"Mugallymlar gazeti" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-53, 39-96-41, 39-96-40
Email: mugallymlar-gazeti@sanly.tm

Gazeti PDF görnüşinde ýükläp almak

Habarlar

Akyldara çuňňur sarpa

«Türkmenistan Sport», № 2 (22), 2024 Hal­ky­my­zyň köp asyr­lyk ta­ry­hy­nyň do­wa­myn­da dö­re­den baý ru­hy mi­ra­sy dün­ýä­niň umu­ma­dam­zat gym­mat­lyk­la­ry­nyň ha­ta­ryn­da ýo­ka­ry or­ny eýe­le­ýär. Mer­da­na pe­der­le­ri­miz ah­lak kä­mil­li­gi­niň ýo­lun­da uly de­re­je­le­re ýe­tip­dir­ler. Öz­le­ri­niň öl­mez-ýit­mez ta­ry­hy yz­la­ry bi­len adam­zat kalp­la­ryn­da ýag­şy ýat­la­ma­la­ry, nus­ga­lyk ýo­ly gal­dy­ryp­dyr­lar. Biz bu gün Ar­ka­dag­ly Gah­ry­man Ser­da­ry­my­zyň ýol­baş­çy­ly­gyn­da, yn­san­la­ryň iç­ki dün­ýä­si­ne gö­zel­lik nu­ry­ny çaý­ýan, yn­san­lyk mer­te­be­si­ni beý­geld­ýän me­de­ni mi­ra­sy­my­zy, ru­hy gym­mat­lyk­la­ry­my­zy di­keld­ýä­ris.

27 Iýun 2024

Garaşsyzlyk

Dost-doganlyk ýörelgesi

«Türkmenistan Sport», № 2 (22), 2024 Mag­tym­gu­ly Py­ra­gy öz eser­le­ri bi­len ede­bi mi­ra­sy­my­za we dün­ýä ede­bi­ýa­ty­nyň al­tyn ha­zy­na­sy­na gym­mat­ly go­şant go­şan türk­men hal­ky­nyň be­ýik da­na­sy hem-de mil­li buý­san­jy­dyr. Gah­ry­man Ar­ka­da­gy­my­zyň bel­leý­şi ýa­ly, akyl­dar şa­hy­ry­my­zyň umu­ma­dam­zat gym­mat­ly­gy­na öw­rü­len pi­kir-ga­ra­ýyş­la­ry, wa­tan­sö­ýü­ji­lik, yn­san­per­wer­lik, ah­lak aras­sa­ly­gy ha­kyn­da­ky öwüt-ün­dew­le­ri hal­ky­my­zyň dur­muş ýö­rel­ge­si we pel­se­pe­si­dir. Be­ýik şa­hy­ryň asyr­lar aşyp, bi­ziň döw­rü­mi­ze ge­lip ýe­ten kö­pö­wüş­gin­li şy­gyr­la­ry, ene top­ra­gy, ata Wa­ta­ny ýü­rek­den söý­mä­ge we yn­san­per­wer­li­ge ça­gy­ryş­la­ry, pa­ra­sat­ly sar­gyt­la­ry bü­tin adam­za­dyň ru­hy gym­mat­ly­gy­na öw­rül­di. Şo­ňa gö­rä-de, türk­men hem-de Gün­do­gar ede­bi­ýa­ty­nyň ga­za­nan baý tej­ri­be­si­ni özün­de jem­le­ýän Mag­tym­gu­ly­nyň çe­per dö­re­di­ji­li­gi dün­ýä­niň yl­my jem­gy­ýet­çi­li­gi ta­ra­pyn­dan öw­re­nil­ýär, da­şa­ry ýurt­ly alym­la­ryň üns mer­ke­zin­de dur­ýar.

27 Iýun 2024

Garaşsyzlyk

Adam bolsaň, gulak goýgul öwüde...

