"Adalat" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-50, 38-62-75, 38-62-38
Email: adalat-gazeti@sanly.tm

Gazeti PDF görnüşinde ýükläp almak

Habarlar

Arkadag şäheri: önümçiligiň döwrebap tejribesi

Arkadag şäheri Gahryman Arkadagymyzyň ýiti zehininden, jöwher paýhasyndan dörän binagärlik eseri bolup, Garaşsyz, hemişelik Bitarap döwletimiziň ykdysady taýdan rowaçlygyny, ägirt uly mümkinçiliklerini, halkymyzyň bagtyýar we erkana durmuşyny, ýaş nesillerimiziň nurana geljegini alamatlandyrýar. Ýurdumyzda Köpetdagyň ajaýyp dag eteginde ýerleşýän ak mermere beslenen Arkadag şäheriniň açylmagynyň bir ýyllygy mynasybetli toý toýlanyp, baýramçylyk dabarasy geçirildi. Ajaýyp şäherimiziň düýbi tutulan gününden başlap, bu ýerde ýaşaýyş jaýlarynyň we desgalaryň gurluşyklary Gahryman Arkadagymyzyň şähergurluşyk işi, binagärlik sungaty babatdaky ýiti zehini netijesinde amala aşyryldy.

4 Iýul 2024

Syýasat

Jahanyň bagt ýyldyzy

Türkmen halkynyň Milli Lideri Gahryman Arkadagymyzyň durmuşa geçirýän umumadamzat ähmiýetli beýik işleriniň äleme dolmagy akyldar şahyrymyz Magtymguly Pyragynyň «Hak iş etseň, hak biler»  diýen parasatly nesihatynyň hakykatdygyny ýatladýar. Asman jisimlerini öwrenýän «Kosmos-Ýer» jemgyýetiniň alymlarynyň Arkadag şäheriniň açylmagynyň bir ýyllygy mynasybetli, bu şähere bolan buýsanjyň we guwanjyň nyşany hökmünde asman giňişligindäki ýyldyzlaryň birine «Arkadag» diýip at goýandyklary baradaky hoş habary  Milli Liderimiziň beýik işlerinden tutuş  älemiň hoşaldygynyň alamaty bolup, giň jahana doldy.

4 Iýul 2024

Syýasat

Güneşli Türkmenistan: syýahatçylaryň höwes edýän mekany

Türkmen halkynyň Milli Lideri Gahryman Arkadagymyzyň beýik söýgüsinden kemala gelen  «Awaza» milli syýahatçylyk zolagynyň we Arkadag şäheriniň taryhy we häzirki zaman aýratynlyklary dünýä syýahatçylarynyň gyzyklanmasyny has artdyrýar. Gahryman Arkadagymyzyň beýik tagallalary esasynda 2010-njy ýylyň maýynda «Syýahatçylyk hakynda» Türkmenistanyň Kanunynyň kabul edilmegi ýurdumyzyň ykdysadyýetiniň ýokary girdejili pudagy hökmünde syýahatçylygyň emele gelmegini, syýahatçylyk hyzmatlarynyň bazarynyň ösmegini, syýahatçylaryň we syýahatçylyk işiniň subýektleriniň hukuklaryny we kanuny bähbitlerini goramagyň hukuk esaslaryny üpjün etdi. Ýurdumyzyň BMG-niň bilim, ylym we medeniýet meseleleri boýunça iň möhüm düzüm bölegi bolan ÝUNESKO bilen hyzmatdaşlygyny  barha giňeltmegi syýahatçylyk ulgamynyň ösmegine hem oňyn täsirini ýetirýär. Ýurdumyza gelýän syýahatçylaryň gyzyklanmasyny artdyrýan taryhy gymmatlyklaryň hatarynda ÝUNESKO-nyň Bütindünýä mirasynyň abraýly sanawyna girizilen «Gadymy Merw» döwlet taryhy-medeni ýadygärlikler toplumy, gadymy Köneürgenç şäheri, köne we täze Nusaý galalary hem-de beýleki taryhy ýerler bar.

