"Nebit-gaz" gazeti

Esaslandyryjysy: "Türkmengaz" döwlet konserni
Salgysy: Aşgabat şäheri, Arçabil şaýoly 56-njy jaýy
Telefon belgileri:44-08-50

Gazeti PDF görnüşinde ýükläp almak

Habarlar

Demokratiýanyň milli nusgasy dabaralanýar

Ýurdumyzyň nebitgaz toplumynyň merkezi edara binasynda «Halk Maslahaty — demokratiýanyň milli nusgasy» atly maslahat geçirildi. Türkmenistanyň Ministrler Kabinetiniň Başlygynyň orunbasary Şahym Abdrahmanowyň ýolbaşçylygynda geçirilen maslahata «Türkmengaz», «Türkmennebit» döwlet konsernleriniň, «Türkmengeologiýa» DK-nyň ýolbaşçylary we işgärler köpçüligi gatnaşdy. Maslahatyň dabaraly açylyşynda, ilki bilen, wise-premýer Ş.Abdrahmanow, soňra Döwlet ministri — «Türkmengaz» DK-nyň başlygy Batyr Amanow, «Türkmennebit» DK-nyň başlygy Güýçgeldi Baýgeldiýew, «Türkmengeologiýa» DK-nyň başlygy Merdan Rozyýew, Ýagşygeldi Kakaýew adyndaky Halkara nebit we gaz uniwersitetiniň kafedra müdiri, professor Nurýagdy Suwhanow, Türkmenistanyň Milli Geňeşiniň Halk Maslahatynyň Sebitleýin ösüş, daşky gurşawy goramak we agrosenagat syýasaty baradaky komitetiniň başlygy Çarygeldi Babanyýazow, Türkmenistanyň Milli Geňeşiniň Mejlisiniň Ylym, bilim, medeniýet we ýaşlar syýasaty baradaky komitetiniň başlygy, Mejlisiň deputaty Gahryman Rozyýew, Türkmenistanyň Nebitgaz senagaty toplumynyň işgärleriniň kärdeşler arkalaşygynyň geňeşiniň başlygy Sapar Ataberdiýew we beýlekiler çykyş etdi. Halk Maslahatynyň mejlisinde kabul edilen maksatnamalaryň durmuşa geçirilýän giň gerimli özgertmeleri, ýurdumyzda amala aşyrylýan iri taslamalary, beýik tutumlary amala aşyrmakda möhüm ähmiýete eýedigini bellemelidir.

21 Fewral 2022

Garaşsyzlyk

Milli Liderimiziň täze kitaby neşir edildi

Hormatly Prezidentimiz Gurbanguly Berdimuhamedow 18-nji fewralda bolan Ministrler Kabinetiniň giňişleýin mejlisinde ýene-de bir kitabyny tamamlandygyny habar berdi. «Abadançylygyň röwşen gadamlary» atly bu kitapda döwlet Baştutanymyzyň jemgyýetçiligiň öňünde eden çykyşlary ýerleşdirilipdir. Onda daşary syýasat, ykdysadyýet, medeniýet, ylym we beýleki ugurlar baradaky pikirler jemlenendir. Şunuň bilen birlikde, täze neşirde ýurdumyzy mundan beýläk-de ösdürmäge degişli teklipler beýan edilýär. Geçen hepdede bu kitap bilen tanyşdyrylyş dabaralary hem geçirilip başlandy. Täze neşiriň häzirki döwrüň halkara durmuşynyň köp sanly çylşyrymly sowallaryna jogap berjekdigi, Türkmenistanyň dünýä derejesinde alyp barýan işlerinde öňe sürýän çuňňur oýlanyşykly syýasatyna, ýurdumyzyň ählumumy ulgamda eýeleýän ornuna, öňde goýýan maksatlaryna we wezipelerine has aýdyň düşünmäge ýardam etjekdigi bellenilýär. Şol bir wagtda bu neşir diňe bir syýasatşynaslar, diplomatlar, bilermenler we žurnalistler üçin däl-de, daşary syýasat bilen gyzyklanýan ähli raýatlar üçin peýdaly bolar.

