"Mugallymlar gazeti" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-53, 39-96-41, 39-96-40
Email: mugallymlar-gazeti@sanly.tm

Gazeti PDF görnüşinde ýükläp almak

Habarlar

Esasy maksat – iş usullarynyň kämilligi

Türkmenistanyň Bilim ministrliginiň ýyllyk iş meýilnamasyna laýyklykda, ýurdumyzyň mekdebe çenli çagalar edaralarynyň bilim işgärleriniň döwlet derejesindäki onlaýn görnüşli usuly-amaly maslahaty boldy. Bu maslahat «Mekdebe çenli çagalar edaralarynda çagalara bilim we terbiýe bermegiň utgaşdyrylan (okuw-terbiýeçilik işlerinde dersara baglanyşygy guramak, okuw işlerini çaganyň durmuş endiklerini ösdürmek boýunça terbiýeçilik işleri bilen utgaşykly alyp barmak) iş usullaryny kämilleşdirmek» diýen at bilen geçdi. Maslahata Aşgabat şäherinden we ýurdumyzyň ähli welaýatlaryndan mekdebe çenli bilim ulgamynyň öňdebaryjy işgärleri gatnaşdylar. Maslahatyň meýilnamasyna laýyklykda, Türkmenistanyň Milli bilim institutyndan çykyşlar diňlenildi. Çykyşlarda çagalar baglarynda okuw-terbiýeçilik işlerini sazlaşykly alyp barmagyň, guralýan her bir sapaklarda dersara baglanyşygy ýola goýmagyň çaga terbiýesinde ähmiýetiniň uludygy barada bu ugurda zähmet çekýän bilim işgärlerine usuly maslahatlar berildi.

4 Fewral 2021

Bilim

Tebigaty goramagy öwretmek

Berkarar döwletimiziň bagtyýarlyk döwründe tebigatymyzy goramak we onuň gorlaryny tygşytly peýdalanmak döwlet syýasatynyň esasy ugurlarynyň biridir. Tebigat bilen adamzadyň sazlaşykly aragatnaşygyny ýola goýmak üçin dogry ekologik aňy emele getirmek wajypdyr. Pedagogik nukdaýnazardan seredilende, terbiýäniň birnäçe görnüşleri tapawutlandyrylýar. Nesliň ekologik terbiýesi pedagogikada täze düşünje bolup, ekologik terbiýe çaganyň tebigata bolan pikirini we endiklerini kämilleşdirmäge gönükdirilen işlerdir.

4 Fewral 2021

Bilim

Ýylyň mugallymy

Ähli ýerde bolşy ýaly mekdep mugallymlarynyň arasynda guralýan «Ýylyň mugallymy —2021» atly bäsleşigiň Sarahs etrap tapgyry hem guramaçylykly geçirildi. Bäsleşik etrapdaky 18-nji orta mekdepde bolup, ony etrap bilim bölümi gurady. Oňa mekdepara geçirilen bäsleşiklerde ýeňiji bolan mugallymlar gatnaşdylar. Bäsleşige gatnaşan mekdep mugallymlary «Türkmenistan — parahatçylygyň we ynanyşmagyň Watany» ýylynda ýurdumyzyň bilim ulgamyna girizilen özgertmelerden ugur alyp, interaktiw tagtasynyň üsti bilen dürli görkezme esbaplardan peýdalanyp, özleriniň hünäri boýunça kämilligini, bilim-terbiýe bermekde okuw-terbiýeçilik, usuly-gözegçilik işleriniň hiliniň ýokarydygyny, hukuk kämilliklerini, syýasy işjeňlik, ahlak sypatlaryny, medeniýetlilik derejesini aýan etmek arkaly ukyp-başarnygyny görkezdiler. Bilim işgärleriniň bäsleşigiň şertleri boýunça ýerine ýetiren çykyşlary olaryň iş tejribelerini açyp görkezdi. Etrapdaky 18-nji orta mekdebiň taryh mugallymy Meýlis Akmyradow bäsleşigiň etrap tapgyrynda baş baýraga mynasyp bolup, ol welaýat derejesinde geçiriljek bäsleşige gatnaşmaga hukuk gazandy. Bäsleşigiň 1-nji, 2-nji, 3-nji orunlaryna 11-nji, 10-njy, 17-nji, 3-nji orta mekdepleriň mugallymlary degişlilikde Mähri Annamyradowa, Gunça Allaberdiýewa, Atamyrat Annaýew, Merjen Gaýypowa dagy mynasyp boldular. Bäsleşigiň etrap tapgyrynda ýeňiji bolanlara etrap bilim bölüminiň, Ylym we bilim i