4 Iýul 2024

Syýahatçylyk

Durmuş syýasatynyň baş maksady

Maşgalanyň we eneligiň goldanylmagy, sagdyn nesliň kemala getirilmegi hem-de zenanlaryň hukuklarynyň goralmagy jemgyýetiň ösüş derejesiniň möhüm görkezijilerini kesgitleýär. Hormatly Prezidentimiziň bu babatdaky  alyp barýan döwlet syýasaty ýurdumyzda her maşgalanyň ýaşaýyş-durmuş şertleriniň yzygiderli döwrebaplaşdyrylmagyny üpjün edýär. Hormatly Prezidentimiz milli döwletliligimiziň berkarar bolmagynda maşgala gymmatlyklarynyň sarpalanylmagyna aýratyn üns berýär. Hut şu maksatlardan ugur alnyp, Garaşsyz we hemişelik Bitarap döwletimiziň geljegi bolan bagtyýar nesillerimizi ynsanperwer, milletimiziň ruhy-ahlak ýörelgelerine ygrarly, zähmetsöýer ýaşlar edip ýetişdirýändikleri üçin eziz enelerimize aýratyn hormat goýup, sekiz we şondan köp çagany dünýä inderen birnäçe eneler her ýyl Türkmenistanyň «Ene mähri» diýen hormatly adyna mynasyp bolýarlar.

4 Iýul 2024

Syýasat

Ýurt garşy alsyn!

Berkarar döwletiň täze eýýamynyň Galkynyşy döwründe ýurdumyzyň gümrük edaralarynyň maddy-enjamlaýyn binýady barha pugtalandyrylyp, harby gullukçylaryň ýaşaýyş-durmuş şertleri has-da ýokarlanýar. Türkmenistanyň Döwlet gümrük gullugynyň harby gullukçylary we olaryň maşgala agzalary üçin niýetlenen döwrebap ýaşaýyş jaýlary ýurdumyzyň ähli künjeklerinde yzygiderli açylyp ulanylmaga berilýär. «Pähim-paýhas ummany Magtymguly Pyragy» ýylynyň 28-nji iýunynda şeýle döwrebap gulluk ýaşaýyş jaýlarynyň ýene biri Balkan welaýatynyň Türkmenbaşy şäherinde açylyp ulanylmaga berildi. «Sapaly geljek» hojalyk jemgyýeti tarapyndan gurlup ulanylmaga berlen 4 gatly, 32 öýli bu döwrebap gulluk ýaşaýyş jaýy gümrük gullugynyň harby gullukçylaryna we olaryň maşgala agzalaryna ajaýyp sowgat boldy. Dabaraly ýagdaýda açylyp ulanylmaga berlen bu döwrebap gulluk ýaşaýyş jaýyndan öýli bolan Türkmenistanyň  Döwlet gümrük gullugynyň harby gullukçylary täze jaýlaryň açarlaryny maňlaýlaryna sylyp, geljekde hem ata Watanymyza, hormatly Belent Serkerdebaşymyza ak ýürekden wepaly gulluk etjekdiklerine ynandyrdylar. Dabaranyň geçýän ýerinde toý däp-dessurlary ýaýbaňlandyrylyp, milli ýörelgelere uly ähmiýet berildi.

4 Iýul 2024

Syýasat

Berkarar Watanyň buýsanjy ýaşlar

Bagtly ýaşaýşyň höziri Jemgyýetiň ösüşiniň häzirki şertlerinde bilim, ylym ulgamyna esasy orun degişlidir. Şonuň üçin hem hormatly Prezidentimiziň taýsyz tagallalary netijesinde ýurdumyzda bu ulgamyň ösdürilmegine uly ähmiýet berilýär.

4 Iýul 2024

Syýasat

Döwre buýsanç — zähmete hyjuw

Begenç HALBAÝEW,Ýolöten etrap polisiýa bölüminiň polisiýanyň ýerli wekilleriniň bölümçesiniň müdiri, polisiýanyň maýory: — Hormatly Prezidentimiziň ýakynda gol çeken Karary esasynda Arkadag şäheriniň binagärlik-şähergurluşyk keşbini has-da gözelleşdirmek maksady bilen, degişli edara-kärhanalara binalaryň we desgalaryň taslamalaryny düzmek hem-de olaryň ýanaşyk ýerlerini abadanlaşdyryp gurmak barada ýerli gurluşyk kärhanalary bilen şertnamalary baglaşmaga ygtyýar berildi. Döwlet Baştutanymyzyň taryhy çözgüdiniň netijesinde guruljak durmuş maksatly döwrebap desgalar Arkadag şäheriniň ýaşamak we zähmet çekmek üçin has-da oňaýly mekana öwrülmegini şertlendirer. Abraýy barha artýan «akylly» şäher hormatly Prezidentimiziň we Gahryman Arkadagymyzyň yhlasly tagallalarynyň hem-de agzybir raýatlarymyzyň tutanýerli zähmetiniň miwesidir.