«Türkmenistan Sport», № 2 (22), 2024 Şa­hy­ryň dö­re­di­ji­li­gi­niň esa­syn­da adam ha­kyn­da­ky tag­ly­mat uly orun eýe­le­ýär. Şo­nuň bi­len bag­ly­lyk­da, şa­hy­ryň dö­re­di­ji­lik dün­ýä­si tu­tuş­ly­gy­na ada­ma, adam­za­da gö­nük­di­ri­len pi­kir­ler­de açyl­ýar. «De­la­lat ýag­şy» şyg­ryn­da:

27 Iýun 2024

Garaşsyzlyk

Fotožurnalistikanyň möhüm žanry

«Türkmenistan Sport», № 2 (22), 2024 Häzirki wagtda fo­to­re­por­taž bi­len di­ňe bir pro­fes­sio­nal fo­to­re­port­ýor­lar meş­gul­lan­ma­ýar­lar. Eý­sem, elin­de san­ly (sif­ro­woý) ka­me­ra­sy bo­lan is­len­dik ada­myň «pur­sat tu­tup bil­mek» we esa­sy wa­ka­nyň mer­ke­zin­den su­rat al­mak müm­kin­çi­li­gi bar­dyr. Fo­to­re­por­taž hä­zir­ki wagt­da bi­ziň gün­de­lik dur­mu­şy­myz­da giň­den ula­nyl­ýar. Iň ýö­ne­keý­je my­sa­ly hök­mün­de sy­ýa­hat edi­len­de, ge­ze­len­je gi­di­len­de, şü­we­leň­ler­de dü­şü­ril­ýän er­kin su­rat­la­ry al­mak bo­lar.

27 Iýun 2024

Garaşsyzlyk

Täzelikler

Türkmenabat galla önümleri kärhanasynda şu ýylyň ýanwar—maý aýlarynyň meýilnamasy artygy bilen ýerine ýetirildi. Kärhana boýunça 49 million 893 müň 22 manatlyk iş edildi. Bu bolsa bellenilen meýilnamadan 2 million 927 müň 940 manatlyk köpdür. Has takygy, geçen bäş aýda kärhana boýunça bugdaýy gaýtadan işlemegiň netijesinde unuň 19 müň 831 tonnasy öndürilip, 101 göterim ösüş depgini gazanyldy. Şonuň 6 müň 574 tonnasy ýokary hilli, 13 müň 257 tonnasy bolsa birinji hilli undur. Şeýle-de bu döwürde kepegiň 6 müň 18 tonnasy, manny ýarmasynyň hem 55 tonnasy öndürildi. Kärhanada häzirki wagtda täze galla hasylyny kabul etmek işleri gyzgalaňly alnyp barylýar.

26 Iýun 2024

Garaşsyzlyk

Ykbalyň uly peşgeşi

Türkmen halkynyň Milli Lideri Gahryman Arkadagymyzyň düýbüni mäkäm tutan öňdengörüjilikli döwlet syýasatynyň netijesinde ýurdumyzda hususy ulgamyň işleriniň ilerlemegi ugrunda tutumly özgertmeler amala aşyrylýar. Ata Watanymyzyň ykdysadyýetiniň kuwwatlanmagyna hususyýetçileriň hem goşandynyň uly boljakdygyna ynam bildiren Gahryman Arkadagymyz bu pudagyň ösüşini aýratyn üns merkezinde saklady. Ýaş telekeçileri ählitaraplaýyn goldamak işleri döwlet syýasatynyň özenini düzdi. Öz hususy önümçiliklerini açmagy meýilleşdirýän telekeçilere uly möçberde ýeňillikli karz pul serişdeleri goýberildi. Bu bolsa hususyýetçileriň öz maksatlaryny amala aşyrmaklaryna uly goltgy boldy. Döwletimiz tarapyndan goldanylýan, Gahryman Arkadagymyzyň ynam bildiren telekeçileri bu günki gün tutuş ykdysadyýetimiziň ösüşlerine uly goşant goşýarlar.

