Täze taryhy eýýamda döwlet Baştutanymyzyň öňe sürýän umumadamzat bähbitli başlangyçlary dünýä bileleşiginde giň goldaw tapýar. Hormatly Prezidentimiziň teklibi bilen Birleşen Milletler Guramasynyň Baş Assambleýasynyň 73-nji mejlisinde 2021-nji ýyl «Halkara parahatçylyk we ynanyşmak ýyly» diýlip yglan edildi. Parahatçylyk we ynanyşmak ýörelgeleri ösüşe giň ýol açýar. Türkmenistanyň daşky gurşawy goramak babatda oňyn başlangyçlary hem dünýä döwletleri we abraýly halkara guramalary tarapyndan goldanylýar.
Milli Liderimiz daşary ýurtlar bilen netijeli hyzmatdaşlyk gatnaşyklarynyň ösdürilmegine uly ähmiýet berýär. Döwlet Baştutanymyzyň Ykdysady Hyzmatdaşlyk Guramasynyň (EKO) sammitinde eden çykyşy uly gyzyklanma döretdi.