4 Fewral 2021

Bilim

Bilimli ýaşlar — ýurduň geljegi

«Altyn asyryň altyn zehinleri» atly ders bäsleşiginiň Ak bugdaý etrap tapgyry guramaçylykly geçirildi. Etrapdaky 1-nji, 16-njy hem-de ýöriteleşdirilen 28-nji orta mekdeplerde guralan bäsleşige onuň mekdebara tapgyrlarynda öňe saýlanan 9-njy, 10-njy, 11-nji synp okuwçylary gatnaşyp, degişli dersler boýunça bilim we zehin başarnyklaryny görkezdiler. Ýurdumyzyň geljegi bolan ýaşlaryň arasyndan zehinleri ýüze çykarmakda we olaryň bilime höwesini artdyrmakda uly ähmiýete eýe bolan bäsleşigiň nobatdaky tapgyry netijeli häsiýeti bilen tapawutlandy. Ýaşlar oňa işjeň gatnaşyp, bilime ymtylyşyny we höwesini aýan etmegi başardylar. Munuň özi türkmen dili, rus dili, iňlis dili, taryh, matematika, informatika, biologiýa, geografiýa, himiýa, fizika ýaly dersler boýunça aýratyn tapawutlananlary öňe saýlamaga şert döretdi. Bäsleşigiň netijesinde 9-njy, 10-njy, 11-nji synp okuwçylarynyň arasyndan agzalan dersleriň her biri boýunça ýeňijiler aýratynlykda kesgitlendi. Onda birinji, ikinji, üçünji orunlara mynasyp bolan ýaşlar bäsleşigiň welaýat tapgyryna gatnaşmak bagtyna eýe boldular.

4 Fewral 2021

Bilim

Hünäre kämillik — döwrüň talaby

Ýurdumyzda saglygy goraýyş ulgamynyň işgärlerini taýýarlaýan ýeke-täk ýokary okuw mekdebi bolan Myrat Garryýew adyndaky Türkmenistanyň Döwlet lukmançylyk uniwersitetiniň döredilenine şu ýyl 90 ýyl bolýar. Bu ýokary okuw mekdebiniň professor-mugallymlarynyň tagallasy bilen talyplar ynsan saglygyny goramak ýaly asylly hünäri öwrenýärler. 2010-njy ýylda bu bilim ojagynyň taryhynda ýatdan çykmajak wakalar boldy. Has anygy, 2010-njy ýylyň 27-nji awgustynda bu ýokary okuw mekdebi uniwersitet derejesini alýar. Şol ýylyň 1-nji sentýabrynda Bilimler we talyp ýaşlar gününde hormatly Prezidentimiziň gatnaşmagynda lukmançylyk uniwersitetiniň 3000 orunlyk täze binalar toplumy açylyp, ulanylmaga berildi. Täze binalar toplumynda mugallymlardyr talyp ýaşlar üçin işlemäge, okamaga, ylmy işler bilen meşgullanmaga ähli şertleriň döredilendigi guwandyryjydyr.

