DÜÝN Türkmenistanyň Senagatçylar we telekeçiler birleşmesiniň döredilmeginiň 13 ýyllygyna bagyşlanyp, ak mermerli paýtagtymyzdaky Söwda-senagat edarasynyň Sergi merkezinde geçirilen sergi öz işini tamamlady. Iki günläp dowam eden sergi ýurdumyzyň senagatçylarynyň we telekeçileriniň gazanan üstünlikleriniň, ýeten sepgitleriniň hem-de giň mümkinçilikleriniň özboluşly beýanyna öwrüldi.
Mukaddes Garaşsyzlygymyzyň şanly 30 ýyllygy mynasybetli geçirilen sergini Türkmenistanyň Senagatçylar we telekeçiler birleşmesi hem-de Söwda-senagat edarasy bilelikde gurady. Oňa telekeçileriň 26 müňden gowragyny özünde birleşdirýän ýurdumyzyň Senagatçylar we telekeçiler birleşmesiniň agzalary gatnaşdy.
