Türkmenmetbugat

"Türkmenistan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-88, 39-95-06, 39-95-67
Email: turkmenistan-gazeti@sanly.tm

Gazeti PDF görnüşinde ýükläp almak

Habarlar

Aýdyň geljegi nazarlap

Berkarar döwletimiziň bagtyýarlyk döwründe hormatly Prezidentimiziň baştutanlygynda ýurdumyzda amala aşyrylýan işleriň, durmuşa geçirilýän taslamalaryň her biri, ilkinji nobatda, ösüşlerimize gönükdirilýär. Edil şonuň ýaly-da halkymyzyň bähbitlerine gulluk edýär. Ata Watanymyzyň ak mermere beslenen paýtagty Aşgabatda, welaýat we etrap merkezlerinde, şäherlerde, obalarda gurulýan çagalar baglary, saglyk öýleri, mekdepler, medeniýet ojaklarydyr sport desgalary halkymyzyň eşretli, bagtyýar ýaşaýşy üçindir. Milli Liderimiziň raýatlarymyzyň ýaşaýyş-durmuşyny nusgalyk derejä çykarmak ugrunda edýän aladalary oňyn netije berýär. Aýratyn-da, soňky ýyllarda ýurdumyzda ýerli gurluşyk materiallaryny öndürmäge möhüm ähmiýet berilýär. Häzirki wagtda öndürilýän gurluşyk materiallarynyň aglaba bölegi senagat kärhanalarynyň paýyna düşýär. Kärhanalar gurluşyk materiallary bilen bir hatarda, nebitgaz we energetika pudagy üçin enjamlaryny we ätiýaçlyk şaýlaryny hem öndürýärler. Dünýä ölçeglerine laýyk gelýän döwrebap önümleri bilen tapawutlanýan senagat kärhanalarynyň bolsa sany barha artýar.

9 Fewral 2021

Döwrebap şertlerden ruhlanyp

Döwlet Baştutanymyz medeniýet ulgamynyň ösüşini hemişe üns merkezinde saklaýar. Hormatly Prezidentimiziň 7-nji fewralda sanly ulgam arkaly medeniýet ulgamyny we köpçülikleýin habar beriş serişdelerini kämilleşdirmek boýunça geçiren iş maslahatynda hem bu hakykat aýdyň ýüze çykdy. Gahryman Arkadagymyz şol iş maslahatynyň barşynda ýurdumyzda medeniýet ulgamynyň pugta maddy-enjamlaýyn binýadynyň döredilendigi we onuň ähli mümkinçilikleriniň herekete girizilmeginiň wajypdygy barada aýdanlary biz — medeniýet işgärlerini işimize has-da jogapkärli çemeleşmäge borçly edýär. Hormatly Prezidentimiz kitaphana işini ösdürmegiň meselesine hem ünsi çekip, şonuň bilen baglanyşykly elektron kitaphana ulgamynyň maglumat binýadynyň we kitaplarynyň sanynyň yzygiderli artdyrylmagy boýunça işleri geçirip, sanly kitaphana hyzmatlarynyň geriminiň giňelmegine gönükdirilen işleri dowam etmek boýunça anyk wezipeleri öňümizde goýdy.

9 Fewral 2021

Bir asyryň şaýady

Bu gün 100 ýaşy arka atyp, bir asyryň şaýady bolan uruş hem zähmet weterany Hally Esenow, «Alla ýalkasa ýaş berer, bendesi ýalkasa — aş» diýlişi ýaly, Hakdan ýalkawly, il-günden sylagly adam. Onuň iki ogly, bir gyzy, on bäş agtygy, on ýedi çowlugy bar. Gyzy Bibisoltan Esenguly etrap çeper halyçylyk kärhanasynda halyçy bolup işläp, hormatly dynç alşa çykypdyr. Uly ogly Omargylyç «Türkmennebit» döwlet konserniniň «Gamyşlyjanebit» nebitgaz çykaryş müdirliginde operator, körpesi Kerim Balkan sement zawodynda sürüji bolup zähmet çekýär. Gelinleri Ogultäçdir Rejepbibi geçmişiň şaýady, bagtyýarlyk döwrümiziň ýaşulusy bolan gaýynatasynyň halkymyzyň milli edep kadalary barada berýän öwüt-ündewleriniň durmuşda hemişe özlerine goldaw bolýandygyny aýdýarlar. Hally aga 1921-nji ýylyň 10-njy fewralynda Esenguly etrabynyň Ajyýap obasynda daýhan maşgalasynda dünýä inýär. Ol 15 ýaşynda obada döredilen  kolhozda hasapçy bolup işe başlaýar.

