"Ahal durmuşy" welaýat gazeti

Esaslandyryjysy: Ahal welaýatynyň häkimligi
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-31, 38-61-30, 38-61-49
Email: ahaldurmushy-gazeti@sanly.tm

Gazeti PDF görnüşinde ýükläp almak

Habarlar

Bilim — röwşen geljege binýat

Berkarar döwletiň täze eýýamynyň Galkynyşy döwründe milli bilim ulgamyny ösdürmek ugrunda edilýän tagallalar barha rowaçlanýar. Şonuň bilen baglylykda, okuw maksatnamalary kämilleşdirilýär, bilim ulgamyna okatmagyň öňdebaryjy usullary ornaşdyrylýar, döwrebap mekdepler gurlup ulanylmaga berilýär.  «Pähim-paýhas ummany Magtymguly Pyragy» ýylynda hormatly Prezidentimiziň Karary bilen «Türkmenistanda umumybilim maksatnamalary boýunça okatmagyň usulyýetini kämilleşdirmegiň 2028-nji ýyla çenli Konsepsiýasynyň» tassyklanmagy bilim ulgamynda möhüm ähmiýetli wakalaryň biri boldy. Çagalar baglarynda we orta mekdeplerde berilýän bilimiň üznüksizligini hem-de arabaglanyşygyny üpjün etmekde, bilimli, aň taýdan ösen, watansöýüji şahsyýetleri kemala getirmekde, mugallymlaryň hünär bilimlerini çuňlaşdyrmakda, täze tehnologiýalar esasynda okuwyň mazmunyny, görnüşini kämilleşdirmekde, bilimiň hilini bahalandyrýan halkara maksatnamalarynyň görkezijilerini milli bilim ulgamyna ornaşdyrmakda agzalan Konsepsiýanyň möhüm ähmiýeti bardyr. Konsepsiýada göz öňüne tutulan wezipeleriň üstünlikli durmuşa geçirilmegi Garaşsyz Watanymyza, il-günümize wepaly, kämil bilimli, zähmetsöýer, ýokary ahlakly, hakyky watansöýüji nesliň kemala gelmegine itergi berer.

16 sagat öň

Bilim

Ýolyşyk — biziň dostumyz

Sarahs etrabyndaky 13-nji orta mekdepde «Ýolyşyk — biziň dostumyz» ady bilen başlangyç synp mekdep okuwçylarynyň arasynda bäsleşik geçirildi. «Ýol hereketiniň howpsuzlygy — ömrümiziň rahatlygy» atly biraýlyk mynasybetli guralan bäsleşigiň esasy maksady ýaş nesliň ýol hereketiniň düzgün-kadalary boýunça sowatlylygyny ýokarlandyrmakdan we bu babatdaky düşünjesini doly açyp görkezmekden ybarat boldy. Bäsleşigi etrap polisiýa bölüminiň polisiýanyň ýol gözegçiligi bölümçesi, etrabyň bilim bölümi hem-de jemgyýetçilik guramalary bilelikde gurap, oňa etrabyň mekdeplerinden toparlar gatnaşdy. Gyzykly geçen bäsleşik ýol hereketiniň ýaş gözegçileriniň arasyndan iň başarjaň toparlary ýüze çykardy. Şeýlelikde, etrapdaky 21-nji orta mekdebiň topary ýeňiji boldy.

16 sagat öň

Jemgyýet

Garaşsyzlyk — buýsanjymyz, bagtymyz

Garaşsyz Watanymyz okgunly ösýär we barha özgerýär. Döwletli tutumlar, asylly başlangyçlar we aýdyň maksatlar rowaçlyga beslenýär. Ýurdumyzyň ykdysady kuwwaty artyp, halkymyzyň ýaşaýyş-durmuş derejesi ýokarlanýar. Bu zatlar baky bagtyýarlygyň güwäsidir. Watanymyz bu gün toý keşbinde. Beýik döwrüň döredijilik we gurujylyk ruhy, toý öwüşginleri gözel Diýarymyzyň ähli künjeginde mese-mälim duýlup, watançylyk ruhumyzy belende göterýär. Mukaddes ýurt Garaşsyzlygynyň 33 ýyllyk şanly toýunyň garşylanýan çagynda ýurdumyzyň ýeten derejesine nazar aýlap, beýik ösüş-özgertmelere buýsanjymyz goşalanýar.