26 Iýun 2024

Garaşsyzlyk

Ýere gaçan nan owuntygy

Ýaşap ýörseň, näme, işleriň gyssaglydan gyssaglysam çykaýýar. Ine, bir günem halys «Ýer gaty-da, gök yrak» bolansoň, ir ertirden giç agşama çenli ylgaşlap sütüni süýnen çopany ýola ataranlar. — Lütüň çykandygynam bilýäs. Ýöne, gaýrat et-de, Inergaýdyranyň ileri gapdalyndaky Hojatapmaza gyssagly ýetip gaýt. Ýol uzakdyr. Öňüňem gije. «Garbanmaga-da goýmadylar» diýme. Ine, süýtli külçe. Aslyýetind-ä, ulagyň beýlekiň üstünde çörek iýmek halanýanam-a däldir welin, wakybalrak borsuň-da. Bar, sag-aman ýetip gaýt.

26 Iýun 2024

Garaşsyzlyk

Watanymyzyň we halkymyzyň abadançylygy ugrunda

Garaşsyz, hemişelik Bitarap Türkmenistan döwletimizi ösüşleriň hem rowaçlyklaryň ýoly bilen öňe alyp barýan hormatly Prezidentimiz: «Berkarar döwletiň täze eýýamynyň Galkynyşy döwründe biziň öňde goýan ägirt uly wezipelerimiziň baş maksady Watanymyzyň we halkymyzyň abadançylygyny üpjün etmekden ybaratdyr» diýip nygtaýar. Häzirki wagtda ýurdumyzda ähli ugurlarda ýetilýän belent sepgitler, halkyň ýaşaýyş-durmuş derejesiniň günbe-günden ýokarlanmagy şol wezipeleriň üstünlikli amala aşyrylýandygynyň güwäsidir. Arkadagly Gahryman Serdarymyzyň parasatly daşary we içeri syýasatynyň netijesinde bu günki gün eziz Diýarymyz ykdysady taýdan kuwwatly ýurt hökmünde dünýäde meşhurlyk gazandy. Täze taryhy eýýamda ýakyn we uzak geljegi nazarlaýan maksatnamalara, giň gerimli taslamalara badalga berilmegi ösüşleriň hem rowaçlyklaryň dowamat-dowam boljakdygynyň kepilidir. «Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasyny», «Türkmenistanyň Prezidentiniň ýurdumyzy 2022 — 2028-nji ýyllarda durmuş-ykdysady taýdan ösdürmegiň Maksatnamasyny» munuň aýdyň subutnamalary hökmünde görkezmek bolar. Halkyň bagtyýar durmuşyny üpjün etmäge gönükdirilen şu we beýleki maksatnamalarda göz öňünde tutulýan wezipeleriň durmuşa geçirilmegine goşant goşmak biziň her birimiziň borjumyzdyr.

26 Iýun 2024

Garaşsyzlyk

Türkmen dünýäsiniň baýlyk-bary Sen, Söýüp, söýenmäge Arkadagy Sen!

Türkmenistanyň Prezidentiniň «Türkmeniň Altyn asyry» atly bäsleşigine Türkmenistanyň Gahrymany, halypa şahyr Gözel Şagulyýewa bu ajaýyp setirleri ýazanda müň keren mamla. Sebäbi Garaşsyz, baky Bitarap Türkmenistan döwletimiziň ösüşiň täze ýoluna düşmegi, ägirt uly ösüşlere eýe bolmagy we halkara abraýynyň belende göterilmegi türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň taýsyz tagallalarynyň miwesidir. Milli Liderimiziň öz ata Watanyna, mähriban halkyna bolan egsilmez söýgüsi, öňdengörüjilige esaslanýan çuňňur pähim-paýhasy düýpgöter täze zamananyň binýadyny goýdy. Bu döwri-döwran, sowulmaz ýaz türkmeniň aýdyň ertä, has-da röwşen geljege ýol salan baky bagtynyň binýadydyr.

