"Arkadag" gazeti

Esaslandyryjysy: Türkmenistanyň Ministrler Kabineti
Salgysy: Arkadag şäheri, Arkadag şaýoly, 28
Telefon belgileri: 57-39-65, 57-39-66
Email: arkadag_gazeti@sanly.tm

Gazeti PDF görnüşinde ýükläp almak

Habarlar

Şäherde guşlar saýranda

Gojaman Köpetdagyň iň bir owadan, ekologiýa taýdan arassa ýerinde «akylly» şäher konsepsiýasyndan ugur alnyp gurlan Arkadag şäheri özüniň döwrebap durmuş-medeni maksatly binalary, tebigat gözelligi, dag ekoulgamynyň owadan keşbi bilen sazlaşykly tebigy gözelligi emele getirýär. Akyldar şahyrymyz Magtymguly Pyragynyň «Meýdan ýoluksa» atly goşgusynda «Eşiden deň bolmaz, gören göz bilen» diýip belleýşi ýaly, bu ajaýyp şäheriň tebigat bilen sazlaşykly gözelligini synlamak her bir ynsan üçin örän ýakymlydyr.

21 Sentýabr 2023

Tebigat

Saglygyňyz size bagly

Güýz paslynyň gelmegi, howanyň häli-şindi üýtgäp durmagy netijesinde ýiti respirator keselleriniň döremek ähtimallygy ýüze çykýar. Ýiti respirator keseli, esasan hem, ululara garanyňda, çagalara has çalt ýokuşyp, bu olaryň kesele garşy göreşijilik ukybynyň entek kämilleşmändigi bilen düşündirilýär.

21 Sentýabr 2023

Saglyk

Bir belent ykbal sen illere, bedew

(dokumental hekaýa) Asuda asmany topbak-topbak bolup görünýän ak bulutlar bezeýärdi. Asman ajaýyplyklarynyň arasynda wagtal-wagtal gezim edýän Akhan hem uzyn, ak ganatlaryny ýaýyp, bulutlaryň üstünde buýsanç bilen ýüzin salýardy. Ol asman şalygynyň ähli künjeklerine seýran edip, zemindäki gözellikleri synlamagy ýüregine düwdi.

21 Sentýabr 2023

Edebiýat

Arkadag şäheri — ykdysady kuwwatyň nyşany

Düýn Türkmenistanyň Söwda-senagat edarasynda Türkmenistanyň Garaşsyzlyk ýyllarynda gazanan ykdysady üstünliklerine bagyşlanan serginiň açylyş dabarasy boldy. Dabaranyň barşynda hormatly Prezidentimiziň sergä gatnaşyjylara ugradan Gutlagy okaldy. Her ýyl ýurdumyzyň Garaşsyzlyk baýramynyň öň ýanynda geçirilmegi däbe öwrülen bu sergide ata Watanymyzyň ykdysadyýetde, telekeçilikde, senagatda, oba hojalygynda, ylymda, bilimde, medeniýetde, sportda, syýahatçylykda we beýleki ugurlarda gazanan üstünlikleriniň aýdyň beýanyny görmek bolýar. Sergide ýaýbaňlandyrylan pawilýonlardyr ýörite diwarlyklar arkaly ýurdumyzdaky döwlet we hususy edaralarynyň, önümçilik kärhanalarynyň alyp barýan işleri hakda giňişleýin tanşyp bolýar.

21 Sentýabr 2023

Jemgyýet

Bagtyýar nesiller nurana geljegimizdir

Düýn Arkadag şäherinde ýerleşýän Gurbanguly Berdimuhamedow adyndaky çagalar sagaldyş-dikeldiş merkezinde mukaddes Garaşsyzlygymyzyň 32 ýyllygy mynasybetli «Arkadagyň bagtyýar nesilleri» ady bilen baýramçylyk dabarasy geçirildi. Bu dabarada sagaldyş-dikeldiş merkezinde bejergi alýan çagalar surat çekmek, goşgy aýtmak, saz çalmak, gimnastika boýunça çeper gönükmeleri ýerine ýetirmek arkaly öz ukyp-başarnyklaryny görkezdiler. Boýdan-başa şowhunly aýdym-sazlara beslenen dabaranyň ahyrynda çagalara ýadygärlik sowgatlary gowşuryldy. Şeýle-de olar bilen Arkadag şäheriniň gözel ýerlerine täsirli gezelenç guraldy.

