Berkarar Diýarymyzy ähli ugurlarda uly ösüşler gazanylýan döwlete öwürmek, halkymyzyň abadan we bagtyýar durmuşyny üpjün etmek maksadyna gönükdiren giň gerimli özgertmeleriň rowaçlyklara beslenmeginde ýurdumyzyň hususy işewürleriniň mynasyp paýy bardyr. Türkmenistanyň Senagatçylar we telekeçiler birleşmesiniň agzasy bolan «Giňdere» hususy kärhanasy hem welaýatymyzda «Pähim-paýhas ummany Magtymguly Pyragy» ýylynda joşgunly zähmet çekýän kärhanalaryň biridir.
— Berkarar döwletiň täze eýýamynyň Galkynyşy döwründe hormatly Prezidentimiziň ýolbaşçylygynda milli ykdysadyýetimiziň esasy pudaklarynyň biri bolan gurluşyk senagatynda guwandyryjy netijeler gazanylýar. Ýerli çig mal serişdeleriniň netijeli ulanylmagy diňe bir ýurdumyzda däl, eýsem, daşary ýurtlarda hem uly islegden peýdalanýan gurluşyk serişdeleriniň dürli görnüşlerini çykarmaga mümkinçilik berýär.
