"Mugallymlar gazeti" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-53, 39-96-41, 39-96-40
Email: mugallymlar-gazeti@sanly.tm

Gazeti PDF görnüşinde ýükläp almak

Habarlar

Täze okuw ýylyna ýokary taýýarlyk bilen

Şu günler ýurdumyzyň ähli bilim işgärleri, mekdep okuwçylary hem-de ene-atalar ýakynlap gelýän täze okuw ýylyny garşylamaga işjeň taýýarlyk görýärler. Umumybilim berýän orta mekdepleriň we mekdebe çenli çagalar edaralarynyň öňdebaryjy bilim işgärleriniň «Pähim-paýhas ummany Magtymguly Pyragy» ady bilen geçen awgust maslahatlarynda hem hormatly Prezidentimiz Serdar Berdimuhamedowyň baştutanlygynda üstünlikli amala aşyrylýan bilim özgertmeleriniň ileri tutulýan wezipeleri giňişleýin ara alnyp maslahatlaşyldy. 12 — 17-nji awgustda geçirilen etrap (şäher) usuly-amaly okuwlarynda, 19-njy awgustda etrap (şäher) maslahatlarynda hem-de 20-nji awgustda Aşgabat we Arkadag şäherleriniň, ýurdumyzyň welaýatlarynyň Baş bilim müdirliklerinde guralan maslahatlarda bilim işgärleriniň ösüp gelýän ýaş nesli terbiýelemekdäki wezipeleri, geçen okuw ýylynda gazanylan üstünlikler hem-de täze okuw ýylynda meýilleşdirilýän işler barada pikir alşylyp, olary durmuşa geçirmegiň netijeli çözgütleri beýan edildi. Maslahatlarda çykyşlara giň orun berildi. Çykyş edenler «Bilim hakynda» Türkmenistanyň Kanunyna, Türkmenistanyň Prezidentiniň şu ýylyň 25-nji maýynda gol çeken Karary bilen tassyklanan «Türkmenistanda umumybilim maksatnamalary boýunça okatmagyň usulyýetini kämilleşdirmegiň 2028-nji ýyla çenli Konsepsiýasyna» we ony amala aşyrmak boýunça ýerine ýetirilmeli çäreleriň Meýilnamasyna, şeý

22 Awgust 2024

Bilim

Mekdep bazaryndan mekdebe

Şu günler ýurdumyzyň ähli ýerinde mekdep bazarlarynyň gyzgalaňly wagty. Bu söwda nokatlary öz alyjylarynyň isleglerini doly kanagatlandyrýar we geljegimiz bolan ýaş nesle, mekdep okuwçylaryna gerek bolan, ýurdumyzyň telekeçileri tarapyndan öndürilen okuw esbaplarynyň dürli görnüşlerini elýeter bahadan ilata hödürleýärler. Şeýle mekdep bazarlary sebitde ýeke-täk «akylly» şäher bolan Arkadag şäherinde hem 1-nji awgustdan bäri halka hyzmat edip gelýär. Bu bolsa raýatlarymyzyň ösen isleglerini kanagatlandyrmakda möhüm ähmiýete eýedir. Mekdep bazarlarynda okuwçylara niýetlenip ýörite tikilen egin-eşiklerden başlap, ähli okuw dersleri üçin niýetlenen harytlaryň dürli görnüşlerini bu ýerden tapmak mümkin. Özem ýurdumyzda öndürilen harytlar.