16 sagat öň

Garaşsyzlyk

Biraýlyga bagyşlanan duşuşyk

Gökdepe etrabynyň Yzgant şäherçesiniň Berdimuhamet Annaýew adyndaky ýöriteleşdirilen 27-nji orta mekdepde «Ýol hereketiniň howpsuzlygy — ömrümiziň rahatlygy» atly biraýlygyň çäginde «Ýolumyz asuda — ilimiz abadan» ady bilen wagyz-nesihat duşuşygy geçirildi. Ony Türkmenistanyň Magtymguly adyndaky Ýaşlar guramasynyň welaýat we Gökdepe etrap Geňeşleri, beýleki jemgyýetçilik guramalary, Gökdepe etrap polisiýa bölüminiň polisiýanyň ýol gözegçiligi bölümçesi bilelikde gurady. Mekdep okuwçylarynyň arasynda geçirilen duşuşykda çykyş edenler hormatly Prezidentimiziň başlangyjy boýunça ýurdumyzda yglan edilen «Ýol hereketiniň howpsuzlygy — ömrümiziň rahatlygy» atly biraýlygyň çäginde alnyp barylýan çäreler we olaryň ähmiýeti dogrusynda giňişleýin gürrüň etdiler, okuwçy ýaşlara köçe-ýol hereketiniň kadalaryny, ýoldan geçmegiň düzgünlerini giňişleýin düşündirdiler.

16 sagat öň

Jemgyýet

Garaşsyzlygyň saýrak bilbilleri

Kaka etrabyndaky 10-njy çagalar bagynda “Garaşsyzlygyň saýrak bilbilleri” atly aýdym-saz bäsleşigi geçirildi. Watanymyzyň mukaddes Garaşsyzlygynyň 33 ýyllyk şanly baýramy mynasybetli geçirilen bäsleşige etrapdaky çagalar baglaryndan mekdebe taýýarlaýyş toparlarynyň körpelerinden düzülen toparlar gatnaşdy. Aýdym-saz sungatyna höwesli, ruhubelent, giň dünýägaraýyşly çagalary ýüze çykarmak, olaryň milli mirasymyza söýgüsini artdyrmak, şeýle-de ýurdumyzyň naýbaşy toýuny dabaralandyrmak maksady bilen geçirilen bäsleşik örän täsirleri döretdi. Onuň şertlerine laýyklykda, körpeler gözel Watanymyzy, bagtyýar çagalygy wasp edýän aýdym-sazlary, tanslary ýerine ýetirdiler. Etrap bilim bölümi hem-de ylym we bilim işgärleriniň kärdeşler arkalaşygynyň etrap Geňeşi tarapyndan guralan bäsleşikde 5-nji çagalar bagynyň folklor topary ýeňiji boldy.

16 sagat öň

Jemgyýet

Ýol hereketiniň howpsuzlygyny berjaý edeliň!

Türkmenistanyň Kärdeşler arkalaşyklarynyň Kaka etrap birleşmesiniň, etrap bilim bölüminiň, Ylym we bilim işgärleriniň kärdeşler arkalaşygynyň etrap Geňeşiniň bilelikde guramagynda etrapdaky 17-nji orta mekdepde wagyz-nesihat duşuşygy geçirildi. “Ýol hereketiniň howpsuzlygyny berjaý edeliň!” ady bilen geçen duşuşykda ynsan ömrüne we saglygyna howp salyp biljek ýol-ulag hadysalarynyň döremezligi, ýol-ulag hadysalaryndan bolýan heläkçilikleriň öňüni almak, ýolda ýöräniňde seresap bolmak barada giňişleýin gürrüň edildi. “Ýol hereketiniň howpsuzlygy—ömrümiziň rahatlygy” atly biraýlyga bagyşlanan duşuşykda okuwçy ýaşlara ýol hereketiniň düzgün-kadalaryna eýermek boýunça gymmatly maslahatlar berildi. Duşuşyga gatnaşanlar hormatly Prezidentimiziň, Gahryman Arkadagymyzyň döwletli tutumlaryna rowaçlyklary arzuw etdiler.

