2006-2007-nji ýyllarda doglanlaryň arasynda boks boýunça Daşoguz welaýatynyň birinjiligi ugrunda ýaryş geçirildi. Daşoguz şäheriniň 5-nji sport mekdebinde guralan bäsleşige Boldumsaz etrabynyň Gubadag şäheriniň, Şabat etrabynyň, Daşoguz şäheriniň ýygyndy toparlary gatnaşdylar.
Birinjiligiň netijesinde Daşoguz şäheriniň ýygyndy topary umumy hasapda birinji orny eýeledi. Ikinji, üçünji orunlarda degişlilikde Boldumsaz hem-de Şabat etraplarynyň ýygyndy toparlary ornaşdylar. Bäsleşikde ýeňiş gazanan boksçulara Dädebaý Geldinazarow, Atabek Haýitow, Berkomal Ýoldaşow, Alymbaý Saburow, Aman Hudabergenow, Ikram Seýidow ýaly tejribeli tälimçi-mugallymlaryň halypalyk edendiklerini bellemek gerek.