22 Awgust 2024

Bilim

Döwrebap işler, guwandyryjy netijeler

Berkarar döwletiň täze eýýamynyň Galkynyşy döwründe ýurdumyzyň bilim edaralarynyň işiniň döwrebap derejede kämilleşdirilmegi netijesinde hemmetaraplaýyn bilimli, watansöýüji, zähmetsöýer, sagdyn ruhly, giň dünýägaraýyşly nesil kemala gelýär. Ösüş-özgerişli döwrümizde ata Watanymyza, Gahryman Arkadagymyza, Arkadagly Gahryman Serdarymyza, il-günümize mynasyp, kämil bilimli nesli terbiýeläp ýetişdirmekde Ahal welaýatynyň bilim-terbiýeçilik edaralarynda alnyp barylýan işler has-da guwandyryjydyr. Ýurdumyzyň bilim ulgamynda amala aşyrylýan özgertmeleriň çäginde welaýatda bilim-terbiýeçilik işi barha kämilleşdirilýär, yzygiderli gurlup ulanmaga berilýän döwrebap mekdeplerdir çagalar baglarynyň sany ýylsaýyn artýar. Geçen okuw ýylynda ýurdumyzyň bu sebitinde bilim edaralarynyň 374-si, şol sanda umumybilim berýän mekdepleriň 240-sy, mekdebe çenli çagalar edaralarynyň 133-si, şeýle-de welaýat Saglygy dikeldiş okuw-terbiýeçilik toplumy hereket etdi. Okuw ýylynyň dowamynda mekdeplerde, şol sanda welaýat Saglygy dikeldiş okuw-terbiýeçilik toplumynda okuwçylaryň 225 müň 174-si, mekdebe çenli çagalar edaralarynda körpeleriň 25 müň 893-si döwrebap bilim we terbiýe aldy.

22 Awgust 2024

Bilim

Hytaýda we Malaýziýada tejribelik geçýärler

Ýurdumyzyň nebitgaz ugry boýunça hünärmenleri taýýarlamaga ýöriteleşen baýry bilim ojagy bolan Ýagşygeldi Kakaýew adyndaky Halkara nebit we gaz uniwersiteti daşary ýurtlaryň abraýly ýokary okuw mekdepleri, ugurdaş halkara guramalardyr kompaniýalar bilen ylym-bilim ulgamynda işjeň hyzmatdaşlygy alyp barýar. Hytaýyň Milli nebitgaz korporasiýasy (CNPC) we Malaýziýanyň «PETRONAS» kompaniýasynyň Tehnologiýalar uniwersitetiniň arasynda baglaşylan özara düşünişmek hakynda Ähtnamalaryň çäginde türkmen talyplaryna agzalan ýurtlarda okuw-önümçilik tejribeliklerini geçmek üçin döredilýän şertler hem bu ugurdaky işleriň üstünliklere beslenýändigine şaýatlyk edýär. 2023-nji ýylyň ýanwaryndan bäri Ýagşygeldi Kakaýew adyndaky Halkara nebit we gaz uniwersiteti bilen Hytaýyň Milli nebitgaz korporasiýasynyň arasynda özara düşünişmek hakynda Ähtnama hereket edýär. Şoňa laýyklykda, Türkmenistanyň nebitgaz pudagy üçin ýokary derejeli hünärmenleri taýýarlamak, «CNPC-niň» we ugurdaş ýokary okuw mekdepleriniň tejribesini öwrenmek maksady bilen, şu ýylyň 16-njy awgustyndan bäri uniwersitetiň talyplar topary Pekindäki Hytaýyň Nebit uniwersitetinde okuw-önümçilik tejribeligini geçýär.

22 Awgust 2024

Bilim

Talyplyk bagty

Zehinli ýaşlara giň ýol Talyplyk bagtyna eýe bolmak täze taryhy eýýamyň bagtyýar ýaşlarynyň müňlerçesine miýesser etdi. «Ýaşlar — Watanyň daýanjy» diýip bagtyýar ýaşlara uly ynam bildirýän hormatly Prezidentimiziň tagallasy bilen, zehinli ýaşlaryň müňlerçesi özleriniň saýlan hünäri boýunça ýokary we orta hünär okuw mekdeplerine okuwa girdiler. Şanly ýylda talyp bolan ýaşlarymyzyň ýürek buýsanjyny okyjylara ýetirýäris.

