Taryhda şu gün

Sport
16 Iýul 2021
837

1994-nji ýylyň 17-nji iýulynda 15-nji gezek geçirilen futbol boýunça dünýä çempionatynyň finalynda Braziliýanyň hem-de Italiýanyň milli ýygyndylary duşuşdylar. ABŞ-nyň futbol meýdanlarynda geçirilen dünýä birinjiliginiň aýgytlaýjy duşuşygyna barýan ýolda Italiýanyň ýygyndysy toparçalaýyn bäsleşikde Irlandiýadan 1:0 hasabynda ýeňleninden soň, galan iki duşuşygynda (Italiýa-Norwegiýa – 1:0, Italiýa-Meksika – 1:1) dört utuk toplap, ýaryşy 1/8 finaldan dowam etdiripdi. Şondan soň goşmaça wagtda Nigeriýadan 2:1, çärýek finaldyr ýarym finalda bolsa Ispaniýadyr Bolgariýadan esasy wagtda 2:1 hasabynda üstün çykmagy başarypdy. Braziliýanyň ýygyndysy bolsa diňe bir duşuşygyny deňlikde tamamlap, galan oýunlarynda ýeňiş (Braziliýa-Russiýa – 2:0, Braziliýa – Kamerun – 3:0, Braziliýa – Şwesiýa – 1:1, Braziliýa-ABŞ – 1:0, Braziliýa-Niderlandlar – 3:2, Braziliýa-Şwesiýa – 1:0) gazanypdy.

Taýýarlan Mergen REJEPMYRADOW,
Türkmen döwlet bedenterbiýe we sport institutynyň mugallymy.
Beýleki habarlar