4 Iýul 2024

Syýasat

Ylmy işgäriň hukuk ýagdaýy

Arkadagly eýýamymyzda ýurdumyzyň medeni we ykdysady ösüşleriniň belent sepgitlere ýetmeginde, ykdysady kuwwatynyň barha artmagynda ylmy işleriň, oýlap tapyşlaryň erkin döredijilik esasynda amala aşyrylmagyna döredilýän giň mümkinçilikleriň mynasyp orny bar. Bu babatda Gahryman Arkadagymyzyň beýik başlangyçlary esasynda 2009-njy ýylyň 15-nji awgustynda kabul edilen «Ylmy işgäriň hukuk ýagdaýy hakynda» Türkmenistanyň Kanunynyň ähmiýeti hem uludyr. 

4 Iýul 2024

Jemgyýet

Hajygowşan rowaýaty

Ussatlaň obasy Hajygowşanyň Rowaýat aýdylýar ady hakynda. Aý-ýyllar aýlanyp, asyrlar aşyp, Könelmeýän şan-şöhraty hakynda. Ylym-bilim hem ylhamyň mesgeni, Hakyň nazaryny gören oba bi. Türkmene birbada iki gerçegi, Iki ägirt ogly beren oba bi.         

4 Iýul 2024

Edebiýat

Kämillik ýolundaky körpeler

Döredijilik işi, hususan-da, şygyr ýazmak çäksiz yhlasy, irginsiz, hysyrdyly zähmeti, egsilmez ylham-joşguny, pikir gözleglerini, özboluşly beýan ediş usullaryny, edebiýatyň esaslaryny gowy özleşdirip, kämilleşmegi talap edýär. Döredijilik bilen meşgullanýan ýaşlara şygryýet äleminiň şeýle kämillik ýolundan geçmek wajyp bolup durýar. Türkmenistanyň Gahrymany Gözel Şagulyýewanyň nygtaýşy ýaly: «Hiç kime meňzemeýän ýoly agtarmalam, tapmalam. Şonda öz ýüzüňi görkezip bilýäň, okyjynyň ünsüni çekip bilýäň». Halypa şahyryň belleýşi ýaly, döredijilik bilen meşgullanýan ýaşlarymyzyň her biri şygryýet äleminde öz ýol-ýodalaryny tapmaga çalyşmalydyr. Gahryman Arkadagymyz döredijilik işgärleri bilen geçirýän duşuşyklarynda halypa-şägirtlik gatnaşyklaryny ösdürmek meselesine hemişe ünsi çekýär. Köp okamak, öwrenmek, yzygiderli döretmäge çalyşmak dörediji ýaşlarymyzy kämilleşdirýän şertleriň biridir. Ýurdumyzyň dürli künjeklerinde ýaşaýan, döredijilik işini öz ykballarynyň bir bölegine, ömürleriniň manysyna öwürmegi maksat edinýän ukyp-başarnykly ýaşlarymyzyň az däldigi bizi örän guwandyrýar. Ummanyň suwunyň tagamyny bilmek üçin  ondan birje owurt datmagyň ýeterlik bolşy ýaly, okyjylaryň dykgatlaryna hödürleýän bu goşgularymyz olaryň döredijilik özboluşlylygyny görkezjekdigine ynanýarys. Mämmetgurban MÄMMETGURBANOW,«Adalat». 

4 Iýul 2024

Edebiýat

Tebigatyň gözelligini goralyň!

Türkmen tebigatynyň gözelligi, onuň gül-gülälekli sähralary, müňýyllyklaryň şaýady bolup oturan daglary, çeşme-çaýlary, dürli dermanlyk otlarydyr ösümlikleri, haýwanat dünýäsi göreni haýrana goýýar. Ol gözellikleri synlap, kalbyň heýjana gelýär. Bu mukaddes toprakda ajaýyp zamanada ýaşap, zähmet çekýändigiňe buýsanjyň artýar. Tebigatyň baýlyklaryny goramak, ony aýawly saklamak biziň her birimiziň borjumyzdyr. Ajaýyp tebigatymyzda, tokaý-seýilgäh zolaklarynda, daglardadyr düzlüklerde, öri meýdanlarynda, köpçülikleýin dynç alynýan ýerlerde ýangyn howpsuzlyk düzgünleriniň berjaý edilmegi ýangyn döremeginiň öňüni almakdyr. Onuň üçin aşakdakylary bilmek zerurdyr.