16 sagat öň

Jemgyýet

Şanly senä bagyşlandy

Tejen etrabyndaky Dikeldiş merkeziniň kitaphanasynda etrabyň jemgyýetçilik guramalarynyň hem-de «Altyn asyr» teleýaýlymynyň bilelikde guramagynda «tegelek stoluň» başynda söhbetdeşlik geçirildi. Şanly Garaşsyzlygymyzyň 33 ýyllygyna bagyşlanan söhbetdeşlikde çykyş edenler hormatly Prezidentimiziň baştutanlygynda ýurt Garaşsyzlygymyzyň şanly 33 ýyllyk baýramçylygyna görülýän taýýarlyklar, Garaşsyzlyk ýyllary içinde gazanylan üstünlikler, Watanymyzyň bu günki ösüşleri, döwlet we milli maksatnamalaryň üstünlikli amala aşyrylyşy, dürli ugurlarda gazanylýan üstünlikler, ýetilýän sepgitler barada täsirli söhbet etdiler. Söhbetdeşlige gatnaşanlar halkymyzy baky bagtyýarlyga ýetiren Gahryman Arkadagymyzyň we Arkadagly Gahryman Serdarymyzyň janlarynyň sag, ömürleriniň uzak bolmagyny, döwletli tutumlarynyň rowaçlanmagyny arzuw etdiler.

17 sagat öň

Garaşsyzlyk

Ählumumy parahatçylygyň we abadançylygyň bähbidine

Geçen hepde döwlet we halkara derejeli möhüm wakalara baý boldy. Olarda hormatly Prezidentimiz Serdar Berdimuhamedowyň dünýä ýurtlary bilen netijeli dialogy ösdürmäge, söwda-ykdysady hyzmatdaşlygy giňeltmäge, ählumumy parahatçylygyň, abadançylygyň bähbidine hoşniýetli goňşuçylyk gatnaşyklaryny pugtalandyrmaga, Berkarar döwletiň täze eýýamynyň Galkynyşy döwründe halkymyzyň ýaşaýyş-durmuş derejesini yzygiderli ýokarlandyrmaga gönükdirilen syýasaty aýdyň beýanyny tapýar. 10-njy sentýabrda paýtagtymyzda Türkmenistanyň maýa goýum forumy hem-de ugurdaş sergiler, ýurdumyzyň ykdysadyýetine ýokary tehnologiýalary we innowasiýalary çekmek boýunça halkara maslahat geçirildi. Daşary işler, maliýe we ykdysadyýet ministrlikleriniň, Söwda-senagat edarasynyň bilelikde guramagynda geçirilen giň gerimli işewürlik çäreleriniň gün tertibine ýurdumyzda iri taslamalary durmuşa geçirmek we bu ugurda halkara hyzmatdaşlygy mundan beýläk-de ösdürmek bilen baglanyşykly meseleler girizildi.

1 gün öň

Syýasat

Türkmenistanyň Prezidenti Serdar Berdimuhamedowyň Türkmenistanyň maýa goýum forumynda, ýurdumyzyň ykdysadyýetine ýokary tehnologiýalary we innowasiýalary çekmek boýunça halkara maslahatda hem-de ugurdaş sergilerde sanly ulgam arkaly eden ÇYKYŞY

(Aşgabat şäheri, 2024-nji ýylyň 10-njy sentýabry) Eziz watandaşlar!Hormatly halkara foruma gatnaşyjylar!

1 gün öň

Syýasat

Maýa goýumlary — ykdysady ösüşiň ygtybarly binýady

Berkarar döwletiň täze eýýamynyň Galkynyşy döwründe hormatly Prezidentimiziň alyp barýan öňdengörüjilikli, ylmy taýdan esaslandyrylan durmuş-ykdysady ösüş strategiýasynyň netijesinde ýurdumyz täze üstünliklere beslenýär. «Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynda», «Türkmenistanyň Prezidentiniň ýurdumyzy 2022 — 2028-nji ýyllarda durmuş-ykdysady taýdan ösdürmegiň Maksatnamasynda» kesgitlenen wezipeleri durmuşa geçirmek ugrunda ägirt uly işler amala aşyrylýar. Halkara ähmiýetli, il-ýurt bähbitli tutumly taslamalaryň üstünlikli amala aşyrylmagy ýurduň maliýe-ykdysady kuwwatyny günsaýyn berkidýär. Milli ykdysadyýete dünýä bazarlarynyň standartlarynyň ornaşdyrylmagy, ýerli we daşary ýurt maýadarlarynyň serişdelerini çekmek üçin amatly maýa goýum gurşawynyň döredilmegi türkmen bazarynyň maýa goýum babatynda özüne çekijiligini artdyrýar. «Pähim-paýhas ummany Magtymguly Pyragy» ýylynda «Türkmenistany 2024-nji ýylda durmuş-ykdysady taýdan ösdürmegiň we maýa goýum Maksatnamasynyň» kabul edilip, onuň çäklerinde ýurdumyzy durmuş-ykdysady taýdan ösdürmäge gönükdirilen işler netijeli durmuşa geçirilýär. Ýakynda paýtagtymyzda ýokary derejede geçirilen Türkmenistanyň maýa goýum forumynyň giň wekilçilikli düzümi türkmen bazaryna bolan gyzyklanmalardan habar berýär. 10-11-nji sentýabrda Aşgabatda geçirilen Türkmenistanyň maýa goýum forumy, Tü

