Türkmenmetbugat

"Mugallymlar gazeti" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-53, 39-96-41, 39-96-40
Email: mugallymlar-gazeti@sanly.tm

Gazeti PDF görnüşinde ýükläp almak

Habarlar

Magtymguly Pyragy — dünýä danasy

«Pähimpaýhas ummany Magtymguly Pyragy» ýylynda Türkmen döwlet neşirýat gullugy tarapyndan ylmy we çeper eserleriň ençemesi çap edildi. Golaýda «Magtymgula tagzym» atly döwürdeş şahyrlarymyzyň Magtymguly Pyragy hakyndaky goşgular ýygyndysy neşir edilip, giň okyjylar köpçüligine ýetirildi. Hormatly Prezidentimiziň gol çeken Karary bilen tassyklanylan «Gündogaryň beýik akyldary we nusgawy şahyry Magtymguly Pyragynyň doglan gününiň 300 ýyllygyny dabaraly bellemek boýunça geçirilmeli çäreleriň Meýilnamasyna» laýyklykda neşir edilen bu kitaba döwürdeş şahyrlarymyzyň Magtymguly Pyraga bagyşlap döreden goşgulary we poemalary girizilipdir. Täze kitapda ýerleşdirilen şygyrlarda Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde Magtymguly Pyraga goýulýan belent hormatsarpa, dana şahyryň edebi mirasy çeper wasp edilýär.

28 Awgust 2024

Bagşy joşa gelse, göwünler güllär

Mukaddes Garaşsyzlygymyzyň şanly 33 ýyllygy mynasybetli Türkmenistanyň Prezidentiniň «Türkmeniň Altyn asyry» atly baýragyny almak ugrundaky bäsleşigiň çäklerinde dutarçy bagşy-sazandalaryň arasynda yglan edilen «Çalsana, bagşy!» atly bäsleşigiň jemleýji tapgyry ýokary ruhubelentlige, göwün joşduryjy pursatlara beslenip, ol ajaýyp zamanamyzda aýdym-saz sungatymyza belent sarpa goýulýandygynyň aýdyň subutnamasyna öwrüldi. Bäsleşikde welaýatymyzdan Türkmenbaşy şäher çagalar sungat mekdebiniň milli saz gurallary bölüminiň mugallymy Sahydursun Mätiýewa türkmen halk aýdymlaryny ussatlyk bilen ýerine ýetirmekde ýeňiji bolup, hormatly Prezidentimiziň altyn zynjyry bilen sylaglanyldy. Sahydursuny gazanan üstünligi bilen gutlap, onuň bilen söhbetdeş bolanymyzda, ol ýürek buýsanjyny beýan edip, şeýle gürrüň berdi:

28 Awgust 2024

Jümle-jahan görklener dutaryň owazyna

Türkmenistanyň Prezidentiniň «Türkmeniň Altyn asyry» atly baýragyny almak ugrundaky bäsleşigiň çäklerinde dutarçy bagşy-sazandalaryň arasynda geçirilýän «Çalsana, bagşy!» atly bäsleşik «Pähim-paýhas ummany Magtymguly Pyragy» ýylynda hem zehinli ýaş bagşy-sazandalaryň onlarçasyny ýüze çykardy. Bäsleşikde dutarda türkmen halk sazlaryny ussatlyk bilen ýerine ýetirmekde zehin-başarnygyny görkezip, hormatly Prezidentimiziň altyn zynjyryna mynasyp bolan ýaş, zehinli sazandalaryň biri-de welaýat ýörite sungat mekdebiniň türkmen milli saz gurallary bölüminiň dutarçylyk hünäriniň 4-nji ýyl talyby Dawut Gulbaýewdir. 2010-njy ýylda Balkanabat şäherindäki 16-njy orta mekdebiň 1-nji synpyna okuwa baran Dawudy türkmen halk sazlaryna bolan söýgüsi şondan köp wagt geçmänkä, ýagny 2011-nji ýylda şäheriň 2-nji çagalar sungat mekdebiniň işiginden eltýär. Ol ýerde ilkinji halypasy Halymberdi Hajyberdiýewden dutarda türkmen halk sazlaryny çalmagyň inçe tärlerini öwrenýär. Çagalar sungat mekdebini 2016-njy ýylda tamamlan ýaş zehine 2021-nji ýylda orta mekdebi hem tamamlap, şol ýylda welaýat ýörite sungat mekdebiniň türkmen milli saz gurallary bölüminiň dutarçylyk hünäriniň talyby bolmak bagty miýesser edýär. Bu okuw mekdebinde oňa Meretnepes Rahmanow dutarda türkmen halk sazlaryny ussatlyk bilen ýerine ýetirmegi öwretmekde tagallasyny gaýgyrmaýar.

