24 ýyldan soň Germaniýa bardy
Fransiýanyň Prezidenti Emmanuel Makron Germaniýada saparda boldy. Bu sapar Fransiýadan Germaniýa 24 ýyldan soňra amala aşyrylan ilkinji döwlet saparydyr. 26-njy maýda başlan sapar üç gün dowam etdi. Prezident Makron Belwýu köşgünde Germaniýanyň Prezidenti Frank-Walter Ştaýnmaýer tarapyndan kabul edildi. Duşuşykdan soňra Ştaýnmaýer iki ýurduň hyzmatdaşlyk etmegi bilen Ýewropanyň ýüzbe-ýüz bolýan geosyýasy kynçylyklary ýeňip geçip biljekdigini aýtdy. Makronyň sapary Germaniýada Konstitusiýanyň gününe hem gabat geldi. Ol maşgalasy bilen bilelikde bu gün mynasybetli geçirilýän dabara-da gatnaşdy. Saparynyň dowamynda Emmanuel Makron hem-de maşgalasy Brijit Makron Berliniň ýerli häkimiýetiniň başlygy Kaý Wagner bilen şäheriň simwoliki desgalarynyň biri bolan Brandenburg derwezesinden ýöräp geçdi. Iki ýurduň Prezidentleri saparyň ikinji gününde Drezden şäherinde, üçünji güni günbatardaky Mýunster şäherinde bol