8 Fewral 2021

Paýhas çeşmesi

Ýer-ýurt üýtgär, adamzat üýtgemez. *  *  *

8 Fewral 2021

Salamdan başlanýar sylagdyr sarpa

— Salamälik! — Waleýkimessalam!

8 Fewral 2021

Göz edebi hakda oýlanyp...

Ýaradylyşda janly-jandarlara (ynsana, haýwana) jemgyýet, tebigat bilen sazlaşygy emele getirmek üçin, birnäçe syna peşgeş berlipdir. Ötenlerimiz şol synalaryň durmuşda ulanylyş edebi hakynda türkmençilik ýol-ýörelgeleriniň kadalaryny hem bize miras goýup gidipdirler. Muňa Azadynyň, Magtymgulynyň, Mahmyt Zamahşarynyň, Keý-Kowusyň, Mäne Babanyň, Lukman Hekimiň... ynsanperwer edebi ýadygärlikleri mysal bolup biler. Şeýle hem bu hakykaty Gahryman Arkadagymyzyň bize sowgat beren «Türkmeniň döwletlilik ýörelgesi» atly kitabynda getirilýän ençeme tymsallardyr rowaýatlar hem aýdyňlygy bilen subut edýär. Men şu ýazgymda ynsan kowumyna bagyş edilen synalaryň diňe göz bilen baglanyşykly edep-terbiýesi hakynda gürrüň etmekligi maksat edindim. Göz diýen närse — adama daş-töweregimizdäki bolup geçýän ähli wakalary görmek üçin berlen syna. Her kim öz gözi bilen gören we görýän zatlary esasynda pikir ýöredip bilýär. Pederlerimiz «Gözüň görmeli zady-da bar, görmesiz zady-da bar» diýen taglyma gulluk edipdirler.

8 Fewral 2021

Bagtyýar nesilleriň buýsanjy

Berkarar döwletimiziň bagtyýarlyk döwründe ýaş nesilleriň döwrebap bilim almagy, zähmet çekmegi üçin döwletimiz tarapyndan giň mümkinçilikler döredilýär. Bu babatda hormatly Prezidentimiz: «Türkmeniň beýik geljegi ýaşlarymyzyň bagtyýarlygy we kadaly ösüşi bilen berk baglanyşyklydyr. Ýaşlar Watanymyzyň güýji, kuwwaty, abraý-mertebesi hem-de beýik geljegidir» diýip, aýratyn nygtaýar. Şoňa görä, ýurdumyzyň ýaşlar syýasaty ýaş raýatlarymyzyň konstitusion hukuklaryny we azatlyklaryny üpjün etmäge, ýaşlar üçin hukuk, durmuş, ykdysady, guramaçylyk şertlerini we kepilliklerini döretmäge gönükdirilendir. Şeýle hem hemmetaraplaýyn ösen şahsyýeti kemala getirmek, ýaş raýatlarda watançylyk, türkmen halkynyň taryhy, medeni we ruhy gymmatlyklaryna hormat goýmak sypatlaryny ösdürmek, durmuş-ykdysady ösüş babatda döwlet syýasatynyň häzirki zaman ugurlaryna ýaş raýatlaryň aňly-düşünjeli gatnaşmaklaryny gazanmak möhüm wezipedir. Bu ugurda «Ýaşlar barada döwlet syýasaty hakynda» Türkmenistanyň Kanunyny, şeýle hem milli Liderimiziň şu ýylyň 8-nji ýanwarynda sanly wideoaragatnaşyk arkaly geçiren Ministrler Kabinetiniň mejlisinde tassyklan «Türkmenistanda ýaşlar baradaky döwlet syýasatynyň 2021 — 2025-nji ýyllar üçin Döwlet maksatnamasyny» hem-de şol maksatnamany amala aşyrmak boýunça ýerine ýetirilmeli çäreleriň Meýilnamasyny görkezmek bolar.

