Asylly ýörelgeler dowamat
Arkadagly Gahryman Serdarymyzyň parasatly baştutanlygynda agzybir halkymyz belent maksatlar, asyrlar aşyp gelen ynsanperwer ýörelgeler, hoşniýetli ak arzuwlar, bedew batly ösüşler bilen öňe barýar. Mundan 33 ýyl ozal ata Watanymyzyň Garaşsyzlygynyň jar edilmegi bilen, güneşli Diýarymyzyň nurana geljeginiň we şanly rowaçlyklarynyň sarsmaz binýady tutuldy. «Döwlet gurjak bolsaň, türkmeni çagyr» diýen dana nakyl yklymlar içre meşhur bolupdyr. Merdana Oguz hanyň nesilleri bolan ata-babalarymyz dünýäde ýetmişden gowrak döwleti esaslandyryp, onuň binýadyny berkden tutupdyr. Şol döwletlerde tutuş adamzadyň ykbalyna, umumadamzat aňyýetiniň ösüşine täsir eden ruhy galkynyşlar, ykdysady özgerişler amala aşyrylypdyr. Gahryman Arkadagymyzyň, Arkadagly Gahryman Serdarymyzyň parasatly baştutanlygynda Garaşsyz, baky Bitarap Diýarymyz sanlyja ýylyň içinde dünýäniň ösen döwletleriniň hataryna çykaryldy. Gözel paýtagtymyz Aşgabat şäherimiz bu gün beýik ösüşleri bilen görenleri haýrana goýýar. Häzirki wagtda ýurdumyzyň her bir raýatynyň baş maksady Watanyň gülläp ösüşine goşant goşmaga gönükdirilendir. Bu gün türkmen ýaşlary hem yhlasly okap, hyjuwly öwrenip, ýadawsyz işläp, kämilleşip, ylym-bilim alyp, Watanymyzyň ösüşine özleriniň mynasyp goşantlaryny goşýarlar. Ýaşlar ylymda, bilimde, sportda, medeniýetde, sungatda ukyp-başarnyklaryny görkezip, halkara bäsleşiklerde baýrakly orunlary eýeläp,