21 Fewral 2022

Garaşsyzlyk

Döwletli maslahatyň kesgitlän netijeleri halkyň goldawynda

Türkmen halky möhüm jemgyýetçilik-syýasy çärä — 12-nji martda giň demokratik esaslarynda geçiriljek Türkmenistanyň Prezidentiniň saýlawlaryna taýýarlyk görýär. Bu möhüm ähmiýetli waka baradaky çözgüt 11-nji fewralda Türkmenistanyň Milli Geňeşiniň Halk Maslahatynyň mejlisinde hormatly Prezidentimiziň başlangyjyndan soň kabul edildi. Türkmenistanyň Prezidentiniň saýlawy. Bu juda jogapkärli wezipäniň aňyrsynda il-günüň, ýurduň ykbaly dur. Şonuň üçin ýurdumyzda bu möhüm çärä giň demokratik ýörelgelerden ugur alyp uly işler geçirilýär.

21 Fewral 2022

Garaşsyzlyk

Zähmet gadamy batlanýar

«Türkmengazüpjünçilik» birleşiginiň Gazlaşdyrmak boýunça gurluşyk-gurnaýyş müdirliginiň Mary welaýaty boýunça gurluşyk-gurnaýyş ülşüniň hünärmenleridir işçileri «Halkyň Arkadagly zamanasy» diýlip atlandyrylan 2022-nji ýylda zähmet gadamlaryny barha batlandyrýarlar. Olar ýanwar aýynda «Marygazüpjünçilik» müdirliginiň buýurmasy esasynda welaýatyň obalaryndadyr şäherlerinde müňlerçe metr uzynlykdaky täze gaz geçirijilerini gurmak, ozaldan hereket edýänleriniň durkuny täzelemek işlerini ýerine ýetirdiler. Elbetde, şu ýylyň ýanwar aýynyň ilkinji günlerinden «Marygazüpjünçilik» müdirligine Milli maksatnama esasynda welaýatyň obalarynda hem-de şäherlerinde täze dörän ilatly ýerlere gaz geçirijilerini çekmek üçin dürli diametrli turbalaryň tapgyrlaýyn ýetirilip başlanandygyny aýtmak gerek. Munuň özi gurluşyk-gurnaýyş ülşüniň işgärlerine işleriň depginini artdyrmaklyga ýardam berdi. Häzirki wagtda gazçylar welaýatyň Sakarçäge şäherinde täze dörän ilatly ýerlere gaz geçirijilerini çekmek işlerini alyp barýarlar. Olar bu ýerde gurulýan ýokary basyşly gaz geçirijiniň bir müň elli alty metrinde gurluşyk-gurnaýyş işlerini ýerine ýetiripdirler. Bu ýerde taslamada bellenilen işleriň öz wagtynda ýokary hilli ýerine ýetirilmegi üçin ähli zerur iş çäreleri görülýär. Ýokary basyşly gaz geçirijiniň gurluşygynyň tamamlanmagy şäherdäki täze dörän ilatly ýerleriň ýaşaýjylarynyň tebigy gaz bilen

21 Fewral 2022

Ykdysadyýet

«Halkyň Arkadagly zamanasy» dowamat dowam bolsun!

