Türkmenmetbugat

"Mugallymlar gazeti" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-53, 39-96-41, 39-96-40
Email: mugallymlar-gazeti@sanly.tm

Gazeti PDF görnüşinde ýükläp almak

Habarlar

Çyn güle solma ýok zemin ýüzünde

Geçen asyryň ikinji ýarymynda çeper döredijiligi bilen öňe çykan şahyrlaryň biri Ilmyrat Pudakowdyr. Ol öz döwründe ajaýyp goşgulary bilen gazet-žurnal sahypalarynda yzygiderli çykyş edýär. Ilmyrat 1924-nji ýylda Gökdepe etrabynyň Nowata obasynda dogulýar. 1956-njy ýylda häzirki Magtymguly adyndaky Türkmen döwlet uniwersitetiniň türkmen filologiýasy fakultetini tamamlaýar. Ilki Gökdepe etrabyndaky 2-nji orta mekdebinde mugallym, soňra tä hormatly dynç alşa çykýança (1986 ý.) şol wagtky Gökdepe etrap we etrabara gazetlerde dürli wezipelerde zähmet çekmek bilen, ol halypalardan öwrenenini ýaşlara öwretmek biln meşgullanýar. Ilmyrat Pudakow şahyr Kerim Gurbannepesow bilen dostlukly gatnaşykda bolupdyr. Ol metbugat söhbetdeşlikleriniň birinde ýurdumyzda belli ýazyjy-şahyrlaryň birnäçesi bilen ýakyndan tanyş bolmagyna hem hut Kerim şahyryň sebäp bolandygyny aýratyn belläpdir. Goşgularynyň ençemesi aýdyma öwrülip, häzirki döwürde-de diňleýjilere ýetirilip durulýar. Häzirki bagtyýar zamanamyzda şeýle halypalaryň hatyrasy belent tutulýar. Ýakynda Türkmenistanyň Medeniýet ministrliginiň, Ahal welaýat medeniýet müdirliginiň bilelikde gurnamagynda Gökdepe etrabynyň Gökdepe şäher Medeniýet öýünde şahyr Ilmyrat Pudakowyň doglan gününiň 100 ýyllygy mynasybetli edebi, aýdym-sazly duşuşyk geçirildi. Oňa şahyry ýakyndan tanaýan edebiýat we sungat işgärleri, obadaşlary, dogan-garyndaşlary, köp

17 Dekabr 2024

Eti saklamagyň halky usullary

Ata-babalarymyz ýerli howa şertlerimizde azyk önümlerini konserwirlemegiň önümleriň hilini ýokary derejede saklamaga mümkinçilik berýän özboluşly usullaryny oýlap tapypdyrlar we durmuşda giňden ulanypdyrlar. Gawundan taýýarlanýan sök we kak, garpyzdan taýýarlanýan toşap, şeýle hem semeni, künjüli gowurga munuň mysalydyr. Ýaza golaý taýýarlanan önümler azalanda semeni taýýarlanyp, olaryň ýetmezi ýetirilipdir. Eti gaýtadan işlemegiň hem özboluşly usullary oýlanyp tapylypdyr. Täze eti saklamak üçin gowurmak, kakatmak ýa-da garna dykyp saklamak usullaryndan peýdalanylypdyr. Eti gowurmak konserwirlemegiň esasy usullarynyň biridir. Et gowrulanda ondan suw doly aýrylýar. Eger, et çalarak gowrulsa we suwy doly bugaryp aýrylmasa, ol belli bir wagtdan soň zaýalanýar. Gowurma semizligi ýokary we orta semizlikdäki goýun, sygyr hem-de düýe etinden taýýarlanylýar. Ýagy kemter ýa-da hor mallaryň eti gowrulanda, oňa goşmaça içýagdyr guýruk ýagy garylmasa, ýagy azrak bolup, gowrulmaýar we olardan taýýarlanan gowurdagy uzak saklap bolmaýar. Gowurma taýýarlanylanda, suwy doly aýrylyp, gatap bişen etiň özem esli wagt zaýalanman durýar. Çünki ýaga gowrulan ýagly gowurma uzak saklanyp, tagamy diýseň gowy, hümmeti ýokary bolýar.

