Türkmenistanyň Döwlet haryt-çig mal biržasynyň geçen hepdedäki söwdalarynda geleşikleriň 21 sanysy hasaba alyndy.
Daşary ýurt walýutasyna Birleşen Arap Emirliklerinden, Ukrainadan, Gyrgyz Respublikasyndan, Owganystandan we Türkiýeden gelen telekeçiler «Türkmennebit» döwlet konserninde öndürilen dizel ýangyjyny, az kükürtli ýakyş mazudyny, suwuklandyrylan gazy hem-de «Türkmenhimiýa» döwlet konserninde öndürilen natriý hloridini satyn aldylar. Bulardan başga-da, Türkmenistanyň Dokma senagaty ministrliginiň kärhanalarynda öndürilen dürli görnüşli dokma önümleri satyldy. Geleşikleriň jemi bahasy 38 million 723 müň 700 amerikan dollaryna deň boldy.