4 Fewral 2021

Bilim

Bilim

ZEHINLILERI SAÝLAÝAN BÄSLEŞIK Berkarar döwletimiziň bagtyýarlyk döwründe hormatly Prezidentimiziň taýsyz tagallalary bilen ýurdumyzyň bilim ulgamy düýpli kämilleşdirilýär, Watanymyzyň geljegi bolan ýaş nesliň döwrebap bilim almagy, alan bilimlerini yzygiderli ösdürmegi üçin ähli zerur şertler döredilýär. «Türkmenistan — parahatçylygyň we ynanyşmagyň Watany» ýylynda hem ýaşlaryň zehin, bilim mümkinçiliklerini açyp görkezmek maksady bilen geçirilýän çärelere, bäsleşiklere badalga berilýär.

4 Fewral 2021

Bilim

Harby talybyň üstünligi

Golaýda Russiýa Federasiýasynyň «Erudit» ylym-bilim merkeziniň guramagynda onlaýn görnüşinde «Erudit online» halkara internet olimpiadasy geçirildi. Olimpiada birnäçe döwletden, şol sanda Türkmenistandan hem isleg bildirýän ýaşlar gatnaşdylar. Olar öz aralarynda ylmyň dürli ugurlary boýunça test görnüşinde bäsleşdiler. Sanlyja gün mundan öň bolsa, bäsleşigiň ýeňijileri yglan edildi. Olaryň arasynda Türkmenistanyň Serhet institutynyň 5-nji ýyl harby talyby Begli Gurbandurdyýewiň hem ady bar. Ol halkara internet olimpiadasynda biologiýa dersiniň «Adam fiziologiýasy» ugry boýunça bäsleşip, 3-nji orna mynasyp boldy. Harby talyp Begli Gurbandurdyýew «Erudit» ylym-bilim merkeziniň 3-nji derejeli diplomy hem-de bürünç medaly bilen sylaglanyldy. Bu bolsa diňe bir Begliniň şahsy üstünligi bolman, eýsem, Türkmenistanyň Döwlet serhet gullugynyň, galyberse-de, ýurdumyzyň ýokary derejeli ylym-bilim ulgamynyň täze üstünligidir.

3 Fewral 2021

Bilim

Sanly ulgamyň döwrebap mümkinçilikleri

Sanly ulgamyň dünýä ýüzünde uly tizlik bilen ösýän döwründe ýurdumyzda durnukly ykdysady ösüşi üpjün etmek boýunça strategik ähmiýetli wajyp wezipeler kesgitlenilýär. Şunuň bilen baglylykda, hormatly Prezidentimiziň ýurdumyzyň ähli ulgamlaryny sanly ykdysadyýete geçirmek bilen baglanyşykly öňde goýýan wezipelerini iş ýüzünde üstünlikli amala aşyrmak maksady bilen, «Türkmenistanda 2019 — 2025-nji ýyllarda sanly ykdysadyýeti ösdürmegiň Konsepsiýasy» hereket edýär. Mälim bolşy ýaly, konsepsiýada jemgyýetimiziň ähli düzümlerini sanly ulgama geçirmäge gönükdirilen işleri üç tapgyrda amala aşyrmak göz öňünde tutulýar. Şol esasdan hem, häzirki wagtda ähli ulgamlaryň işini sanlylaşdyrmak möhüm wezipe hökmünde ileri tutulýar. Sanly ulgama geçmek işleri ýurdumyzyň ähli pudaklarynda, şol sanda ulag we kommunikasiýa ulgamlarynda hem ýokary depginde alnyp barylýar. Bu aýratyn hem aragatnaşyk ulgamynyň mysalynda uly ähmiýete eýe bolup durýar. Aragatnaşyk ulgamyndaky işleriň kämilleşdirilmegini hemmetaraplaýyn ösüşiň özi talap edýär. Şonuň üçin hem bu ugurdaky işler döredilen mümkinçilikler esasynda görnetin ýokarlandy hem-de sanly ulgama geçmek ýokary derejede dowam edýär. Muňa raýatlarymyzyň elektron hyzmatlaryndan peýdalanmaklaryny, dürli ulgamlar bilen baglylykdaky gatnaşyklarynda internet arkaly töleg, resmileşdirme, aragatnaşyk hyzmatlary ýaly mümkinçilikleri ulanmaklaryny mysal getirme

3 Fewral 2021

Bilim

Kitap oka, öwren, döret!

