Türkmenistanyň «Daýhanbank» döwlet täjirçilik banky öz hyzmatlarynyň gerimini giňeltmek hem-de raýatlarymyzy maliýe taýdan goldamak maksady bilen, «Altyn asyr» bank kartyny saklaýjy müşderilerine «Owerdraft» bank karzyny hödürleýär.
«Owerdraft» bank karzy — ýyllyk 10 göterimli, bankyň müşderileriniň «Owerdraft» bank kart hasabynyň üsti bilen berilýän gysga möhletli karz bolup, karz alyjynyň zähmet hakynyň möçberiniň 50 göteriminden ýokary bolmadyk möçberinde berilýär.
