Olimpiýa oýunlarynda gazanan üstünligini nazarda tutup, Gahryman Arkadagymyz Polina Gurýewa «Türkmenistanyň at gazanan sport ussady» diýen hormatly ady dakdy, şeýle-de, paýtagtymyzyň «Parahat – 7» ýaşaýyş jaý toplumyndan üç otagly döwrebap, ähli amatlyklary bolan ýaşaýyş jaýyny, awtoulag we pul baýragyny sowgat berdi. Bizem türgeniň hem-de onuň maşgalasynyň şatlygyny paýlaşmak, şeýle-de, olaryň ýürek buýsançlaryny ýazga geçirmke maksady bilen, Gurýewalarda myhmançylykda bolduk. Bizi myhmansöýerlik bilen garşylan Swetlana Gurýewa täze jaýda taýýarlan toý tagamlary bilen hezzetledi. Saçak başyndaky söhbedimizi Polinanyň sport ýoly baradaky gürrüňleri bilen dowam etdik.
– Polina, biz siziň ilki gimnastika bilen meşgullanandygyňyzdan, soňra agyr atletika geçendigiňizden habarly...