Kitap adamzat ýaşaýşynyň aýrylmaz bir bölegi bolup, maglumatlaryň tükeniksiz çeşmesidir, geçmişi geljek bilen birleşdirýän köprüdir, beýik akyldarlaryň, danalaryň, parasatly gojalaryň... dürdäne setirlerinden döräp, bize terbiýe sapagyny berýän, basgançaklary gutarmaýan beýik bir ymaratdyr. Durmuşda dogry ýoly salgy berýän dost kitapdyr. Ol bilimiň çeşmesi bolup hyzmat edýär, dünýägaraýşyň giňemegine täsir edýär. Ynsan kitap okamakdan ruhy lezzet alýar. Adamzat durmuşynda iň möhüm serişdeleriň biri bolup durýan kitap seni dünýäniň meşhur adamlary, alymlary, ýazyjylary, suratkeşleri, kompozitorlary... bilen duşurýar, dürli ylymdan ders berýär. Ol hiç wagt garramaýar, hemişe juwan, hemişe seniň gullugyňa häzir wepaly bir hyzmatkärdir. Sen haýsy döwrüň taryhyndan, haýsy milletiň ykbalyndan heň buýursaň, kitap seniň arzuwyňy ýerine ýetirýän, armany-ýadamany bilmeýän, aýdym aýdyp, saz çalyp berýän hoşowaz bir bagşy ýalydyr. Biz kitap okaýarkak, ýörejek ýolumyzy saýgarýarys, durmuşda ýalňyşmazlygy, ýalňyşanlary bagyşlamagy, özgeleriň ýalňyşlaryndan hemişe netije çykarmagy, kanagatly, sabyrly, geçirimli bolmagy öwrenýäris hem-de haýsy ugurda üstünlik gazanjakdygymyza göz ýetirýäris. Ol biziň öz duýgy-düşünjelerimizi, pikirlerimizi, garaýyşlarymyzy seljermäge kömek edýär.

3 Fewral 2021

Bilim

Dürler hazynasy

Halkyna baky bagty peşgeş beren hormatly Prezidentimiziň taýsyz tagallasy bilen kitaphana ulgamy ösen derejelere ýetirildi. Döwrüň talaplaryna doly laýyk gelýän bitewi elektron kitaphana ulgamy döredildi. Bu bolsa röwşen geljegimiz bolan ýaş nesliň ylymly-bilimli bolmagyna, dünýägaraýşynyň ýokary derejede ösmegine ýardam berýär. Merdana halkymyz gadymy döwürlerden bäri kitaplara aýratyn gymmatlyk hökmünde seredipdir. Taryhymyza ser salsak, Merwde, Köneürgençde birnäçe gadymy kitaphanalaryň bolandygyna göz ýetirýäris. Bu kitaphanalarda juda gymmatly kitaplar saklanypdyr hem-de olar ylmyň we medeniýetiň merkezi hasaplanylypdyr.