1 gün öň

Ykdysadyýet

Beýik tutumlaryň döwri: oňyn hyzmatdaşlygyň täze sepgitleri

Hormatly Prezidentimiziň baştutanlygynda türkmen bitaraplygynyň ykdysady ugruna möhüm ähmiýet berilýär, ýurdumyzyň durmuş-ykdysady taýdan sazlaşykly ösüşi, özara peýdaly daşary ykdysady-söwda gatnaşyklaryny ösdürmek üçin zerur şertler döredilýär. Türkmenistanyň Bitaraplygy daşary ýurtlardaky hyzmatdaşlarymyza deňhukukly gatnaşyklary üpjün edýär, şunda özara bähbitli, ykdysady-täjirçilik taýdan esaslandyrmak, ýurdumyzyň däplerine we kanunlaryna hormat goýmak kesgitleýji şert bolup durýar. Bitarap döwlet hökmünde halkara derejämizden gelip çykýan anyk ýörelgelere esaslanyp, uzak möhletleýin daşary ykdysady strategiýamyz, oňyn dünýägaraýyş, BMG-niň Tertipnamasyna we halkara-hukuk kadalaryna ygrarlylyk Türkmenistanyň gatnaşmagynda amala aşyrylýan halkara taslamalarynda doly beýanyny tapýar. Şolaryň maksady diňe bir ykdysady-täjirçilik bähbit bilen däl, eýsem, döwletleriň ýakynlaşmagyny üpjün etmek hem-de olaryň arasyndaky gatnaşyklarda ynanyşmak we aýdyňlyk ýagdaýyny döretmek meýli bilen şertlendirilendir. Arkadagly Gahryman Serdarymyzyň ak patasy bilen ençeme iri möçberli şeýle taslamalara badalga berilmegi ýurdumyzyň ykdysady kuwwatynyň, oňyn bitaraplyk ýörelgelerine ygrarlylygyň, ata-babalarymyzyň gurmagyň, döretmegiň sogap işdigine ynanyp, nesillere geçiren döwletli ýörelgeleriniň dowamat-dowamdygynyň aýdyň beýanydyr. Ine, 11-nji sentýabrda bir günde ýedi sany iri taslama bada

1 gün öň

Ykdysadyýet

«Ak altyn» — gymmatly baýlyk

Welaýatymyzyň pagtaçylary ýygyma dabaraly ýagdaýda girişdiler Hormatly Prezidentimiz Serdar Berdimuhamedowyň pagta ýygymyna başlamaga beren ak patasyndan göwni galkynan welaýatymyzyň «ak altyn» ussatlary hormatly ýaşulularyň gatnaşmagynda 11-nji sentýabrda möwsüme zähmet baýramçylygy ruhunda guramaçylykly girişdiler.

1 gün öň

Oba hojalyk

Ussat pagtaçy

Babadaýhan etrabynyň «Zähmet» daýhan birleşiginiň pagtaçy kärendeçisi Aýjemal Gylyçmyradowa ýygymda tapawutlanmagy başarýan ussatlaryň biri. Onuň 10 gektar meýdanda ak patrak bolup açylan gowaçaly atyzlaryny synlanyňda göwnüň göterilýär. Zähmetsöýer kärendeçiniň maşgala agzalary bilen ýetişdiren hasylyndan göwni hoş. — «Pähim-paýhas ummany Magtymguly Pyragy» ýylynda gowaçaly atyzlarymyz hasylyny bolluk bilen eçildi. Nesip bolsa, her gektardan 40 sentner hasyla garaşýarys. Ýygymda el güýjünden peýdalanýarys. Bu işde maňa maşgala agzalarymyz, ýygymçylar ýakyndan kömek berýärler. Ene toprakdan bereketli hasyl almak üçin döwletimiz tarapyndan döredilýän giň mümkinçilikler bizi diýseň guwandyrýar, täze zähmet üstünliklerine ruhlandyrýar. Hormatly Prezidentimiziň, Gahryman Arkadagymyzyň ýurdumyzy bereket mekanyna öwürmek üçin alyp barýan asylly, döwletli işlerine, taýsyz tagallalaryna alkyşlarymyz çäksizdir — diýip, kärendeçi Aýjemal Gylyçmyradowa aýdýar.