26 Iýun 2024

Garaşsyzlyk

Türkmeniň taryhynyň we şu gününiň beýany

Garaşsyz ýurdumyzda türkmen halkynyň taryhyny, medeni mirasyny goramak, olary aýawly saklap, geljek nesillere ýetirmek, muzeýleşdirmek işleri üstünlikli amala aşyrylýar. Bu işlere muzeýimiziň hünärmenleri hem öz saldamly goşandyny goşýarlar. Muzeýimiziň etnografiýa bölüminde halkymyzyň, aýratyn-da kenarýaka türkmenleriň baý maddy we ruhy medeniýeti barada giňişleýin gürrüň berýän muzeý esbaplarynyň ençemesi sergilenýär. Olaryň arasynda türkmen zenanlarynyň dokan haly, palas önümleri, dürli ölçegdäki owadan keçeler bar.    Sergi otagynyň ep-esli ýerini tutup duran, ähli zerur esbaplar bilen gelşikli bezelen türkmeniň ak öýi muzeýe gelýänleriň bada-bat ünsüni özüne çekýär. Çünki durmuşyny gözellikler bilen baglan halkymyz elini degren zadyny sungata öwürmäge çalyşýar. Geçmişde türkmeniň gurnama ak öýleriniň süňňüni düzmek ýigitleriň paýyna düşen bolsa, onuň içki we daşky bezegini gelin-gyzlar  özleriniň on barmagynyň hünäri bilen ussatlarça ýerine ýetiripdirler. Köp sanly çitme we kakma önümleriniň ak öýleriň bezeginde hem-de hojalykda hyzmaty diýseň uly bolupdyr. Meselem, ak öýüň gapysyna ýapylyp ulanylan gapy kilimi öýüň içini yssydan, sowukdan, ýel-ýagmyrdan we tozandan gorapdyr. Öýi gurmakda peýdalanylýan düzgün ýüpi, öýüň daşky keşbine bezeg we söýeg bolup hyzmat edýän gülli ýüpi hem kakmada dokalyp taýýarlanypdyr. Gadymdan bäri öýüň içki bezegi, şonuň ý

26 Iýun 2024

Garaşsyzlyk

Täzelikler

Mekdep okuwçylarynyň tomusky dynç alyş möwsümini has-da gyzykly, täsirli geçirmeklerini gazanmak maksady bilen Halaç etrap çagalar we ýetginjekler döredijilik öýi tarapyndan giň gerimli işler guralýar. Bu bilim ojagynyň ýanyndaky halyçylyk gurnagyna ýaşlaryň 50-ä golaýy gatnaýar. Tejribeli gurnak ýolbaşçysy Hatyja Şirowa gurnak agzalaryna türkmen halyçylyk sungatynyň döreýiş taryhy, haly gölleriniň we nagyşlarynyň aýratynlyklary barada gyzykly gürrüň berýär. Şeýle hem ýaşlara haly dokamagyň inçe tärlerini öwredýär. Hatyja Şirowanyň şägirtleri dürli bäsleşiklere hem gatnaşdyrylýar. Ýaňy-ýakynda gurnak agzasy Leýli Rüstemowa «El hünäri — il gezer» atly bäsleşigiň welaýat tapgyrynda birinji orny eýeläp, baş baýraga mynasyp boldy. Ol şu bäsleşigiň döwlet tapgyrynda bolsa höweslendiriji baýrak bilen sylaglanyldy. Halyçylyk gurnagyna gatnaýan ýaşlaryň her güni şeýle täsirli pursatlara beslenýär.

26 Iýun 2024

Garaşsyzlyk

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Türkmenistanyň Dokma senagaty ministrliginiň “Dokmaçylar” medeni merkeziniň açylyş dabarasyndaky ÇYKYŞY

Hormatly dabara gatnaşyjуlar!Gadyrly medeniýet we sungat işgärleri! Biz şu gün Medeniýet we sungat işgärleriniň hem-de Magtymguly Pyragynyň şygryýet güni, şeýle hem şahyryň doglan gününiň 300 ýyllygy mynasybetli Türkmenistanyň Dokma senagaty ministrliginiň «Dokmaçylar» medeni merkeziniň döwrebap binasynyň açylyş dabarasyna gatnaşýarys. Bu şatlykly waka Arkadag şäherinde geçirilýän Medeniýet hepdeliginiň dabaralary bilen utgaşyp geldi. Bu merkez geljekde türkmen medeniýetini we sungatyny ösdürmekde, dünýä tanatmakda möhüm ähmiýete eýe bolar.