21 Awgust 2024

Bilim

Bilim işgärleriniň awgust maslahaty

Berkarar döwletiň täze eýýamynyň Galkynyşy döwründe hormatly Prezidentimiziň parasatly baştutanlygynda ýurdumyzyň ylym-bilim ulgamynyň ösüşine aýratyn ähmiýet berilýär. Ýurdumyzyň bilim ulgamynyň binýady iň oňat dünýä tejribesi we halkymyzyň gadymdan gelýän milli däp-dessurlary esasynda berkidilýär. Ýakyn wagtda ýurdumyzyň ylym-bilim ulgamynda möhüm tapgyr — täze okuw ýyly başlanar. Täze okuw ýylynyň öňüsyrasynda her ýylyň awgust aýynda bilim işgärleriniň maslahatynyň geçirilmegi indi asylly däbe öwrüldi. «Pähim-paýhas ummany Magtymguly Pyragy» ýylymyzyň ady bilen adybir şygar astynda welaýat saglygy dikeldiş okuw-terbiýeçilik toplumynyň mejlisler jaýynda welaýat derejesinde bilim işgärleriniň awgust maslahaty geçirildi. Maslahatda, ilki bilen, Döwlet senasy ýaňlandy.

21 Awgust 2024

Bilim

Ýaşlar döwrüň belentliginde

Ýurdumyzda ýaş nesliň dünýä ülňülerine laýyk derejede ylymly-bilimli, ata-babalarymyzyň ýol-ýörelgelerine ygrarly, medeni-ahlak taýdan kämil şahsyýetler bolup ýetişmeklerini gazanmak ýaşlar syýasatynyň özenini düzýär. Şeýle-de ýaşlaryň döredijilik we jemgyýetçilik başlangyçlaryny goldamak, giň gözýetimli we başarnykly, watançy şahsyýetleri terbiýeläp ýetişdirmek ugrundaky aladalar biri-biriniň üstüni ýetirýär. Türkmenistanyň Magtymguly adyndaky Ýaşlar guramasynyň ÝUNESKO-nyň Bütindünýä ýaşlar jemgyýetiniň resmi agzalygyna kabul edilmegi bolsa ýaşlar syýasatynda özara bähbitli halkara hyzmatdaşlygy berkitmekde uly ähmiýetli boldy. Geçen ýyl Mary şäherinde Merkezi Aziýa ýurtlarynyň we Hytaý Halk Respublikasynyň ýaşlarynyň gatnaşmaklarynda «Beýik Ýüpek ýolunyň täze eýýamy» atly halkara forumyň geçirilmegi ýaşlar syýasatynyň halkara derejesinde dabaralanýandygynyň aýdyň subutnamasyna öwrüldi. Üstümizdäki ýylda bolsa ýurdumyzyň dürli ulgamlarynda zähmet çekýän hünärmenleriň, mugallymlaryň we talyp ýaşlaryň uly topary doganlyk Özbegistan Respublikasynda geçirilen Bütindünýä Ýaşlar forumyna gatnaşdy. Dünýäniň 100-den gowrak döwletinden wekilleriň gatnaşmaklarynda geçirilen bu halkara foruma biziň Seýitnazar Seýdi adyndaky Türkmen döwlet mugallymçylyk institutymyzyň ýaş mugallymlary hem gatnaşdylar. Olar öz ugurlary boýunça ylmy-amaly maslahatlara, özara pikir alyşmalara gatnaşdylar,