«Halkyň Arkadagly zamanasy» atly şygar astynda geçýän 2022-nji ýylda geçirilen Türkmenistanyň Milli Geňeşiniň Halk Maslahatynyň nobatdan daşary mejlisinde milli Liderimiziň parasatly baştutanlygynda 2021-nji ýylda alnyp barlan işleriň jemleri jemlenilip, ýurdumyzyň mundan beýläk hem gülläp ösmegi ugrunda hormatly Prezidentimiziň uzak geljegi nazarlaýan, halkymyzy ýagty we eşretli durmuşda ýaşatmaga gönükdirilen işler, ýagny 30 ýyllyk Milli maksatnama kabul edildi. Täze maksatnama döwletiň institusional ösüşine, ýurduň ministrlikleriniň we pudaklaýyn dolandyryş edaralarynyň senagat önümçiligine, maýa goýum syýasatyna, daşary söwda we haryt dolanyşygyna, umumy düşewüntlilige goşmaça tizlik berer. Ykdysady ösüş maksatlarynyň bitewüleşdirilmegi tutuş ýurdumyzda ýaşaýan adamlaryň sagdyn bolmagyny, ekologik taýdan arassa, durnukly gurşawda, sagdyn durmuş ýörelgelerine daýanýan, adalatly jemgyýetde uzak ýaşamagyny, ýeterlik bilim almagyny, deň hukuklardan we azatlyklardan, kepillendirilen howpsuzlykdan peýdalanmagyny, jemgyýetiň ähli agzalarynyň möhüm syýasy-jemgyýetçilik wakalara ýakyndan we işjeň gatnaşmagyny maksat edinýär. Oňa laýyklykda, ýakyn geljekde ýurdumyzda ýene-de dünýä ülňülerine laýyk gurlan täze inžener-üpjünçilik, önümçilik we durmuş ugurly desgalaryň ýüzlerçesi peýda bolar, bar bolanlarynyň durky düýpli döwrebaplaşdyrylar.

21 Fewral 2022

Garaşsyzlyk

«Mawy ýangyç» bilen üpjün edilýär

«Daşoguzgazüpjünçilik» müdirliginiň etraplardaky gaz hojalyk edaralarynyň gazçylary häzirki gyş günlerinde welaýatyň medeni zolakdan uzakda ýerleşýän obalarynyň ilatyny hem-de Garagum sährasynyň jümmüşinde, Bötendag sebitlerinde bar bolan öri meýdanlarynda çarwaçylyk bilen meşgullanýan maldarlarymyzy suwuklandyrylan gaz bilen ýeterlik derejede üpjün etmek ugrunda uly işleri alyp barýarlar. Bu ugurda müdirligiň Daşoguz şäherinde ýerleşýän gaz dolduryjy bekediniň işçi-hünärmenleriniň häzirki wagtda etraplardaky gaz hojalyk edaralarynyň gazçylary bilen agzybirlikde durmuşa geçirýän maksada okgunly işleriniň netijesinde uzak örülerde mallaryny ýyly we dok gyşlatmak ugrunda wajyp işleri alyp barýan çopanlar öz goşlarynda suwuklandyrylan «mawy ýangyjyň» eşretli hözirini görmek mümkinçiligine eýe bolýarlar. Şonuň üçin hem Garagum sährasynda, medeni zolakdan has alysda ýerleşýän Ataguýy, Ajyguýy, Damla, Kyrkguýy, Gamyşly, Akmolla ýaly ençeme öri meýdanlarynda ýylyň bütin dowamynda maldarçylyk bilen meşgullanýan çarwa ilaty müdirligiň gazçylarynyň hyzmatyndan diýseň hoşal.

21 Fewral 2022

Ykdysadyýet

Ýerli çig maldan öndürildi

Türkmenistanyň Ylymlar akademiýasynyň Himiýa institutynyň işgärleri ýerli çig maldan kalsiý nitratynyň tetragidratyny almagyň usulyny işläp düzdüler diýip, «Türkmenistan: Altyn asyr» saýty habar berýär. Bu organiki däl birleşme senagat önümçiliginde, hususan-da, sowadyş ulgamyny — sowadyjy diňleri we suw bilen üpjün edýän geçirijileri poslamadan goraýan reagent hökmünde giňden ulanylýar. Kalsiý nitraty oba hojalygynda azot dökünleri hökmünde ulanylyp bilner. Daşary ýurtly alyjylar şu maksatlar üçin her ýyl diňe Gyýanly polimer zawodyndan ýüz tonnadan gowrak kalsiý nitratyny satyn alýarlar.