21 Sentýabr 2023

Jemgyýet

«Arkadag» ýeňişli ýollarda

Düýn paýtagtymyzyň «Nusaý» stadionynda Arkadag şäheriniň adybir futbol topary bilen Marynyň «Energetik» topary duşuşdy. Bu duşuşyk Türkmenistanyň Futbol boýunça çempionatynyň 16-njy tapgyrynyň möhleti süýşürilen oýny bolup, onda «Arkadag» topary 6:1 hasabynda ýeňiş gazandy. Duşuşygy «Energetik» gol bilen başlasa-da, soňlugy bilen hasaby goramak başartmady. Duşuşygyň 7-nji minudyndaky Guwanç Berdimyradowyň goluna «Arkadag» topary diňe birinji ýarymda Begmyrat Baýowyň iki we Yhlas Toýjanowyň bir goly bilen jogap berdiler. «Arkadag» topary oýnuň ikinji ýarymynda hem garşydaş derwezä üç ýola gol saldy. «Energetigiň» oýunçylary 75-nji minutdaky Nazar Towakelowyň golundan aýňalmankalar,

21 Sentýabr 2023

Sport

Berkararlyk — bagtymyz

Golaýda Türkmenistanyň Kärdeşler arkalaşyklarynyň Milli merkezi, Türkmenistanyň Zenanlar birleşiginiň Merkezi geňeşi, şeýle-de Türkmenistanyň Kärdeşler arkalaşyklarynyň Arkadag şäheriniň birleşmesiniň guramagynda «Toýlar-toýa ulaşýar, Arkadag Serdarly Watanda» atly aýdym-sazly dabaraly maslahat geçirildi. Maýa Kulyýewa adyndaky Türkmen milli konserwatoriýasynyň mugallymlary Aýgül Ýagşyýewa bilen Dürjemal Çaňlyýewanyň, şeýle hem Magtymguly adyndaky milli sazly drama teatrynyň artisti Gülşirin Annamyradowanyň ýerine ýetiren aýdym-sazlary dabaraly maslahatyň has-da täsirli geçmegine ýardam etdi.

21 Sentýabr 2023

Jemgyýet

Biraýlyk dowam edýär

Golaýda Arkadag şäheriniň kazyýeti, harby we hukuk goraýjy edaralary we TMÝG-niň Arkadag şäheriniň Geňeşi bilen bilelikde «Ýol we hereketiň sazlaşygy — bagtyýar durmuşyň abadanlygy» atly wagyz-nesihat çäresi geçirildi. Çärede, esasan-da, ýaşlaryň hukuk düşünjelerini artdyrmak, ýol hereketiniň howpsuzlygyny berk saklamak bilen bagly çykyşlar edildi. Garaşsyz Watanymyzyň asudalygynyň gymmaty we bu babatda her bir raýatyň goşandynyň bardygy hakyndaky gürrüňler hem örän täsirli boldy.

21 Sentýabr 2023

Jemgyýet

Iň mähirli şepagat uýasy

Ýakynda Arkadag şäheriniň Saglygy goraýyş müdirliginiň, şeýle-de Türkmenistanyň Kärdeşler arkalaşyklarynyň Arkadag şäheriniň birleşmesiniň guramagynda şäheriň köpugurly hassahanasynyň mejlisler zalynda Türkmenistanyň mukaddes Garaşsyzlygynyň 32 ýyllygy mynasybetli «Iň mähirli şepagat uýasy» atly bäsleşik geçirildi. Bäsleşikde 1-nji orna «Tiz kömek» merkeziniň şepagat uýasy Sülgün Tejenowa, 2-nji orna Enäniň we çaganyň saglygyny goraýyş merkeziniň şepagat uýasy Enegül Nuryýewa, üçünji orna Onkologiýa merkeziniň şepagat uýasy Gülaýym Tinguşowa mynasyp boldular.

21 Sentýabr 2023

Jemgyýet

Garaşsyzlyk — üstünlikleriň özeni

Golaýda mukaddes Garaşsyzlygymyzyň şanly 32 ýyllygy mynasybetli Arkadag şäheriniň Taryhy we ülkäni öwreniş muzeýinde «Garaşsyzlyk — üstünlikleriň özeni» atly sergi guraldy. Muzeý gaznasyndaky gymmatlyklardan guralan sergide Garaşsyzlyk döwründe ýetilen üstünlikleri wasp edýän eserler toplumy ýaýbaňlandyryldy.