4 Iýul 2024

Jemgyýet

Edepli ile ýarar

Akyl hazynasy hasaplanýan kitap barada gürrüň edilende, ilkinji nobatda, Gahryman Arkadagymyzyň çuňňur many-mazmunly, möhüm ähmiýetli ajaýyp kitaplary ýadyňa düşýär. Olarda dürdäne setirler, paýhas hazynasy jemlenendir. Gahryman Arkadagymyzyň «Mertler Watany beýgeldýär» atly eserinde parasatly nesihat edişi ýaly: «Türkmeniň buýsanjy abraýly, mertebeli ýaşaýyşdadyr». Edep kämilligiň iň ilkinji we juda möhüm şertidir.  Gurbannazar Ezizowyň:

4 Iýul 2024

Edebiýat

Suwda ýüzmegiň peýdasy

Alym Arkadagymyzyň «Sport dostluga, saglyga we gözellige tarap ýoldur» atly eserinde parasatly nygtaýşy ýaly,  ynsan bedeninde ganyň hem-de beýleki suwuklyklaryň talabalaýyk aýlanmagynyň esasynda öýjükler işjeňleşip başlaýar. Bu bolsa emele gelen zyýanly maddalardan bedeniň saplanmagyna getirýär. Suwuň bar ýerinde hereket hem bolýar, ýaşaýyş hem. Adamyň sagdyn we şähdaçyk ýaşamagynda fiziki hereketleriň beýleki görnüşleri bilen birlikde, suwda ýüzmegiň hem ähmiýeti uludyr.

4 Iýul 2024

Saglyk

Gazak halkynyň nakyllary

• Nakylsyz söhbet duzsuz tagama meňzeş. • Atasyna seredip, ogly ýetişer.

4 Iýul 2024

Edebiýat

Haryt nyşanlaryny hasaba almagyň milli kanunçylygy

Arkadagly Gahryman Serdarymyzyň taýsyz tagallalary bilen ýurdumyzyň ykdysady ösüşi ýokary depginlere eýe bolýar. Netijede, durnukly ösüşi üpjün etmek babatynda düýpli öňegidişlikler gazanylýar. Ýetilen beýik sepgitler, bitirilen anyk işler ýurdumyzda amala aşyrylýan döwlet syýasatynyň kämilliginiň aýdyň subutnamasydyr. Häzirki wagtda Türkmenistan dünýäde haryt öndürmek ulgamynda uly mümkinçiligi bolan döwlet hökmünde tanalýar. Ekologik taýdan arassa dokma önümlerimiz, ajaýyp halylarymyz, obasenagat toplumynyň önümleri daşary ýurtlarda giňden meşhurdyr.

27 Iýun 2024

Syýasat

Baky bagtyň mekanynda

Ýurt parahatçylygy, bagtly çagalaryň şadyýan gülküsi, raýatlaryň bolelin durmuşy, şowhunly aýdym-sazlar Arkadagly Gahryman Serdarymyzyň we Milli Liderimiziň ýadawsyz tagallalarynyň hem-de ildeşlerimiziň agzybirlikde çekýän tutanýerli zähmetiniň ýerine düşüp, Garaşsyz Türkmenistanyň baky bagtyýarlygyň mekanyna öwrülendigini tassyklaýar. Eziz Diýarymyzda her bir gün taryhy ähmiýetli wakalaradyr buýsançly dabaralara beslenýär. Milli ykdysadyýetiň pudaklaryny sazlaşykly ösdürmek, halkymyzyň ýaşaýyş-durmuş derejesini yzygiderli ýokarlandyrmak ýurdumyzda hemişe üns merkezinde saklanylýar. 21-nji iýunda hormatly Prezidentimiziň sanly ulgam arkaly geçiren Ministrler Kabinetiniň nobatdaky mejlisinde garalan meseleler we kabul edilen çözgütler hem hut şol asylly maksatlara gönükdirilendir. Mejlisiň dowamynda Türkmenistanyň Raýat kodeksiniň täze beýanynyň taslamasyny taýýarlamak, Býujet, Sanitariýa kodekslerine, «Bedenterbiýe we sport hakynda», «Döwlet ylmy-tehniki syýasaty hakynda», «Tohumçylyk hakynda» Türkmenistanyň Kanunlaryna döwrüň talaplaryna laýyklykda üýtgetmeleri hem-de goşmaçalary girizmek babatda işleriň dowam etdirilýändigi habar berildi. Ýurdumyzda gurulýan ýaşaýyş jaýlarynyň, dürli maksatly döwrebap desgalaryň sanynyň artmagy bilen baglylykda, döwlet Baştutanymyz Senagat we gurluşyk önümçiligi ministrligine liftleriň önümçiligini ýola goýmak hem-de olarda aba