17 Dekabr 2024

Garpyzdan taýýarlanýan önümler

Bakja önümleriniň esasy bölegini, takmynan, 80 – 90 göterimini suw tutýar. Şeýle hem olarda beloklar, ýaglar, uglewodlar (gant, krahmal, kletçatka, pektin), organiki kislotalar, witaminler, mineral maddalar bar. Şeýle önümleriň biri-de, garpyzdyr. Garpyzly içgi. Daşy gowy ýuwlan garpyzyň 5 – 6 santimetr ýokarsyny kesýärler. Lötüni pyçak bilen bölüşdirip, çemçe bilen owýarlar, çigidinem aýyrýarlar. Emele gelen boşluga şeker guýýarlar we 20 – 30 minut salkyn ýerde saklaýarlar. Soňra gant garylan garpyz suwuny bulgurlara guýýarlar. Bu içgini adaty okarada hem taýýarlap bolýar. Garpyzyň lötüni ýukajyk kesip, üstüne şeker guýýarlar, 20 – 30 minut salkyn ýerde saklap, soňra şerbetdir gazly suw bilen garýarlar.

17 Dekabr 2024

Täze ýyl arçasynyň yşyklary ýakyldy

Ýurdumyzyň beýleki ýerlerinde bolşy ýaly, biziň welaýatymyzda hem Täze ýyl arçalarynyň yşyklary dabaraly ýagdaýda ýakyldy. 15-nji dekabrda agşamara şu mynasybetli geçirilen dabara Täze ýylyň baýramçylyk çärelerine badalga berdi. Ak bugdaý etrabynyň Nowruz ýaýlasyndaky «Türkmeniň ak öýi» binasynyň öňündäki giň meýdançasynda welaýatymyzyň baş arçasy ýerleşýär. Beýikligi we bezegi bilen göreni özüne çekýän Täze ýyl arçasynyň töweregi şol gün köp adamly boldy. Başy Gök direýän baýramçylyk arçasynyň ýanyna welaýatymyzyň dürli ýerinden gelen ýaş nesliň wekilleri, çagalar döredijilik toparlary ýygnandylar. Olar baýramçylyk arçasynyň daş-töweregindäki şagalaňa çäksiz höwes we buýsanç duýgusy bilen goşulyp, joşgunly sazlaryň astynda döwre gurap, aýdym aýtdylar, tans oýnadylar, şatlandylar.

17 Dekabr 2024

Gerbariý: syrlar we pikirler

Gadymy döwürlerden bäri adamlar gülleri we ösümlikleri guradypdyrlar hem-de bu ösümlikleri köplenç owadan küýzeleri ýa-da suratlary döretmek üçin ulanypdyrlar. Ýapraklardan nusga ýygnamak 600 ýyl ozal Ýaponiýada ýüze çykypdyr. Botanika gözlegleri üçin niýetlenen gerbariý XVI asyrda döräpdir. Guradylan ýapraklaryň atlary we jikme-jik beýany bolan ilkinji ýygyndy «Pisa Botanika» bagynyň lukmany italiýaly Luka Ghinä degişlidir. XVIII asyrda meşhur botanik Karl Linneý ösümlik dünýäsini ylmy taýdan öwrenmek üçin olary ýygnamagyň häzirki döwre çenli dowam edip gelýän esasy düzgünlerini döredipdir. Gerbariý ýygnamagyň onlarça usuly bolup, olaryň hemmesi döredijä we tehniki mümkinçilikler bilen baglydyr.