21 Sentýabr 2023

Jemgyýet

Bu ýol ösüşe we abadançylyga alyp barýan ýoldur

8-nji sentýabrda hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Mejlisiň gün tertibine şu ýylyň sekiz aýynda ýerine ýetirilen işleriň netijeleri, ýurdumyzy durmuş-ykdysady taýdan ösdürmegiň gündelik wezipeleri hem-de birnäçe resminamalaryň taslamalary bilen baglanyşykly meseleler girizildi. Degişli ýolbaşçylar gözegçilik edýän düzümlerinde şu ýylyň sekiz aýynda alnyp barlan işler we olaryň netijeleri, şeýle hem pudaklary mundan beýläk-de ösdürmek boýunça durmuşa geçirilýän çäreler, döwlet Baştutanynyň ozal beren tabşyryklarynyň ýerine ýetirilişi, öňde boljak çäreler, olara görülýän taýýarlyk işleri barada hasabatlary berdiler.

13 Sentýabr 2023

Garaşsyzlyk

Oňyn gatnaşyklary berkidip

11-nji sentýabrda Türkmenistanyň Halk Maslahatynyň Başlygy Gurbanguly Berdimuhamedow Russiýa Federasiýasynyň Sankt-Peterburg şäheriniň gubernatory Aleksandr Beglow bilen duşuşdy. Döwletara gatnaşyklaryň geljegi baradaky pikir alyşmalaryň dowamynda ynanyşmagyň we özara düşünişmegiň gazanylan ýokary derejesiniň hem-de ikitaraplaýyn pugta syýasy erkiň netijeli syýasaty ösdürmekde örän ähmiýetli bolup durýandygy nygtaldy. Oňyn syýasy-diplomatik gatnaşyklar saklanýar, ykdysady hyzmatdaşlyk depginli häsiýetini görkezýär, parlamentara gatnaşyklar işjeňleşdirildi.

13 Sentýabr 2023

Garaşsyzlyk

Resmi habar

Gündogaryň beýik akyldary we nusgawy şahyry Magtymguly Pyragynyň doglan gününiň 300 ýyllygyny dabaralandyrmak, şeýle hem şahyryň baý edebi mirasyny düýpli öwrenmek, döredijilik bilen meşgullanýan ýaşlary höweslendirmek, olaryň kalbynda dana şahyrymyzyň eserlerinde öňe sürülýän watansöýüjilik, agzybirlik, halallyk, ynsanperwerlik ýaly ýol-ýörelgelerimize söýgi döretmek, şahyryň hormat-sarpasyny has-da belende götermek maksady bilen, Türkmenistanyň Prezidenti Karara gol çekdi. Resminama laýyklykda, Türkmenistanyň Prezidentiniň «Türkmeniň Altyn asyry» atly baýragyny almak ugrundaky bäsleşigiň çäklerinde döredijilik bilen meşgullanýan ýaşlaryň arasynda «Pähim-paýhas ummany Magtymguly Pyragy» atly bäsleşik yglan edildi we ony 2023-nji ýylyň dekabr aýynda jemlemek bellenildi.

13 Sentýabr 2023

Bildirişler, bäsleşikler

Dost-doganlyk mekany

Ýurdumyzda resmi saparda bolýan Russiýa Federasiýasynyň Sankt-Peterburg şäheriniň gubernatory Aleksandr Beglowyň ýolbaşçylygyndaky wekiliýet Arkadag şäherine baryp gördüler. Şäher häkimliginde russiýaly hyzmatdaşlaryň täze şäheriň ýolbaşçylary bilen duşuşygy geçirildi. Iki şäheriň arasynda dostluk gatnaşyklaryny ýola goýmagyň mümkinçilikleri barada pikir alşyldy. Duşuşygyň ahyrynda Arkadag şäheriniň häkimligi bilen Sankt-Peterburgyň hökümetiniň arasynda söwda-ykdysady, ylmy-tehniki we ynsanperwerlik babatda hyzmatdaşlyk etmek hakynda Ylalaşyga we Arkadag şäheriniň häkimligi bilen Sankt-Peterburgyň Hökümetiniň arasynda 2023 — 2027-nji ýyllarda söwda-ykdysady, ylmy-tehniki we medeni ugurlarda hyzmatdaşlyk etmek barada çäreleriň Meýilnamasyna — «Ýol kartasyna» gol çekildi.