8 Fewral 2021

Ene mähri zyýada

Durmuşda her bir zadyň öz lezzeti, süýji ýatlamasy bolýar. Meniň üçin enemiň mähriban keşbi, öwüt-ündewden pürepür mylaýym sesi, şirin hüwdüsi unudylmajak ýatlama, çagalyk ýyllarymyň bagtyýar günleri. Aramyzda bolmasa-da, süýji ýatlamalarymda ýaşaýan garry enem Bibi Pälwanowa çagalyk durmuşymyň aýrylmaz bölegi. Ine, enem janyň hat-pet ýazmak üçin ulanan uly stoly. Ine-de, meniň doganym Abdyrahmandyr dostum Mekan bilen bileje oturan oturgyçlarymyz. Şu ýerde oturyp, garry enemiň okap berýän gyzykly ertekilerini «bir gulaga öwrülip» diňlärdik. Otagda ähli zat şol öňküligine dur, hiç zat üýtgemändir. Garry enem bize çagalykdan okap-ýazmagy öwretdi. Men garry enemiň otagyna ýygy-ýygydan barardym. Ol alymdy, taryh ylymlarynyň doktorydy, akademikdi. Hanha, otagdaky kitap tekjesinde onuň okan birgiden kitaplary dur. Mugallymymyz maňa: «Eneň otagy kitaphana meňzeýär, bärde ylymlaryň ähli ugruna degişli kitaplar bar, olar diýseň köp» diýerdi. Atamyň gürrüň bermegine görä, enem talyplyk ýyllarynda talyp hakynyň dörtden bir bölegini kitap satyn almaga sarp eder ekeni. Ine, şeýdip hem onuň şahsy kitaphanasy emele gelipdir.

8 Fewral 2021

Raýatlaryň bähbitleriniň goragynda

Ýurdumyzda islendik pudakda zähmet gatnaşyklarynyň hyzmatdaşlygyny sazlaşykly ösdürmekde jemgyýetçilik guramalaryna hem wajyp orun degişlidir. Kärdeşler arkalaşyklarynyň birleşmeleri döwlet edaralary, jemgyýetçilik birleşikleri, eýeçiligiň görnüşine garamazdan, telekeçiler we olaryň birleşikleri bilen özara gatnaşyklarynda işgärleriň durmuş-ykdysady, zähmet hukuklaryna we kanuny bähbitlerine wekilçilik edýärler hem-de goraýarlar. Işgärleriň kärdeşler arkalaşyklary guramalaryna erkin birleşmäge haky bardyr. Ýurdumyzda kärdeşler arkalaşyklaryny döretmegiň we olaryň hereket etmeginiň guramaçylyk-hukuk esaslary, hukuklary we işleriniň kepillikleri 2013-nji ýylda kabul edilen  «Kärdeşler arkalaşyklary, olaryň hukuklary we işiniň kepillikleri hakynda» Türkmenistanyň Kanuny bilen kesgitlenýär. Durmuş-zähmet gatnaşyklaryny kadalaşdyrmakda kärdeşler arkalaşyklary işçi güýjüniň zähmet şertleri bilen üpjün edilmegi, durmuş adalatlylygynyň, netijeli we ynsanperwer ykdysadyýetiň ýola goýulmagy, zähmet çygrynda zähmetkeşleriň hukuklaryny we bähbitlerini goramak ýaly wezipeleri ýerine ýetirýärler. Zähmet hyzmatdaşlygynyň çäklerinde kärdeşler arkalaşyklary guramalary zähmet hakyny tölemegiň görnüşi, ulgamy, möçberi, pul sylaglary, kömek pullary, kepillikler, zähmete hak tölemegi kadalaşdyrmagyň usullary, iş bilen üpjünçilik we işsizligiň öňüni almak, işgärleriň hünär taýdan okadylmagyny,