17 Dekabr 2024

Berjaý edilmeli düzgünler

Ýangyn howpsuzlygyny ygtybarly üpjün etmek üçin oba hojalyk kärhanalarynda, desgalarynda zähmet çekýän daýhanlar we maldarlar bilen ýangyn howpsuzlygy we ýangyna garşy göreş çäreleri barada düşündiriş işleri yzygiderli geçirilmelidir. Mallaryň we guşlaryň saklanýan desgalarynyň içi we çägi ot-çöplerden arassalanmaly. Mallar we guşlar üçin taýýarlanan ot-iýmleri mallaryň, guşlaryň çykarylýan ýollarynyň ugrunda ýa-da päsgel berjek ýerlerde goýmaly däl. Mallaryň, guşlaryň saklanýan desgalarynyň gapylary, derwezeleri diňe daş tarapa açylmaly. Desgalaryň ätiýaçlyk gapylaryny islendik wagtda açmaga mümkinçilik bolmaly.

17 Dekabr 2024

Göwünleri galkyndyran Täze ýyl dabarasy

Bosagada Täze, 2025-njy ýyl. Bütin Ýer ýüzünde bolşy ýaly, Garaşsyz Türkmenistan döwletimizde hem Täze ýyl baýramçylygyny zähmet üstünlikleri bilen garşylamak esasy däp-dessurlarymyzyň birine öwrüldi. Ynha, 17-nji ýanwarda Türkmenistanyň Jemgyýetçilik guramalarynyň Merkezinde Türkmenistanyň Kärdeşler arkalaşyklarynyň Milli Merkeziniň, Türkmenistanyň Zenanlar guramasynyň Merkezi Geňeşiniň, Türkmenistanyň Magtymguly adyndaky Ýaşlar guramasynyň Merkezi Geňeşiniň, Türkmenistanyň Demokratik partiýasynyň, Türkmenistanyň Agrar partiýasynyň hem-de Türkmenistanyň Senagatçylar we telekeçiler partiýasynyň Merkezi Geňeşleriniň bilelikde guramaklarynda aýdym-sazly, Täze ýyl dabarasy geçirildi. Giňden tutulan bu Täze ýyl dabarasyna ýurdumyzyň ähli pudaklaryndan öňdebaryjy hünärmenler gatnaşyp, ýetip gelýän Täze,  2025-nji ýyly mübärekläp, agzybir halkymyzy, türkmen halkynyň Milli Liderini hem-de Arkadagly Gahryman Serdarymyzy ýetip gelýän Täze ýyl bilen tüýs ýürekden gutladylar. Dabaranyň dowamyndaky estrada ýyldyzlarynyň aýdym-sazly çykyşlary gatnaşyjylaryň şatlykdan doly kalplaryny has-da ruhlandyrdy.

17 Dekabr 2024

Dost-doganlyk gatnaşyklarynda giň mümkinçilikler

16-njy dekabrda paýtagtymyzyň gözel künjeginde ýerleşýän Söwda-senagat edarasynda Eýran Yslam Respublikasynyň «Iran Agrofood» atly ýöriteleşdirilen sergisi öz işine başlady, şeýle hem onuň çäklerinde Türkmen-eýran işewürlik maslahaty geçirildi. Ýokary derejede guramaçylykly geçirilen bu dabaraly çärä ministrlikleriň we pudaklaýyn dolandyryş edaralarynyň ýolbaşçylary, daşary ýurtlaryň diplomatik wekilhanalarynyň, ýurdumyzyň köpçülikleýin habar beriş serişdeleriniň wekilleri gatnaşdylar. Berkarar döwletiň täze eýýamynyň Galkynyşy döwründe Garaşsyz, hemişelik Bitarap Türkmenistan sebitiň ýurtlary bilen söwda-ykdysady hyzmatdaşlygy yzygiderli ösdürýär. Şunda goňşy Eýran Yslam Respublikasyna hem möhüm orun degişlidir. Söwda-ykdysady hyzmatdaşlygy mundan beýläk-de pugtalandyrmaga täze itergi berjek, özara bähbitli täze ugurlary ýüze çykarmak, tejribe alyşmak, işewürlik gatnaşyklaryny ýola goýmak üçin netijeli meýdança bolup hyzmat edýän sergi hem-de işewürlik maslahaty bolsa munuň aýdyň subutnamasydyr.