13 Sentýabr 2023

Hyzmatdaşlyk

Bir supranyň başynda

Dünýä türkmenleriniň ynsanperwer birleşigi özüniň döredilen gününden bäri türkmen halkynyň Milli Lideri, Dünýä türkmenleriniň ynsanperwer birleşiginiň Prezidenti Gahryman Arkadagymyzyň baştutanlygynda ykbalyň emri bilen nesibesi dürli ýurtlara dartan watandaşlarymyzy bir supranyň başyna jemläp gelýär. Daşary ýurtly türkmenleriň Türkmenistan bilen ynsanperwer, milli medeni, ylym-bilim babatda jebis aragatnaşyk saklamaklary, olaryň özlerini Watanly duýup, halkyň milli ruhuny, taryhyny, dilini, edim-gylymyny, nusgalyk gylyk-häsiýetlerini dünýä ýüzünde dabaralandyrmakda uly goldaw berýär. Dürli döwletlerde ýaşaýan watandaşlarymyz nirede ýaşasalar-da, hemişe Gahryman Arkadagymyzyň, Arkadagly Serdarymyzyň tagallalary bilen ata Watanlarynda bolup geçýän ähli özgertmelere, ýetilýän belent sepgitlere çyn ýürekden buýsanýandyklaryny aýdýarlar.

13 Sentýabr 2023

Garaşsyzlyk

Geňeşene giň dünýä

Aşgabat şäherindäki Maslahatlar merkezinde şu ýylyň 18-nji iýulynda geçen Türkmenistanyň Halk Maslahatynyň Prezidiumynyň mejlisinde türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz Garaşsyzlyk baýramynyň bellenilýän günlerinde Türkmenistanyň Halk Maslahatynyň mejlisiniň geçiriljekdigini, Halk Maslahatynyň mejlisinde döwletli Diýarymyzda ähli ulgamlarda ýetilen sepgitleriň, alnyp barlan işleriň jeminiň jemlenjekdigini belledi. Ýurdumyzyň halkara abraýynyň belende göterilmegi, taryhy özgerişler belent maksatly beýik işlere ruhlandyrýar. Şunlukda, türkmen halkynyň Milli Lideri Türkmenistanyň Halk Maslahatynyň agzalarynyň öňünde täze wezipeleri, aýdyň maksatlary goýdy.

13 Sentýabr 2023

Jemgyýet

Dünýäň çar künjüne ýaýrandyr türkmen

Bahar TÜÝLIÝEWA,Dünýä türkmenleriniň ynsanperwer birleşiginiň Gyrgyz-türkmen dostluk we hyzmatdaşlyk jemgyýetiniň başlygy, gyrgyzystanly türkmen: — Sebitde deňi-taýy bolmadyk bu şäher türkmen halkynyň Milli Lideri Gurbanguly Berdimuhamedowyň başlangyjy bilen ýaýbaňlandyrylan we häzirki döwürde Arkadagly Serdarymyzyň taýsyz tagallalary bilen üstünlikli durmuşa geçirilýän şähergurluşyk maksatnamalarynyň aýdyň netijesidir. Köpetdagyň eteginde gurlan we özünde milli binagärlik ýörelgeleri bilen häzirki zamanyň ösen tejribesini utgaşdyrýan Arkadag şäheri, hakykatdan-da, ýaşlaryň şäheri. Ýörite Kanun esasynda döwlet ähmiýetli şäher hukugyna eýe bolan, sebitde ilkinji «akylly» şäheriň Watanymyzyň durmuş-ykdysady taýdan mundan beýläk-de okgunly ösmegine mynasyp goşant goşjakdygyna berk ynanýaryn. «Arkadag şäheri — geljegiň şäheri» atly ajaýyp kitaby okap, täze şäherde bina edilen desgalar, bu ýerde halkyň ýaşamagy, zähmet çekmegi üçin döredilen mümkinçilikler bilen tanyşdyk. Biz ata Watanymyz Türkmenistanda şeýle ajaýyp şäheriň gurlandygyna diýseň guwanýarys, buýsanýarys.

