Şu gün Aşgabatda «Kids Ekspo: ähli zat çagalar üçin» atly halkara sergi ýarmarkasy öz işine başlady. 22-nji awgusta çenli dowam etjek çäre «Garagum» myhmanhanasynyň ýanyndaky çäkde wagtlaýyn sergi meýdançasynda geçýär.
Halkara sergi-ýarmarkasynyň 1-nji sentýabrda bellenip geçiljek Bilimler we talyp ýaşlar gününiň öňüsyrasynda guralýandygyny bellemelidiris. Onuň diňe bir çagalar üçin däl, eýsem, mekdep okuwçylary, talyp ýaşlar, mugallymlar, umuman, bilim ulgamynda zähmet çekýän her bir adam, ene-ata üçin gyzykly söwda çäresine öwrüljekdigi ikuçsuzdyr.