28 Awgust 2024

Medeniýet halkyň kalbydyr

«Medeniýet halkyň kalbydyr» diýmek bilen, milli medeniýetimiziň we sungatymyzyň gülläp ösmegine ak ýollary açan Gahryman Arkadagymyzyň we Arkadagly Gahryman Serdarymyzyň taýsyz tagallalary netijesinde ýurdumyzda Berkarar döwletiň täze eýýamynyň Galkynyşy döwründe medeniýet we sungat ulgamynda amala aşyrylýan beýik işler bagtyýar raýatlarymyzyň buýsanjyna buýsanç goşup, başlaryny göge ýetirýär. Gadymylygy, özboluşlylygy, şol bir wagtda hem döwrebaplygy, täzeçilligi bilen dünýäniň ünsüni özüne çekýän milli medeniýetimizi we sungatymyzy has-da kämilleşdirip, Ýer ýüzüne ýaýmakda alnyp barylýan işler dünýä nusgalykdyr. Hawa, ajaýyp zamanamyzda ýurdumyzda medeniýet ulgamyny kämilleşdirmek, milli mirasy düýpli öwrenmek, aýawly saklamak we wagyz etmek, taryhy-medeni ýadygärlikleri gorap saklamak boýunça toplumlaýyn çäreler durmuşa geçirilýär. Medeniýet ulgamynyň kanunçylyk binýadynyň hem yzygiderli kämilleşdirilýändigini bellemek aýratyn ýakymlydyr. Medeniýetiň strategik ähmiýetini tassyklaýan, medeni gymmatlyklary döretmek, türkmen halkynyň medeniýetini dikeltmek, aýawly saklamak, ösdürmek hem-de dünýäde wagyz etmek ulgamlarynda jemgyýetçilik gatnaşyklaryny kadalaşdyrýan «Medeniýet hakynda» Türkmenistanyň Kanunyny munuň aýdyň subutnamasy hökmünde görkezmek bolar.

