Türkmenmetbugat

"Mugallymlar gazeti" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-53, 39-96-41, 39-96-40
Email: mugallymlar-gazeti@sanly.tm

Gazeti PDF görnüşinde ýükläp almak

Habarlar

Täze ýyla täsin sowgat

Täze ýyl saçagynda balykdan taýýarlanan önümlere aýratyn orun degişlidir. Bitewi görnüşde gowrulan balyk taýýarlamak ýylanyň göwnünden turýar hem-de oňa täsin sowgat bolýar. Çünki balyk elmydama öňe ýüzýär, bu bolsa öňegidişligiň nyşany hasaplanýar. Mundan başga-da, balyklar bir wagtyň özünde onlarça işbil goýýarlar, bu hem bolçulykdan, bereketden nyşandyr.

1 gün öň

Bagtyýarlygyň mekany

Bagt nuruny saçýan arkadag şäheri Berkarar döwletiň täze eýýamynyň Galkynyşy döwründe Gahryman Arkadagymyzyň saýasynda, Arkadagly Gahryman Serdarymyzyň baştutanlygynda ýurdumyzda ähli ulgamlarda uly ösüşlere eýe bolunýar. Ata Watanymyzyň bagy-bossanlyga öwöwrülmegi, döwrebap binalaryň gurulmagy bilen ýurdumyzyň gözelligine gözellik goşulýar. Şeýle ajaýyp ýerleriň biri-de Arkadag şäheridir.

2 gün öň

Ajaýyp kitaby okap...

Şöhratly geçmişimiziň beýany Türkmen halkynyň Milli Lideri Gahryman Arkadagymyzyň öz halkyna sowgat edýän ajaýyp kitaplary ruhy gymmatlygymyzyň has-da baýlaşmagynda möhüm ähmiýete eýe bolýar. Milli Liderimiziň dürli ugurlara degişli gymmatly kitaplary okyjylar köpçüliginde uly gyzyklanma döredýär.

2 gün öň

Ýeňişli ýylyň buýsanjy

Üstünlige beslenen menziller Berkarar döwletiň täze eýýamynyň Galkynyşy döwrüniň ýyllarynda Gahryman Arkadagymyzyň beýik başlangyçlaryny mynasyp dowam edýän hormatly Prezidentimiziň baştutanlygynda Garaşsyz, baky Bitarap Türkmenistanymyz bedew bady bilen ynamly öňe barýar. Ýokary zähmet ýeňişleri, belent sepgitleri we taryhy wakalary bilen şöhratlanýan «Pähim-paýhas ummany Magtymguly Pyragy» ýyly tamamlanyp barýar. Geçilen menzillere, ähli ugurlarda gazanylan netijelere ser salmak abadan geljegimize özboluşly badalga bolýar.

2 gün öň

Gapymyzda ýene bir toý

Aýdymlar ýaňlansyn dilde-dahanda Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň baştutanlygynda üstünliklerden, toý şatlygyndan ruhlanýan halkymyz ýene sanlyja günden täze ýyla gadam basýar. Geljek — 2025-nji — Täze ýyly süýji arzuwlar bilen garşylamaga uly höwes bilen taýýarlanýan ruhubelent halkymyzyň toý şatlygy goşalanýar. Üstümizdäki — “Pähim- -paýhas ummany Magtymguly Pyragy” ýylynyň taryhy wakalara, şanly senelere, toýdur baýramlara baý bolandygy bize ruhy güýç berdi. Arkadagly Gahryman Serdarymyzyň “Änew — müňýyllyklardan gözbaş alýan medeniýet” atly kitabynyň çap bolup çykmagy, Magtymguly Pyragynyň ýadygärliginiň açylmagy, şeýle hem akyldar şahyrymyzyň doglan gününiň 300 ýyllygyna bagyşlanylyp “Magtymguly” diýen täze kitabyň çapdan çykmagy, Medeniýet we sungat işgärleriniň hem-de Magtymguly Pyragynyň şygryýet gününiň Arkadag şäherinde şatlyk-şowhun bilen ýokary derejede bellenilmegi ýokarda aýdanlarymyza doly şaýatlyk edýär.

