Röwşen geljegimiziň eýeleri bolan çagalar hakda ýurdumyzda köp aladalar edilýär. Körpe nesliň bilimli-terbiýeli, Watana, il-günümize wepaly adamlar bolup ýetişmegi ugrundaky tagallalar çagalar baglarynyň işgärlerini has-da begendirýär.
Ýaş nesil hakda edilýän tagallalar çagalar baglarynda alnyp barylýan işlerde öz beýanyny tapýar. Bu gün çagalar baglarynda körpeler uly mähir we alada bilen gurşalýar. Olara döwrebap sowat öwredilýär, watansöýüjilik ruhunda terbiýelenmeginde üstünlikli işler amala aşyrylýar.