28 Awgust 2024

Ruhy baýlyk

Ata Watanymyzda milli medeniýete, sungata uly sarpa goýulýar. Medeniýet ulgamynyň ösmegi üçin tutumly işler durmuşa geçirilýär. Asyrlaryň synagyndan geçip, häzirki günlerimize ýetip gelen milli medeniýetimize, sungatymyza, olaryň durmuşymyzdaky ornuna ýokary baha berlip, ulgamyň maddy-enjamlaýyn binýady pugtalandyrylýar. Ýurdumyzyň dürli künjeginde gurlan, ähli şert-mümkinçilikleri özünde jemleýän kitaphanalary, muzeýleri, medeniýet öýleridir çagalar çeperçilik, sungat mekdeplerini milli medeniýetimizi ösdürmekde amala aşyrylýan işleriň hatarynda görkezmek bolar. Hormatly Prezidentimiziň: «Medeniýet we sungat halkyň ruhy baýlygydyr. Medeniýet ulgamynyň ösüşleri jemgyýetiň bitewüligini, milletiň ruhy galkynyşyny üpjün edýär» diýip belläp geçişi ýaly, ol birleşdiriji we ruhlandyryjy güýç bolup hyzmat edýär. Halkyň kalbyna deňelýän medeniýetimizde milli aýratynlyklarymyz we asyrlaryň dowamynda gazanan üstünliklerimiz jemlenendir. Has takygy, medeniýet, sungat halkyň milli gymmatlyklaryny emele getirýär. Şol gymmatlyklar hem halkyň kalbyndan çykyp, onuň şöhratly taryhyny, bagtyýar şu gününi we röwşen geljegini ähli gözellikleri bilen açyp görkezýär. Berkarar döwletiň täze eýýamynyň Galkynyşy döwründe döwlet Baştutanymyzyň parasatly ýolbaşçylygynda zehinli çagalaryň hünär öwrenmegi babatda uly aladalar edilýär. Nurana geljegimiz bolan çagalaryň çeperçilik we sungat mekdeplerinde dür

28 Awgust 2024

«Çalsana, bagşy!» — köňülleriň nagşy

Mukaddes Garaşsyzlygymyzyň şanly 33 ýyllygynyň dabaraly bellenilýän Pähim-paýhas ummany Magtymguly Pyragy ýylynyň her bir güni uly ösüşlerdir özgerişlere beslenýär. Ynha, geçen hepdäniň şenbe güni hem gözel paýtagtymyzdaky Döwlet medeniýet merkeziniň Mukamlar köşgünde Türkmenistanyň Medeniýet ministrliginiň guramagynda «Çalsana, bagşy!» atly döredijilik bäsleşiginiň jemleýji tapgyry geçirildi. Taryhy müňýyllyklara uzaýan dutar çalmak sungatynda parahatçylyk söýüji halkymyzyň durmuş pelsepesi, ruhy gymmatlyklary öz beýanyny tapýar. Bagşy-sazandalar dutaryň jadylaýjy owazy bilen döredijiligiň özboluşly mekdebini döredipdirler we bu sungaty nesilden-nesle geçiripdirler. Dutarda saz çalmak sungatynyň biziň günlerimize çenli asyl nusgasyny saklap gelmeginde, onuň kämilleşdirilmeginde bagşy-sazandalara uly orun degişlidir.

28 Awgust 2024

Aýdym-saz sungatynda tebigatyň waspy

Milli medeniýetimize, aýdym-saz sungatymyza uly sarpa goýýan, bu ugurda bize nusgalyk Halypa bolup durýan şahyr göwünli Gahryman Arkadagymyzyň hem-de Arkadagly Gahryman Serdarymyzyň tagallasy bilen Berkarar döwletiň täze eýýamynyň Galkynyşy döwründe ýerine ýetirilýän aýdymlaryň tema örüsi has giňedi. Bu günki gün türkmen halkynyň Milli Lideri Gahryman Arkadagymyzyň hem-de hormatly Prezidentimiziň eziz Watanymyza, agzybir halkymyza bolan beýik söýgüsiniň netijesinde köpugurly gülläp ösüşlerimizi, mähriban Watanymyzy, gözel tebigatymyzy wasp edip ýaňlanýan aýdymlarymyz asman giňişliginde ganat ýaýyp, hemmeleriň ýüreklerine hoşluk bolup dolýar. Biziň dag ýerinde dagly, bag ýerinde bagly, deňiz ýerinde deňizli, derýa ýerinde derýaly, sähra ýerinde sähraly ajaýyp tebigatymyz bar. Onsoň, şeýle owadan tebigatymyzy wasp edip şahyrlar goşgy döretseler, bagşylar olary belent heňde aýdym edip, ile ýetirýärler. Ol aýdymlar halkymyzyň tebigata bolan söýgüsini joşduryp, olary tebigy gözelliklerimizi gorap saklamaga hyjuwlandyrýar.