27 Iýun 2024

Syýasat

Arkadagdan arkaly döwrümiz bar sarpaly

Garaşsyz, hemişelik Bitarap Türkmenistany hemmetaraplaýyn ösdürmekde, halkara abraýyny ýokarlandyrmakda, «Döwlet adam üçindir!» diýen ynsanperwer syýasaty üstünlikli durmuşa geçirmekde, jemgyýetimiziň bitewüligini, ilimiziň agzybirligini we jebisligini berkitmekde bitiren aýratyn hyzmatlary üçin halkymyzyň çäksiz sylagynyň, belent sarpasynyň, uly hormatynyň we söýgüsiniň beýany hökmünde 2023-nji ýylyň 21-nji ýanwarynda kabul edilen Türkmenistanyň Konstitusion kanuny bilen Gahryman Arkadagymyz türkmen halkynyň Milli Lideri diýlip kanun esasynda ykrar edildi. Bu belent hormat Gahryman Arkadagymyzyň ýurdumyzyň ösüşi, halkymyzyň abadan ýaşaýşy üçin amal eden beýik işlerine halkymyzyň çuňňur minnetdarlygynyň nyşanydyr. Berkarar döwletimizde Gahryman Arkadagymyzyň tagallalary bilen hukuk ulgamy uly ösüşlere eýe boldy. Türkmenistanyň Konstitusiýasynyň döwrüň talaplaryna laýyklykda kämilleşdirilip, 2008-nji we 2016-njy ýyllarda rejelenen görnüşde kabul edilmegi bilen, döwlet binýadynyň özeni bolan konstitusion kadalar halkara hukugynyň ýörelgelerine laýyk getirildi, adamyň we raýatyň hukuklaryny we azatlyklaryny kepillendirýän kadalar döwrebaplaşdyryldy.

27 Iýun 2024

Syýasat

Bereket çeşmesi — guşgursak bugdaý

Hormatly Prezidentimiziň parasatly baştutanlygynda Berkarar döwletiň täze eýýamynyň Galkynyşy döwründe bedew bady bilen öňe barýan eziz Watanymyz rowaçlyklaryň mekanyna öwrülýär. Ýurdumyzda amala aşyrylýan giň möçberli özgertmelerde ykdysadyýetiň esasy pudaklarynyň biri bolan oba hojalygyny toplumlaýyn esasda ösdürmek döwlet syýasatynyň ileri tutulýan ugurlarynyň biri bolup durýar. Häzirki wagtda oba hojalyk önümleriniň öndürilişini artdyrmak we hilini ýokarlandyrmak, azyk bolçulygyny döretmek, şeýle hem pudagyň kanunçylyk binýadyny pugtalandyrmak boýunça işler üstünlikli durmuşa geçirilýär. Mälim bolşy ýaly, şu ýylyň 24-nji iýunynda türkmen halkynyň Milli Lideri Gahryman Arkadagymyz «Türkmengallaönümleri» döwlet birleşiginiň Ruhabat galla önümleri önümçilik toplumyna baryp gördi. Bu ýerde Gahryman Arkadagymyz toplumyň işi bilen tanyşdy we degişli ýolbaşçylaryň gatnaşmagynda iş maslahatyny geçirdi. Munuň özi oba hojalyk toplumynyň döwrebap derejede düýpli özgerdilýändiginiň aýdyň mysaly bolup durýar.

27 Iýun 2024

Oba hojalyk

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Türkmenistanyň Dokma senagaty ministrliginiň «Dokmaçylar» medeni merkeziniň açylyş dabarasyndaky ÇYKYŞY

Hormatly dabara gatnaşyjуlar! Gadyrly medeniýet we sungat işgärleri!

27 Iýun 2024

Medeniýet

Bagtyýarlygyň gözbaşy

Arkadagly eýýamymyzda durmuşa geçirilýän ägirt uly işler, amala aşyrylýan taslamalar ata Watanymyzy sagdynlygyň we bagtyýarlygyň mekanyna öwürdi. Alym Arkadagymyz «Bagtyýarlyk saglykdan başlanýar» atly  eserinde: «Döwletiň baş baýlygy bolan halkymyzyň saglygy, nesillerimiziň bagtyýar, asuda ýaşaýşy hakyndaky aladalar juda jogapkär aladalardyr» diýip, parasatly belleýär. Elbetde, ynsanyň bagty, durmuşdaky üstünlikleri onuň beden we ruhy sagdynlygyndan gözbaş alýar.

27 Iýun 2024

Syýasat