8 Fewral 2021

Keşbi ajaýyp Aşgabat

Hormatly Prezidentimiz Gurbanguly Berdimuhamedowyň pähim-parasaty bilen amala aşyrylýan köpugurly özgertmeleriň netijesinde halkymyz bagtyýar ýaşaýşa eýe boldy. Ýurdumyzda bilimli ýaş nesil kemala geldi. Watan her bir ynsan ýüreginde nur saçyp, tugumyz belentde parlaýar. Şähergurluşyk-binagärlik keşbi barha kämil görnüşe gelýän mähriban paýtagtymyz bu gün bagtyýar halkymyzyň göz-guwanjyna, Berkarar döwletimiziň bagtyýarlyk döwrüniň buýsanjyna öwrüldi. Hormatly Prezidentimiziň şähergurluşyk-binagärlik maksatnamasynyň üstünlikli durmuşa geçirilmeginiň netijesinde Aşgabatda ençeme medeni-durmuş maksatly desgalar gurlup ulanylmaga berildi.

8 Fewral 2021

Bagtyýar döwrüň eýeleri

Ýakynda Beki Seýtäkow adyndaky mugallymçylyk mekdebinde «Ýaşlar syýasaty –döwlet berkararlygynyň berk binýadydyr» atly wagyz-nesihat çäresi geçirildi. Hormatly Prezidentimiziň «Türkmenistan — parahatçylygyň we ynanyşmagyň Watany» ýylynyň ilkinji aýynda paýtagtymyzdaky Olimpiýa şäherçesinde türgenleşikleriň geçirilişi bilen tanyşlygy mahalynda öňde goýan wezipelerinden hem-de ýaşlaryň ählitaraplaýyn ösen, beden we ruhy taýdan sagdyn, ylymly-bilimli bolmagyny gazanmak, ýaşlarda milli mirasymyza, zähmete sarpany döretmek, sagdyn durmuş ýörelgelerini wagyz etmek, «Türkmenistanda ýaşlar baradaky döwlet syýasatynyň 2021 — 2025-nji ýyllar üçin döwlet Maksatnamasyndan», «Türkmenistanda 2021 — 2025-nji ýyllarda bedenterbiýäni we sporty goldamagyň hem-de ösdürmegiň Maksatnamasyndan» ugur alnyp geçirilen bu maslahata okuw jaýynyň talyp ýaşlary işjeň gatnaşdylar. Dabarada ilki bilen mugallymçylyk mekdebiniň mugallymy, ilkinji ýaşlar guramasynyň başlygy Nurýagdy Orazdurdyýew çykyş edip, hormatly Prezidentimiziň ýaşlar hakyndaky döwlet syýasatynyň türkmen ýaşlary üçin döwrebap bilim-terbiýe almaga, kär-hünär öwrenmäge, bedenterbiýe we sport bilen meşgullanmaga, özleriniň ukyp-başarnyklaryny, zehinlerini giňden açmaga, ata Watanymyza wepaly ýaşlar, kämil şahsyýetler bolup ýetişmäge giň mümkinçilikleri döredýändigi dogrusynda täsirli gürrüň etdi.

8 Fewral 2021

Sazlaşykly hem bökdençsiz işledilýär

Öňdebaryjy, iň täze inženerçilik-tehniki çözgütler esasynda Garaşsyzlygymyzyň ýyllary içinde welaýat merkezinde gurlan Daşoguz döwlet elektrik stansiýasynyň zähmet topary ilaty we welaýatymyzyň çägindäki edara-kärhanalary elektrik energiýasy bilen üpjün etmekde nusgalyk işleri alyp barýar. Ekologiýa taýdan arassa ýangyçda — tebigy gazda işleýän «General Electric» amerikan kompaniýasynyň gazturbinalarynyň ikisi oturdylan bu stansiýada häzirki zaman tehnologiýalarynyň ygtybarly ulanylmagy welaýatymyzyň sarp edijileriniň energiýa üpjünçiligini gowulandyrmaga mümkinçilik berýär. Ekologiýa taýdan howpsuz şertlerde ulanylýan bu stansiýanyň bökdençsiz işledilmegi welaýatymyzyň senagatynyň pajarlap ösmegine giň ýol açdy. Soňky ýyllarda welaýatymyzyň dürli künjeklerinde täze elektrik ulgamlarynyň çekilmegi, öňki hereket edýänleriniň onlarça kilometriniň abatlanylmagy, täze transformator beketleriniň we paýlaýjy ulgamlaryň ulanylmaga berilmegi elektrik energiýasynyň welaýatyň ähli ýerine bökdençsiz ýetirilmegine şert döredýär.