27 Awgust 2024

Mähriban dost, ussat kompozitor

Türkmen professional saz sungatynyň görnükli wekili Rejep Rejebowy ýatlap Ýag ýaly adam, ýuwanyň seçegi ýaly adam, degşip-gülüşmäni biriçe başarýan adam... Saz sowady ýetik kişi, uly zehiniň eýesi, juda zähmetsöýer adam... Ýene bir aýratynlygy: üstüni bezejek bolup jan etmezdi, kalby gözeldi. Şol gözellik, ähli mähriban, nurana häsiýetleri, göwnaçyklygy, ýumşaklygy hem rehimdarlygy eserlerine geçýärdi.

27 Awgust 2024

Milli medeniýetimiz dünýä ýaň salýar

Berkarar döwletiň täze eýýamynyň Galkynyşy döwründe ýurdumyzyň syýasy, ykdysady, medeni durmuşynda taryhy özgerişlere beslenýän tutumly işler alnyp barylýar, milli medeniýetimiz dünýä ýaýylýar, ýaň salýar. Ýakynda Türkiýe Respublikasynda Türki medeniýetiň halkara guramasy (TÜRKSOÝ) tarapyndan Magtymguly Pyragynyň goşgular ýygyndylarynyň türk dilinde, «TÜRKSOÝ» we «Business Turk» žurnallarynyň Türkmenistana bagyşlanan ýörite sanlarynyň neşire taýýarlanylmagy aýdylanlary aýdyňlygy bilen subut edýär. Ýakynda Türkiýe Respublikasynda Türki medeniýetiň halkara guramasy (TÜRKSOÝ) tarapyndan Magtymguly Pyragynyň goşgular ýygyndylary türk dilinde neşire taýýarlanyldy. Munuň özi medeni-ynsanperwer ulgamda netijeli hyzmatdaşlygy ösdürmek boýunça Gahryman Arkadagymyzyň öňe süren başlangyçlarynyň häzirki wagtda hormatly Prezidentimiziň parasatly baştutanlygynda üstünlikli durmuşa geçirilýändiginiň nobatdaky güwäsidir.

26 Awgust 2024

Şöhraty äleme dolan dutarym

«Çalsana, bagşy!» bäsleşiginiň jemleýji tapgyry geçirildi Dutaryň we onuň bilen baglylykda, aýdym-saz sungatynyň umumadamzat gymmatlygy diýlip ykrar edilmegi halkymyz üçin aýratyn ähmiýetlidir. Ol parahatçylygyň we dostlugyň nyşany bolan bu sungatyň mizemezligini aňladýar. Şoňa görä-de, «Pähim-paýhas ummany Magtymguly Pyragy» ýylynyň 24-nji awgustynda Döwlet medeniýet merkeziniň Mukamlar köşgünde Türkmenistanyň Medeniýet ministrliginiň guramagynda her ýyl geçirilýän «Çalsana, bagşy!» atly döredijilik bäsleşiginiň jemleýji tapgyry geçirildi.

26 Awgust 2024

Öwekge bolmak aňsatmy? (Siziň deň-duşuňyz)

Okyjylarymyzyň aglabasy, aýratynam, kino muşdaklary sözbaşymyzy göreninden eýýäm haýsy Öwekgäniň gürrüňiniň ediljegini bilendirler. Pikir edişiňiz ýaly, ol — meşhur «Gyzyl kürte» çeper filminiň esasy gahrymanlarynyň biri, has dogrusy, şol keşbi ussatlyk bilen ýerine ýetiren Ybrahym Baýramow. Onuň aýtmagyna görä, şol kino çykansoň, dostlary oňa Öwekge diýýärler. Biz hem Öwekge — Aşgabat şäherindäki iňlis dili çuňlaşdyryp öwredilýän ýöriteleşdirilen 135-nji orta mekdebiň 12-nji synp okuwçysy Ybrahym Baýramow bilen sanly ulgam arkaly söhbetdeş bolduk. — Ybrahym, bilşimiz ýaly, kakaň belli režissýor. Kino sungatyna höweslenmegiňe hem kakaň sebäp bolandyr?!

