde, şol sanda ilatly ýerlerden uzakda ýerleşýän serhet galalarynda bolup, 2024-nji ýylyň 24-nji sentýabrynda paýtagtymyzda geçiriljek Türkmenistanyň Halk Maslahatynyň nobatdaky mejlisiniň ähmiýeti, onuň demokratik, hukuk we dünýewi döwletimizde halk häkimýetini amala aşyrmakda, durnukly durmuş-ykdysady ösüşi, halkyň bagtyýar durmuşyny üpjün etmekde alnyp barylýan taryhy işler barada harby gullukçylaryň arasynda wagyz-nesihat işlerini geçirýärler. Halypa serkerdeleriň Gahryman Arkadagymyz tarapyndan başy başlanyp, hormatly Belent Serkerdebaşymyzyň mynasyp dowam etmeginde ýetilen sepgitler, ähli döwletler, hususan-da, serhetdeş ýurtlar bilen parahatçylykly gatnaşyklary has-da ösdürmekde alnyp barylýan işler barada berýän gürrüňleri harby gullukçylarda buýsançly tasir galdyrýar. Allamyrat ÝALKANOW, podpolkownik.

28 Awgust 2024

Jemgyýet