21 Awgust 2024

Bilim

Pugta ynamyň eýeleri biz

Gahryman Arkadagymyz ýaşlar baradaky aladany döwlet durmuşynyň iň möhüm wezipesi hökmünde ileri tutýar. Bu parasatly ýörelgäni peder ýoluny mynasyp dowam etdirýän hormatly Prezidentimiz has-da ösdürmek bilen, täze belentliklere göterdi. Munuň şeýledigi Arkadagly Gahryman Serdarymyzyň Türkmenistanyň Prezidenti wezipesine işe girişen ilkinji günlerinde taryhy hakykat hökmünde örboýuna galdy. Çünki bu günki ýaşlaryň ertirki ýurt eýeleridigi, olaryň döwletimiziň ady bilen dünýä çykjak nesillerdigi, ýurdumyzyň abraý-mertebesi bilen beýgeljek raýatlardygy baradaky taryhy hakykaty hormatly Prezidentimiz bir pursatlyk hem üns merkezinden düşürmeýär. Hut şeýle bolansoň Arkadagly Gahryman Serdarymyz ýaşlar meselesini öz alyp barýan ýörelgeleriniň iň naýbaşylarynyň hatarynda öňe sürýär. Hormatly Prezidentimiz Türkmenistanyň Halk Maslahatynyň geçen ýylyň 24-nji sentýabrynda geçirilen mejlisinde ýaşlaryň bagtyýar geljegini üpjün etmek bilen bagly anyk wezipeleri kesgitledi. Hut geçen ýyl «Ýaşlar baradaky döwlet syýasaty hakynda» Türkmenistanyň Kanunynyň rejelenen görnüşiniň kabul edilmegi hem, öňden hereket edip gelýän kanunçylyk namalaryna goşmaçalaryň we üýtgetmeleriň girizilmegi hem Arkadagly Gahryman Serdarymyzyň ýurdumyzyň ýaşlarynyň gujur-gaýratyna, ylym-bilim başarnygyna, edep-ekramyna we ösen watançylyk duýgularyna bolan pugta ynamyndan anyk nyşandyr.

21 Awgust 2024

Bilim

Belent borç, jogapkärli wezipe

Bilim ojaklarynda täze okuw ýylynyň badalga aljak güni barha golaýlaşýar. Welaýatymyzda-da oňa irgözinden gowy taýýarlyk görüldi. Orta mekdepleriň, mekdep-internatlaryň yşyklandyryş, ýyladyş, suw üpjünçilik ulgamlary abatlanyldy, ders we synp otaglarynda, sport meýdançalarynda bejeriş-rejeleýiş işleri geçirildi. Biz bu ugurda ýerine ýetirilen işler dogrusynda gürrüň bermegini sorap, welaýat baş bilim müdirliginiň mekdep bölüminiň başlygy Kerimbergen Maşaripowa ýüz tutduk. Şonda ol şeýle gürrüň berdi: — Berkarar döwletimizde Milli Liderimiziň we hormatly Prezidentimiziň taýsyz tagallalary netijesinde ýaşlaryň döwrebap şertlerde okamaklary, bilim almaklary, terbiýelenilmekleri barada yzygiderli tagallalar edilýär. Her ýyl oba-şäherlerimizde ösen tehnologiýaly enjamlar bilen abzallaşdyrylan täze mekdepler, çagalar baglary gurulýar. Öňden hereket edip gelýänleriniň durky täzelenilip, zamanabap keşbe getirilýär. Biziň welaýatymyzda-da bu wajyp iş ýylyň-ýylyna göwnejaý ýola goýulýar. Üstümizdäki ýylyň tomus paslynyň ilkinji günlerinde hem etrap-şäherlerimizdäki orta mekdepleriň, mekdep-internatlaryň 396-synda abatlaýyş-bejeriş işlerine guramaçylykly girişildi. Ähli bilim ojaklarynyň ders we synp otaglary, sport meýdançalary, kitaphanalar, çagalaryň iýmitlenýän naharhanalary düýpli abatlanyldy. Bu iş üçin döwletimiz tarapyndan uly möçberde gurluşyk serişdeleri bölünip berildi. Anyk ma