2 gün öň

Wagyz-ündew edildi

 Türkmenistanyň Kärdeşler arkalaşyklarynyň Esenguly etrap birleşmesiniň  we Türkmenistanyň Magtymguly adyndaky Ýaşlar guramasynyň etrap geňeşiniň bilelikde guramagynda etrapdaky 9-njy orta mekdepde etrabyň jemgyýetçilik guramalarynyň işjeň agzalarynyň, ýokary synp okuwçylarynyň gatnaşmaklarynda ýaşlaryň ahlak arassalygyny, olaryň zyýanly endiklerden daşda durmagyny gazanmak maksady bilen, «Türkmen jemgyýeti öz geljegini ynamly gurýar» atly wagyz-nesihat çäresi geçirildi. Onda çykyş edenler ýurdumyzda sagdyn, ruhubelent ýaşlaryň kemala gelmegi, ylym-bilim almagy, hünär öwrenmegi, zähmet çekip, zehin-başarnygyny ýüze çykarmagy üçin ähli şert-mümkinçilikleriň döredilýändigini nygtap, ýaşlaryň hormatly Prezidentimiziň sagdyn durmuş ýörelgesi, edep-terbiýe bilen bagly sargytlaryna hemişe wepaly bolmalydyklaryna ünsi çekdiler. Çärä gatnaşanlar Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, il-ýurt bähbitli tutumly işleriniň rowaçlyklara beslenmegini arzuw etdiler.

2 gün öň

Täze ýylyň bosagasynda

Bazar bolçulygy — toý saçagynyň bezegi Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň saýasynda ýurdumyzyň her bir güni toýdur baýramlara, şatlyk-şowhuna beslenýär. Şeýle ajaýyp şanly seneleriň biri hem giňden bellenilip geçilýän Täze ýyl baýramçylygydyr. Şu günler gözel Diýarymyzyň çar künjeginde Täze ýyl baýramçylygyna ykjam taýýarlyk görülýär. Bazarlarymyzda, döwlet we hususy eýeçiligindäki dükanlarda haryt bolçulygynyň döredilmegi toý saçaklarymyzyň göwnejaý bezelmegine mümkinçilik berýär.

2 gün öň

Taryhy wakalaryň ýyly

Hormatly Prezidentimiziň baştutanlygynda ýokary zähmet ýeňişlerine beslenip, taryhy wakalary bilen şöhratlanýan “Pähim-paýhas ummany Magtymguly Pyragy” ýyly tamamlanyp barýar. Şanly ýyl mynasybetli Türkmenistanyň döwlet Energetika

2 gün öň

Magtymguly Pyragynyň doglan gününiň 300 ýyllygyna

Medeni mirasyň mizemez merjeni Türkmen halkynyň Milli Lideri Gahryman Arkadagymyzyň ýiti zehininden, jöwher paýhasyndan dörän “Pähim-paýhas ummany Magtymguly Pyragy” atly goşgusyndan gözbaş alnyp bu ýylyň ady hem “Pähim-paýhas ummany Magtymguly Pyragy” diýlip atlandyryldy. Adyndan hem belli bolşy ýaly, bu ýylda beýik söz ussady Magtymguly Pyragynyň doglan gününiň 300 ýyllygy halkara derejesinde dabaralanýar. Bu bolsa Gahryman Arkadagymyzyň, Arkadagly Gahryman Serdarymyzyň türkmen halkynyň medeniýetine, sungatyna, edebiýatyna, beýik şahsyýetlerine hormat goýýandygynyň aýdyň subutnamasydyr.

2 gün öň

Döwür. Çaga. Terbiýe.

Mähirli alada Güneşli Diýarymyzda Arkadagly Gahryman Serdarymyzyň taýsyz tagallalary bilen ýaş nesil hakyndaky alada çagalar bagyndan başlanyp, bu wezipäniň üstünlikli durmuşa geçirilmeginde uly işler bitirilýär. Ýurdumyzyň döwrebap çagalar baglarynda körpe nesliň bilim-terbiýe alyp, ajap eýýamymyzyň mynasyp ýaşlary bolup ýetişmekleri ugrunda yhlas-tagallalar abadan geljegimize gönükdirilendir.

2 gün öň

Adam. Jemgyýet. Kanun.