8 Fewral 2021

Saýlawlara taýýarlyk görülýär

Mälim bolşy ýaly, şu ýylyň 28-nji martynda ýurdumyzda Milli Geňeşiň Halk Maslahatynyň agzalarynyň saýlawlary geçiriler. Häzirki wagtda ýurdumyzyň durmuşynda möhüm waka öwrüljek bu çärä giňden taýýarlyk görülýär. Saýlaw kanunçylygyna laýyklykda, 6-njy fewralda dalaşgärleri hödürlemek çärelerine badalga berildi. Halk Maslahatyna agzalyga dalaşgärleri welaýat, etrap, şäher halk maslahatlary öz mejlislerinde hödürleýärler. Olaryň barşynda ýurdumyzyň kanunçykaryjy edarasyna halk wekili bolmaga has mynasyp dalaşgärler görkezilýär. Dalaşgärleri hödürlemegiň tertibine laýyklykda, syýasy partiýalar, raýat toparlary, welaýat, etrap, şäher halk maslahatlarynyň agzalary bolan wekilleriniň üsti bilen, Halk Maslahatyna agzalyga dalaşgärligi hödürläp bilýärler.

8 Fewral 2021

Sanly ulgam arkaly okuw maslahaty

Golaýda Birleşen Milletler Guramasynyň Ösüş Maksatnamasynyň Türkmenistandaky wekilhanasynyň guramagynda göni wideoaragatnaşyk arkaly, durmuş hyzmatyny edýän döwlet edaralarynyň we jemgyýetçilik birleşikleriniň durmuş işi boýunça ýolbaşçylary üçin «Ýerli derejede hemmetaraplaýyn ýokary hilli durmuş hyzmatlaryny girizmek arkaly durmuş goraglylygy ulgamyny kämilleşdirmek» atly maksatnamasynyň çäklerinde okuw maslahaty geçirildi. Oňa Türkmenistanyň Zähmet we ilaty durmuş taýdan goramak, Içeri işler, Saglygy goraýyş we derman senagaty, Bilim ministrlikleriniň, welaýatlaryň we Aşgabat şäher häkimlikleriniň işgärleri, Türkmenistanyň Zenanlar birleşiginiň, Magtymguly adyndaky Ýaşlar guramasynyň, Gyzyl Ýarymaý Milli jemgyýetiniň, Körler we kerler jemgyýetiniň, Maýyplaryň merkezi bedenterbiýe-sport klubynyň ähli welaýatlardaky we Aşgabat şäherindäki wekilleri hem-de «Ýeňme» jemgyýetçilik birleşmesiniň, «Keýik okara» jemgyýetçilik guramasynyň hünärmenleri gatnaşdylar. Bäş günläp dowam eden okuw maslahatynyň gün tertibine laýyklykda mowzuklaýyn okuwlar geçildi. Şeýle hem, durmuş hyzmaty ulgamy boýunça alnyp barylýan giň gerimli işler, olaryň berýän netijeleri barada özara pikir alşyldy, täze teklipler orta atyldy.

8 Fewral 2021

Seresaplylygy elden bermäň!