21 Awgust 2024

Bilim

Ruhy baýlyk

Arkadagly Gahryman Serdarymyz şu ýylyň 25-nji maýynda «Türkmenistanda umumybilim maksatnamalary boýunça okatmagyň usulyýetini kämilleşdirmegiň 2028-nji ýyla çenli Konsepsiýasyny» tassyklamak hakyndaky Karara gol çekdi. Kararda Berkarar döwletiň täze eýýamynyň Galkynyşy döwründe bilim bermegiň hilini dünýä standartyna laýyk getirmek, okatmagyň usulyýetini kämilleşdirmek, bu ugurda innowasion usullary okuw işine giňden ornaşdyrmak, mugallymlaryň döredijilik başarnyklaryny hem-de ussatlygyny has-da ýokarlandyrmak baradaky anyk wezipeler kesgitlenendir. Anyk wezipeleriň özeninde Garaşsyz, baky Bitarap Diýarymyzy ösen tehnikalaryň, innowasion tehnologiýalaryň ähli pudaklara giňden ornaşdyrylýan döwründe gülleýän, gül açýan ýurda öwürmek maksatlary bar. Bu belent maksatlara ýetmekde mugallymlara uly wezipeler degişlidir. Ak mekdebiň gapysyndan ätlän birinji synp okuwçysy üçin mugallym, ata-ene bilim-terbiýe beriji mekdep bolup durýar. Megerem, şonuň üçin bolsa gerek, «Mugallymyň kim?» diýen soraga, ýaşajyk okuwçy jibirdäp «Mugallymym pylany» diýip, buýsanç bilen pert jogap berýär. Arkadagly Gahryman Serdarymyz ylmyň, tehnikanyň ösen döwründe ýaşlara uly ynam bildirip: «Biz ýaşlara eziz Watanymyzyň geljegini gurujylar hökmünde garaýarys. Belent maksatlara ýetmekde ýurdumyzyň ýaş nesillerine aýratyn bil baglaýarys» diýip belleýär.

21 Awgust 2024

Bilim

Bilim — adamzadyň bezegi

Täze 2024 — 2025-nji okuw ýylynyň başlanmagyna sanlyja günler galdy. Bu şanly güne çagalar baglaryna gatnaýan körpejelerden başlap, okuwçylardyr talyplar, ylym-bilim edaralarynyň işgärleri, mugallymlardyr terbiýeçiler, ata-eneler sabyrsyzlyk bilen garaşýar. Gahryman Arkadagymyzyň ylym-bilimiň ösüşleri babatda aýdan çuň manyly jümleleri her bir bilim işgäri üçin ýol görkezijidir: «Ylym hem-de bilim adamzadyň bezegidir. Ähli döwürlerde beýik işler, beýik özgerişler ylmyň we bilimiň güýji bilen amala aşyrylypdyr. Ylma, döredijilige, zehine üns berilýän ýurt elmydama ösüşde, özgerişde, galkynyşda bolupdyr». Gahryman Arkadagymyzyň, Arkadagly Gahryman Serdarymyzyň çuň pähim-parasatynyň, taýsyz tagallalarynyň netijesinde berkarar Diýarymyz ylymlar we bilimler mekanydyr. Paýtagtymyzyň we Arkadag şäheriniň özboluşly binagärliginde, giň gerimli özgertmelerinde berkarar Diýarymyzyň durmuş-ykdysady, ylym-bilim taýdan beýik ösüşleri, ýokary ýaşaýyş-durmuş üpjünçiligi aýdyň duýulýar. Geçen sanlyja ýylyň içinde ýurdumyzda ençeme täze döwrebap çagalar baglary, orta we ýörite orta, ýokary okuw mekdepleri, kitaphanalar guruldy, öňden bar bolanlary döwrebaplaşdyryldy, kämil tehniki enjamlar, kompýuterler we kitaplardyr gollanmalar bilen üpjün edildi. Şu günler bolsa ýurdumyzyň ähli umumybilim berýän orta mekdepleri, çagalar baglary täzeden abadanlaşdyrylyp, täze okuw ýylyna doly taýýar edildi. Ow

21 Awgust 2024

Bilim

Arzyly güne arzuwlar bilen

Berkarar döwletiň täze eýýamynyň Galkynyşy döwrüniň 2024 — 2025-nji okuw ýyly hem barha golaýlaýar. Sapaly tomus paslynda ýurdumyzyň dürli künjeklerinde dynç alýan çagalar bosagada duran täze okuw ýylyna uly hyjuw bilen başlamagy maksat edinýärler. Täze okuw möwsüminiň golaýlamagy bilen ähli bazarlarda, söwda merkezlerinde adamlaryň hereketi köpelip, bazaryň şowhuny has-da artýar. Okuw esbaplary satylýan dükanlardyr göçme bazarlaryň töweregi hemişe köp adamly. Ýurdumyzyň ähli welaýatlary bilen bir hatarda, gözel paýtagtymyzyň dürli künjeklerinde hem mekdep bazarlary hepdäniň ähli günlerinde halkymyza döwrebap hyzmat edýär. Biz hem golaýda «Globus» mekdep we ofis harytlary satylýan dükanda bolup, ol ýerde häzirki wagtda alnyp barylýan işler barada ýakyndan tanyş bolduk.