26 Awgust 2024

Döredijilik bäsleşiginiň jemleýji tapgyry geçirildi

Türkmenistanyň mukaddes Garaşsyzlygynyň 33 ýyllyk baýramynyň öňüsyrasyndaky günlerde, ýagny 24-nji awgustda Türkmenistanyň Döwlet medeniýet merkeziniň Mukamlar köşgünde Türkmenistanyň Prezidentiniň «Türkmeniň Altyn asyry» atly baýragyny almak ugrundaky bäsleşigiň çäklerinde dutarçy bagşy-sazandalaryň arasynda geçirilýän «Çalsana, bagşy!» bäsleşiginiň jemleýji tapgyry geçirildi. Oňa ýurdumyzyň ähli ýerlerinden bäsleşigiň deslapky tapgyrlarynda ýeňiji bolan ýaş dutarçy bagşy-sazandalar gatnaşdy. «Çalsana, bagşy!» bäsleşigi türkmen halkynyň köpöwüşginli mirasyny, dutarda ýerine ýetirijilik we bagşyçylyk sungatyny geljekki nesillere ýetirmek, dünýä ýaýmak, şeýle hem zehinli bagşy-sazandalary ýüze çykarmak we olary höweslendirmek maksady bilen, şeýle hem dutar ýasamak senetçiliginiň, dutarda saz çalmak we bagşyçylyk sungatynyň ÝUNESKO-nyň Adamzadyň maddy däl medeni mirasynyň görnükli nusgalarynyň sanawyna girizilmegi mynasybetli esaslandyryldy. Dutaryň we onuň bilen baglylykda, aýdym-saz sungatynyň umumadamzat gymmatlygy diýlip ykrar edilmegi halkymyz üçin aýratyn ähmiýetlidir.

26 Awgust 2024

«Çalsana, bagşy!» bäsleşiginiň jemleýji tapgyry geçirildi

Geçen şenbe güni paýtagtymyzdaky Döwlet medeniýet merkeziniň Mukamlar köşgünde Türkmenistanyň Prezidentiniň yglan eden «Türkmeniň Altyn asyry» atly bäsleşiginiň çäklerinde geçirilýän «Çalsana, bagşy!» bäsleşiginiň jemleýji tapgyry geçirildi. Her ýyl ýurdumyzyň Medeniýet ministrligi tarapyndan geçirilmegi däbe öwrülen bäsleşige Aşgabat, Arkadag şäherleriniň, ýurdumyzyň ähli welaýatlarynyň deslapky tapgyrlarda ýeňiji bolan wekilleri bilen birlikde lebaply ýaş bagşy-sazandalar hem gatnaşdylar. Bäsleşige gatnaşyjylaryň çykyşlarynda halk aýdym-sazlaryna, akyldar şahyrymyz Magtymguly Pyragynyň goşgularyna döredilen aýdymlara uly orun berildi. Bäsleşige gatnaşan lebaply ýaş bagşy-sazandalar — Maýa Kulyýewa adyndaky Türkmen milli konserwatoriýasynyň bagşyçylyk hünäriniň 5-nji ýyl talyby Akjemal Halmyradowa we Halaç etrap medeniýet merkeziniň çeper höwesjeňi Mergen Asdanow dagy özleriniň zehinlerini, ukyp-başarnyklaryny görkezdiler. Eminler toparynyň netijesine görä, welaýatymyzyň wekilleri hem şu bäsleşigiň ýeňijileri diýlip yglan edildiler hem-de hormatly Prezidentimiziň altyn zynjyry bilen sylaglanyldylar. Biz lebaply ýaş bagşy-sazandalary bäsleşikde gazanan ajaýyp ýeňşi bilen gutlap, olara geljekde-de sungat äleminde döredijilik üstünliklerini arzuwlaýarys.