Demokratik ösüşleriň rowaçlygy Berkarar döwletiň täze eýýamynyň Galkynyşy döwrüniň “Pähim-paýhas ummany Magtymguly Pyragy” ýylyny döredijilikli zähmeti bilen dabaralandyrýan türkmen ili hormatly Prezidentimiziň baştutanlygynda gurýar we döredýär. Ýurt Baştutanymyzyň ýöredýän parasatly içeri we daşary syýasaty rowaçlanyp, demokratik, hukuk we dünýewi döwletimiz isleg-arzuwlaryň hasyl bolýan ýurduna öwrüldi. Raýat jemgyýetimiziň ösüş-özgerişleriniň bady artýar.

2 gün öň

Pyýadalaryň howpsuzlygynyň jogapkärçiligi

Köçe-ýollarymyzyň hadysasyz bolup, maşgalalarymyzyň abadan, ömrümiziň rahat bolmagyny gazanmak derwaýyslygyna galýar. Şu möhüm meseläni ýurt Baştutanymyz hemişe üns merkezinde saklap, bu babatda möhüm wezipeleri öňde goýýar. Köçe- -ýol hereketiniň howpsuzlygynda pyýadalar bilen bagly ýol-ulag hadysalarynyň öňüni almak wajyp wezipeleriň biridir. Bu meseläniň oňyn çözgüdi bolsa, sürüjiler bilen pyýadalaryň özara sazlaşykly hereketlerine baglydyr. Sazlaşykly hereketler diýýänimiz sürüjileriňem, pyýadalaryňam Ýol hereketiniň kadalarynda bellenilen talaplary berk berjaý etmelidiklerini aňladýar. Bilşimiz ýaly, pyýadalaryň howpsuzlygy jogapkärli wezipe bolup, onuň bähbitli çözgüdi pyýadalar bilen deň derejede sürüjilere-de baglydyr. Şonuň üçinem pyýadalar bilen bagly ýol-ulag hadysalarynyň öňüni almak maksady bilen degerli çäreleri geçirýäris.

2 gün öň

“01” gullugynda

HIMIÝA ÖNÜMLERINIŇ ÝANGYN HOWPSUZLYGY Ýakynda habarçymyz welaýat polisiýa müdirliginiň ÝHB-niň Sakarçäge etrap ÝHB-niň Döwletli zaman şäherçesiniň ÝHB-niň müdiri, içerki gullugyň maýory Emir AMANOW bilen duşuşyp, himiýa önümleri ulanylanda ýangyn howpsuzlygynyň düzgünleri barada gürrüň bermegini haýyş etdi.

2 gün öň

Durmuşda gazy howpsuz ulanmagyň kadalaryny berjaý edeliň we tygşytly ulanalyň!

“Marygazüpjünçilik” müdirligi welaýatymyzyň tebigy gazy sarp edijilerine ýüzlenýär Tebigy gaz amatly we tygşytly energiýa çeşmesidir hem-de biziň milli baýlygymyzdyr. Tebigy gazy tygşytly hem-de howpsuz ulanmak biziň borjumyzdyr. Ýöne onuň nädogry ulanylmagy howply netijelere getirip biler. Şonuň üçin heläkçilikleriň öňüni almak we özüňiziň hem-de ýakynlaryňyzyň saglygyny goramak üçin durmuşda gazy howpsuz ulanmagyň düzgünlerini berk berjaý etmek möhümdir.

2 gün öň

Ýurdumyzda döwrebap gidrotehniki desgalar ulanmaga berildi

Ahal welaýaty, 24-nji dekabr (TDH). Şu gün Tejen şäherinde kuwwatlylygy bir gije-gündizde 30 müň kub metr bolan suw arassalaýjy desganyň, şeýle hem Ak bugdaý etrabynda kuwwatlylygy bir gije-gündizde 15 müň kub metr bolan lagym suwuny arassalaýjy desganyň açylyş dabaralary boldy. Munuň özi Gahryman Arkadagymyz tarapyndan binýady goýlup, häzirki wagtda hormatly Prezidentimiziň baştutanlygynda halkymyzyň ýaşaýyş-durmuş derejesini yzygiderli ýokarlandyrmaga, milli ykdysadyýetimiziň ähli pudaklarynyň infrastrukturasyny döwrüň talaplaryna laýyklykda kämilleşdirmäge gönükdirilen giň möçberli özgertmeleriň, şol sanda Oba milli maksatnamasynda göz öňünde tutulan wezipeleriň üstünlikli durmuşa geçirilýändiginiň aýdyň güwäsidir. Döwrebap gidrotehniki desgalaryň açylyş dabaralaryna Mejlisiň deputatlary, etrap häkimlikleriniň, jemgyýetçilik guramalarynyň ýolbaşçylary hem-de wekilleri, il sylagly ýaşulular, ýaşaýjylar gatnaşdylar.