21 Fewral 2022

Ykdysadyýet

Tüwi

Tüwi çylşyrymly uglewodlaryň, möhüm aminokislotalaryň, witaminleriň we mikroelementleriň çeşmesidir. Onuň düzüminde nerw ulgamyna täsir edýän B witaminleri (B1, B2, B3 we B6) bar. Şeýle hem tüwüde PP, E witaminleri, karotin, fosfor, kaliý, demir, sink, kalsiý, marganes, mis, selen we ýod bar. Tüwini, esasan-da suwuk şüläni ýa-da tüwüde gaýnadylan suwy gastrit keseline garşy ulanmak maslahat berilýär. Berhiz lukmanlarynyň pikiriçe, goňur tüwi içegäniň işini gowulandyrmaga we madda çalşygyny ýokarlandyrmaga kömek edýär.

21 Fewral 2022

Oba hojalyk

Türkmenistan boýunça 2022-nji ýylyň fewral aýynyň 21-27-si aralygynda hepdäniň dowamynda bolmagyna garaşylýan howa maglumaty

Aşgabatda: üýtgäp durýan bulutly howa bolup, hepdäniň başynda we ahyrynda ýagyş ýagar. Demirgazyk-günbatardan gündogara ugruny üýtgedýän tizligi sekuntda 7-9-dan 11-13 metre ýetýän şemal öwser. Howa gijelerine +3...+5o-dan +6...+8o aralygynda maýyl, gündizlerine +9...+11o-dan +20...+22o aralygynda maýyl bolar. Arçabilde: üýtgäp durýan bulutly howa bolup, hepdäniň başynda we ahyrynda ýagyş ýagar. Demirgazyk-günbatardan gündogara ugruny üýtgedýän tizligi sekuntda 6-8-den 10-12 metre ýetýän şemal öwser. Howa gijelerine +2...+4o-dan +5...+7o aralygynda maýyl, gündizlerine +8...+10o-dan +19...+21o aralygynda maýyl bolar.

21 Fewral 2022

Ekologiýa

Asfalt düşeginiň taryhyndan

Asfalt önümi häzirki zaman dünýäsinde isleg bildirilýän gurluşyk harydy hökmünde bellidir. Ýöne onuň haçan we nirede ilkinji gezek taýýarlanandygy we ulanylandygy barada hemişe pikir hem edilip durlanok. Russiýada asfalt önümçiligini ilkinji gezek inžener we binagär Iwan Buttas ýola goýupdyr. Şeýlelikde, bu önüm 1873-nji ýylda Wolga derýasynyň boýunda ýerleşýän Syzran şäherinde gazylyp alnyp we işlenip taýýarlanypdyr.

21 Fewral 2022

Taryh

Çuň guýular üçin gazlift klapany

Bilermenleriň tassyklamaklaryna görä, gyzylreňk çökündiniň aşagynda köp mukdarda uglewodorod serişdeleri bar. Onuň şeýledigini Uzynada käninde 6500 — 7000 metr çuňluga gazylan birnäçe guýular doly subut etdi. Olardan gaz we kondensat öz akymyna çüwdürim görnüşinde çykýar. Wagtyň geçmegi bilen gatlaklaryň güýji peselip, önümiň çüwdürilip çykmagy kesilýär. Häzirki döwürde ulanylýan mehaniki usullary görkezilen çuňlukda gazylan guýularda ulanmak mümkin däl. Geljekde ýüze çykjak şeýle kynçylygy çözmekligiň aladasy şu günlerden edilýär. Guýular çüwdürim kadasy bilen işlemek döwrüni geçirensoň, mehaniki usul ulanylyp başlanýar. Olara gazlift usuly, ştangaly nasos, çuňluga goýberilýän elektrik hereketlendirijili dürli görnüşli nasoslar degişlidir. Bu usullaryň ulanyş çäkleri 4000 metr çuňlukdan geçmeýär. Ştangaly nasosyň ulanyş çuňlugy 2500 metr, guýynyň içindäki önüme çümdürilýän nasoslary 4000 metr çuňluga çenli ulanýarlar. Gazlift usulynyň ulanyş çägi 3500 metr töweregidir. Şeýle çäklendirmeleriň sebäpleri her usul üçin aýratyndyr. Ştangaly nasoslaryň göterijisi bolup durýan uzyn ştanga uly agram düşüp ýolunýar, guýynyň gyşarmasy her 10 metr çuňlukda 1o burçdan artyk bolmaly däl. Şeýle göni guýyny gazmak örän kyn. Elektrik hereketlendirijili çuňluk nasoslaryň kabelleri 3500 metr çuňlukdan aşak goýberilende, gysga wagtda hatardan çykýar, sebäbi onuň örtüginiň düzümine guýy ön