26 Awgust 2024

Goşa tardan çykan owaz

24-nji awgustda Türkmenistanyň Döwlet medeniýet merkeziniň Mukamlar köşgünde Türkmenistanyň Prezidentiniň «Türkmeniň Altyn asyry» atly baýragyny almak ugrundaky bäsleşigiň çäklerinde 18-35 ýaş aralygyndaky dutarçy bagşy-sazandalaryň arasynda her ýylda geçirilýän «Çalsana, bagşy!» atly bäsleşigiň jemleýji tapgyry boldy. Dabaranyň başynda hormatly Prezidentimiziň «Çalsana, bagşy!» bäsleşiginiň jemleýji tapgyryna gatnaşyjylara iberen Gutlagy okaldy. 2022-nji ýyldan bäri geçirilýän bu bäsleşigiň jemleýji tapgyryna ýurdumyzyň welaýatlaryndan şeýle-de Arkadag we Aşgabat şäherlerinden jemi 14 sany dutarçy sazanda, şonça-da bagşy gatnaşdy.

26 Awgust 2024

«Çalsana, bagşy!» bäsleşiginiň jemleýji tapgyry geçirildi

24-nji awgustda Döwlet medeniýet merkeziniň Mukamlar köşgünde Türkmenistanyň Medeniýet ministrliginiň guramagynda her ýyl geçirilýän «Çalsana, bagşy!» atly döredijilik bäsleşiginiň jemleýji tapgyry geçirildi. ...Ýygnananlar hormatly Prezidentimiz Serdar Berdimuhamedowyň «Çalsana, bagşy!» bäsleşiginiň jemleýji tapgyryna gatnaşyjylara iberen Gutlagyny uly üns bilen diňlediler. Gutlagda bellenilişi ýaly, bu döredijilik bäsleşigi milli aýdym-saz sungatymyzy ösdürmäge, zehinli ýaş bagşy-sazandalary ýüze çykarmaga, olary goldamaga uly ýardam berýär. Bäsleşige gatnaşmaga isleg bildirýän zehinli dutarçy bagşy-sazandalaryň sany ýyl-ýyldan artýar. Şunuň bilen baglylykda, hormatly Prezidentimiz geljekde ýurdumyzyň ýaş bagşy-sazandalarynyň şirwan perdelerde ýaňlanýan aýdym-sazlary bilen bagşyçylyk sungatymyzyň has-da ösdürilmegine uly goşantlaryny goşjakdyklaryna berk ynam bildirdi.

26 Awgust 2024

Milli aýdym-saz sungaty — nesilleriň ylham çeşmesi

“Çalsana, bagşy!” bäsleşiginiň jemleýji tapgyry geçirildi Aşgabat, 24-nji awgust (TDH). Şu gün Döwlet medeniýet merkeziniň Mukamlar köşgünde Türkmenistanyň Medeniýet ministrliginiň guramagynda her ýyl geçirilýän “Çalsana, bagşy!” atly döredijilik bäsleşiginiň jemleýji tapgyry geçirildi.

26 Awgust 2024

Milli aýdym-saz sungaty — nesilleriň ylham çeşmesi

“Çalsana, bagşy!” bäsleşiginiň jemleýji tapgyry geçirildi Aşgabat, 24-nji awgust (TDH). Şu gün Döwlet medeniýet merkeziniň Mukamlar köşgünde Türkmenistanyň Medeniýet ministrliginiň guramagynda her ýyl geçirilýän “Çalsana, bagşy!” atly döredijilik bäsleşiginiň jemleýji tapgyry geçirildi.