26 Iýun 2024

Garaşsyzlyk

Türkmen halkynyň Milli Lideri, Türkmenistanyň Halk Maslahatynyň Başlygy Birleşen Arap Emirlikleriniň ykdysadyýet ministri bilen duşuşdy

25-nji iýunda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň ýurdumyza iş sapary bilen gelen Birleşen Arap Emirlikleriniň ykdysadyýet ministri Abdulla bin Tuk Al-Marri bilen geçiren duşuşygynda özara bähbitli hyzmatdaşlygy ösdürmegiň geljegine degişli meseleler ara alnyp maslahatlaşyldy. Duşuşygyň dowamynda döwletara gatnaşyklaryň köpugurly we uzak möhletleýin häsiýete eýedigi nygtaldy. Bu gatnaşyklar özara hormat goýmak we birek-birege goldaw bermek esasynda yzygiderli ösdürilýär. Şunuň bilen birlikde, däp bolan gatnaşyklar özara düşünişmegiň we ýakyn hyzmatdaşlygyň ýokary derejesi bilen tapawutlanýar.

26 Iýun 2024

Garaşsyzlyk

Türkmen halkynyň Milli Lideri, Türkmenistanyň Halk Maslahatynyň Başlygy Pakistan Yslam Respublikasynyň senagat we önümçilik boýunça federal ministri bilen duşuşdy

25-nji iýunda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Pakistan Yslam Respublikasynyň senagat we önümçilik boýunça federal ministri Rana Tanwir Hussain bilen duşuşdy. Duşuşykda däp bolan dostlukly döwletara gatnaşyklary mundan beýläk-de ösdürmegiň geljegi gyzyklanma bildirilip ara alnyp maslahatlaşyldy. Duşuşygyň dowamynda Gahryman Arkadagymyz we myhman ikitaraplaýyn hyzmatdaşlygyň möhüm meseleleri boýunça pikir alyşdylar. Söwda-ykdysady ulgam hyzmatdaşlygyň esasy ugurlarynyň biri bolup durýar. Sebitde bilelikdäki energetika we kommunikasiýa taslamalarynyň durmuşa geçirilişine, hususan-da, Türkmenistan — Owganystan — Pakistan — Hindistan transmilli gaz geçirijisiniň gurluşygyna aýratyn üns berildi. Şunuň bilen birlikde, Türkmenistan — Owganystan — Pakistan ugry boýunça optiki-süýümli aragatnaşyk ulgamynyň we elektrik geçirijisiniň taslamalary uly ähmiýete eýedir. Bu iri düzümleýin taslamalaryň üstünlikli amala aşyrylmagynyň tutuş sebiti durmuş-ykdysady taýdan yzygiderli ösdürmäge itergi berjekdigine hem-de parahatçylygyň we durnukly ösüşiň möhüm şertine öwrüljekdigine ynam bildirildi. Şunda Türkmenistanyň öz tarapyndan özara bähbitli döwletara hyzmatdaşlygy ösdürmäge gönükdirilen anyk teklipleriň ilerledilmegini goldamaga taýýardygy nygtaldy.