17 Dekabr 2024

Täze ýylyň şatlyk-şowhuny — bagtyýarlygyň şuglasy

Her bir ýyly ösüşdir özgerişler, uly zähmet üstünlikleri bilen garşylaýan ýurdumyz hormatly Prezidentimiziň parasatly baştutanlygynda bedew bady bilen ynamly öňe barýar. Mälim bolşy ýaly, her bir maşgalada uly şatlyk-şowhun bilen bellenilýän Täze ýyl baýramy bosagada. Durmuşyň dürli ugurlarynda gazanylýan uly üstünlikler bolsa agzybir halkymyzyň Täze — 2025-nji ýyly mynasyp, ýokary ruhubelentlikde garşylamagyna amatly şert döredýär. Agzybir halkymyzyň bagtly, bagtyýar durmuşyny alamatlandyrýan Täze ýyl baýramy asylly ýörelgeler bilen utgaşyp, has-da ýokary ruhubelentlige we şatlyk-şowhuna beslenýär. Hemmämiziň bilşimiz ýaly, 15-nji dekabrda paýtagtymyzda, ýurdumyzyň welaýatlarynda we Arkadag şäherinde Täze ýyl arçalarynyň yşyklarynyň ýakylyş dabaralary geçirildi.

17 Dekabr 2024

Asylly ýörelgelere eýerip

Beýik ösüşlere eýe bolýan ýurdumyzda türkmen halky maddy we ruhy özgerişlerde täze belentliklere göterilip, bolelin durmuşda ýaşaýar. Çünki halkymyz berkarar Watanyň bagtly geljeginiň ýalkymyndan nurlanyp, täze döwür, gülleýiş zamanasynyň şöhratly üstünliklerinden rowaçlanyp, döwletimiziň bagta gujak açýan ak ýollaryndan şanly geljegine tarap ynamly gadamlar bilen öňe barýar. Bu günki gün bedew bady bilen halkara derejesindäki ösüşlere beslenýän edermen, zähmetsöýer türkmen halky ýagty ertirine — alyslara, ýüzýyllyklara nazar aýlaýar. Bu bolsa beýik maksatlar bilen halkara jemgyýetçiliginiň öňünde uly mertebä göterilen Türkmenistanyň şan-şöhratyny mundan beýläk-de dünýä ýaýmakdan, bagtyýar türkmen halkyny adamzat ösüşiniň täze belentliginde ýaşatmakdan ybaratdygynyň aýdyň mysaly bolup durýar. Çünki beýik özgerişleri, belent maksatly işleri diňe parahatçylygyň, asudalygyň dabaralanýan ýurdunda agzybir, jebis ýaşaýan zähmetsöýer millet amala aşyryp bilýär. Dünýäniň ösen döwletleri bilen hyzmatdaşlygyň döwrebap ösdürilmegi ýurdumyzyň şan-şöhratyny has-da belende göterýär. Şeýle hem dünýäniň ençeme abraýly guramalary bilen Türkmenistanyň özara bähbitli ýakyn hyzmatdaşlygynyň täze tapgyrynyň rowaçlanmagy aýratyn bellenmäge mynasypdyr.

17 Dekabr 2024

Göwher sözüň ýakymy

Şu gün welaýat häkimliginde Gahryman Arkadagymyzyň «Hakyda göwheri» atly täze kitabynyň tanyşdyrylyş dabarasy geçirildi. Oňa milli parlamentimiziň, welaýat, etrap, şäher halk maslahatlarynyň, edara-kärhanalaryň, syýasy partiýalardyr iri jemgyýetçilik guramalarynyň, bilim we terbiýeçilik edaralarynyň wekilleri, ýaşulular, kümüş saçly eneler hem-de talyp ýaşlar gatnaşdylar.

17 Dekabr 2024

Baş arçanyň yşyklary ýakyldy

Diýmek, Diýarymyza Täze ýyl gelýär 15-nji dekabrda ýurdumyzyň Baş arçasy şadyýan aýdymlaryň, ajaýyp sazlaryň owazynyň astynda we ýaşajyk türkmenistanlylaryň ýerine ýetiren tansly kompozisiýalary bilen dürli yşyklarda ýalkym saçdy. Munuň özi uzak garaşylan, hemmeler üçin ýakymly Täze ýyl baýramynyň dabaralaryna özboluşly badalga boldy.