21 Fewral 2022

Ylym

Öýjükli el telefon bazarynyň netijeleri

«Counterpoint» barlag geçirijileri 2021-nji ýylda öýjükli telefonlar boýunça netijeleri mälim etdiler. Öýjükli el telefon bazarynda birinji ýerde «Samsung» kompaniýasy durýar. Ýylyň dowamynda kompaniýa 270,7 million öýjükli el telefon satdy we satuwy 6% ýokarlandyrmagyň hötdesinden geldi. «Apple» hem öz bäsdeşine golaýlady we 237,9 million enjam satmagy başardy. «Xiaomi» 190,4 million el telefonyny ýerläp, satuwy 31% ýokarlandyrmak bilen ilkinji üçlügi jemledi. Görkezijilerden belli bolşy ýaly, «Apple»-niň we «Xiaomi»-niň satuw işleriniň netijeleri kompaniýalaryň özi üçin rekord bolup durýar. Bu barada «Counterpoint Research» habar berýär.

21 Fewral 2022

Tehnologiýa

Şugundyr şiresi

Şugundyryň şiresi agramy azaltmakda we öýjüklere suw ýygnanyp çişmeginiň öňüni almakda, witaminlere, minerallara baýdygy, kuwwatlandyryjy serişdedigi üçin peýdalydyr. Ony aýratyn hem türgenler köp kabul edýärler. Şugundyr organizmden zyýanly galyndylary çykarmak, metabolizmi tizleşdirmek bilen birlikde, onuň düzümindäki azot oksidi gan damarlarynyň geçirijiligini gowulandyrýar. Hünärmenleriň geçiren barlagynyň netijesinde türgenleşigiň öňüsyrasy kabul edilen şugundyr şiresiniň türgenleriň çydamlylygyny 16 göterim artdyrýandygy subut edildi. Beýik Britaniýanyň alymlarynyň berýän maglumatlaryna görä, şugundyr şiresi arterial gan basyşyny peseltmekde haýyrlydyr. Onuň bir nahar çemçesini nahardan 20 minut öň 100 gram käşir şiresi bilen garyp içmek maslahat berilýär. Ýuwaş-ýuwaşdan käşir şiresini kemeldip, şugundyr şiresiniň möçberini artdyrmalydyr. Onuň düzümindäki foliý kislotasy beden öýjüklerini ösdürýär, marganes myşsalaryň dokumalaryny ösdürmekde, C witamini immuniteti pugtalandyrmakda möhümdir, şeýle-de şugundyr kaliý bilen demre baýdyr. Bakja ekininiň miwesi we şiresi içgatamada, ganazlykda hem peýdalydyr.

21 Fewral 2022

Saglyk

Aşgabatda Türkmenistanyň Milli Geňeşiniň Halk Maslahatynyň taryhy mejlisi geçirildi

11-nji fewralda paýtagtymyzyň Maslahat köşgünde hormatly Prezidentimiz, Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedowyň başlyklyk etmeginde Türkmenistanyň Milli Geňeşiniň Halk Maslahatynyň mejlisi geçirildi. «Halkyň Arkadagly zamanasy» diýlip yglan edilen ýylda geçirilen forumyň işine ýurdumyzyň halk hojalygynyň ähli pudaklary bilen bir hatarda nebitgaz toplumynyň hem wekilleri gatnaşdylar. Döwletimiziň we jemgyýetimiziň durmuşynda şanly waka öwrülen forumyň dowamynda 2021-nji ýylyň jemleri ara alnyp maslahatlaşyldy, Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasy tassyklanyldy, şeýle hem ata Watanymyzyň rowaçlygynyň ygtybarly esasyny düzýän ýurdumyzyň döwlet hem-de jemgyýetçilik-syýasy durmuşyna degişli meselelere garaldy.