3 Fewral 2021

Bilim

Bilimli nesil kuwwatly Watanymyzyň daýanjydyr

Berkarar ýurdumyzda ýaş nesil baradaky alada döwlet syýasatynda ileri tutulýan ugur hökmünde kesgitlenendir. Hormatly Prezidentimiziň paýhasly ýolbaşçylygynda ylym-bilimden paýly, giň dünýägaraýyşly ýaşlaryň kemala gelmegi ugrunda ägirt uly işler durmuşa geçirilýär. Ata Watanymyzyň gülläp ösüşiniň berk binýady bolan ylym-bilim ulgamyny ösdürmeklige, onuň maddy-enjamlaýyn binýadyny pugtalandyrmaga, sanly tehnologiýalary giňden ornaşdyrmaga aýratyn üns berilýär. Bularyň aňyrsynda dana pederlerimiziň asyrlar aşyp gelýän watansöýüjilik, parasatlylyk ýörelgelerini mynasyp dowam etdirýän, bilimli, ylymly nesilleri terbiýeläp ýetişdirmek baradaky aladalar jemlenendir. Sebäbi ylymly, sagdyn, ruhubelent ýaşlar Garaşsyz, baky Bitarap ýurdumyzyň daýanjydyr. «Türkmenistan — parahatçylygyň we ynanyşmagyň Watany» ýylynda kabul edilen «Türkmenistanda ýaşlar baradaky döwlet syýasatynyň 2021 — 2025-nji ýyllar üçin Döwlet maksatnamasy» hem ýurdumyzda ýaşlar baradaky döwlet syýasatyny üstünlikli amala aşyrmak, ylym-bilim, ösen tehnologiýalar bilen düýpli gyzyklanýan ýaşlary ýüze çykarmak, zähmetsöýer, ylymly-bilimli, bedew batly ösüşlerimize mynasyp goşant goşýan kämil nesilleri terbiýeläp ýetişdirmek, watansöýüjiligi, ynsanperwerligi, zähmete söýgini terbiýelemek baradaky maksatlardan ugur alýar. Täze taryhy döwürde ýaş nesliň bilim almaga bolan hukuklaryny üpjün etmek, olara berilýän bilimiň dü

3 Fewral 2021

Bilim

Bilimli nesliň aladasy

Çaga jemgyýetiň aýratyn hukukly bölegidir. Şoňa görä-de ýurdumyzda olaryň hemmetaraplaýyn we sazlaşykly ösmegi üçin zerur şertler döredilýär. «Bilim hakynda» Türkmenistanyň Kanunynda mekdebe taýýarlygyň hökmanydygy hukuk taýdan berkidilendir. Mekdebe taýýarlyk maşgalada, mekdebe çenli çagalar edaralarynda amala aşyrylýar. Çagalaryň beýnisiniň ösüş döwründe hem-de geçiş döwründe olara örän seresaply, ünsli we jogapkärçilikli seredilmelidir. Mekdebe çenli çagalar edaralarynyň terbiýeçileri bilen orta mekdepleriň başlangyç synp mugallymlary çaga terbiýesinde ýakyn gatnaşykda bolmalydyr. Orta mekdepleriň başlangyç synp mugallymlary çagalar baglarynyň mekdebe taýýarlaýyş toparlarynyň sapaklaryna ýygy-ýygydan gatnaşyp, geljekde özlerine okamaga geljek körpeler bilen, olaryň bilim derejesi, terbiýesi, häsiýeti bilen tanyşmalydyr. Terbiýeçiler bolsa başlangyç synplaryň sapaklaryna ýygy-ýygydan gatnaşyp, çagalar bagynda terbiýelenen çagalaryň bilim derejelerini ösdürişleri, özlerini alyp baryşlary bilen gyzyklanyp durmalydyr.

2 Fewral 2021

Bilim

Sanly ulgamy ösdürmekde ýaşlaryň orny

«Türkmenistanda 2019 — 2025-nji ýyllarda sanly ykdysadyýeti ösdürmegiň Konsepsiýasyna» laýyklykda, ýurdumyzda döwrebap tehnologiýalary işjeň ornaşdyrmak hem-de köpçülikleýin habar beriş serişdelerini elektron görnüşe geçirmek bilen baglanyşykly işler alnyp barylýar. «Türkmenistan – parahatçylygyň we ynanyşmagyň Watany» ýylynda halk hojalygynyň ähli pudaklarynda sanly ulgam çalt depginlerde durmuşa ornaşdyrylýar. Türkmenistanyň Prezidentiniň ýanyndaky Döwlet gullugy akademiýasy hormatly Arkadagymyzyň alyp barýan içeri we daşary syýasatynyň durmuşa geçirilmegine işeňňir gatnaşýar. Ýurduň halk hojalygynyň dürli pudaklaryndan gelýän ýaş hünärmenler döwlet buýurmalary esasynda hünär derejelerini ýokarlandyrýarlar we gaýtadan şertnamalaýyn esasda magistratura okuwlary boýunça hünärmenler taýýarlanýar. Akademiýada diňleýjiler çylşyrymly ýiti bäsleşikli bazar ykdysady şertlerinde ykdysady, hukuk we ynsanperwer ugurlar boýunça bilim alýarlar. Aýratyn bellemeli zatlaryň biri sanlylaşdyrmak ulgamy boýunça olar bilimleri ele almak bilen, iş endikleriniň inçe syrlaryny halypa professor-mugallymlaryndan, ýurduň öňdebaryjy pudaklarynyň ýokary derejeli hünärmenleri utgaşdyryjy mugallymlaryndan öwrenýärler.