Hormatly Prezidentimiziň parasatly baştutanlygynda mähriban halkymyzyň ýaşaýyş-durmuş derejesini has-da ýokarlandyrmak babatdaky alnyp barylýan beýik işler uly rowaçlyklara beslenýär. Gahryman Arkadagymyzyň öňdengörüji, ynsanperwer syýasatynyň netijesinde berkarar Diýarymyz dünýäniň ösen döwletleriniň hataryna goşulýar. Ýurdumyzda amala aşyrylýan durmuş-ykdysady özgertmeler häzirki wagtda özüniň oňyn netijelerini berýär. Şunda raýatlarymyzyň abadan we howpsuz ýaşaýşyny üpjün etmek has-da möhüm iş bolup durýar. Şuňa laýyklykda, ýangyn howpsuzlyk düzgünlerini üpjün etmek meselesine aýratyn üns berilýär. Şu wajyp wezipelerden ugur alnyp Türkmenistanyň Içeri işler ministrliginiň Döwlet ýangyn howpsuzlygy gullugy öz maslahatlary bilen raýatlarymyza ýüzlenip, şulary ýatladýar. Edara-kärhanalarda ýörite bellenilen ýangyn howpsuzlygy boýunça jogapkär adamlar ýangyn ýüze çykanda raýatlaryň howpsuzlygyny üpjün etmekde uly jogapkärçilik çekýärler. Esasan hem, söwda kärhanalarynda halas ediş ýollarynda päsgelçilik beriji goşlaryň goýulmagy talabalaýyk däldir. Dükanlaryň, ammarlaryň, jemgyýetçilik iýmiti kärhanalaryň ýerzemin gatlarynda partlaýan jisimleri, gazly ballonlary, ýanýan suwuklyklary, nitro esasly laklary, nitroemallary, durmuş himiýasynyň harytlaryny, aerozol gaply harytlary, şeýle-de olardan edilen önümlerdir ýokary ýangyn howply harytlary saklamak gadagan edilýär.

8 Fewral 2021

Giň dünýäniň geň habarlary

Gün ulgamynda iň uly kanýon «Mars Reconnaissance Orbiter» taslamasynyň hünärmenleri Marsda geçiren ylmy-barlaglarynyň dowamynda Gün ulgamyndaky iň uly kanýony ýüze çykardylar. Onuň suratyny «High Resolution Imaging Science Experiment (HiRISE)» diýlip atlandyrylýan älem giňişligine çykarylan teleskop bilen düşürdiler. Titona kanýony Zemindäki iň meşhur Uly kanýondan uzynlyk babatda 10 esse, ini boýunça 20 esse uludyr, ondan 7 esse çuňdur. Kanýonyň emele gelmegini alymlar «Gyzyl saýýaranyň» okunyň gyşarmagy bilen düşündirýärler. Marsyň oky Ýeriňki ýaly durnukly däldir. Geçirilen soňky hasaplamalara görä, onuň okunyň takmynan, 10-600C üýtgändigi anyklanyldy.

8 Fewral 2021

Gender deňligi: demokratik ösüşiň hukuk binýady

Jemgyýetiň demokratiýa ýoly bilen has-da ilerlemegi birnäçe görkezijiler bilen ölçelýär. Zenanlar we erkekler üçin deň hukuklaryň we mümkinçilikleriň üpjün edilmegi şolaryň biridir. Zenanlaryň hukuklarynyň goraglylygy, deňhukuklylygy, her bir maşgalanyň abadançylygy, sagdyn nesilleriň dowamaty hem-de jemgyýet üçin sagdyn ruhly, berk bedenli, kämil şahsyýetleriň kemala gelmegi nukdaýnazaryndan wajyp şertleriň biridir. Ýurdumyz Garaşsyzlygynyň ilkinji ýyllaryndan başlap zenanlaryň jemgyýetçilik-syýasy, durmuş-ykdysady, medeni-ynsanperwer ulgamlarda alnyp barylýan işlere deňhukukly gatnaşmagyna ýardam berýän işjeň gender syýasatyny alyp barýar.