14 Fewral 2022

Garaşsyzlyk

Halk Maslahatynyň mejlisine gatnaşyjylar ýürek buýsançlaryny beýan edýärler

2022-nji ýylyň 11-nji fewralynda hormatly Prezidentimiz Gurbanguly Berdimuhamedowyň başlyklyk etmeginde Türkmenistanyň Milli Geňeşiniň Halk Maslahatynyň nobatdan daşary mejlisi we onuň çäklerinde 2021-nji ýylda pudaklaryň ýerine ýetiren işleriniň jemlerine bagyşlanan Hökümetiň giňişleýin mejlisi geçirildi. Halk Maslahatynyň mejlisine ýurdumyzyň halk hojalyk toplumynyň ähli pudaklarynyň, türkmen jemgyýetiniň ähli ugurlarynyň wekilleri gatnaşdylar. Mejlisiň dowamynda Garaşsyz, hemişelik Bitarap Watanymyzy geljek 30 ýylda ösdürmek babatda taryhy çözgütler ara alnyp maslahatlaşyldy we kabul edildi. Foruma gatnaşyjylaryň hatarynda ýurdumyzyň ýangyç-energetika toplumynyň hem wekilleri bolup, olar Türkmenistanyň Milli Geňeşiniň Halk Maslahatynyň taryhy mejlisiniň özlerinde galdyran täsirlerini gazetiň okyjylary bilen paýlaşýarlar.

14 Fewral 2022

Garaşsyzlyk

Kärine ussat halypa

Ata Watanyna 58 ýyldan gowrak hyzmat edip, manyly ömrüni nebitçilik kärine baglan, «Watana bolan söýgüsi üçin» hem-de «Zähmetde edermenligi üçin» medallaryň we «Zähmet weterany» diýen hormatly adyň eýesi, häzir halypa mugallym hökmünde ýaşlarymyza bilim we hünär öwredýän Halkara nebit we gaz uniwersitetiniň Balkanabat bölüminiň mugallymy Aşyrberdi Meredowdyr. Durmuşda haýsy hünäri saýlap almaly diýen mesele ýüze çykanda, ýaş ýigitde kakasynyň nebitçi kärini saýlap almak höwesi döreýär. Şeýlelikde, Aşyrberdi Balkanabat şäherindäki şol wagtky nebitçilik tehnikuma okuwa girýär we 1962-nji ýylda tamamlap, nebit we gaz çykarmak boýunça tehnik hünärini ele alýar. Ilkinji zähmet ýoluny «Türkmennebit» döwlet konserniniň Merkezi ylmy-barlag laboratoriýasynda işçi bolup işe başlaýar, soňra laborant, dag jynslaryny barlaýjy tehnik bolup işleýär.

14 Fewral 2022

Jemgyýet

Watanymyzyň milli bähbitleriniň goragynda

2009-njy ýylda hormatly Prezidentimiziň Karary bilen, Türkmenistanyň diplomatik işgärleriniň güni döredildi we ol ýurdumyzda her ýylda giňden bellenilýär. Türkmenistanyň diplomatik işgärleriniň güni dünýä döwletlerinde Watanymyzyň adyndan wekilçilik edip, milli bähbitlerimizi goraýan türkmen diplomatlarynyň hünär baýramçylygydyr. Olaryň hormatyna döwlet Baştutanymyzyň Kararyna laýyklykda, «Türkmenistanyň ussat diplomaty» diýen tapawutlandyryş nyşan döredildi. Türkmenistanyň diplomatiýasy halkara giňişliginde Garaşsyz, hemişelik Bitarap döwletimiziň daşary syýasatynyň netijeli durmuşa geçirilmegini hem-de onuň milli bähbitleriniň goralmagyny üpjün edýär, sebitde we tutuş dünýäde howpsuzlygy, durnuklylygy gazanmaga ýardam berýär. Şeýle hem türkmen halkynyň taryhyny, milli gymmatlyklaryny we medeni mirasyny dünýä ýaýmakda, halkara hyzmatdaşlar bilen ýurdumyzyň arasynda ynanyşmak we birek-birege hormat goýmak esasynda hoşniýetli gatnaşyklary ýola goýmakda we berkitmekde olaryň bitirýän hyzmaty örän uludyr.