21 Awgust 2024

Bilim

Sazlaşykly ösüşiň berk binýady

Hormatly Prezidentimiziň nygtaýşy ýaly, ylym we bilim jemgyýetiň hem-de döwletiň hemmetaraplaýyn sazlaşykly ösüşini üpjün etmegiň berk binýadydyr. Şu hakykatdan ugur alnyp, türkmen halkynyň Milli Lideri Gahryman Arkadagymyzyň parasatly başlangyçlaryndan badalga alan giň gerimli bilim özgertmeleri Berkarar döwletiň täze eýýamynyň Galkynyşy döwründe uly üstünliklere eýe bolýar. Welaýatymyzyň öňdebaryjy bilim işgärleriniň maslahatynyň çuňňur mazmunynda hem şeýle buýsançly hakykat mynasyp beýanyny tapdy. Balkanabat şäherindäki iňlis dili dersine ýöriteleşdirilen 25-nji orta mekdebiň mejlisler jaýynda «Pähim-paýhas ummany Magtymguly Pyragy» diýen şygar astynda geçen maslahata welaýatymyzyň etrap-şäherlerinden gelen bilim işgärleri gatnaşyp, olar bu ýerde ýaýbaňlandyrylan sergini synladylar. Sergi ýaş nesle döwrebap bilim-terbiýe bermekde ulgamyň gazanýan üstünlikleriniň özboluşly beýanyna öwrüldi.

21 Awgust 2024

Bilim

Zähmetimizi, yhlasymyzy gaýgyrmarys

Röwşen geljegimiz bolan ýaş nesle milli ýörelgelerimiz esasynda döwrebap bilim-terbiýe berilýär. Munuň üçin ýurdumyzda ähli şert-mümkinçilikler bar. Bagtyýar ýaş nesillerimiz iň häzirki zaman ülňülerinde gurlan, täze tehnologiýalar, multimediýa enjamlary bilen üpjün edilen bilim ojaklarynda okaýarlar. Geçen ýyllaryň dowamynda bilim ulgamyny kämilleşdirmek, ösdürmek maksady bilen, taryhy ähmiýetli resminamalaryň birnäçesi kabul edildi. Okuwçylaryň oňat okamaklary we mugallymlaryň netijeli işlemekleri üçin zerur bolan hemme şertler döredildi. Döwlet Baştutanymyzyň taýsyz tagallasy bilen her ýylda 1-nji synpa okuwa barýan körpelere kompýuterleriň sowgat berilmegi hem aýdanlarymyzy ýene bir ýola tassyklaýan hakykatdyr. Ýene-de sanlyja günden täze okuw ýyly başlanar. Mugallymlaram, okuwçylaram täze okuw ýylyna täze güýç, täze hyjuw bilen gadam basarlar.

21 Awgust 2024

Bilim

Kitap — älemiň çyragy

Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň taýsyz tagallasy bilen ruhy baýlyga aýratyn ähmiýet berilýär. Şunuň bilen baglylykda, gözbaşyny gadymyýetden alyp gaýdýan baý medeni mirasymyzy çuňňur öwrenmekde, kämilleşdirmekde, baýlaşdyrmakda uly işler durmuşa geçirilýär. Munuň özi mähriban halkymyzyň, aýratyn hem, ýaşlaryň aň derejesiniň, dünýägaraýşynyň ýokarlanmagyna ýardam berýär. Halkyň aň kämilliginde kitabyň orny örän uludyr. Türkmen halky kitaba aýratyn sarpa goýýar. Gahryman Arkadagymyzyň «Türkmeniň döwletlilik ýörelgesi» atly kitabynda: «Ylym-bilime, pähimli ýaşamaga bolan söýgi ata-babalarymyzyň zandyna ornapdyr. Şu ýerde türkmen akyldary Magtymguly Pyragynyň: «Kitap okan gullar magnydan dokdur» diýen sözlerini ýatlasak hem ýerlikli bolar» diýip belläp geçmegi hem munuň subutnamasydyr.