2 gün öň

Sagdyn nesil — bagtyýar geljek

Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň baştutanlygynda ýurdumyzda sagdyn durmuş ýörelgelerini ornaşdyrmak, beden hem-de ruhy taýdan sagdyn, ata Watanymyza wepaly, ukyp-başarnykly nesilleri ýetişdirmek boýunça giň gerimli işler alnyp barylýar. Röwşen geljegimiz bolan ýaş nesliň sagdyn bolmagyny gazanmak, enäniň we çaganyň saglygyny goramak döwlet syýasatymyzyň ileri tutulýan ugurlarynyň biri bolup durýar. Şol nukdaýnazardan, Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň döredilmegi hem muňa aýdyň mysaldyr. Mälim bolşy ýaly, türkmen halkynyň Milli Lideriniň başlangyjy esasynda Howandarlyga mätäç çagalara hemaýat bermek boýunça haýyr-sahawat gaznasy 2021-nji ýylyň 29-njy martynda döredildi. Bu gaznanyň esasy maksady kömege mätäç çagalara hemaýat bermekden ybarat bolup durýar. Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň ştab-kwartirasynyň Arkadag şäherinde ýerleşdirilmeginiň geljegimiz bolan ýaş nesilleriň hemmetaraplaýyn kadaly ösüşini üpjün etmek baradaky aladalaryň Gahryman Arkadagymyzyň alyp barýan ynsanperwer işleri bilen aýrylmaz baglanyşyklydygynyň subutnamasydyr. Gaznanyň alyp barýan işiniň yzygiderli kämilleşdirilmegi bu ugurda öňde durýan wezipeleri üstünlikli ýerine ýetirmekde zerur işleriň geçiri

2 gün öň

Gahryman Arkadagymyzyň «Hakyda göwheri» atly kitabyndan.

Uzak-uzak menzil aşyp, ynsan gadymyýetden geljege barýar. Geljek — nämälimlik. Geçmiş bolsa, dolanuwsyzlyk. Bularyň aralygynda «häzirki zaman» bar. Wagt dowamlylygyna nähili many çaýylandygy şol «şu günden» görünýär. «Şu gün» — geljegiň gönezligini özünde saklaýar, binýadyny berkidýär. «Şu gün» — düýnüň durmuş tejribesiniň toplan gymmatlygyny ýaşadýar. Şonuň bilenem oňa ömür berip bilýär. Sebäbi «ýaşamagyň» özi durmuşyň janlylygynyň alamaty, ol dowamaty aňladýar. Dowamatyň nähili zeýillidigi ynsana köp babatda baglydyr. Dowamatyň hem biologik, hem ruhy usulda ýüze çykýandygy ynsanyň ýaşaýşynyň kanuny ýagdaýydyr. Durmuş bir akgynly derýa mysaly. Onuň gomlary, aslynda, tebigatyň hökmürowanlygynyň netijesi. Ýöne deňizçi derýanyň asudalygynda süýji hyýala çümüp, göwün ýüwürdýär. Owalynda ynsanyň bu dünýä gelmegem, onuň kesgitli ömri-de, atalarymyz aýtmyşlaýyn, ykbalyňda bary alnyňa gelýär. Bu ýerde iňňän aň etmeli alamat, tymsal, özüňem Älemi-Zeminiň goýnunda emele gelen durmuşyň akymynda barýanlygyňdyr.