2 Fewral 2021

Bilim

Çagalar bagy bilen maşgalanyň körpeleri terbiýelemekdäki ähmiýeti

Ýaş nesle berilýän bilimiň hilini dünýä derejesine ýetirmekde, onuň kämil bolmagynda ata-enäniň orny uludyr. Olar çaga terbiýesinde milli oýunlary, sanawaçlary, matallary ulanyp durmalydyrlar. Çaga özüne erteki aýdyp berilmegini, goşgy, sanawaç öwredilende olary ýat tutup, ata-enesine aýdyp berip, olaryň diňlemegini, suratly kitaplara seredip, özleri bilen gürrüň edilmegini isleýär. Sözleýşiň kämil bolmagynyň binýady ilki maşgalada, soňra çagalar bagynda alnyp barylýan işleriň esasynda goýulýar. Çaga üçin möhüm bolan bu iki tarapyň özara hyzmatdaşlygy zerurdyr. Çaga terbiýesinde ata-eneleriň hem öňünde uly borç durýar. Her bir maşgala öz çagasynyň ösüşi, terbiýesi üçin jogapkärçilik çekýär, döwletimiz bolsa maşgalanyň öz borçlaryny ýerine ýetirmegi, çaganyň ýaşamagy, goraglylygy we kadaly ösmegi üçin ähli şertleri döredip, olara uly ýardam berýär.

2 Fewral 2021

Bilim

Edebiýat sapagynda milliligiň beýany

Bilim ulgamynyň döwrüň talabyna laýyklykda özgermegi, okuwçylara berilýän bilimiň kämilleşmegi, bilim edaralarynyň täze tehnologiýalar bilen üpjün edilmegi hormatly Prezidentimiz Gurbanguly Berdimuhamedowyň ýaş nesliň geljegi ugrunda alyp barýan beýik işleriniň oňyn netijeleridir. Häzirki wagtda ýurdumyzda çagalara berilýän bilimiň hilini ýokarlandyrmaga, şeýle-de dersleri terbiýe bilen utgaşykly alyp barmaga aýratyn üns berilýär. Şoňa laýyklykda, hormatly Prezidentimiz tarapyndan ýaş nesliň ýokary aň-düşünjeli, sagdyn bedenli, kämil şahsyýetler bolup kemala gelmegi, olaryň täze tehnologiýalardan gowy baş çykarýan ýaşlar bolup ýetişmegi üçin birnäçe mümkinçilikler döredilýär. Şol mümkinçilikleri netijeli peýdalanyp, biz mugallymlar guraýan her bir sapagymyzda okuwçylara bilim bermek bilen bir hatarda, olary milli däp-dessurlarymyza laýyklykda ýokary ahlak sypatly, terbiýeli ýaşlar edip ýetişdirmäge ünsli çemeleşýäris. Okuwçylary derse höweslendirmek mugallymyň esasy wezipesidir. Şonuň üçin men hem sapagyň täsirliligini artdyrmakda dürli iş usullaryndan ýerlikli peýdalanýaryn.

