Külterlenip barýar ykbalyň ýoly,
Gujagyňda kynçylygy duýmadym.
Köňül pyýalasy söýgüden doly,
Söýşüm ýaly özgeleri söýmedim.
Jandan söýlüp, şu günlere ýetensiň,
Göbek ganym daman ata Watansyň!
Gerdende göterýän iň agyr derdim —
Öňüňde meň üzüp bilmez karzym bar.
Sen maňa ak süýt deý ak bagty berdiň,
Bilýän, seň öňüňde ömür bergidar.
Men aýdaýyn, goý, meň sesim gatalsyn:
«Bu dünýäde deňsiz-taýsyz Watansyň!».