2 gün öň

Gadymy heňňamyň müdimi owazy

Türkmen halkynyň Milli Lideri Gahryman Arkadagymyzyň «Hakyda göwheri» atly kitaby «Pähim-paýhas ummany Magtymguly Pyragy» ýylynda halkymyza ýapylan ajaýyp serpaý boldy. Kitapda halkymyzyň bäş müňýyllyk taryhynyň gözbaşynda duran Oguz hanyň kämil durmuş ýörelgeleriniň beýany bolan «Oguznamanyň» mazmuny açylyp görkezilýär. Ata-babalarymyzyň nesillerine goýan gymmatly mirasy bolan «Oguznamadaky» agzybirlik, öý-ojak mukaddesligi, adalatlylyk ýaly esasy ýörelgeler kitabyň içinden eriş-argaç bolup geçýär. Agzybirlik halkymyzyň döwletliliginiň gözbaşydyr, ilkinji durmuş ýörelgesidir, jemgyýetçilik kadasydyr. Agzybirlik Oguz hanyň öz kowumyna ündän baş ündewidir, nesihatydyr, nusgalyk göreldesidir. Bu babatda Gahryman Arkadagymyz «Hakyda göwheri» atly kitabynda: «Oguz hanyň durmuşyndan söz açýan rowaýatlaryň esasy pikir-pelsepesi agzybirlikdir» diýip bellemek bilen, döwletiň berkararlygynyň, jemgyýetiň asudalygynyň, her bir öý-ojagyň, maşgalanyň bagtyýarlygynyň agzybirlikden gözbaş alýandygyna ünsi çekýär.

2 gün öň

Sagdynlyk — bagtyýarlyk

Ýurdumyzda saglygy goraýyş ulgamyny ähli taraplaýyn ösdürmek we onuň maddy-enjamlaýyn binýadyny pugtalandyrmak döwlet syýasatynda ileri tutulýan ugurdyr. Şunuň bilen baglylykda, saglygyň sakasy bolan sporty we köpçülikleýin bedenterbiýäni ösdürmeklige, sagdyn durmuş ýörelgelerini jemgyýete ornaşdyrmaklyga aýratyn üns berilýär. Berkarar döwletiň täze eýýamynyň Galkynyşy döwründe hormatly Prezidentimiziň pähim-paýhasly ýolbaşçylygynda  raýatlary abadan we sagdyn durmuşda ýaşatmak, saglygyny berkitmek, keselleriň öňüni almak, halkymyza ýokary hilli saglygy goraýyş hyzmatlaryny etmek boýunça ähli şert-mümkinçilikler döredilýär. Munuň özi ýurdumyzda alnyp barylýan işleriň raýatlaryň sagdyn hem sazlaşykly ösüşi bilen berk baglanyşyklydygyny görkezýär. Arkadagly Gahryman Serdarymyzyň: «Halkymyzyň saglygyny goramak, ýurdumyzyň abadançylygyny goramak biziň iň uly maksadymyzdyr» diýen sözleriniň «Döwlet adam üçindir!», «Watan diňe halky bilen Watandyr! Döwlet diňe halky bilen döwletdir!» diýen ajaýyp taglymatlar bilen utgaşýandygynyň açyk-aýdyň subutnamasydyr. Esasy Kanunymyz bolan Konstitusiýamyzda jemgyýetiň we döwletiň iň ýokary gymmatlygynyň adamdygy kesgitlenmek bilen, saglygy goraýyş ulgamynyň kanunçylyk-hukuk binýady täze kanunlaryň kabul edilmeginiň, hereket edýän kanunlara döwrebap üýtgetmeleriň we goşmaçalaryň girizilmeginiň hasabyna kämilleşdirilýär. Ynsan saglygyny goram

2 gün öň

Ýaşlar baradaky alada

Garaşsyz, baky Bitarap Watanymyz ösüşiň belent sepgitlerine tarap bedew bady bilen öňe barýar. Watanymyzyň daýanjy bolan ýaşlar we olaryň sagdyn ösüp-ulalmagy, okamagy, hünär öwrenmegi, bagtyýar durmuşyň hözirini görmegi baradaky alada döwlet syýasatynda ileri tutulýar. Aýratyn-da «Ýaşlar barada döwlet syýasaty hakynda» Türkmenistanyň Kanunyna laýyklykda, ýaşlaryň ähli mümkinçiliklerden doly derejede peýdalanmagy, ylmyň täze gazananlaryny özleşdirmegi, ylmy gözleglerinde ýokary netijeleri gazanmagy üçin ähli şertler döredilendir. Ýaşlaryň döwrebap bilim-terbiýe almagyna we olaryň kämil şahsyýetler bolup ýetişmeginde döwlet goldawynyň ýokarlandyrylmagyna gönükdirilen döwrebap hukuk binýady döredildi. «Ýaşlar barada döwlet syýasaty hakynda», «Bilim hakynda» Türkmenistanyň Kanunlary ýurdumyzda ýaş nesliň zähmet, durmuş taýdan goraglylygynyň üpjün edilýändiginiň kepilidir.

2 gün öň

‹
1
2
3
4
5
6
7
8
...
1409
1410
›