1 gün öň

Oba hojalyk

Bugdaý ekişi — jogapkärli möwsüm

Ak bugdaý etrabynyň gallaçylary güýzlük däne ekişini talabalaýyk derejede, agrotehnikanyň kadalaryna laýyklykda geçirmek ugrunda yhlasly zähmet çekýärler. Geljek ýylyň hasyly üçin 26 müň gektarda däne ekişini geçirmegi meýilleşdiren etrabyň ak ekin ussatlary häzirki jogapkärli günlerde oba hojalyk tehnikalarynyň we gurallarynyň netijeli ulanylmagyny gazanýarlar. Etrabyň ekerançylyk meýdanlarynda ekiji traktorlaryň 66-synyň bökdençsiz işledilmegi netijesinde ekiş geçirilýän meýdanlaryň gerimi barha giňeýär. Däne ekişi «Üzümli toprak», «Ak üzüm» daýhan hojalyklarynda, Magtymguly adyndaky daýhan birleşiginde, M.Sopyýew adyndaky Oba hojalyk paýdarlar jemgyýetinde has göwnejaý alnyp barylýar.

1 gün öň

Oba hojalyk

Dünýä türkmenleriniň döwletli maslahaty

Her ýyl şanly Garaşsyzlyk baýramymyzyň toýlanýan günlerinde gaýry ýurtda ýaşasalar-da, ýürekleri şu topraga örklenen türkmen doganlarymyz eziz Diýarymyzda geçirilýän toý-baýramlara gatnaşmaga, toý şatlygymyzy paýlaşmaga gelýärler. Ine, «Pähim-paýhas ummany Magtymguly Pyragy» ýylynda hem, däp bolşy ýaly, ýurdumyzyň baş baýramçylygy bolan döwlet Garaşsyzlygymyzyň 33 ýyllyk toýunyň öňüsyrasynda gözel paýtagtymyz Aşgabat şäherinde geçirilen Dünýä türkmenleriniň ynsanperwer birleşiginiň XXV maslahatyna dünýäniň dürli döwletlerinde ýaşaýan türkmen ildeşlerimiziň ençemesiniň gatnaşmagy ählimizi begendirdi. Dünýäniň dürli ýurtlarynda ýaşaýan hem zähmet çekýän türkmen watandaşlarymyz bilen köpugurly gatnaşyklary ösdürmek işi Berkarar döwletiň täze eýýamynyň Galkynyşy döwründe has hem işjeňleşýär. Garaşsyz Türkmenistanyň gazanýan üstünlikleri dünýäniň islendik künjeginde ýaşaýan türkmeni guwandyrýar. Olar eziz Watanymyzyň ösüşine öz goşantlaryny goşmagy mukaddes borçlary hasaplaýarlar. Dünýä türkmenleri ata Watanymyzyň batly gadamlaryna buýsanmak bilen, milli gymmatlyklarymyzy, Garaşsyzlyk ýyllary içinde gazananlarymyzy Ýer ýüzüne ýaýbaňlandyrmaga öz saldamly goşantlaryny goşýarlar. Häzirki wagtda dünýäniň 14 ýurdunda Dünýä türkmenleriniň ynsanperwer birleşiginiň 27 bölümi hereket edýär. Birleşigiň düzümine toparlaýyn agzalaryň hem-de şahsy agzalaryň, şol sanda daşary ýurtlarda ýaşaýan

