BIR TÜŇÇE ÇAÝ...
Orun berdi pelek hütdük tünekden,
Undulan künjekden,
çölüň üstünden.
Çökmedim,
suw çekdim,
köp-köp gül ekdim,
Bag döretdim,
çekdim köpüň ünsün men.
Gonak boldy öten-geçen teşneler,
Hydyr, meger,
düşledi bir goja-da.
(Süňksüz barmak, ýaşyl dony keşdeli)
Suw sorady,
tüňçäm goýup ojara,
Ýagny gor-közüne gara sazagyň,
Çaý gaýnadyp,
öňne goýdum ýaşulyň.
Ol gök çaýdan gandy, garaz, mazaly,
Uzyn bolmagyny diläp ýaşymyň,
Alkyş baryn aýdyp, golumy gysdy,
Duýuldy gojanyň bolany monça.
Hut atlaryn sorap ogul-gyzymyň,
Döwlet dileg etdi hol daga o:nça.
Ýagny on esse köp Köpetdagdanam.
Diňe çöl däl, gözlem nemlenip gitdi.
Şunça genç eçilip, kömek dandaman,
Ýene bir tüňçe çaý demlenip gitdi...