26 Awgust 2024

Şirwan perdeler owazlananda

Türkmenistanyň Döwlet medeniýet merkeziniň Mukamlar köşgünde Türkmenistanyň Prezidentiniň «Türkmeniň Altyn asyry» atly baýragyny almak ugrundaky bäsleşigiň çäklerinde dutarçy bagşy-sazandalaryň arasynda yglan edilen «Çalsana, bagşy!» bäsleşiginiň jemleýji tapgyryna gatnaşyjylar türkmen dutarynyň şabram şelpelerinden çykýan şirin mukamlary ussatlyk bilen ýerine ýetirip, ajaýyp döwrümizi, bagtyýar zamanamyzy belentden wasp etdiler. Biz hem bu bäsleşikde owazly aýdym-sazlary bilen, Şa serpaýyna mynasyp bolan bagşy-sazandalaryň birnäçesiniň buýsançly ýürek sözlerini okyjylarymyza ýetirmegi makul bildik.

26 Awgust 2024

Dutaryň owazy — köňülleriň ylhamy

24-nji awgustda Türkmenistanyň Döwlet medeniýet merkeziniň Mukamlar köşgünde Türkmenistanyň Prezidentiniň «Türkmeniň Altyn asyry» atly bäsleşiginiň çäklerinde «Çalsana, bagşy!» atly bäsleşigiň jemleýji tapgyry geçirildi. Zehinli dutarçy bagşy-sazandalary joşgunly döredijilige ruhlandyrýan bu çärä onuň deslapky tapgyrynda ýeňiş gazananlar uly buýsanç bilen geldiler. Bu çäräniň dabaraly açylyşynda Arkadagly Gahryman Serdarymyzyň bäsleşige gatnaşyjylara iberen Gutlagy uly ruhubelentlik bilen diňlenildi. Bu bäsleşik, adyndan belli bolşy ýaly, halkymyzyň gadymdan gelýän aýdym-saz sungatyny dünýä ýaýýar. Aýdym-saz — halkymyzyň ýürek şatlygynyň owazy. Ata-babalarymyz eşretli durmuş baradaky mukaddes arzuwlaryny aýdym-saz bilen amal edipdirler.

25 Awgust 2024

Sahna eserleriniň bäsleşigi: Balkan welaýaty

«Pähim-paýhas ummany Magtymguly Pyragy» ýylynda Gündogaryň beýik akyldary we nusgawy şahyry Magtymguly Pyragynyň doglan gününiň 300 ýyllygy mynasybetli döwlet we halkara derejesindäki çäreler ýokary guramaçylykly geçirilýär. Akyldar şahyrymyzyň ömür-döredijiligine bagyşlanan täze sahna eserleriniň, kinofilmleriň onlarçasy döredildi. Olarda dana Pyragynyň döredijiliginiň adamzat ähmiýeti, şahyryň öz halkyna, Watanyna bolan beýik söýgüsi, il-gününiň ykbalyna baglanan pelsepewi oýlanmalary, şeýle hem Magtymgulynyň ömür-döredijiligi barada alymlar tarapyndan ýüze çykarylýan täze maglumatlar sahna sungatynyň üsti bilen wasp edilýär. Şu günler Türkmenistanyň Medeniýet ministrliginiň guramagynda Magtymguly Pyragynyň döredijiligini dabaralandyrmak maksady bilen, halk teatrlarynyň arasynda «Magtymguly, sözlär tili türkmeniň» atly döredijilik bäsleşigi dowam edýär. Ýakynda bu döredijilik bäsleşiginiň Balkan welaýat tapgyry hem ýokary guramaçylykly geçirilip, oňa welaýatyň şäher we etrap medeniýet merkezlerinde, şeýle hem oba medeniýet öýlerinde hereket edýän halk teatrlarynyň, drama toparlarynyň, teatr studiýalarynyň we halk gurjak teatrlarynyň 11-si gatnaşdy.

23 Awgust 2024

‹
1
2
3
4
5
6
7
8
...
271
272
›