1 gün öň

Jemgyýet

Watan Garaşsyzlygy — mukaddes gymmatlyk

Garaşsyzlyk ýyllarynda ýurdumyzyň gazanan üstünlikleri, ýeten belent sepgitleri mukaddes gymmatlyk bolup, her bir türkmeniň milli buýsanjyna öwrülýär. Bu gün hormatly Prezidentimiziň baştutanlygynda täze ösüş-özgertmeler, beýik tutumlar bilen öňe ilerleýän Garaşsyz, baky Bitarap Watanymyzyň ähli ugurda gazanýan üstünligi bütin dünýä tarapyndan ykrar edilýär. Gahryman Arkadagymyzyň «Garaşsyzlyk — bagtymyz» atly kitabynda biziň özbaşdak millet, özbaşdak döwletli halk hökmündäki her bir üstünligimiziň, ýeňişlerimiziň hem gazanýan abraý-mertebämiziň gözbaşynda Garaşsyzlygymyzyň durandygy bellenýär. Watanymyzyň Garaşsyzlygyny, jemgyýetimiziň agzybirligini we asudalygyny goramak ýurdumyzda baş wezipe hasaplanýar. Beýik ösüşleriň okgunly bady, ähli künjekleri gurşap alan giň möçberli özgertmeler döwrüň aýdyň alamatyna öwrüldi. Mälim bolşy ýaly, Türkmenistany toplumlaýyn döwrebaplaşdyrmak döwlet syýasatynyň ileri tutulýan ugurlarynyň biri bolup durýar.

1 gün öň

Garaşsyzlyk

Binagärligiň merjeni

Milli binagärligiň beýik nusgasy hökmünde dünýäde tanalýan, ajaýyp keşbi bilen göreni haýrana goýýan gözel paýtagtymyz Aşgabady başgaça atlandyrmak mümkin däl. Garaşsyz Watanymyzyň ýüregi, berkarar döwletimiziň ýüzi hasaplanýan paýtagtymyzyň keşbinde ýurdumyzyň ösen ykdysadyýeti, senagaty, medeni we ruhy galkynyşlary jemlenýär. Onda halkymyzyň bagtyýar durmuşyny, aýdyň geljegini görmek bolýar. Aşgabat diňe gözelligiň däl, eýsem, iň bagtly adamlaryň şäheri. Ol Gahryman Arkadagymyzyň yhlas-aladasyndan kemala gelip, Berkarar döwletiň täze eýýamynyň Galkynyşy döwründe Arkadagly Gahryman Serdarymyz tarapyndan sungat derejesinde ösdürilýär. Hormatly Prezidentimiziň, Gahryman Arkadagymyzyň taýsyz tagallalary bilen mermer paýtagtyň şähergurluşyk-binagärlik keşbi barha gözelleşýär. Milliligiň belent ruhy siňdirilen binalara özboluşly bezeg bolan giň gerimli dizaýnerçilik çözgütleri ornaşdyrylýar. Ildeşlerimiziň döwrebap ýaşaýşyny üpjün edýän ýaşaýyş jaý toplumlary, medeni-durmuş, bilim we saglyk maksatly desgalar, söwda we medeni dynç alyş merkezleri, seýilgähler, şaýollary, köprüler yzygiderli gurlup, halkymyzyň hyzmatyna berilýär. Ak şäheriň we ondaky owadan desgalaryň onlarçasynyň Ginnesiň rekordlar kitabyndan orun almagyny, «Dizaýn» ugry boýunça ÝUNESKO-nyň döredijilik toruna girizilmegini beýik Garaşsyzlygymyzyň ajaýyp miwesi hökmünde agzamak bolar. Türkmen halkynyň Milli Lideri gö

1 gün öň

Garaşsyzlyk

Dünýä nusgalyk akyldar şahyr

Magtymguly Pyragynyň doglan gününiň 300 ýyllygynyň halkara derejede giňden bellenilýän «Pähim-paýhas ummany Magtymguly Pyragy» ýylynda Türkmen döwlet neşirýat gullugy tarapyndan «Magtymguly» atly kitabyň neşir edilip, elimize gowuşmagy ulus ilimiz üçin buýsançly waka boldy. Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar instituty tarapyndan taýýarlanylan bu sowgatlyk kitaba şahyryň 271 şygry ýerleşdirilen. Saýlanyp alnan şygyrlarda beýik söz ussadynyň agzybirlik, döwletlilik, watansöýüjilik, dost-doganlyk babatda söz açýan müňöwüşginli goşgularyna giň orun berilýär. Hormatly Prezidentimiziň belleýşi ýaly, asyrlar geçse-de, öz Watanyňy söýmäge, agzybirlige we doganlyga çagyrýan halkymyzyň beýik oglunyň şygyr setirleri öz wajyplygyny ýitirmän, ýüreklerde mynasyp orun aldy. Gahryman Arkadagymyzyň sözi bilen aýtsak: «Mähriban türkmen topragynyň hakyky watançysy, joşgunly we şirin zybanly Magtymguly Pyragynyň şygyr diwanlary nesillerde watansöýüjiligi, ynsanperwerligi terbiýelemekde gymmatly ruhy çeşmedir». Magtymguly Pyragy, beýik söz ussady öz döredijiliginde durmuşyň dürli ugurlaryndan söz açýar. Görnükli magtymgulyşynaslar tutuş Gündogaryň akyldaryny «Jemşidiň jamyna» deňeýär. Şahyryň köptaraplylygy, ýaşaýyş-durmuş bilen baglanyşykly filosofiki garaýyşlary her bir okyjyny haýrana goýýar. Hut şonuň üçin-de, Gahryman Arkadagymyzyň agzy