8 Fewral 2021

Dalaşgärleri hödürlemek başlandy

Berkarar döwletiň bagtyýarlyk döwründe Gahryman Arkadagymyzyň parasatly baştutanlygy bilen ähli ugurlar boýunça tutumly maksatnamalar üstünlikli durmuşa geçirilýär. Şunuň netijesinde döwletimiziň syýasy, ykdysady we hukuk binýady barha berkeýär. Milli Liderimiziň sargytlaryndan ugur alnyp, jemgyýetiň we döwletiň iň gymmatly hazynasy bolan adamyň bähbitlerini, hukuklaryny we azatlyklaryny goramak hem-de kanunçylygymyza halkara hukugynyň umumy ykrar edilen kadalaryny ornaşdyrmak ýurdumyzyň döwlet syýasatynyň ileri tutulýan ugurlarynyň biri bolup durýar. Gahryman Arkadagymyzyň ýolbaşçylygynda ähli ugurlarda guwandyryjy üstünliklere eýe bolunýar. Ýurdumyzda milli Liderimiziň taýsyz tagallalary bilen amala aşyrylýan özgertmeleriň ählisi ilatyň ýaşaýyş-durmuş derejesini has-da özgertmäge, bagtyýar geljegini üpjün etmäge, Watanymyzyň halkara abraýyny artdyrmaga gönükdirilendir.

8 Fewral 2021

Döwrebap hyzmatlaryň gurşawynda

Hojambaz etrap aragatnaşyk bölümi indi iki ýyla golaý wagtdan bäri täze binada işläp gelýär. Mälim bolşy ýaly, bölümiň täze binasy 2019-njy ýylyň aprel aýynda dabaraly ýagdaýda açylyp, ulanylmaga berlipdi. Täze binadaky döwrebap mümkinçilikler etrabyň ýaşaýjylaryna ýokary hilli aragatnaşyk hyzmatlaryny bermäge we olaryň görnüşlerini barha köpeltmäge mümkinçilik berýär. Bu ýerde «Altyn asyr» mobil operatory, poçta aragatnaşyk bölümi, Internet, öý telefonlary, elektron poçtadyr beýleki hyzmatlar üçin operatorlaryň 9-sy uzakly gün müşderiler bilen işleşýär. Sanalan ulgamlarda işleriň sanly görnüşe geçilmegi bolsa, olaryň netijeliligini has-da artdyrýar.

8 Fewral 2021

Belent sepgitler kesgitlenildi

Berkarar döwletimiziň bagtyýarlyk döwründe Gahryman Prezidentimiziň ýadawsyz tagallalary netijesinde ýaş nesil hakynda alada döwlet syýasatynyň möhüm ugurlarynyň birine öwrüldi. Häzirki wagtda türkmen ýaşlaryna bilim-terbiýe, özbaşdak durmuşa gadam basanlaryndan soň saýlap-seçen hünärleri boýunça ylym-bilim almaga ähli zerur şertler döredilýär. Gahryman hem mähriban Prezidentimiz ýaşlar biziň geljegimizdir diýmek bilen biz, ýaşlara uly ynam bildirýär. Arkadag Prezidentimiziň şu uly ynamyny ödemek üçin bolsa biz gijämizi gündiz edip, Garaşsyz, Bitarap Watanymyzyň gülläp ösmeginiň hatyrasyna döredijilikli zähmet çekmelidiris. Bilşimiz ýaly, üstümizdäki — Türkmenistan —– parahatçylygyň we ynanyşmagyň Watany ýylynda “Türkmenistanda ýaşlar baradaky döwlet syýasatynyň 2021 — 2025-nji ýyllar üçin döwlet Maksatnamasy” kabul edildi. Bu Maksatnamada bellenilişi ýaly, ýaşlar baradaky döwlet syýasaty Garaşsyz, hemişelik Bitarap Türkmenistanyň ýaş raýatlarynyň hukuklarynyň, erkinliginiň we goldanylmagynyň amala aşyrylmagyna gönükdirilen durmuş-ykdysady, syýasy, guramaçylyk hem-de hukuk çäreleriniň ulgamydyr. Şeýle hem bu resminamada Türkmenistanda ýaşlar baradaky döwlet syýasatynyň esasy ýörelgeleri kesgitlenendir. Şu ýörelgeler bolsa ýaş raýatlaryň ömrüni we saglygyny, hukuklaryny we azatlyklaryny ileri tutmakdan, ýaşlaryň hukuk we durmuş taýdan goraglylygyny üpjün etmek, ýaşlaryň jemgyýe

8 Fewral 2021

‹
1
2
...
1388
1389
1390
1391
1392
1393
1394
...
1410
1411
›