16 Dekabr 2024

Nebitgazçylar döwlet sylagyna mynasyp boldular

«Pähim-paýhas ummany Magtymguly Pyragy» ýylynyň 10-njy dekabrynda Türkmenistanyň nebitgaz toplumynyň merkezi binasynyň mejlisler zalynda Türkmenistanyň «Magtymguly Pyragynyň 300 ýyllygyna» atly ýubileý medaly we ýadygärlik nyşanlar bilen sylaglamak dabarasy geçirildi. Dabaranyň dowamynda hormatly Prezidentimiz Serdar Berdimuhamedowyň tabşyrygy boýunça Türkmenistanyň Ministrler Kabinetiniň Başlygynyň orunbasary Batyr Amanow Türkmenistanyň Prezidentiniň nebitgaz meseleleri boýunça geňeşçisi Aşyrguly Begliýewe, Türkmenistanyň Döwlet ministri — «Türkmengaz» döwlet konserniniň başlygy Maksat Babaýewe, «Türkmennebit» döwlet konserniniň başlygy Guwanç Agajanowa, «Türkmengeologiýa» döwlet korporasiýasynyň başlygy Gurbangeldi Garlyýewe hem-de «Türkmennebit» döwlet konserniniň «Nebitgazburawlaýyş» trestiniň Abatlaýyş-sazlaýyş we elektrogurnama müdirliginiň zähmeti goramak we tehniki howpsuzlyk bölüminiň başlygy Baýramsoltan Gurbanowa, «Türkmengaz» döwlet konserniniň Medeni-işewürlik merkeziniň ýokary derejeli artist-wokalisti Kakageldi Hommadowa, Mary nebitgaz orta hünär okuw mekdebiniň mugallymy Bägül Ataýewa döwlet sylaglary dabaraly ýagdaýda gowşurdy. Dabaraly çärede Türkmenistanyň Prezidentiniň gol çeken resminamalaryna laýyklykda, döwlet sylagyna mynasyp bolan ýolbaşçylar, zähmetsöýer hünärmenler Gündogaryň beýik akyldary Magtymguly Pyragynyň 300 ýyllygynyň uly dabara bilen bellenil

16 Dekabr 2024

Ylmy-amaly maslahat geçirildi

«Türkmennebit» döwlet konserniniň Balkanabat nebitçilik orta hünär okuw mekdebinde Türkmenistanyň Nebitgaz senagaty we geologiýa işgärleriniň güni mynasybetli «Nebitgaz senagaty we ylymlar dünýäsi» atly ylmy-amaly maslahat geçirildi. Oňa mekdebimiziň mugallymlary we talyplary gatnaşdylar. Ylmy-amaly maslahatda mugallymlar çykyş edip, ýurdumyzyň nebitgaz senagaty we geologiýa babatda alnyp barylýan işler, täze mümkinçilikler we ýetilen sepgitler barada nygtalyp geçildi. Bu maslahat dürli pudaklardaky we ulgamlardaky özara gatnaşyklaryň geljegini ara alyp maslahatlaşmaga, nebitgaz ykdysady hyzmatdaşlygyň köp ugurlary boýunça gazanylan tejribeleri paýlaşmaga ýardam berdi. Maslahatyň dowamynda öňe sürlen teklipler we pikir alyşmalar oňa gatnaşyjylarda gyzyklanma döretdi.