2 Fewral 2021

Bilim

Asylly käriň dowamaty

Kärdeşimiz, halypa Nabat mugallymyň zähmet ýoluna başlanyna ýarym asyr wagt geçipdir. Biz — mugallymlar ony bu sene bilen gutlap, ýagşy arzuwlary aýtdyk. Her kim öz ýadynda galan, özüne ýakyn bolan ýatlamalary bilen söze başlaýar. Men ýedi onlugy arka atan, henizem gujurly zenanyň keşbine syn edip, ol barada bilýän zatlarymy aňymda aýlap otyryn. Ol 22 ýaşyndaka şu mekdepde işe başlanda, 50 ýyl işlän Allaguly mugallyma geň galyjylyk bilen bakypdy. Bu günki gün bolsa özüniň bu kärde 50 ýyl işländigine haýran galýardy. Onuň mekdepde we obada ýörgünli ady Nabat mugallym, mugallymçylygynyň daşyndan eden, edýän işleri sanardan kän. Maldar, daýhan, keşdeçi, gaýmaçy, örümçi, ene, başarjaň hojalykçy. Onuň elinden köp hünär gelýär. Ol häzirem sygyr sagmagy, çörek bişirmegi kyn iş hasap edenok, mahlasy, on barmagynyň hersinden on hünär dökülýän diýilýänlerden. Belki, onuň şol ruhubelentligi, şadyýanlygy juwan görkezýändir. Oňa daşyndan syn eden, ýedi onlugy arka atandyr öýtmez. Ol gelinleriniň, gyzlarynyň maslahatçysy.

2 Fewral 2021

Bilim

Watanymyzyň kuwwaty ýaşlar

Mähriban Prezidentimiz ylymly-bilimli, halkymyzyň ruhy-ahlak gymmatlyklaryna belent sarpa goýýan, sagdyn durmuş ýörelgesine eýerýän, saýlan hünäriniň eýesi bolup, döwletimiziň ösüşine mynasyp goşant goşmaga ukyply ýaşlary terbiýeläp ýetişdirmegi bagtyýarlyk döwrümiziň möhüm wezipeleriniň biri hökmünde kesgitleýär. Milli Liderimiziň «Döwlet adam üçindir!» diýen baş taglymatly ynsanperwer döwlet syýasatynda mynasyp orun alan ýaşlaryň okamaklary, işlemekleri, sport bilen meşgullanmaklary, dynç almaklary üçin ähli şert-mümkinçilikleriň döredilýändigi buýsandyryjy ýagdaýdyr. «Türkmenistan — parahatçylygyň we ynanyşmagyň Watany» ýylynyň möhüm wakasy hökmünde kabul edilen «Türkmenistanda ýaşlar barada döwlet syýasatynyň 2021 — 2025-nji ýyllar üçin Döwlet maksatnamasyny» durmuşa geçirmek boýunça amala aşyrylýan işler hem bu ajaýyp hakykatyň aýdyň subutnamasy bolup durýar.

1 Fewral 2021

Bilim

Döwrebap usullardan peýdalanýarys

Gahryman Arkadagymyzyň milli bilim ulgamyny ösdürmek boýunça başlangyçlary rowaçlyklara beslenýär. Milli Liderimiziň: «Bilim, ylym we tehnika ulgamlarynda gazanylýan üstünliklere esaslanyp, milli bilim ulgamyny ösdürmelidiris. Bilimli, zähmetsöýer, giň dünýägaraýyşly, öňdebaryjy tehnologiýalardan oňat baş çykarýan ýokary derejeli hünärmenleri terbiýeläp ýetişdirmelidiris» diýen pähim-paýhasly sözlerinden ugur alýan mekdebimiziň mugallymlary talyplara bilim bermekde döwrebap usullardan peýdalanýarlar. Talyp ýaşlaryň arasynda sagdyn durmuş ýörelgesini ündeýän wagyz-nesihat çärelerini yzygiderli geçirip durýarlar. Olarda hormatly Prezidentimiziň «Döwlet adam üçindir!» diýen taglymatyna esaslanyp, ýaşlaryň watansöýüji, ylymly-bilimli, sagdyn hem-de ruhubelent bolup ýetişmekleri ugrunda ähli zerur şertleriň döredilýändigi buýsanç bilen bellenilýär. Gahryman Arkadagymyzyň «Türkmenistanyň dermanlyk ösümlikleri» atly ylmy-ensiklopedik kitabynda beýan edilýän dermanlyk ösümlikleriň, şeýle-de üzärlik tüssesiniň peýdasy düşündirilýär. Mekdebimiziň okuw sapaklary geçilýän otaglarynda ýokanç keselleriň öňüni almak maksady bilen, arassaçylyk we zyýansyzlandyryş işleri yzygiderli alnyp barylýar. Berkarar döwletimiziň bagtyýarlyk döwründe başlangyç hünär okuw mekdebimizi üstünlikli tamamlan ýaşlaryň ýurdumyzyň oba hojalygynyň dürli pudaklarynda göreldeli zähmet çekmegi bizi has-da buýsandyrýa