21 Awgust 2024

Bilim

Ýaşlar — röwşen geljegimiz

Ajaýyp zamanamyzda ykdysady, syýasy, medeni we beýleki ulgamlar bilen birlikde, ýurdumyzyň ylym-bilim ulgamy hem uly ösüşlere beslenýär. Ulgama sanly serişeleriň, öňdebaryjy kompýuter we multimediýa enjamlarynyň ornaşyrylmagy onuň ösüşiniň döwrebap hem toplumlaýyn häsiýete eýe bolmagyny üpjün edýär. Eziz Diýarymyzyň röwşen geljegi ösüp gelýän ýaş nesliň bilimine, zehinine köp derejede bagly bolup durýar. Şonuň üçin hormatly Prezidentimiziň parasatly baştutanlygynda ýurdumyzda ýaşlara bilim berlişiniň hiliniň ýokarlandyrylmagyna, halkara ölçeglere laýyk getirilmegine uly üns berilýär. Ýaş oglan-gyzlaryň häzirki zaman ylmynyň gazananlaryny özleşirip bilmekleri üçin ähli şertler döredilýär. Bilimiň mazmunyny baýlaşyrmak, hiliniň dünýä derejesine laýyk bolmagyny gazanmak maksady bilen, sanly bilim ulgamynyň ösüşi çaltlandyrylýar. Ylmyň soňky gazananlaryny hem-de okatmagyň innowasion usullaryny bilim ulgamyna ornaşyrmagyň gerimi giňeldilýär. Bu bolsa ýaş nesle dünýä derejesinde bilim-terbiýe bermäge giň ýollary açýar.

21 Awgust 2024

Bilim

Taýýarlykly barylýar

Hormatly Prezidentimiz Serdar Berdimuhamedowyň: «Çagalar biziň kalbymyzyň buýsanjy, öýlerimiziň ýaraşygy, bagtyýar durmuşymyzyň gül-gunçalary, ömrümiziň dowamatydyr. Şoňa görä-de, ýurdumyzda erkana ýaýnaýan bagtyýar çagalarymyzyň rahat dynç alyp, okap, öwrenip, döredip, ylymly-bilimli, giň dünýägaraýyşly, sagdyn bedenli, edep-terbiýeli, Watana wepaly bolup ýetişmeklerine gönükdirilen maksatnamalarymyzy üstünlikli amala aşyrýarys» diýen çuň manyly sözleri bilim işgärlerini has-da döredijilikli işläp, döwrümize mynasyp, kämil bilimli nesli kemala getirmäge ruhlandyrýar. Şu nukdaýnazardan Kaka etrabynyň bilim işgärleri täze 2024-2025-nji okuw ýylyna ýokary taýýarlyklar bilen barýarlar. Bilim işgärleriniň usuly-amaly okuwlaryna we etrap maslahatyna işjeňlikde gatnaşan etrabymyzyň mekdep mugallymlary şu günler Bilimler we talyp ýaşlar güni mynasybetli geçiriljek dabaraly çärelere ykjam taýýarlanýarlar. Täze okuw ýylynda birinji synpa gadam basjak 6 ýaşly çagalara hormatly Prezidentimiziň adyndan okuw kompýuterleriniň sowgat beriljekdigi has-da guwandyrýar. Bu mynasybetli geçiriljek dabaralara etrabymyzyň jemgyýetçilik guramalarynyň wekilleri hem uly ruhubelentlikde gatnaşar.

21 Awgust 2024

Bilim

Bosagada täze okuw ýyly

Tejen etrabynyň umumybilim berýän mekdeplerinde täze, 2024-2025-nji okuw ýylyna göwnejaý taýýarlyklar bilen barylýar. Talabalaýyk bejeriş-abatlaýyş işleri geçirilen okuw otaglarynyň döwrebap diwarlyklardyr görkezme esbaplary bilen üpjünçiligi göwnüňi göterýär. Etrapda täze okuw ýylyna taýýarlyk görmegiň çäklerinde bilim işgärleriniň hünär taýýarlygyny ýokarlandyrmak, olary okatmagyň usulyýeti boýunça düşünjelerini kämilleşdirmekde geçirilýän çäreler möhüm orny eýeleýär. Bilim işgärleriniň usuly-amaly okuwlary we etrap maslahaty hem bu babatda örän ähmiýetli boldy.