16 Dekabr 2024

Ylmy seljermeleriň önümçilige oňyn täsiri

«Türkmengaz» DK-nyň Ylmy-barlag tebigy gaz institutynda (YBTGI) Nebitgaz senagaty we geologiýa işgärleriniň güni mynasybetli «Nebitgaz pudagynda ylmy-barlag işleriniň orny» atly ylmy-amaly maslahat geçirildi. YBTGI-niň kärdeşler arkalaşygynyň ilkinji guramasy tarapyndan geçirilen maslahatda Türkmenistanyň Bitaraplyk hukuk ýagdaýynyň ähmiýeti, hormatly Prezidentimiziň parahatçylyga, ýurt abadançylygyna gönükdirilen döwlet syýasatynyň dünýä jemgyýetçiliginde ykrar edilişi, nebitgaz senagatynyň milli ykdysadyýetde tutýan möhüm orny, häzirki wagtda Ylmy-barlag tebigy gaz institutynda alnyp barylýan ylmy işler, toplumyň pudaklarynyň täze tehnologiýalar, enjamlar bilen yzygider üpjün edilişi, ylmyň soňky gazananlarynyň, şol sanda ylmy seljermeleriň önümçilige ýetirýän oňyn täsiri barada çykyşlar diňlenildi. Maslahatyň dowamynda ýaş alymlar, ylmy işgärler özleriniň alyp barýan ylmy seljermelerini kärdeşleri bilen paýlaşdylar we özara pikir alyşdylar. Baýramçylyk mynasybetli geçirilen dabaraly çäräniň barşynda zähmet üstünlikleri bilen tapawutlanýan göreldeli işgärleriň birnäçesine guramaçylar tarapyndan sowgatlar gowşuryldy.

16 Dekabr 2024

Baýramçylyk saçaklaryňyz bereketli bolsun!

Her bir ynsanyň sabyrsyzlyk bilen garaşyp, arzylaýan Täze ýyl baýramçylygyna döwlet derejesinde taýýarlanylýar. Hormatly Prezidentimiz Serdar Berdimuhamedowyň baştutanlygynda bazarlarda we söwda merkezlerinde azyk bolçulygyny döretmek boýunça möhüm işler durmuşa geçirilýär. Gök-bakja önümleriniň köpdürlüliginde bolsa tutuş ýylyň dowamynda zähmet çekip, der döken babadaýhanlarymyzyň yhlasy duýulýar. Ýurdumyzyň ähli künjeginiň bazarlarydyr söwda merkezleriniň adamsy has-da artdy. Çünki her bir maşgala Täze ýyl saçagyny bezemäge häzirden uly taýýarlyk görýär.

16 Dekabr 2024

Täze ýyl baýramçylygy adamlara ruhy güýç berýär

Ýurdumyzda toý-baýramlar, şanly seneler, möhüm wakalar biri-biriniň üstüni ýetirip, halkymyzyň parahat, agzybir durmuşynyň hözirini artdyrýar. Geçen hepdede halkymyz Halkara Bitaraplyk gününiň baýramçylygyny giň gerimde belledi. Milli ykdysadyýetimiziň möhüm pudagy Nebitgaz senagaty we geologiýa işgärleriniň güni hem, asylly däbe görä, Türkmenistanyň şanly seneleriniň birine öwrüldi. Indi bolsa özüniň şatlyk-şowhuny bilen Täze ýyl baýramy barha golaýlap gelýär. Täze ýyly dünýä halklary bilen birlikde, türkmen il-ulsy hem ýylyň-ýylyna zähmet üstünlikleri bilen buýsançly garşylaýar. Bu baýramçylygyň geçirilýän wagtynyň dowamlylygy bilen tapawutlanýanlygyny bellemelidir. Dekabryň ikinji ongünlüginden batly depgin alýan baýramçylyk şowhunly çäreler täze ýylyň başlanmagy bilen hem ençeme gün dowam edýär. Şu döwürde adamlaryň ruhy galkynyp, has şadyýan görünýärler. Hemmeler biri-birine mähir paýlaýar. Şäherleriň özboluşly bezeg aýratynlyklary görküni artdyrýar. Bu döwürde çagalar bilen medeni seýil baglarynda, dynç alyş merkezlerinde, söwda merkezlerinde bolmak has-da ýakymly. Hormatly Prezidentimiziň tagallasy bilen ähli söwda merkezleriniň talabalaýyk işledilmegi, harytlaryň hemme görnüşleriniň, aýratyn-da, azyk harytlarynyň elýeter bahalardan bolçulygynyň döredilmegi halkymyzyň baýramçylyk şatlygyny artdyrýar.