13 Sentýabr 2023

Garaşsyzlyk

Arkadagyň sungaty

Türkmenistanyň at gazanan arhitektory Gahryman Arkadagymyzyň ylhamyndan dörän, sebitde «akylly» şähergurluşy bilen tapawutlanýan Arkadag şäheriniň binalarynyň her biriniň daşky görnüşi, binagärlik çözgütleri onuň şöhratly taryhymyza, medeni gymmatlyklarymyza, däp-dessurlarymyza, milli medeniýetimize ýugrulan şäherdigine güwä geçýär. Çünki Gahryman Arkadagymyzyň, Arkadagly Serdarymyzyň yhlasyndan, çuňňur paýhasyndan kemala gelen «akylly» şäheriň arhitekturasy geçmişi yzarlaýan, geljegi nazarlaýan milliligiň kämil nusgasynda gurlandyr. Täze şäherde halkymyzyň milli buýsanjy bolan dünýä belli ahalteke bedewleriniň şan-şöhratyny has-da artdyrýan meşhur Akhanyň heýkeli sekizburçlukdan ýokary göterilýän daragt mysaly beýgelýän mermer arkaly mawy Ýer şarynda ýerleşdirilip, döwrebap şäherde öz mynasyp ornuny tapdy. Ady rowaýata öwrülen Akhana bagyşlanan binanyň belent başy suw çüwdürimi bilen bir bitewi sazlaşygy emele getirip, Berkarar döwletiň täze eýýamynyň Galkynyşy döwründe halkymyzyň belent sepgitleri nazarlaýandygyny alamatlandyrýar. «Akhan» binasyny gurşap alan altynsow reňkli ganatly atlaryň nepis şekilleri binanyň ähmiýetini has-da açyp görkezýär. Onuň aýlaw germewi bolsa, türkmen binagärlik sungatynyň esasy bezeg nagşy bolan sekizburç şekiller bilen haşamlanyp, türkmen halysynyň «guşly göli» we belli aralyklarda ýerleşen teýi nagyşly granit daşdan ýasalan yşyklar bil

13 Sentýabr 2023

Ylym

Zehin zerden zyýada

Belentligi hem kaşaňlygy bilen saýlanyp duran Arkadag şäheriniň häkimliginiň binasynyň ýokarsyndaky «Arkadag» diýen ýazgy «akylly» şähere gireniňden gözüňe kaklyşýar. Haşamly harplaryň özboluşly sazlaşygyndan emele gelen bu ýazgy täze şäherde ýerleşýän adybir gazetdir teleýaýlymyň hem nyşanyna öwrüldi. Biziň söhbetdeşimiz Arkadag şäherini alamatlandyrýan bu ýazgynyň taslamasynyň awtory Türkmenistanyň Döwlet çeperçilik akademiýasynyň talyby Goçmämmet Çüriýew. — Goçmämmet, Arkadag şäheri — ýaşlaryň şäheri. Şonuň üçin onuň her künjeginde ýaşlaryň zehin miwelerine duş gelmek bolýar. Siz hem şeýle uly işe öz goşandyny goşmagy başaran ýaşlaryň biri...

13 Sentýabr 2023

Medeniýet

Paryzdepäni parz bilip

Mundan birnäçe ýyl öň ýurdumyzyň alymlarynyň, taryhçy arheologlarynyň gatnaşmagynda Paryzdepe ýadygärliginde rejeleýiş işleri geçirildi. Geljekde bu ýadygärligiň heniz açylmadyk syrlaryny öwrenmek, onuň medeni gatlaklaryny, ondaky taryhy tapyndylary gözlemek we saýhallamak işleri, gönüden-göni Paryzdepäniň taryhyny açyp görkezmäge, gadymy döwürlerde bu ýerde bolan şäher we onuň ýaşaýjylary barada maglumatlary toplamaga mümkinçilik berer. Paryzdepeden tapylan küýze bölejikleri, keramik turbalar, suw geçirijileri, guýulary gurmak üçin peýdalanylan serişdeleriň galyndylary bu ýerde suw üpjünçiliginiň çylşyrymly ulgamynyň bolandygyna şaýatlyk edýär. Şeýle-de Paryzdepe ýadygärliginde daş asyryna degişli çakmak daşdan ýasalan zähmet gurallary, orta asyrlara degişli golçalar, bürünçden ýasalan iňňebagjyklar, syrçalanan şemdan, bürünçden ýasalan naýza, toýundan ýasalan tigirler, soky daşy, talkohlorit daşyndan ýasalan gazanlar, keramik önümler: golçalar, küýzeler tapyldy. Däp bolan şähergurluşyk sungaty galalaryň, şeýle hem aýrylykda duran binalaryň binagärlik keşbinde öz beýanyny tapýar. Olaryň hatarynda pagsadan gurlan mülk — öýler aýratyn tapawutlanýar. Binagärlik seljermeleri mülküň haýatynyň umumy boýunyň 4 metrden beýik bolandygyny anyklamaga mümkinçilik berýär.

13 Sentýabr 2023

Miras