26 Iýun 2024

Garaşsyzlyk

Ak ýollaryň aýlawy dowamata rowandyr

Bu gün eziz Watanymyzyň halkara abraýyny, dürli ugurlarda gazanylýan üstünlikleri, gurlan we gurulýan täze desgalary, ösen durmuş ulgamy, täze galkynyşa eýe bolan medeniýet ulgamy, üstünlikli bilim özgertmeleri... ýaly islendik ugurlara ser salanyňda, Gahryman Arkadagymyzyň durmuşa geçiren beýik özgertmeleri, ýurdumyzyň gülläp ösmegi, halkymyzyň abadançylygy ugrunda alyp baran işlerine göz ýetirýärsiň. Taryhda yz galdyrjak nusgalyk işleri bitirip, halkyň ynamyna mynasyp bolmak, oňyn başlangyçlar bilen halkara giňişligine çykyp, dünýä halklarynyň arasynda tanalmak, döredijilik ýoluny gurmak beýik Şahsyýetlere başardýar. Olar öz halkynyň beýik Ogly bolup, taryha girýär. Türkmen halkynyň Milli Lideri, Türkmenistanyň Gahrymany, Türkmenistanyň Hormatly il ýaşulusy Gurbanguly Berdimuhamedow öz ylmy işleri we çeper eserleri, reformatorçylyk ukyby, maksada okgunly häsiýeti, watanperwerligi, sahawatlylyk ýörelgeleri bilen halkyň uly ynamyny, söýgüsini gazandy. Gahryman Arkadagymyzyň badalga beren «Döwlet adam üçindir!» diýen ýörelgesi döwlet syýasatynyň baş ugruna öwrülip, bu gün durmuşyň ähli ugurlarynda şöhlelenýär. Milli Liderimiziň özgertmeler syýasaty ägirt uly ykdysady kuwwaty bolan ýurdumyzyň, baý medeni we aýawly saklanýan mirasy bolan halkymyzyň tutuş dünýäde ýokary baha we ykrarnamasyna eýe bolmagyny üpjün etdi.

25 Iýun 2024

Garaşsyzlyk

Beýik akyldara belent sarpa

Bagtyýar türkmen halky bu gün beýik akyldar şahyry Magtymguly Pyragynyň arzuwlan zamanasynda ýaşamak bilen, söz ussadynyň döredijiligine, edebi mirasyna uly sarpa goýýar. Beýik akyldaryň giň mazmunly, çuň manyly şygryýetiniň gymmaty günsaýyn ýokarlanýar, syrly pikirleri bolsa dünýä alymlarynyň ünsüni özüne çekýär. Şahyryň döredijiliginde watançylyk, gahrymançylyk, söýgi temalary eriş-argaç bolup geçýär. Ol şygyrlarynda ähli güýjüň, kuwwatyň, abraýyň iliňe, ýurduňa edýän hyzmatyňa baglydygyny yzygiderli nygtaýar. Akyldar şahyryň köptaraply döredijiliginde alymlar, ylym-bilim hakynda hem çuňňur pelsepäni görmek bolýar. Bu bolsa ýaş nesillere ylym-bilim öwretmekde, olaryň kämil şahsyýetler bolup ýetişmeklerinde bahasyna ýetip bolmajak nesihatdyr.

24 Iýun 2024

Garaşsyzlyk

Ýatkeşligi terbiýelemek hakynda

«7/24. tm» №26 (213), 24.06.2024 Ýatkeşlik — psihikanyň iň möhüm wezipeleriniň biri. Ol tejribe toplamaga, geçmişe we şu güne dolanmaga mümkinçilik berýär.

24 Iýun 2024

Garaşsyzlyk

Akyldar şahyryň döredijiliginde adalatlylyk taglymaty

Akyldaryň şygyrlary ýaşaýşyň gözbaşyndan başlap, şu günümize, hatda geljege düşünmekde hem gymmatly çeşme bolup durýar. «Pähim-paýhas ummany Magtymguly Pyragy» diýlip atlandyrylan bu ýylda sarpasy belent tutulyp dünýä derejesinde abraýy arşa galan türkmen şahyry Magtymguly Pyragynyň doglan gününiň 300 ýyllygynyň bellenilmegi bolsa onuň dünýä halklary tarapyndan beýik akyldar şahyr hökmünde ykrar edilmeginiň subutnamasy boldy. Magtymguly Pyragynyň döredijiligi adam durmuşynyň her bir pursadyny açyp görkezmekde iňňän ähmiýetli terbiýe beriji ensiklopediýa bolup hyzmat edýär. Şahyryň ýaşan döwründäki we ondan soňky dörän edebiýatymyzyň görnükli wekilleri hem şahyryň döredijiliginiň ugurlaryny dowam etdiripdirler. Şol nukdaýnazardan hem, Magtymguly Pyragyny türkmen şahyrlarynyň köpüsiniň halypasy diýsek ýalňyşmarys. Sebäbi onuň pelsepewi garaýyşlary döwürdeş şahyrlaryň we ondan soňky edebiýat wekilleriniň döredijiligine hem täsir edipdir.