16 Dekabr 2024

Täze ýylyň bezegi

Täze ýyl diýlende, ilki bilen, baýramçylyk arçasy göz öňüňe gelýär. Köp ýurtlarda dekabr aýynyň gelmegi bilen seýilgählerde, dynç alyş merkezlerinde we köçeleriň ugrunda bezelmegi däbe öwrülen Täze ýyl arçalary peýda bolýar. Ilki başda miweler bilen bezelen arçalar soňlugy bilen oýnawaç satýan dükanlaryň başlangyjy bilen ýalpyldawuk şarjagazlar, oýnawaçlar hem-de ýanyp-öçýän çyrajyklar bilen bezelip başlanýar. Eýsem, arça bezemek däbi nireden gözbaş alýar? Gadymy döwürlerde adamlar tebigy durmuşda ýaşap, agaçlaryň miwesini iýipdirler, çybyklaryndan çatma, bukalgalar gurupdyrlar. Umuman, tebigatda adama iň ýakyn zat agaç bolupdyr. Ilkidurmuş adamlary agaçlarda bir güýjüň, gudratyň bardygyna ynanypdyrlar.

16 Dekabr 2024

Ruhy baýlygyň gymmatly hazynasy

Beýik akyldar şahyrymyz Magtymguly Pyragynyň: «Sözlär bolsaň, söz aslyna ýet ýagşy» diýip belleýşi ýaly, her bir zadyň aslyna, düýp-teýkaryna, köküne ýetmeseň, şol zat hakynda belli bir netijä gelip bolmaýar. Halkymyzyň arasynda toý-märekede, üýşmeleňde ýaşulularyň ýaş ýigdekçelere ümläp: «How, inim, ýüzüň tanyş weli, bi, kimlerden bolarsyň sen?» diýäýmeleri bar. Jogaby eşidibem: «Hä-ä, şeýledirem öýtdüm-le, tüweleme, ot ýaly oglan, aslyňa çekipsiň-dä» diýerler. Munuň özi her bagyň miwesiniň özünden daşa düşmeýändigini tekrarlamakdyr. Şu jähetden alnanda, türkmen halkynyň Milli Lideri Gahryman Arkadagymyzyň «Hakyda göwheri» atly täze kitaby hem köküni dury gözbaşdan alyp gaýdýar. Bu bolsa hakydalara göwher hakykat bolup dolýar. Milli Liderimiziň täze kitabynyň birinji babynyň «Taryh şu ýerden başlanýar» diýen bölüm bilen başlamagynyň özünde aýratyn many-mazmun bar. Onuň şeýledigini bu babyň başyndaky: «Adamzat taryhyna mahsus islendik ösüşiň gözbaşy hem, çürbaşy hem ynsanlar bilen bagly. Beýik ynsanlar beýik halky, beýik halklar bolsa beýik taryhy döredýärler» diýen jümleler aýan edýär. Gahryman Arkadagymyz bu kitabynda türkmen taryhy barada täzeçil ylmy garaýyşlaryny beýan edýär. «Hakyda göwheri» — milli buýsanjymyzyň, şeýle hem geljege bolan ynamymyzyň mizemez binýady bolup, bizi türkmeniň şöhratly taryhyna syýahata äkidýär. Eýsem, ilkinji ekerançylyk medeniýeti bolan

16 Dekabr 2024

Lebapda Täze ýyl arçasynyň yşyklary ýakyldy

«Pähim-paýhas ummany Magtymguly Pyragy» ýyly diýen şygar astynda geçýän üstümizdäki ýylymyz tamamlanyp barýar. Häzirki günlerde ýurdumyzyň çar künjeginde bolşy ýaly, Lebap ilinde-de Täze, 2025-nji ýyly garşylamaklyga uludan taýýarlyk görülýär.

16 Dekabr 2024

‹
1
2
...
19
20
21
22
23
24
25
...
1413
1414
›