21 Awgust 2024

Bilim

Täze okuw ýylyna taýýarlanýarys

Bilimler we talyp ýaşlar gününiň bosagasynda Ak bugdaý etrap bilim bölüminiň garamagyna ýaş hünärmenleriň 174-si, şol sanda ýokary okuw mekdeplerini tamamlan ýaşlaryň 136-sy, ýörite orta hünär okuw mekdeplerini tamamlanlaryň 38-si işe geldi. Ýaş hünärmenler bilen duşuşylyp, zähmet ýoluna gadam basjak mekdepleridir çagalar baglary bilen tanyşdyryldy hem-de halypa pedagoglara berkidildi. Ýaş hünärmenler täze 2024-2025-nji okuw ýylyndan ýaş nesle bilim-terbiýe berip, kämil bilimli ýaşlaryň kemala gelmegine özleriniň saldamly goşantlaryny goşarlar. Täze okuw ýylynda etrabymyzyň Bokurdak şäherçesinde 1200 orunly döwrebap orta mekdebiň we umumy ýaşaýyş jaýynyň açylyp, ulanylmaga beriljekdigi has-da guwançlydyr. Etrabymyzdaky bilim ojaklarynyň üstüni ýetirjek täze, döwrebap umumybilim berýän mekdebiň açylyş dabarasyna häzirki günlerden ýokary derejede taýýarlyik görülýär. Bu ýerde ýaş hünärmenleriň hem birnäçesi zähmet çekmek bagtyna eýe bolar.

21 Awgust 2024

Bilim

Bilim ulgamy ösüşlere beslenýär

Berkarar döwletiň täze eýýamynyň Galkynyşy döwründe, “Pähim paýhas ummany – Magtymguly Pyragy” ýylynda ýurdumyzyň bilim işgärleriniň öňünde möhüm wezipeler durýar. Şol wezipeler, ilkinji nobatda, bilim syýasatyny üstünlikli durmuşa geçirmek bilen, kämil bilimli, terbiýeli, watansöýüji, zähmetsöýer ýaş nesli terbiýeläp ýetişdirmekden, olarda Watanymyza, halkymyza söýgini, mukaddes Garaşsyzlygymyza hem-de hemişelik Bitaraplygymyza buýsanjy artdyrmakdan ybaratdyr. Şu maksat bilen, ýurdumyzyň ähli bilim-terbiýeçilik edaralarynda giň gerimli işler alnyp barylýar. Gahryman Arkadagymyzyň we Arkadagly Gahryman Serdarymyzyň ýaşlar hakynda edýän aladalary, ýaş nesliň kämil bilim almagy üçin döredýän giň mümkinçilikleri bu ugurda alnyp barylýan işleriň netijeli häsiýete eýe bolmagyny hem-de üstünliklere beslenmegini üpjün edýär. Berkarar döwletiň täze eýýamynyň Galkynyşy döwründe hormatly Prezidentimiz tarapyndan milli bilim ulgamyny döwrebaplaşdyrmak, ýaşlaryň aň we ruhy taýdan sagdyn ösüşini kemala getirmek ugrunda yzygiderli işler amala aşyrylýar. Ýaş nesliň sowatly, arassa ahlakly bolup ýetişmeginde gurulýan döwrebap bilim edaralarynyň, şeýle-de olarda zähmet çekýän işine ökde bilim işgärleriniň iş tejribesiniň örän uly ähmiýeti bardyr. Döredijilikli zähmet çekýän mugallymlardyr terbiýeçiler ýaş nesle diňe bir bilim bermek bilen çäklenmän, eýsem, olaryň durmuşda-da dogry ýoly t

21 Awgust 2024

Bilim