1 Fewral 2021

Bilim

Altyn asyryň altyn zehinleri

Hormatly Prezidentimiziň mekdep okuwçylarynyň tebigy zehinini açmak we ösdürmek babatda bilim işgärleriniň öňünde goýan wezipelerini durmuşa geçirmek, ukyp-başarnyklaryny görkezen mekdep okuwçylaryny höweslendirmek we halkara bäsleşiklere taýýarlamak maksady bilen geçirilýän «Altyn asyryň altyn zehinleri» atly ders bäsleşiginiň Balkanabat şäher tapgyry welaýat merkezindäki tebigy ugurly derslere ýöriteleşdirilen 21-nji, 7-nji orta mekdeplerde, Balkanabat nebitçilik orta hünär okuw mekdebinde geçirildi. Oňa şäherdäki mekdepleriň 9-10-11-nji  synp okuwçylary gatnaşdylar. Bäsleşigiň açylyş dabarasynda çykyş edenler Berkarar döwletimiziň bagtyýarlyk döwründe ýurdumyzda ýaşlaryň ylymly, bilimli, ähli dünýägaraýyşly bolup ýetişmekleri ugrunda ähli mümkinçilikleriň döredilýändigini buýsanç bilen belläp, bu ugurda dünýä nusgalyk işleri amala aşyrýan Gahryman Arkadagymyzyň janynyň sag, ömrüniň uzak bolmagyny arzuw etdiler.

1 Fewral 2021

Bilim

Daşary ýurt dilleriniň okadylyşy kämilleşdirilýär

Berkarar döwletimiziň bagtyýarlyk döwründe ylym-bilim ulgamyny kämilleşdirmäge aýratyn üns berilýär. Bilim ulgamynda amala aşyrylýan özgertmeler, okatmagyň dünýäde ykrar edilen öňdebaryjy usullaryna we milli tejribä esaslanýan bilim maksatnamalary kabul edilýär. Şolaryň hatarynda daşary ýurt dillerini okatmagy kämilleşdirmek boýunça maksatnamalar hem bar. Hormatly Prezidentimiziň başlangyçlary bilen daşary ýurt dillerini öwrenmek we öwretmek üçin ähli zerur bolan mümkinçilikler döredilýär. Şondan ugur alnyp, mekdep okuwçylarynyň azyndan üç dili suwara bilmegini gazanmak esasy wezipe hökmünde kesgitlenildi. Şeýlelikde, ýurdumyzdaky umumybilim berýän orta mekdeplerde okadylýan daşary ýurt dili dersleriniň sany artdyryldy we täze okuw maksatnamalary girizildi. Dil derslerini çuňlaşdyryp öwredýän orta mekdepleriň birnäçesi ulanmaga berildi. Olarda okuwçylaryň daşary ýurt dillerini has çuňňur öwrenmegi üçin ähli mümkinçilikler döredildi, daşary ýurt dillerinde täze okuw kitaplary we gollanmalar çap edildi. Ýurdumyzda hereket edýän dil merkezleriniň sany artdyryldy.

1 Fewral 2021

Bilim