23 Iýun 2024

Garaşsyzlyk

Ýaş nesil hakda alada — abadan geljegiň binýady

Halkymyz çaganyň milli hem ruhy gymmatlyklardan gözbaş alýan däp-dessurlar esasynda terbiýelenmegine aýratyn ähmiýet berip, ony asyrlarboýy kämilleşdiripdir. Döwürleriň we durmuşyň synagyndan geçen gadymy däpler esasynda çagalara bolan garaýşyň milli edep-ahlak mekdebini döredipdirler. Çagada ýaşlykdan zähmet endiklerini kemala getirmekde, olarda edeplilik, lebzihalallyk ýaly ahlak sypatlaryny terbiýelemekde binýatlaýyn ýörelgeler hyzmat edipdir. Ata-babalarymyz çagalara irki ösüş döwründen zähmet çekmegi, hünäre hormat goýmagy öwredip, zähmete bolan söýgini şol döwürdäki milli oýunlaryň üsti bilen döretmegi başarypdyrlar. Çünki çaga üçin oýunlar özboluşly täsirli, terbiýeçilik ähmiýetli mekdep bolupdyr. Mysal üçin, palçykdan dürli şekiljikleri ýasamak ýaly oýunlara güýmenmekleri çagalarda irki döwürden döredijilige ukyby, zähmetsöýerligi we agzybirligi terbiýeläpdir. Olar ulaldygyça-da, kem-kemden maşgala zähmetine çekilip, guşlara, mallara seretmek ýaly ýumuşlar arkaly, zähmet endikleri kemala getirilipdir. Şeýlelikde, zähmetiň bar ýerinde berekediň, agzybirligiň bolýandygyny aňlaryna berk siňdirmek bilen, «Çekseň zähmet, ýagar rehnet», «Hünärli zor, hünärsiz hor», «Işleseň, il tanar», «Bir okana bar, birem — dokana» diýen ýaly pähimlerden ugur almagy öwredipdirler.

22 Iýun 2024

Garaşsyzlyk

ARKADAG ŞÄHERI — BAGTYŇ ŞÄHERI

Gahryman Arkadagymyzyň başyny başlan asylly işleri hormatly Prezidentimiziň baştutanlygynda üstünlikli dowam etdirilýär. Şonuň netijesinde, ýurdumyzda giň möçberli özgertmeler amala aşyrylýar. Ýurdumyz gülläp ösýär. Oba-şäherlerimiziň keşbi tanalmaz derejede özgerýär. Paýtagtymyz Aşgabady görmäge göz gerek. Sebitde deňi-taýy bolmadyk «akylly» şäheriň — Arkadag şäheriniň döremegi türkmen topragynda durmuşyň haýran galdyryjy derejede öňe gidýändiginiň, guwandyryjy ösüşlerimiziň aýdyň güwäsidir. Milli Liderimiz Arkadag şäherine iş saparlaryny yzygiderli amala aşyrýar. Bu ýerde şäheriň gurluşygynyň ikinji tapgyrynda bina edilmegi meýilleşdirilýän dürli maksatly desgalaryň taslamalary, binalaryň bezeg aýratynlyklaryna degişli serişdeler, önümçilik desgalarynyň gurluşygy boýunça alnyp barylýan işler bilen tanyşýar. Degişli ýolbaşçylaryň gatnaşmagynda iş maslahatlaryny geçirýär. Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň işini mundan beýläk-de kämilleşdirmek boýunça möhüm başlangyçlary öňe sürýär. Arkadag şäheriniň gurluşygynyň ikinji tapgyrynda, esasan, önümçilik toplumlarynyň bina ediljekdigine görä, şu ugra häzirki zaman ylmynyň gazananlarynyň gönükdirilmelidigini ýatladýar. Binagärlik keşbiniň sazlaşyklylygy, ekologik derejäniň üpjün edilmegi Arkadag şäheriniň gurluşygynda örän möhüm wezipeleriň hata

22 Iýun 2024

Garaşsyzlyk