14 Fewral 2022

Garaşsyzlyk

Türkmenistan boýunça 2022-nji ýylyň fewral aýynyň 14-20-si aralygynda hepdäniň dowamynda bolmagyna garaşylýan howa maglumaty

Aşgabatda: üýtgäp durýan bulutly howa bolup, hepdäniň başynda gar gatyşykly ýagyş ýagar. Demirgazyk-günbatardan gündogara ugruny üýtgedýän tizligi sekuntda 7-9-dan 10-13 metre ýetýän şemal öwser. Howa gijelerine -1...-3o sowukdan +2...+4o aralygynda maýyl, gündizlerine +3...+5o-dan +14...+16o aralygynda maýyl bolar. Arçabilde: üýtgäp durýan bulutly howa bolup, hepdäniň başynda gar gatyşykly ýagyş ýagar. Demirgazyk-günbatardan gündogara ugruny üýtgedýän tizligi sekuntda 6-8-den 9-12 metre ýetýän şemal öwser. Howa gijelerine -2...-4o sowukdan +1...+3o aralygynda maýyl, gündizlerine +2...+4o-dan +13...+15o aralygynda maýyl bolar.

14 Fewral 2022

Ekologiýa

Senedim bar — sarpam bar

Asyrlar aşa ýetmiş iki dürli saz guralyny döreden türkmen halky üçin beýleki saz gurallary bilen bir hatarda dutaryň orny has üýtgeşik bolupdyr. Türkmen dutary diňe bir toý-baýramlarymyzyň däl, eýsem, gündelik durmuşymyzyň, öý hojalygymyzyň hem bezegidir. Ol türkmeniň şatlykly, hasratly günleri hem ýanynda bolupdyr. Göwün hoşy bolup, ýüregine dolupdyr. Onda döredilen nusgawy mukamlarda halkymyzyň giden bir taryhy, medeni durmuşynyň özboluşlylygy ýaşaýar. — Aslynda, nebitgaz pudagynda zähmet çeksem-de, esasy işimiň daşyndan dutar ýasamaga uly yhlas siňdirýärin. Bu senede söýgi döremeginde kakamyň we agamyň uly ornunyň bardygyny aýdasym gelýär. Sebäbi çagalyk ýyllarymda kakam her gün diýen ýaly eli boşaşdygy dutarda saz çalardy, ony elinden düşürmezdi. Ejem hem kakamyň çalan sazlaryna maýyl bolar oturardy. Bara-bara bu goşa tarly gudrata bolan söýgi meniň gursagyma guýuldy gitdi. Ýanýoldaşym Jahan hem aýdym-sazyň aşygy.

14 Fewral 2022

Medeniýet

Nokia PureBook Pro inçe noutbuklary hödürlendi

«Mobile World Congress 2022» sergisinde fransuz öndürijisi «OFF Global» tarapyndan işlenip düzülen Nokia markaly noutbuklary görkeziler. 15,6 we 17,3 dýuým displeýli, Intel Core prosesorlarynyň 12-nji nesli bilen enjamlaşdyrylan Nokia PureBook Pro noutbuk modelleri Ýewropa bazarlarynda peýda bolar. Modeller Windows 11 ulgamynda goýberilip, Alder Lake nesliniň 10 ýadroly Intel Core i3-1220P prosessorlary bilen işlär. Ýadrolaryň ýygylygy adaty tertipde 1,5 GGs we “turbo”-da 4,4 GGs, tygşytly ýadrolar degişlilikde 1,1-33 GGs aralygy üpjün eder. Ýakyn geljekde has güýçli aýratynlyklary bolan Intel Core i5 esasly Nokia PureBook Pro-nyň görnüşleri hem peýda bolar.

14 Fewral 2022

Tehnologiýa