Gyrgyzystanyň Ministrler Kabineti ýurduň Merkezi Aziýa bilen Pars aýlagynyň arasynda ulag geçelgesiniň döredilmegini göz öňünde tutýan Aşgabat ylalaşygyna goşulmagy baradaky karary tassyklady. Bu barada «Tazabek» habar berdi.
Habarda bellenilişi ýaly, ylalaşyga goşulmagyň maksady ulag hyzmatdaşlygyny ösdürmek we şertnama gatnaşýan ýurtlaryň üsti bilen harytlaryň üstaşyr geçmegini ýeňilleşdirmekden ybaratdyr. Gyrgyz Respublikasynyň Ulag we aragatnaşyk ministrligi bu ylalaşygyň ýurtda durmuşa geçirilmegi boýunça jogapkär hökmünde bellenildi.
