Türkmen haryt öndürijileriniň eksport kuwwatyny artdyrmak, milli önümlerimiziň daşary ýurtlardan getirilýän harytlar bilen bäsdeşlige ukyplylygyny, hiliniň we gaplarynyň ýokary derejede taýýarlanmagyny üpjün etmek ugrunda ýurdumyzda birnäçe ähmiýetli işler durmuşa geçirilýär. Sergilerde ýa-da söwda merkezlerinde milli önümlerimizi görenimizde, olaryň dolanyşygynda Türkmenistanyň çyzykly şertli belgiler boýunça milli guramasynyň hem goşandynyň bardygyny görmek örän ýakymly. Onuň alyp barýan işleri barada ildeşlerimizi habarly etmek maksady bilen, habarçymyz bu guramanyň Çyzykly belgi hyzmatlary jemgyýetçilik birleşiginiň kärhanasynyň direktory Baýramguly Amanow bilen söhbetdeş boldy.
— Söhbetdeşligimiziň başyny guramaňyzyň işe başlan döwürlerinden başlaýsaňyz.