1 gün öň

Edebiýat

Terbiýeçilik işiniň esasy wezipesi

Berkarar döwletiň täze eýýamynyň Galkynyşy döwründe amala aşyrylýan beýik işler ýaş nesliň gowy bilim-terbiýe almagyna, döredijilige ugrukmagyna, Watana, halka, milli ýörelgelerimize ygrarly bolup kemala gelmegine ýardam edýär. Häzirki ösüşler, özgerişler döwründe medeni miras, milli terbiýeçilik ýörelgeleri wajyp ähmiýete eýedir. Milli däp-dessurlar we täze özgertmeler, innowasiýalar ösüşiň biri-biri bilen özara baglanyşykly iki ugry bolup durýar. Täze özgertmeler jemgyýetçilik durmuşynyň ähli taraplaryny öz içine almak bilen, milli ýörelgelerimizi, medeni baýlyklarymyzy gorap saklamagy, olar barada ýaşlara has giňden düşündirmegi hem öz içine alýar. Bu gün Garaşsyzlyk döwrümizde kemala gelen täze gymmatlyklar milli medeniýet bilen sazlaşykly utgaşdyrylyp, ýaş nesli terbiýelemek işine netijeli ornaşdyrylýar. Jemgyýetiň ruhy dünýäsiniň kämilleşmeginde halkymyzyň asyrlaryň synagyndan geçen nusgalyk ruhy-ahlak, aňyýet gymmatlyklarynyň täze derejelere çykarylmagy ýurdumyzyň ösen döwlete öwrülmeginiň wajyp sütüni bolup durýar. Biziň milli ösüş ýörelgelerimizde jemgyýetiň medeni, ruhy binýatlarynyň berkidilmegine aýratyn orun berilýär. Biziň milli hem-de şu günki medeniýetimizde, däp-dessurlarymyzda jemlenen ahlak düzgünleri, milli gymmatlyklar bellibir durmuş ýörelgelerini, jemgyýetde özüňi alyp barmagyň düzgünlerini kemala getirmäge gulluk edýär. Munuň bolsa, ýaş nesli mynasyp te

1 gün öň

Bilim

Döwletli başlangyçlaryň ýalkymy

Gahryman Arkadagymyzyň we Arkadagly Gahryman Serdarymyzyň daşyna mäkäm jebisleşen bagtyýar halkymyz şanly Garaşsyzlygymyzyň 33 ýyllyk baýramyny uludan bellemegiň bosagasynda. Watanymyzyň naýbaşy toýunyň şanyna ýurdumyzyň sebitlerinde dabaraly ýagdaýda açylyp ulanylmaga berilýän desgalar we düýbi tutulýan gurluşyklar ulus-ilimiziň şatlygyna şatlyk goşýar. Gadymy Ahal ýaýlasy hem bu gün toý keşbinde. Welaýatymyzyň etrap merkezlerinde, obadyr şäherçelerinde Garaşsyzlyk güni mynasybetli dabaralar giň gerime eýe bolýar. Önümçilik kärhanalarynyň işçi-hünärmenleri zähmet gadamlaryny barha batlandyrýarlar, pagtaçy daýhanlarymyz «ak altyn» harmanynyň beýgelmegi ugrunda yhlaslylyk görkezýärler, gallaçylarymyz bolsa, güýzlük bugdaý ekişini wagtynda tamamlamak hyjuwy bilen tutanýerli işleýärler. Munuň özi zähmetsöýer halkymyzyň Watanymyzyň baş baýramyny mynasyp derejede garşylaýandygynyň güwäsidir.

1 gün öň

Garaşsyzlyk